Comments on: Aizawl tlànlai lui tûr-a suasam

By: chawnghilh

chawnghilh — Thu, 05 Nov 2009 15:21:17 +0000

ZONET.In reports

Aizawl khawpui chawmtu, Greater Aizawl Water Supply Scheme Phase I leh II hmangin nizan dar 9:30 vel atang khan tluang takin tui pump leh a ni a, naktuk atang chuan tih dan pangngaia tui sem chhuah leh theih beisei a ni. PHE Department hotute hnen atanga thu dawn danin, Serlui, tura hrai a nih avanga Tuikhuahtlanga tuizem lian leh Zonal Tank hrang hranga tui dah khawl, litre nuai tam tak, nimina paih a nih hnuah nizan khan tui pump luh tan leh a ni a, a tir lamah tui pump khawl a Air-lock avangin harsatna tenau an tawk na a, hei hi tihfai hnuah nizan dar 9:30 vel atanga vawiin tlai thleng khan Phase I leh Phase II te hmangin tui pump leh a ni a, tlai thleng khan Tuikhuahtlanga tuizem lianah tui feet 4 vel a sang a tling hman a, tuizem te zawkah erawh chuan feet 8 vel laia sang a tling a, Laipuitlanga tui chhekna zem lian, Main Reservoir-ah pawh naktuka tui sem tur pek mek a ni bawk. Tui harsatna avanga buaina tawk nasa ber, Aizawl Civil Hospital pawh tui pek a ni leh tawh a, hemi bakah hian vawiin khan mi pawimawh thenkhatte pawh tui pek an ni. Hetih lai hian Aizawl khawpui chawmna tura tui lakna Serlui tura hraitu chu Police-ten ngawrh takin an zawng zel a, Aizawl Police Station atanga thu dawn danin tun thlengin man an la nei lo a ni.

Report this comment

By: ZerO

ZerO — Thu, 05 Nov 2009 01:47:48 +0000

Serlui tur phul a nih chungchangah PHE Dept. hotute chuan Aizawl PS ah FIR an thehlut nghal a, mahse a titute hi man an la ni lo a, rinhlelh deuh pawh an la nei lo nia thu dawn a ni. Source Vanglaini

Tur/bleaching powder hmanga sangha man kan la awm fo thin. Agri dept. ah awlsam te in a lak theih bawk sia. Mahse man-a hrem erawh hriat tur a awm mang lo

Report this comment

By: H.Vangchhia

H.Vangchhia — Wed, 04 Nov 2009 19:07:00 +0000

Mizoram tan a tha tur, ram tih chhiatna chi hi chu in report hreh miahlo mai ila a tha mai. Dan kengkawh tu ten an tih tur an tihve loh leh, an chunga leng te hnen thlen chhoh zel ni mai seila.

Report this comment

By: whitesnake

whitesnake — Wed, 04 Nov 2009 18:46:21 +0000

Serlui tui tura hrai chungchang hi ngawihbo pui emaw, tunhma deuh a kan tih dan thin anga sawi hluai a theihnghilh leh vang vang chi niin ka hre tawhlo. tunhma deuh pawh khan anlo hrai ve zeuh zeuh tawh thin a, a hraitu te chunga action lak hi a nep deuh nge(?) tun thlenga hrai kan la awm cheu mai hi thuneitu te hian lui tur hrai chungchanga an hremna siam hi ennawn sela atha lo maw? 1974 a siam tawh(vawi engzatnge an amend chu ka hre lova) kum4-5 lungin tan emaw cheng singkhat chawi tir hian an sim chuanglo anih chuan an sim tham raih kum 10 tal lungin tan leh pawisa a tlem berah nuaikhat tal hi chawi sela a tha lo maw?an thil tih pawizia hria leh tihve duhna rilru lo pu te pawhin a an tih ngam miah lohna tur hian man chhuah an nih chuan hrem ni sela ava tha ve! PHE lam hotute khan lo hre hma hlauhlo phei sela chuan Aizawl mipui zawng2 hi kan mang barh lovang tih tunge sawi thei?he pawi khawihna hi ka ngainep miah lova nia, sawi hluaia reh leh mai chi ah ka ngai lo. mi extreme deuh chu ni phei ila chuan mi nuai chuang fe thihna ai chuan chutiang zat tur a hrai hlum pawh pawisalo tu mi tlemte thi tura an chungthu rel hi pawi ka ti lo zawk viau maithei ani.

Report this comment

By: ma-a

ma-a — Wed, 04 Nov 2009 16:55:45 +0000

Heng tiang tih ching ho hi Criminals diktak chu an ni!Tun hi a vawi 1 na mai a ni lo,hetiang thil a thlen hian thu rorum pui2,”a na thei ang ber in hrem ni rawh se” tih hi a ri fo a,hrem an ni lem lo a ni mai thei!Kan in hmu leh hma thei em a!Heng ho, nungcha mai nilo, an hnampui leh mihring pui te thihna leh damlohna thlen pawiti lo a, tui tlanlai ngei tur a an han hrai duh hi chuh!Tur a an luitui hraina ang zat hi chu an ka chhung a hnawhluh ve tlak an ni in ka hria!Fiamthu lo in.

Report this comment

By: tlau

tlau — Wed, 04 Nov 2009 15:35:36 +0000

Tute nge maw ni le, man loha chhuah chi an ni lo tawp mai, sum hmuhna tur anih chuan kan mihring puite tur pek pawh kan hrehlo chu anih hi male, KRISTIAN za a za ramah hian

Report this comment

By: chawnghilh

chawnghilh — Wed, 04 Nov 2009 13:10:49 +0000

Dârlàwn Inkhàwmpui a tiak fel chiah a; Kum Puan Thupui namai lo tak nèn —Aizâwl khawpui chuan he thil hi a tawng nghal pang! A kârah ni engzàt nge tla hman? YMA pawhin Sorkâr thil chhui a tawiàwm a ngai khawp ang!

Sèrlui hi kan tui tlan ber a nih chuan a vèn him a harsâin ka ring lo. Sèrlui leh Tlawng infinna chhak lam zàwng hi chuti èm èma luidung thui tham a ni lo, Forest, Wildlife leh PHE tang tlângin a lui dung tluana inch tina inhlat pawhin an ding tlar thei vek ang!

Inbih chian chu kan ngai lu lam ta; tui mal far khat takngial pawh a hlut teh rèng nèn! Phase II a chingpen chhûng a rei hman vei nèn! Zu aiin a hlu zàwk asin maw le!

Report this comment

By: H.Vangchhia

H.Vangchhia — Wed, 04 Nov 2009 12:11:11 +0000

Hetiang ti hi chu tawngchhuah hun an nei hrim hrim. Mizo hi a tlangpuiin thu zep thei mi kan nilo. An in sawi chhuah hun ah tuman report hreh loh a tha. Tuikhur hnar a e chuan nun a ning a ni, an lo tih thin kha hei ngei hi a ni.

Hria ilang chuan ka report par par zel ang hetiang hi chu. Ram ti chhe tu, ram hmusit, duham, vervek, mahni hmasial lutuk, ram tih chhiat hreh lo ho hi chu ka haw tak tak ania kei chuan.

Comments on: Aizawl tlànlai lui tûr-a suasam

By: chawnghilh

By: ZerO

By: H.Vangchhia

By: whitesnake

By: ma-a

By: tlau

By: chawnghilh

By: H.Vangchhia

By: Taikheri

By: zualbonez