In hnek khi chu skip zung2 mai ka duh deuh thin. ]]>
]]>Pathumna tur leh Ace boxer tur an inthlau hranpa dawn hauh lo mai! Ka mit a va han nihlawh em! Kutthlak lamah chuan an trha khawp mai; stance leh step lamah improve-na tur an la inhmuchhuak viau bawkin ka ring. An Coach-te chu an rawn surprise hlawm viau pawhin ka ring … Saiha-tlangval tan phei khi chuan tih leh hunte a la inherchhuak a niha, a lo inhmakhawsuih zawm zel chuan PROMISING ber ber a ni dawn chiang ta … MIT A TLAI NGEI MAI
Lalnuntluanga of Venghlui, Samson Zoramthanga of Lunglei Ngurvunga of Pangzawl, R. Biakliana of Khatla, F. Lalnienga of Republic etc., te vanglaia Venghlui Boxing Club-hoten thil an organized bek bek ve lai … Aizawl Theater Hall hnuai, Dawrpui Middle School Dice vela inhnek laih laih laite nena khaikhin phei chuan … kawng engkimah LPS Pro-Boxing chuan Las Vegas MGM etc., hmun trhenkhatte pawh a ang ve hle tawh mai.
Tin, kan ram sumdawng hausaten hetiang lama thilphal leh phurpuina an rawn nei hian ka hnuk a tiulh.
Ring-Gal te paw’n an ngam ve hah hah hle mai! Tih tawh vek vek chuan ngam hah tur hi chu a ni si ri trhawk mai a ni!
Clips in rawn post tel kher kher chu ka va han lawm tak em! Helamah lah Iron Mike-a fanu kan sun lai a lo ni vei bawk nen! Boxing khawvel hi chu nuam ka ti bang bik lo, an uarna ram Cuba-ah phei chuan tar kiringah pawh pitarte takngial pawhin hmuhnawm ti takin, Judge-te point chhiar nghak khawtlai lova point chhiar thiam vekin an lo thlir theih tawhna kha a rei tawh hle. Kawtkai tinah Boxing Ring a inhung thawthang a ni ber bawk a. Kan Mizo pitar leh puter-te pawhin an thlir ven hlan ka thlahlel ve ngawih ngawih tawh. Aizawl Khatla Venga Pu Thanmawia (Salvation Army) kha kum 80 chuang a ni tawh hial ang —Boxing hi a hmunah a pan chilh ngei zel, amah pawh sipai lama inhnek tawh thin a ni. A tui mi tak tak, phur chhunzawm mi chu an lo awm a ni.
Mizo tlangvalten khawvel hriat kan hlawh theihna tura kawngka inhawng mek zel a ni. Proxyvon injection ngawlvei, inchiu vanga ban vung liante nena kan Boxer-te kan khaikhin ngat phei chuan … kan sumdawng hausaten thalai tam tak te trangkaina leh hlawhtlinna tur hi an va han dapsak thui thei dawn em ka ti rilru vawng vawng mai! Buaipuitu zawng zawngte leh infiam mi, fans etc.,… ka lawmpui vek a che u.
]]>
]]>