Comments on: ‘ZOLUANKAWR’ Pu P.L.Liandinga’n a tlangzarh

By: rollick

rollick — Tue, 06 Jan 2009 10:59:38 +0000

chawnghilh: ‘Chawia thuziak rawn upload-saktuten punctuation in hmang tha vak lo nge; amah Chawia ziak dan ang ang in rawn tarlang em ni ang aw … thlir dan ka nei thiam nghal mai. Ka ngainep chuang lo ve.”

A khawi lai hi nge ‘punctuation’ hman fuh loh i tih lai chu han sawi la, a ziaktu tih dik loh nge a upload-saktu (keima) tih dik loh kan inhrilh dawn nia.

I thu ziah chuan beng a ti var khawp mai.. chhiartute tan thu leh hla i rawn neih zel ka beisei.

Report this comment

By: amanda

amanda — Tue, 06 Jan 2009 03:34:41 +0000

Pi/Pu Chawngchilh hi thil i chhiar zau peih bawk a, a bengvarthlak thin e,Cheural tihna daih poh chu a lo ni maithei tak asin mawle

Report this comment

By: Kimas

Kimas — Tue, 06 Jan 2009 01:31:32 +0000

Tuna zofate luankawr khata kan luan khawm mai theih lohna chhan ber hi chu ramri dana kan awm avang leh tawng hrang hman thu hi niin ka hria. Tunah pawh burma lam unaute chuan an common language ah kawl tawng an hmang a, dialect ah mahni tawng theuh an hmang a. Heti anih chuan Mizo tawng (Duhlian) hmangho tan pawh tak tak a va har duh awm ve… India lama mite hian hindi hi common ah hamgn ila burma lam mite tan pawh kan har viau lawng maw?

Duhthusam hi chu kan sam zui zel ngai ang a, eng chin hi nge kan tihhlawhtlin theih ang le. Realsitic deuh taka hma kan la anih loh chuan hma sawn a har ka ring…

Report this comment

By: chawnghilh

chawnghilh — Mon, 05 Jan 2009 23:18:41 +0000

“Tlangzarh” tih tawngkam hi Dr James Dokhuma kha chuan chuti teh luain RELEASE tih nan a hmang duh lo; Rozama Chawngthu ziak Lehkhabu a release tumin a sawi tawh a; TLANGZARH hi chu mi hriat atana itawm lo; thup ngai —mi kam tam leh insum zo loten an lo TLANGZARH tak hlauh si ang khan a sawi a, mi hmin viau.

CHERAW han tih ngawt pawh hi — BAMBOO DANCE tih nena inkungkaihna reng reng a awm lo. Lai (Pawi) unaute Magazine pakhat ka chhiar tawh a, chutah chuan Mizorama Missionary hmeichhia sapnu kha Sangau khua kal pelin, CHEURAL khuaah zanah a lut a. Chutah chuan tunlaia saptawng hmang ngiala ‘Bamboo dance’ kan tih hi an lo lampui nghawng nghawng mai a; “Eng lam (dance) nge ni ngai?” tia a zawh khan, “He khaw hming hi engnge?” tia a zawtah an lo ngai palh a; “CHEURAL” tia an chhang ta mai kha sapnu chuan, “CHERAW” tiin puam nalh takin a lam zulzui ve nghal ta mai a; chu a lamrik dan mak dangdai tak sapnu lamrik dana CHERAW (mispronounced CHEURAL) chu he mau-khawn-rik-thup-thup-lam hming atan hian an lo hmang zui ta a ang e, tiin an ziak.

Report this comment

By: chawnghilh

chawnghilh — Mon, 05 Jan 2009 18:44:22 +0000

A hniam lam zela luang ngawt lovin, “Water seeks its own level” tih pawh ni reng ringawt lovin; Serlui atanga Tuikhuahtlang, Laipui Tlang-a PUMP CHHOH chu kan ngai a ni.

