Comments on: Who are the Mizos?

By: tka

tka — Mon, 01 Oct 2007 08:27:08 +0000

Kan nihna chu kan thlahtute atangin a ni dawn lawm ni? Boundary tih vel mai mai hi chu siam chawp a nia! Chuvangin, a pawm tlak loh! Kan nihna chu kan thlahtute atangin a ni tur a ni! Vai pakhat pu Singh-a an tih pawh kha Mizoram a awm avangin Mizo a ni ringawt dawn em ni? Chutiang bawkin Mizo tamtak phaiah an awm tawh a, vai an ni tawh tihna em mi ni ang? Kan Mizo zaithiam leh lar em em Daduhi te kha an chhungin UK ah an pem a, BRITISH an ni tawh tihna emi?

By: thlifim

thlifim — Sun, 30 Sep 2007 16:35:25 +0000

Mizo leh Mizo lo chu chi 2-in ngaihdan sawi a ngai ka ti.

1. Min thlahtu te atangin
2. Mizoram mi nihna atangin

Min thlahtute atanga han chhui chuan Mizo chu India hnuaia kan pi pu te an awm hnu a lo lang chauh a ni. Chuvangin Burma rama Chin ti a kan sawi te hi Mizo kan ti dawn nge dawn lo tih zawhna a awm phawt. Chin nge Mizo ti a kohna hi hostoric takin awm hmasa ti ila Chin state a awm te hi Zohnahthlak an nilo kan ti phal dawn si lo.

Mizoram mi nihna atanga sawi dawn chuan Singapore mi nihna nen hian khaikhin ta ila a awm angin ka hria. Singapore chu a tlangpuiin Malay, Chinese leh Indian (Tamil) ho ten ram an din chhuah a ni a. Tute nge Singaporean ti i la an rama tun hma atanga awm ho leh an thlah zel te sawina a ni a, an rama Permanent Resident hmu eng ang mi pawh hi Citizenship dil sela Singaporean an ni mai. Hetiang zawnga Mizo nihna hi chhanna ni dawn sela khawchhak a kan chipui leh unau te khi kan thlah phal awm lo ve…

Chuvangin Mizoram a mi pawh ni se, Chin state a mi pawh ni se, Chittagong lam a mi pawh ni se, Manipur a mi pawh ni se, tun hmain kan lo awm khawm dan leh Kawl emaw Vai emaw awmna hnuaia awm ngai lo, mahni a thlamuang taka lo khawsa kan nihna Common Identity hi ram leh hnam kan nihna pawimawh tak a ni reng a ni..

By: lyana

lyana — Thu, 27 Sep 2007 16:31:06 +0000

Mizo tih hian Zo hnahthlak zawng zawng hi a huam vek a ni, mahse awze mi deuh hi chuan an pawm vak lo. Sailo lal ho khan min lo awp fai vek sela tawng khat chiah kan hmang anga kan buai kan buai lo tur. Awze ho hian feeling an nei tlat thin a lawm le, kei ni duhlian tawng hmang ho hian kan chhaih nawmnah leh lutuk thin bawk si a, awze ho hi fiam an dawl lo ropui si a, a taka insuihkhawm leh chu a theih dan a awm a nih mahna le mahse tuman insuihkhawm leh hi an duh tawh lova an tum bawkin ka ring lo ZORO ho hian an dul tih puar nan mai mai thil an ti vel mai mai niin ka hmu. Meitei ho sawi takah chuan tuna israel hnma thlahtu zingah khuan mizo chithlah an tam khawp mai an ti, mizo sipai hmeltha deuh ho khan israel nula an pawl tir a chi an thlah nasa an ti a, japan ah pawh an thawn nasa mai an ti. Naga ho nen hian kan inlaichin hnai viau chuan ka ring

By: tka

tka — Mon, 17 Sep 2007 10:08:09 +0000

Ka lo hriat danah chuan Meitei ho hi chu ZO hnahthlak an ni lo. Kan tawng leh culture ah pawh in anna ka hre lo. Tuna Lamka a kan unaute nen an in chiahpiah tak avangin Meitei tawng engemaw zat an tawm ve tih mai loh chu. Chuvangin Meitei hi chu Zo hnahthlak an nih theihna tur awm ka hre lo.

