Kei chu hal rau rauvah a lim ni lovin, a car, a pheikhawk, kekawrte etc tal hal nise!!!!! a ui ve dawn asin….akekkek .. mahni siam mahni vekin hal, an siam ang lo awm ropuii si!!!!! hehehe

Chutih rual chuan a titu chu tupawh lo ni se, an tih chhan pawh tu pawh lo ni se, mi lim siam chawp a, diriam a, sawisak vel chiam chiam hi sawi mawi chiah ka ngai lo. Mi an sual a, an dik loh em avangin an chungah eng hmanrua pawh hman a thiang a, a mawi ta vek nia ngaih tur a ni lo ang bawk hian. Entirnan: SRS in sawisel an hlawh em em na chhan kha kut an thlaka te an dik a, an fel em em tih vang a ni lo va, a kutthlaktute chetdan kha a mawi bik lo ve, tih vang a ni. Chutiang zelin thil reng reng hi a lehlam lehlam thlir tawn a ngai ve fo thin.

Kristian kan nih a, Lal Isua zuitu kan intih chhung chuan kan nitin nun engkim mai hi kan kristianna nen a inhmeh em, tih kan ngaihtuah reng tur a ni dawn lo’m ni? Kan kristianna nena inhmeh leh hmeh lo pawh kan ngaihtuah duh tawh loh avangin heti tak hian eirukna te hi a lo hluar ta a nih hi. Kan kristianna changchawia sual kan tih ngampat erawh chuan insiamthatna tur kan nei tihna a ni leh mai ang chu.

Awmna ngaia suk reng hian hmasawn a har viau. Thil thar nazawng hi hmasawnna a ni vek hek lo. Ram danga mite tih dan entawn ve zel kher lo hian siamthat hna hi thawh theih niin ka ring a. Tharum thawh leh indiriam zawnga inbei tawn lo hian Kristian principles zawm chung hian kan ram hi dinthar leh theih a nih ka la beisei reng a. Chumi atan chuan ka tawngtai ve thin. “Hawh u, i dinthar leh ang u.”