Comments on: Zosapthara chungchang

By: ankh

ankh — Wed, 27 Aug 2008 10:31:01 +0000

intanpuina leh inkawhhmuhna zawng zawngah ka lawm e. In zinga tel a man hla ka ti telh telh mai.

Report this comment

By: chhana

chhana — Tue, 26 Aug 2008 17:53:27 +0000

Kristian Tlangau July 2008 chhuakah Pu B.Lalthangliana’n a ziaha kha. A bengvar thlak khawp mai.

Report this comment

By: sonju_a

sonju_a — Tue, 26 Aug 2008 17:00:35 +0000

Pu Zosapthara hi Dec.31.1898 khan Mizoramah Welsh Calvinistic Methodist Missionary in a lo lut a, mahse vanduaithlak takin Mizoramah a awm reng thei lova. Mizoram hmun hrang hrangah rawng a bawl a, mizo tawng pawh a thiam hle a, tin, mizo tawng pawhin hla a phuah nual a, kan Kristian hlabuah hian a kutchhuak 78 lai a awm nghe nghe a ni. Mizoramah rawng a bawl theih loh hnuah Akyab atangin Mizoram chhimlamah a lo lut a, july 20 1923 khan Tawngkawlawng lamah Serkawr lam panin a lokal a, hetah hian a thiante aia hmaah kalin, kawng a bo ta a, a thiante a bo bawk nen, zan a lo ni a, ruahpui vanawn a lo sur a, kal ngaihna hre tawh lovin thlam ramah a riak ta ni. Ngawpui ramsa hlauhawm tamna, thosi leh vanvat tam bawk nen a lainat awm hle a ni. Heta a bo tum hian, ‘Thlalera vak ka lo ni…’ tih a phuah nghe nghe a ni.
Hei hi mizoram a tlawh hnuhnun ber a ni awm e. 1939 ah Rangoonah a thi a, a thlan hmun hi chiangkuang taka hriatna pawh a awm lo niin a lang.
Amah hriatrengna lungphun hi khawiah mah a awm lo niin a lang. Hemi avang hian amah ngainatu mi thenkhatte’n a piancham vawi 141-na 15.3.08 khan Mizoram chhimlam Kaisih khuaah Zosapthara hriatrengna lung hi an phun ta a ni.

Report this comment

By: thangkhawk-a

thangkhawk-a — Tue, 26 Aug 2008 15:46:56 +0000

@borat you maybe bored to hell with these articles .. but we are what we are 2day because these white skinned missonaries has the heart to come n bring light 2 people like us …. if that wasnt the case we maybe typing like this
” aap ka dhimak keisa hai”…..

Report this comment

By: Borat

Borat — Tue, 26 Aug 2008 13:29:13 +0000

Why are some Mizos who are endlessly fascinated with white, skinned, European missionaries ? I am totally bored with theses articles.

Report this comment

By: chhurliana

chhurliana — Tue, 26 Aug 2008 12:13:05 +0000

A chanchin meuh ziak tum chu i mamawh i khawnkhawm dan chu ava ho ve. Tak taka, Mizorama awm i nih chuan a har lovang a, kei ngei pawh hian ka nei nual a. Ka thu i awih chuan a lehkhathawn awmna pawh ka hrilh ang che. Heta tang ringawt chuan i duh i hmu mai lovang, research tak tak i tih dawn chuan i taihmak hle a ngai ang. Mizoramah khian Theological College puitling pahnih i.e. AICS leh ATC kan nei a, an Archive ah i duh a awm nual ang a, tin kohhran offis pui ah i duh i hmu thei bawk ang. I duh tak tak anih chuan i lehkhabu chhiar tur te ka rawn kawhhmuh ang che.

Report this comment

By: Zorunpuia

Zorunpuia — Tue, 26 Aug 2008 11:51:30 +0000

A ni ngawt mai. Zosapthara (Rev. Edwin Rowlands) hian Mizofate tana a thawh hlawk zia ngaihtuahin a chanchin hi hriat tur a tlem hle mai a. Hun rei tak Mizote karah awm lo mah se, a awm chhunga Mizote tana ZIRNA a lo ngaih pawimawh zia leh Sikul tha tak tak a lo din thu te hi kan hriat thar atan a tha khawp mai.

December 31, 1898 kum khan Mizoram a rawn thleng ve a, a ni aia hmasa zawk Rev.D.E Jones chu MIzoten Zosaphluia an ti thung a. Hun eng emaw tichhung chu rawngbawlna pawh an nei tlang nghe nghe thin a ni. Zosaphluia hian Kohhran lamah mawhphurhna a chang a, Zosapthara erawh chuan ZIRNA lamah mawhphurhna a chang a, Sikul din leh chumi hmasawnna kawnga theih tawp chhuaha Thingtlang leh khaw tam taka zin vah te pawh a hna thin a ni. Khatih lai khan Mizoram hi ramhnuai deuh vek mai ngaw lian tak tak a la ni a. Ngaw karah chuan khua te tak te te a awm ve pheuh pheuh chauh a ni. In kalpawhna kawng a awm mumal loh avangin khaw khat leh khaw khat inkar kal pawh nileng leh zankhua te a ngai hial thin a. Heti chung hian Zosapthara hian Mizo khua te hi a tlawh nasa em em a, a theih ang angin zirna kawnga hma an sawn theih nan hma a la nasa hle thin a ni.