Meitei Zo hnahthlak ni thei awma an sawina pakhat chiang vak lova ka lo hriat ve chu…..Hman lai khan Mizo Lal (a hming ka hre lo) leh Meitei lal hi an indo a, Meitei Lal a chak zawk avangin Mizo Lal pakhat hi a man a, Meitei ramah a hruai a, chu Mizo Lal chu pa huaisen tak a ni a, a huaisen zia Meitei Lal in a hriat chuan a fanu nen a mutdun tir ta a. Chuvangin Meitei zingah Mizo fa a awm ve ta a ni.” an ti. Chiang zawka rawn ziak thei awm ula ka duh khawp mai.

Chutiang pawh lo ni teh reng se, Meitei hi Zo Hnahthlak an ni dawn em ni???

By: hltau

hltau — Mon, 17 Sep 2007 09:02:41 +0000

“meitei ho hi zo hnahthlak an ni em ..?? ” tih hi chu a ni lo mai thei a, ‘Manipur Past & Present” tih ah khan AD 3 ah khan Manipur Lal a om a, pafa pasarih a nei a, a fate ho pem tur mal a sawmna ah chuan ,a fapa pakhat hnehah chuan i sam i zial a nga, in hmeichhiaten puan a bih ang tih a ni a, chupa chu China lamah a pem a tih a ni a, Mizo min thlah tute hi a ni thei a ngem, a zirthiam deuh te khan zir thei se, a chhan chu, naga nen hian kan tawng hi a in persan em em a, Meitei leh Manipur tribes ho nen erawh kan tawn a in zul hle a, He lehkah bu ah bawk hian, Manipur Hindu a an inleh kha, manipur history ah chuan thilng thleng pawi ber ati a ni, achhan chu case system a rawn piantir a vangin.

A Enga pawh chu ni se, Israel ho pawh an in suih khawm leh a, a ori lo deuh te pawh an in suihkhawm a, A Kal tawh te sawi dan chuan , Israel ramah chuan, chi ithliar na hi a nasa lutuk a, Russian-jews te, Africa-Jews te..etc, chuvang chuan in suihkahwm tak tak hi chu a hra anga, miin Mizo nih an duh miau loh chuan ni lo maise, ZOhnahthak ti a a lungawi chuan a tha tho a, mahni atwng hmang in khawm an duh apwhin in khawm mai se, Zohnathlak Kut te , B’lore, Chennai, Deli ah te chuan siamse an lungrual za ber ang a.

AA.. thenawmte pawh hetiang khawpui ah te chuan an in be manglo an ti ani lom ni, chuvang chuan mitin lungawi tlanna a nih chuan Zohnahthlak tih mai hi a tawk viau e..!!!

By: tka

tka — Mon, 17 Sep 2007 05:09:23 +0000

Pu Zorun,

I titha khawp mai. Ka hriatna i tihzau phahin i chungah ka lawm tak zet a ni. I ngaihdan ang chiah kha ka ngaihdan a ni e.

Thanks

By: kl_sas

kl_sas — Sun, 16 Sep 2007 16:22:25 +0000

Awiiii,
He thu bawk hi ni maw kan khel leh tak
Huizzzzzzzzz
Ka kham. A kham in ka kham.
Insuih khawm zai rel chu sawi loh
Burma Mizo, Mizoram Mizo tih vel thlengin a lawm buaina sekrek hi a awm
A pawimawh ber chu, Mizo I ni emaw, Chin I ni emaw, a enga pawh khan, kan fa hrin chhuah te hian, I Hnam tawng hi ziahthiam tir leh tawngthiam tir hi a pawimawh ta ber in ka hre ta……..
ka awmna chheh vel ah ringawt pawh hian Mizo Naupang Mizo tawng thiam lo leh chhiar chu sawi loh ziak thiam lo hi an tam tawh ltk
Hmani Mizo leh Chin combine fellowship kan neih pawh khan, kan tan hma atang khan eng tawng tak in maw conduct ang ka ti rauh rauh a, Sap tawngin an conduct deih zu han nia. chuvang chuan engtik ah mah kan insuih khawm tak tak theih pawh ka ring teh nek love a