Chawia hi thu a thiam hlep hlep a, a titi ang diaka a ziak thiam a nih ngat chuan —a pui khawp ang. Ziaktu tam takte hian puithu kan tumna lamah hian kan talent pangngai kan pha lo chawk thin! Chawia thuziak rawn upload-saktuten punctuation in hmang tha vak lo nge; amah Chawia ziak dan ang ang in rawn tarlang em ni ang aw … thlir dan ka nei thiam nghal mai. Ka ngainep chuang lo ve.

Luankawr-a luang chin tawh hi chu a nu duh fu! Hnawl (silt) pawh a tam duh. Lui tui fim tak luanna LUI KUANG tal ni sela … tha deuh tur! Tha zawk turah phei chuan PIPE ni leh law law se, filter awm ngei! A tha awm vei!

PL-a pawhin a fak ngam nghal mai lo a ni maw; Sherlock takin a melh lawk a ngai ang chu! Duhsakna ka hlan e.

Report this comment

By: chepahakhata

chepahakhata — Mon, 05 Jan 2009 10:34:49 +0000

Au elcee, Indonesian ho chu hna ka thawhpui nasa, kan inchenchilh nasa bawk a, hnam hrang2 an awm ve a an hmel pawh a dang deuhhlek a, an tawng pawh a inang lo ve nuah hlawm. Chuan Mizo ang ve tak2 chu an awm a, mahse Asian hnam hrang2 awm khawm se Indonesian an awm chuan a tam zawk chu ka kawk chat2 thei ang. Belhchian chuan kan lo inang lutuk vak lo. Ka hmuh zing a Mizo an hnam pum leh kan hnam pum a en a in ang ber chu Malaysia Saba ho hi Mizo an la ang ber.

Report this comment

By: Kawnga

Kawnga — Mon, 05 Jan 2009 08:34:08 +0000

Ka chhiar chak zawng tak a ni mai ka ti!! Ka lei khawp ang.
Remchang chuhin thil tlem ka’n sawi ve teh ang : Tawng chungchanga kan fimkhur dawn a nih rau rau chuan. Comma leh Fullstop kan dah dan hi ka va sawisel duh thin tak em! Ka sawisel duh dan zawk chu, typing chhiar nuam leh zir tlak kan lo uar zel theih nan , (comma) zawh leh . (Fullstop) zawh hian theihnghilh miah lovin space 1 dah thin ang u. Tichuan thuziak quality a sang sawt ang.
A dang pawh ka la ti zel ang…

Report this comment

By: elcee

elcee — Sun, 04 Jan 2009 13:43:19 +0000

Indonesia-ah pawh Cheraw an kan thin, an lam chiah chu ka hmu lo, mahse tourist hmunah thlalak lian pui pui an tar ka hmuh bakah an hnam lam zing a lar tak a ni tih min hrilh. mipa pawhin an kan ve.
Mahse CHERAW an ti ve kher lo
Tin, Indonesian tluk a mizo nen a (hmel) in ang hi kei chu asian zingah ka hre lo. Jakarta khawlai nula tleirawl kal suau suau ho khi mizo tawng in tawng zawt zawt se a mak vak lo vang!

Report this comment

By: Daibuaia

Daibuaia — Sun, 04 Jan 2009 12:16:00 +0000

C.Chawiliana chu a hming ka va hre ngai lo em em.Chhungte chah ve ngei tur a nih hi.’Tuna kan Mizo tawng hi Zo hnahthlak hrang hrangte tawng infin khawm, Zofate hnam khata min phuar khawmtu, Mizote min ti-Mizotu, kan hnam ro hlu Pathian min pek chu a ni.’ a dik ka va ti tak em.Mizo tawng kan hmang hi kan thil tih fuh em em a ni chiang ngawt mai.

Report this comment

By: drake

drake — Sun, 04 Jan 2009 11:05:37 +0000

Thank You Guys!!! chuti chu mngolian thlah chuan Cheraw Kan chu kan lo nei vek nih dawn chu!!!
Chepahakhat Mizoram ah hian “Lai” lam anti bik em, Lai ho in kan lam anti bik in ka hria??

Report this comment