Damdawi dik lo taka hman (abuse) hi Mizoram ah a awm ve kher hi chu a pawi hi ka van ti tak em vele aw. Hetiang ah hi chuan Bietnam war chanchin ka chhiar thin te kha min ti hre chhuak thin. Vietcong ho khan US sawrkar pui chuan a GI (sipai te) a duat tih a hria tin, a GI ten hlimhlawp (party) nuam an ti tih ah pawh an chiang. Chu tah le ram leh hnam tan tiin an nula te an hnen ah in phalrai in, ruihhlo ngawl an han vei tir ta tak tak a le …khawvel sawrkar ropui ber a tlawm haw diai duai mai a nih kha.
Cachar vai ho pawh hian khatiang tactic deuh kha an hmang tlat hian ka hmu thin. Damdawi ruih kan thalai ten nuam an ti tih an hria a, a damdawi tak pawh ni chiah lo a capsule chhung ah an han thun ngei mai a, khang kha kan u leh nau ten an han in chiu ta thin a nia. Hriau in tawm lo in HIV pawh kai dawn lo mahse a damdawi phauhchawp a kha ahlauhawm tawh hi ka ring hrim hrim mai keizawng. Hawh u Mizo thalai te hi thlangkawr vaingalsin te fin vervek na lak ah hian i harhchhuak tawh teh ang u khai, ka ti a ni e. A ti mek te hi duat takin enkawl ila, a la tilo te hi a thatloh zia uar takin i hrilh nawn awn awn ang u khai.
]]>