By: ccpur_man

ccpur_man — Sun, 16 Sep 2007 10:14:57 +0000

Pu Zorun kan ngaihdan a inang e, a tlangpui thu ah. Mahse kei leh ka thiante rilrua zawhna lianber ni ta chu ” Pu Thatsavunga ngaihdan hi Mizorama kan unaute hian trawmin Meiteiho hi Zohnahthlak an ni tiin an pawm ang em ? ti hi a ni ta.

By: Zorun

Zorun — Sun, 16 Sep 2007 09:53:37 +0000

Lushai ho chauh Mizo anga kan chhiar dawn chuan Lushai hnam tak tak ni lo hi a tam zawk kan ni lawi si a, an ni pawh Mizo an nih chuan Kuki te, Paite te, Lai te pawh Mizo an ni dawn lom ni tih hi ka ngaihdan chu a ni a. Mahse a paiw ber chu Mizo tih hman tak tak a nih dawn khan, heng kan unaute hi rawn emaw hrilh emaw a ni kher lo kha a pawi ber chu a ni a. An chi leh kuang tam tak Mizo an nih laiin mi tam tak mizoah an in ngai si lo, keini lahin Mizo tawng an hman veloh avangin kan lo ngai Mizo lo ve khanglang bawk si hi a pawi ber chu a ni. Mahse, siam that theih erawh a ni ang.

He article hi ngun taka in zir chuan Captain-a hian Mizo tih a la hmanglo tih in hmu thei ang: hetah hian aw: https://zawlbuk.net/index.php?m.....mp;pid=147

By: Zorun

Zorun — Sun, 16 Sep 2007 09:39:59 +0000

Sawihona a nuam zel a, ni e, hriatdan te ngaihdan te chu thuhmun vek lo turah ngai ila. Mizo chanchinbu hmasa ber kum 1898 vela chhuak ‘Mizo leh Vai chanchin’ tih pawh Kutziak ngeiin a chhuak tawh tih chu kan hre theuh ang a. Mahse, ka han sawi zawkah chu Official thilah a ni ber zawk a. Kum 1948 ah Mizo Party a lo chhuak a, chu chu Official a Mizo tih hmanna hmasa ber a lo ni ta a. An mahni vek hian Lushai district te pawh Mizo district tiin thlak an dil a nih kha. Chuvangin a hma lam te hi chuan Mizo tih chu eng emaw chen chu lo hmang zauh zauh mah se, Zo tih hi chu an lo hmanna hriat phak loh khawpin an hmang daih tawh tih a hriat theih a. Mizo khawpui hmasa ber Selesih khua atanga an darh tan kum 1780 velah pawh Lal ropui Lallula khua chu Zopui tih a lo ni tawh a. Zopui hi Chuanghang ho khua leh awmna bik deuh a ni a. Reilo teah Ralte leh Khawhring pawhin an fin ve tih kan hmu a. Hetiang hunlai hian Mizo tih te Lushai tih te chu a la awm hauh lo tih a hriat a. British ho thuziak leh record kan hmuh reng rengah Mizo tih a awm ngai meuh lo. Lushai tih deuh vek a ni thung. Mizo dictionary siam hmasa ber Pu Thangliana kantih pawh khan heng Lushai hnam zawng zawng ho hian Zo tih hi tawngkamah an nei deuh vek avangin Zo tih hi chu an pawm thei vek a ni.. A ti a. (R.Vanlawma ziakah kan hmu.) Chuti ni suh se, Lushai ti lovin Mizo tiin min dah vek ang chu.

Chutiang zelin kum 1947 velah pawh LUshai hill atangin Burma silaiah sangkhat lai an han tang a, Lushai tiin an register vek a. Mizo tiin an register reng reng lo tih Pu C.Rokhuma ziakah kan hmu a. Mayymo sanapui ziaktu khan.

