Comments on: Tlawmngaihna Par a Vul

By: H.Vangchhia

H.Vangchhia — Tue, 29 Sep 2009 23:52:39 +0000

Japansese ho hi mi thil kawh hmuh ah chuan an tlawmngai ka ti khawp mai. Khawi hmun emaw kal duhna kan hriat siloh ang te hi han zawt ila, a hmun thleng hi mi an kalpui mai zel. Mi hmuhduh nei ta la, an puihna dil i nih chuan, an hmuh sak hma che chu an zawnpui ngei ngei ang che tih ringhlel duh lem suh.

Bus chuan chungchang emaw, Metro train chuanna angah chuan Washington, DC area a heng ang hmang te hi an polite ka ti ve khawp mai. Mahse, tlawmngaihna kawng hrang hrang kan lak khawm tak tak hi chuan Mizo tlawmngaihna tluk hi a awm thei dawn em ni le tiin, rilru hlim tak leh Mizo nih inchhuang ru takin Mizo nih a lo nawm zia hi ka chhut fo thin.

Report this comment

By: chawnghilh

chawnghilh — Tue, 29 Sep 2009 23:36:34 +0000

@marie : Mizo tlangvâlte tlàwmngaihna chawimawitu hmeichhe zahawm leh tlàwmngaihna hrethiam chiang i ni e. I fakna thu tawi tè ringawt pawh khian chhuan tam a liam leh hun thlenga “Mizo hnam tlàwmngaihna” I repeat, “Mizo Hnam Tlawmngaihna” hi a enkawreiz chho zui zèl ang.

Report this comment

By: marie

marie — Tue, 29 Sep 2009 23:27:27 +0000

Tlawmngaihna hi hnamdang ho hian an nei lo chu a tih ngot theih loh mahse,Mizo chu tuman an tluk chuanglo,zinna ah te bus chuan chungchangah te hian Mizo mipa tluka tlawmngai hnamdang ka la hmu love…

Report this comment

By: tarmita

tarmita — Tue, 29 Sep 2009 04:26:42 +0000

Kan chhe viau tawh ang hian kan han sawi thin a. Mahse, chhiat han tawh meuh hi chuan kan tlawmngaihna hi a lo par chhuak leh chuai thin. Tumah inphut leh intur luih pawh awm hauh lovin, a tel lo nih hlau em emin kan phe hlawk hlawk zel mai a. Hei hi thil ropui tak a ni. Tlawmngaihna vul zel rawh se.

Report this comment

By: muantea

muantea — Mon, 28 Sep 2009 19:04:20 +0000

Hmuh chin hi a tawi a, hriat phak chin a zim bawk nen,; tawn ve tawh chinah chuan Mizote hnam kan puma tlawmngaihna ang hi chu ka la hmu lo. A mimal erawh chuan tlawmngai tak tak chu ka hmu lawi si

“Aw,Tlawmngaihna hlu,
I iang zo reng ka vai e he lei chinah;
Kawlvalenchham pawh va fang rawh i,
Nang chhing zo reng an awm nem maw.
Thamral an zawng i pam lua e,
Vul zel nang che thang thar zela’n.

Report this comment

By: xTx

xTx — Mon, 28 Sep 2009 18:08:45 +0000

Mizo in tlawmngaihna kan tih hi hnam dang zingah hian a awm ve lo ami? keichu a awm hi ka ring…

Report this comment

By: sekibuhchhuak

sekibuhchhuak — Mon, 28 Sep 2009 18:01:10 +0000

A ropui e ! Pu Chawnghilh sawi khi a dik chiah ani. Mizote chauh lo, hnam tlawmngai ve tak tak an awm na meuh maia; mahse,Mizote tlawmngaih anga tlawmngai hi chu an vang ve viau !

Hmun / Ram hrang hrangah accident hi ka tawk ve nual ta!Thichhawnga kan lum reng lai pawh a, tu’n ka ui ka ar min tih miah lohna hmunah chuan; Mizo tlawmngaihna bawk ani kan ngaih ni !

Heng baka Tlawmngaihna mawi hi a awm chuang dawn em ni le !

Report this comment

By: Irreplaceable

Irreplaceable — Mon, 28 Sep 2009 17:13:42 +0000

Mizo Tlawmngaihna par vul zel rawh se. Ruang zawng tura thawkchhuakte in fakawm hle mai!

Report this comment

By: chawnghilh

chawnghilh — Mon, 28 Sep 2009 17:07:28 +0000

@dmt : Zoram chhûng danglamzia chu khawvèl hmun dang lamlian kawngpui zau mangkhèngah i motor chhe palh sela, tu khàwkhàin, “Engnge chhe ta le, puih i ngai em?” an rawn ti tawh hauh lo vang che …”Don’t expect a friend on the highway,” an ti tawp!

Tlàwmngaihna hi —who is to and for whom to apply, how, when, where to apply-ah a innghat thui hle, tùnlaia kan chhiattawh mêkah hian thla khat hnuah ruang zawng tùrin chhuak ta hum hum mai ila … tlàwmngaihnaa lang chu a ni ve mai thei e … a hnam ang zâwng chuan MIZO-te chiah hi ka hmu lian ber mai, tlàwmngaihna tak takah hi chuan!

Mi tlàwmngai lo ber ka ni a, Mizo tlàwmngaihna pawh hi hmànlaia apply chi leh tùnlaia a thlit fìm chin atanga apply tùr awm vek a ni tawhah ka ngai mai a. Riltâm èm èm chunga, “Ka ril a tâm lo,” tih vèl ai chuan, hna tha taka thawk chhunzawm leh tura in-ei puar ka thlang mai … Thanpuii Pa te leh mi dang dangin tlàwmngaihna an define dàn kha ka’n chhiar ngial thin a, ka phak loh thil chin chiah zèl a nih thin avàngin kei phei chu —tlàwmngaih tum lo law law ka ni ta mai a, “Dutiful is beautiful,” tih changchawi ka ni daih thung! A hun chiah, a hmun chiah etc., chuh fuh a ngai!

Tlàwmngaihna hi Mizote neih bìk chauh a ni lo tih chu kan hre tlângpui ang; MAHSE, “tlàwmngaihna bìk riau Mizoten kan neih ang” kher kher hi chu hnam dangten an lo nei phàk lo tlângpui niin, kei misual thil thlìr zìm tak pawh hian ka hre deuh tlat! NOI

Hnam puma tlàwmngai chu in hmu ngùt lo vang, mi thenkhat tlàwmngai tak chu khawiah pawh, hnam tin zingah chuan, in tawng thei vek ang. Kha daih kha a ni! A hnam angin, a ram angin —tlàwmngaih kan chhuah dàn hi chuan mit a tlung ber e.

Report this comment

By: dmt

dmt — Mon, 28 Sep 2009 16:55:42 +0000

Tlawmngaihna kan tih hi hnamdang pawhin an lo nei ve tho mai. Mizo ta bik, kan unique riauna emaw kan ti hi chu kan la hawi zau loh vang mai mai a ni. Engpawh nise tlawmgnaihna hi chu tu hnam tan pawh a hlu a, chhiat tawh hian a hlu lehzual a ni. Muthi lui-a chesualte laka tlawmngaihna chhuah a nih bakah Salvation Army Youth ho Rihkhawdar bula an chetsualnaah pawh tlawmngaihna kan hmu a nia.

Report this comment