Mizo hnam hi a awm miah lo. Mizo tih hi kan identity, Lusei, Hmar, Thado, Lai (Pawi), Mara (Lakher) Paite, Ralte etc te min khai khawm tu…chhungkaw khat a min siam tu te pawh kan ti thei ang chu, a ni. Kan pian leh murna in min ti Mizo lova, kan hnam, khing ka sawi tak te emaw, khing hnam te peng (thlah te) kan nih avang a Mizo chauh kan ni. Mizo tih pawh hi a hman na/ziah hmasak ber chu Bangladesh ah daih a nih nghe nghe kha. Mizo Laisuih chanchin bu kan neih hma in Mingo in a lo hman tawh kha… Mizo tawng kan tih tak a ber hi Duhlian tawng an tih ni awm tak a ni. Kei a hriat ve dan ah chuan, Hmar, Paite leh Lai (Pawi) tawng chawhpawlh a ni in ka hmu. Ka hnam sawi tak te zawng zawng avang khian Mizo vek kan ni ka ti…Kumpinu leh India sawrkar hnen a memorundum 1947 a Pu, Khawtinkhuma ten an zuk theh luh ah pawh khan khing hnamte khi Mizo hnam hrang hrang tiin an ziak ngei bawk a ni. Inti Mizo hovin hlado kan chham te hi (vawmphuai e etc…) Lai (Falam)tawng ani si a…Mizo hlado chham a ni.

Engle khawle, Mizo ah hian hnam hrang hrang leh a tepeng tam tak awm mah ila, tun lo haw mahse pawi ka ti lova….thudik chu…Manipur lam Paite leh Hmar ho hian Mizoram hi ti em em nge an rawn chawh buai mai ni. Mizo an nih an hre si, an hnam tawng bil an la hman vang nge ni Manipur lam ah chuan an inti hrang lawi a, Mizoram ah pawlitik thil ah rawn in rawlh an tum lawi bawk a….an huat thlala awm ngawt mai. Unau chu in hmuh thiam loh awm thin mahse, inti darh zawng hian khawsak loh a fuh ber. Hnampum tan a hrisel a ni.

Mizote hi hnam tlemte kan ni a,duh thawh luatah Mizo hnam rimnam dek dek tawh chu “Mizo in ni e” kan inti zel a,an nihna hi lawm taka pawm chung leh, lungsi taka Mizo hnam nihna a Baptisma chan dial theih ni sela, chu ngei chu kei Mizo tlangval duhthusam ram chu a ni.

Kan chhehvel Manipur,Burma,Tripura etc..a Mizo hnahthlak awmte hi chibing lak vungna lamah chuan duhthusamin an tuan a tha a,an thil chin thalo tak vang erawh chuan buaina an ngah phah hle,hei hi heng rama awmte pawh hian in zep lem ka ringlo.He chibing lak vung duhna hian kan thenawm ram atang hian Mizoram chhungah chibing inlakhranna chi thalo tak a rawn tuh mek a,chumi dodaltute chu “Rilru zim,thliarkar rilru pu” tia koh kan ni ang maw? Hemi chungthu ah hian ka ngaihdan diktak ka’n sawi tlang law law ange.Hnambil lak vung duhtu ten ka hnam “Mizo hnam” ngei hi thendarh leh phelsawm te zawnga tan lak tumtu ten “Rilru zim’ ti a min ko a nih pawhin,ka ram leh hnam tan chuan pawi tihna engmah ka nei reng renglo.

Kei chu e, Lal Solomona fin chhim tura kawlkil atanga lokal chhim lam Lalnu ang zaan kha kani e.