Amah hi kum 1867 a piang a ni a. MIzoram a rawn luh hian a la naupang hle a, tlangval vanglai tak a ni. Tin, Taxas khuaa zirtirtu lo khawk tawh leh Lehkhathiam thei tak mi a nih avangin Zirna kawnga Mizote tan pawh hmalak dan a thiam hle a. A ni hi Zirna lama kan hmasialtu pawimawh berte zinga mi a ni lo thei lo a ni. Kum 1900 khan Chawnga leh Thanga hruaiin Chhingchhip khuaah “Experimental School” hawngin hapta eng emaw zat a cheng a, hetih lai hian Mizo Inah thlengin Mizo ang chiahin engkim mai a eiin ve thei nghal vek mai a ni. A fakawm hle. Mizo khuaa an nundan dik tak hriat a duh pah pawh a ni mai thei e.

Mizo zinga pastor hmasa ber Rev.Chhuahkhama kha Zosapthara kutchhuak liau liau a ni a. A hmuh fuhdan pawh hi ngaihnawm tak a ni. A sikulah chuan Chhuahkhama chu a rawn kal ve a, naupang te a ni a, tawngtai lai hian midang zawng zawng kun nghiaa an maimitchhin laiin a meng tlat mai pek a. Chu chu Zosapthara’n a hmuh fuh a, Sikul banah chuan a office ah a ko ta a, a zawt a, Chhuahkhama chuan ka pa hi puithiam a ni a, Kristian ka ni lo va, kristiante tawngtainaah ka maimit chhin ve a thiang lo, chuvanga meng ka ni, tiin tlang takin a hrilh hmiah mai a, Chuvelah chutianga naupang ze danglam tak leh rilru nghet tak mai chu Pathian tan mi pawimawh tak leh tangkai tak a la ni thei dawn a ni, a ti a, a hnehah chuan ” Isua Krista chuan hna ropui tak thawk turin a duh che a ni” a ti ta zawk a, a hau lo va, duat taka enkawlin a theih tawpin a kaihruai a, Kum 1913 vela Mizo zinga pastor nemngheh hmasa ber Chhuahkhama chu Mizo Kristian te tan Kohhran BAN pawimawh ber a lo ni ta a ni.

sawi tur atam a, kan sawi seng lovang. Rev.Vanchhunga te nena an zin ho dan te leh zawlbuk vela an inbuan tir chanchin te pawh a ngaihnawm viau a. Tin, a hun hnuhnung lama Burma missionary a awm thu leh khita a han thih dan te pawh hnuk a ti ulh a, Hnam hnuaihnung zawkte tana malsawmna a lo nihdan hi ropui tak a ni.

Report this comment

By: solomon_n

solomon_n — Tue, 26 Aug 2008 11:35:55 +0000

kan thianpa pakhat London atanga lo haw in min lo kan a… kan titi mai mai a.. The Lodon Library a fan kual thu a sawi a … chutah chuan heti hian a sawi …The London Library ah khaun Indian Section an tih a awm ni ngei tur ani. Chu tah chuan NE bik te ..a awm hrang leh deuh thliah thliah a… chu tah chuan Mizoram a kan history te leh Chanchin tha min lo hrilh tute ho kha an chanchin leh thlalak a la kim bia e. Ti in min hril chawng tlat mai a! Chuti a nih si chuan Pu Zosapthara chanchin leh a thlalak hlui tak tak te pawh chu a awm ngei in ka ring… Misual thiantha te Lodon a awm ten an pui theih che in ka ring.. a Hint!! te chauh ka rawn thawh sak theih che ani.

Report this comment

By: myself

myself — Tue, 26 Aug 2008 10:57:58 +0000

ankh: synod publication lam pang te han zawt chhin teh..vawi khat chu a chanchin ziahna chu ka chhiar tawh ngei mai..eng lehkhabu ber ah nge tih erawh ka sawi mai thei tawh lo..Mizo nula nupui ah a nei a, a hnu ah Burma lam ah a kal leh…tih vel te ani ta in ka hria!! Burma lam pang kohhran hruaitu te pawh in an hrilh nual thei che in ka ring..han zawt chhin teh!!

Report this comment

By: blackmagicwoman

blackmagicwoman — Tue, 26 Aug 2008 10:30:03 +0000

ankh, pu zosapthara fate/tute hi khawiah nge tunah an awm? photos vel chu an mahni contact in neih theih dan a awm ang a. An awmna ram min lo hrilh la, thiante/chhungte chenna ram a nih chuan ka thei ang ang in puih che ka lo tum ang.

Report this comment