Plan leh management hi a pawimawh dawn khawp mai tih hi ka pawm saliah pawh a ni lo, a dik khawp mai. Plan nei sa miah lova, nupui kan han nei tawp mai te, plan nei sa miah lova, fa kan han hring deuh tawp tawp mai te hi aw, rethei leh lehkhathiam loah kan fate kan chhuah mai mai ang tih a hlauhawm khawpin ka hria. MI tam tak chuan an chhuah mek a( Ka chhungte tiamin) kan nu leh kan pate lah hian kan fa hmel hmuh ringawt hi an lo thlahlel a, a chawm leh enkawl lamah an ngaihtuahna an seng thui lo khawp mai. Zilh deuh an ngai..:)
Thingtlanga lo neipa pawh hian tum nei renrawn leh inrenchawm taka kum 10 a thawh ngat chuan aizawl khawpuiah in tha tak a sa daih thei tih hi hriat tur a nia. Thawk tawpa, ei zo leh duak a, a kum lehah pawh a ngai bawkin kum khat ei tur a khawla, a ei zo va, a thawk leh a, etc.. chutiang mai mai chu kan PLAN awmchhun chu a ni mai a. Ka thawhrimna hian engchen nge min thlen pui ang a, engtikahnge ka dinchhuah ve ang? tia systematic taka hnathawh te pawh hi kan zir a ngai a. Taima em em ringawt a, plan leh management lam ngaihtuah si lova hnathawh buan buan ringawt hi taimakna atthlak chikhat a ni ve thei tlat a. Kan taimakna chuan luipuiral min hruai thleng tur a ni a. Kan thawhrimna chu a thlawn tur a ni lo va. Hunin ram ropuiah min hlankai theih nan rilru nei kerkawrin kan ti tur a ni.
Phakar tih te pawh hi mi te tana hnawksak a nih lem loh chuan phakar ram tur. Pawimawh leh tih ngei ngei tur thil loah chuan sum thawh thawh tur a ni lo. Hlawh nei ve mang lo leh rethei deuh phei chuan pek chhuah ve chiam chiam chi pawh a ni lo. Mahse, a lua a luata inren te zawng awm a. Mahse, rethei bawk si, inren bawk silo hi kan tam ber chu a nih hi.
]]>Chuvangin, tunlai kan Mizo thalai, khawvel ningkhawng hre phak chin ho hi chuan kan nun, kan hna leh eizawnna kawngah pawh Plan mumal tak neih hi zir tan ila, kan hun (time) leh sum Management hi i zir tlang ang u. Chu chuan kan ram hmel nasa takin a tihdanglam phak ka ring tlat…tun hma aiin mahni rau rauah kan hausa zawk bawk dawn zu nia!!!..ti raw, Pu Zorun..!
]]>Hmanni kan thianpa aizawl han hawng pawh lunghnur takin a rawn let leh ni awm a ni. Mi hrang hrangte a han kawm kual a, beisei a bo hle ni awm a ni. Tuna Mizorama Rethei Pawl intite chanchin a han hria a, chik taka a han zawh chuan, in president in enge a thawh? an ti a, engmah. A nih in secretary in enge a thawh a? engmah. Engmah a ni fai vek mai. Hnathawh neilo na na na chu hausak ngaihna a awm dawn em ni? rethei awm reng hi kan rethei mai a ni lo maw? tih hi rilruah a lo lang a. Vanduaina avanga an nih ang tur ni pha lo erawh an awm teh meuh ang. Mahse, hna kan thawh loh vanga rethei erawh a tam zawk kan ni. Nitin kan kuhva man leh kan meizial lam hi in chhut ngai em? thlakhatah cheng sangruk vel la lutin Kuhva leh Meizial manah cheng 500 dawn a hmang daih nia. A nupui fanau, a in luah man, a bus fare, bazarna, ei leh in, thawhnaw man? a daih hlawl lo. Kan sum hmandan tam tak khi chu kan tuisik hman mai mai a, a thawhchhuah hahthlak zia leh a khawl harsat zia lam ka ngaihtuah si lo, tlema inren deuh leh nghei deuh te chu mahni inhremah kan in ngai hlauh a. A hunlai chuan chaw pawh kan nghei ngam tur a ni zawk. Dinchhuah na tur a nih ngat phei chuan Antram tlak ringawt pawh kan hawp puar ngam tur a ni. A tawpah sawrkara kutdawh leh rikngawt mai zawng, a Mizo lo nasa.