Piputen thlang an tlak hme fe tiau rala an awm lai pawhin, Zokhua, Zotung, Zophei, tih te pawh khaw hmingah an lo chawi daih tawh tih kan hria a. Chung khua chu tun thlengin a la awm a ni. Politics an han harh chho a, Lushai hill political party hmasa ber chuan Mizo Union an in ti a, an huvang a na em em a, khatih lai chuan an thusawi leh thil tih te chu mipuiin an pawm nghal zung zung mai a. An nin Mizo tih chu an tilar ta em em a. Reilo teah MNF an lo chhuak veleh a, Laldenga chuan Mizo tih chu a vawrh lar ta em em mai chauh zawk a ni. A dik chiah chuan; Mizo union hun atang tawh khan Mizo tih chuan Zohnahtlak zawng zawng an huap tir vek tih an thuchhuah hmasa berah kan hmu a. Chutiang zelin MNF te pawhin Zohnahtlakte an huam vek tih MNF hruaitute leh thil tumah kan hmu thei a ni.

Dik tak chuan Mizo Union din a nih dawn khan, an hming hmasa chu Mizo Comonal People Paty tiin an din zet a. Mizo Hnamchawm Party tihna a ni. Mahse, an ngaihtuah chian khan, Hnamchawm chauh kan huam tir chuan hun lo kal zelah a tha dawn lo tiin Mizo Union tiin an thlak leh ta tih a dintute zingami Pu R.Vanlawma chuan a sawi thin a. Record pawh kan hmu.

Ccpur zawhna chu hetiang hi niin ka hria a. Mizo tih hian vekin hre thin mah ila, tel ve lova ngaihna a awm tlat avangin Zohnahtlak tiin hming thar deuh an vuah a, hei hian Mizo, Zomi,Lai,Hmar,Mara etc. a huam tel vek thung a ni. Hla phuah thiam C.Durthanga pawhin ‘ Zohnahthlak Lanu’ tih te a lo phuah a, insuihkhawm lai hawia thuziak leh hla phuah reng rengah chuan Zohnahtlak tih tawngkam hi an hmang chho ta zel niin alang a. Hei hian min tuam thei tlang deuh niin alang.

Dik tak chuan, identity ah hian Mizo te chauh hi kan buai bik lo va. Germany te pawh hun rei tak an lo buai tawh a, hnam khat leh hnam khat an in that hmiah hmiah thin a nih kha. Mahse, hnam dang te lakah erawh an tangrual leh hmiah thung. Meitei te Zohnahtlaka ngaih chu a dik thei lo va. Tin, Tuikuk hi pawh an ni thei lo. 1890 vela Tuikuk hi chanchin ziahnaah chuan Tuikuk te hi a part of Lushai ah an tel ve lo..tih a ni a. Hei hi ZoRo document ah detail in record a awm a. Mahse, tuna Naga emaw Meitei hnam emaw a, kan ngaih Zo hnam dik tak Chiru te, Aimol tih te hi an chenna hnam lian zawk leh awptu zawkte hnam an zui ta niin a lang a, Mizo hnam dangten an tlawhpawhloh vang leh kan va uap lum loh vang a ni a. An ni lo pawh Tripura lamah hian an awm nual a ni.

Awle, a tawp nan: Tuna Mizoa lungawi em em, Fanai, Ralte,Khawhring, Hmar,Lai, Paite te hi kan chibing hming kan inchhui chuan, kan fanai pui Mizo tawng hma ve ngai lo Mizoram pawnah tam tak an awm tih kan hre chhuak ang a. Kan Hmar pui Mizo tawng hmang ve lo mi tam tak an awm tih kan hre thei bawk ang. Chutiang zelin Kan Ralte pui Mizo tawng hmang ve ngai lo tih kan hre chhuak ang a. Mizo Tawng an hman ve loh avang hian Mizo an ni ve ta lo tihna em ni? English tawng hmang zawng zawng hi english an ni hauh si lo va. Mizo-na chu Thisen ni awm tak. A then Mizo a then Mizo lo kan ni nuk mai dawn alom le. A tha dawn em ni..