TLem te sawisel tur ka nei a. Thil awl tak phei zawng a ni hauh lo va, hei ai hian a la tih changtlun theih deuh ka ring a. A bik takin Mizoram chhung bikah hian han sawi ila, Ropuiliani hming hi khaw 3 lai a chuang a, chutiang zelin Lalburha te, Vanhnuailiana te leh mi dang dang pawh. Entirnan, Champhai ah hian Vanhnuailiana emaw Mangkhaia emaw hming dah mai se, an awm tawh lohna khua leh an chhuahsan tawh khuaah an hming a la awm reng a, lal dang lar tak takin an lal hnan tawh thin si a, entirnan Tualte khuaah hian Nikuala hming dah ta mai se, Vanhnuailiana hming hi hmun 4 dawna a awm tho si a. Chutiang zelin Khawzawl ah hian Chawngsavunga a dah a, Khuangphahah Chawngsavunga bawk a dah leh a, a fapa indannaah pawh a pa hming a chuang zel tihna a ni. Chutiang bawkin hmanlai chuan Khawdungsei hian Ngopa a huam tel a, Hrangchhuana hian a awp vek thin a, a hnuah a fapa in Ngopa a awp hrang a, mahse Mapah hi chuan Hrangchhuana tih vek a ni a. A fapa Lalzidinga hming a lang ve tawhlo a ni.
Engpawhnise, hming hriat kim loh vang lar chhuahpuitute hming hi a tarlang mai pawh a ni mai thei bawk a. Edit leh hlek ni se, kumkhat vel beihpui thlak ni ta se, tun ai hian a changtlung zawk ngei ang. Tunah rih chuan Lal pakhat awpna khua a tam lutuk hret a ni.
]]>