Kan sum lak luh mila kan khawsa kan tihsan leh tihhniam thiam hi a hun tak zet a, hmanlai te chuan lehkha an lo thiam lo va, khaikhin chi pawh a ni lo, mahse hmanlai pawh kan tluk ta lo zawk, intodelh lamah kan tlachhe zawk a, ziak leh chhiar thiam hle si, management ah erawh kan ZERO lawi si. Mi te chuan sum an khawl tang tang a, sum dawnna lian tham deuh te, eizawnna puitling deuh te an in siam a, an thlah lo awm zel ten an rochun a, an nghet tawlh tawlh a ni ngai a. Keini erawh kan thlatin hlawh khawl sawi loh, kan ba char char a, thla tawpah kan ba kan han rulh meuh chuan engmah a bang tawh thin lo. Hei hian kan hlawhah min tilung awi thei tawh lo va. Hlawh sang phutin kan iak kan iak mai a ni. Keimahni khawsak thiam loh vang leh inrenchem kan tum loh vang a ni zawkin ka hria.
]]>Tum hniam, hisap tawi, neih ang ang chen ral nghal zela nui duar duar thin ho hi chu a tlangpuiin Tribal mawl ho hi kan ni chawk. A nihna takah chuan fimkhur tak leh inren thiam taka sum hman hi a Pathian thu em em zawk tlat nia. A malsawmna sum leh pai duhdah taka khawh ral mai mai hi mal min sawmtu Pathian zah lohna a ni. ‘I sumin Lalpa chawimawi rawh’ tih hi ‘thawhlawm thawh rawh’ tihna a ni ngawt lo va, thianghlim takin sum la lut la, fimkhur takin hmang rawh tihna lam a kawk mah mah zawkin ka hria… Thalai, nu leh pate thawhchhuah ringa Cell phone man to ber berte nena intithei ho ngat phei hi chu an mawlzia an lantir mai bakah, Pathian duh loh zawng tak pawh a niin ka ring…Kristian tam takin hausak leh Pathian thu hi inkalh deuh thaw thanga ngaih dan kan nei thin hi a dik lo hul hual. Amah ringtute tan chuan malsawmna dang dang bakah ‘sum’ pawh a tel. ‘Inngaihtlawmna leh LALPA tih man chu SUM te, chawimawina te, nunna te a ni’. [Thufing 22:4]… han sawi zel teh u…kei chu hausak ka chak ta riau mai…!!
]]>Tum chuan kawng a awm zel. Malsawmna neitu Pathian chuan thawkrim te chuan an phu tawk hlawh an hmu dawn si a, a ti a. Rora chhua inhlawh mai mai pawhin a chhu reng lo ang, lei laia inhlawh mai mai pawhin a lai reng lo mai thei. Miin rilru nei rana a thawh a, inren taka sum a khawl ker ker chuan khua reiah tam tak a lo pung a, sum dawnna hmanraw pawimawh ber a lo ni thin tih mi hausate history ah kan hriat vek hi..khawnge han tum tak tak teh u khai. Leia hausa bawk, Van ram kai bawk si te chu an hlei double dawn em a sin.
]]>Sum ngah ai in, Wealthy nih hi ka thlang jok deih maia, neih ang ang a nei lo te tranpui zel hi ka chak in ka la chhun jom ve zel a rilru chu hlim ve deuh ani.
]]>