#Bible-a thu inziak zawng2 hrefiah vek emaw, la hrefiah vek thei turah ka ingaih thu ka sawi ka va hre lo ve, mihringte tan ka ti mai ani. Kei ve mai2 hi chuan ka hrefiah vek lul lovang. Mahse Pu Chawnghilh a tawngkam hawh lawk ila, 99% Mizo Kristian ten an hriatloh erawh hi chu kan hria e. Chapo leh insawitheih lam nilo, dik ni a ka hriat chu sawisel huam in ka sawi pawp mai anih hi.

Matthaia, Marka, Luka, Johana,adt,te khan an hriat chin ani an ziah ni, an hriatloh chu an ziaklo. Zawlneite hnenah khan Pathianin he leia hriat tullo, vana fiah tur a hrilh ang maw? A va uang awm ve? Nge a insawithei kan ti dawn? Ni lo, Bible a inziak chin chu hre tura min duh chin chiah2 ani a ziah tir.A ziaktu in a hrefiah tihna nilovin, tawpna a hnai telh telh ang a, Bible hi a fiah telh telh bawk dawn ka tihna ani zawk e.”Grepte chu a thur thur nen” ti mai lova, Pathian hnenah finna dil a, hrefiah turin ka duhsak vang che ani e.

I fanu, a naupan lai a misual in an rukbo, a pa ini tih pawh a hriat tawh loh hnu ah a awmna chin i hrechhuak a, chhanchhuah a ngai a, chhanchhuahna atana i ruahmanna chu lehkhathawn i thawn ta a, enge i ziah ang, a hriat tur a i duh chin ani dawn lawm ni i ziah tur chu? Misual kut a a luh a, an hriatthiamloh nan erawh i fimkhur thung ang.

Tin, JW emaw, denomination emaw zawng in ka sawi lo ka tih khi.An diktawklohna hretu zawk ka ni e.

A tirin tih hi atir a ni tih RING MAI tur in Pathian in min duh a,a ziah tir a, a tir ani tih ka RING a, chu chu ani Bible zirtirna hrefiah ka tih chu, ka buai ve tlat lo mai. Trinity rin chuan, a buai loh theihloh. Trinity hi Pathian in Judaten kum 2000 chhung atana Isua hi PATHIAN HRIAKTHIH-A chu ani tih an hai hrih theih nana a phal hrih mai ani. Bible zirtirna dik ani lo e.

Joba khan Bible hrevek niawm fahran in Pathian a cho lo, Khatih hun lai khan Bible pawh phuahkhawm ala ni bawk hek lo, Bible kawltu Juda hnam pawh anih hmel lemlo, Khawchhak fate ati mai ani. Pathian nen a an inhnialna kha thilsiam chungchang ah ani zawk.A inten a, a sim pawh kha Bible a intih hriat lam ani lo. Miin Bible zirtirna a hriatfiah takzet chuan, Amah chauh hi Pathian diktak ani tih te, engkim hi ama siam ani tih te, Isua hi Pathian fapa ani tih te,a thi a, a tho leh a, alo kal leh dawn ani tihte hi RING mai tur in min duh tih hi a hrefiah em em ang.Hei hi Joba cc a “a nunna erawh khawih chu” Pathian in Setana hnena a tih kha ani. A chhungthu hmanga thu inchuh a awm erawh chuan a dik 1 chauh a awm ang.

Babylon Empire chungnunna leh an chapopui em em chu hexadecimal 6,12,24,…..180,360 an hmuhchhuah vang kha ani a, 666 number pawh Babylon lalram atanga intan kha ani. Chu chu mihring din lalram, famkimlo sawina ani, chumi dawt chiah ah chuan MESSIA Lalram famkim,777 alo ding dawn,144000 hi 777 multiplication table ani a,chuan 666,777,144000 te hi arithmatical figure anni, entirna anni e.Ruatlawk anni a, zirtir 12 te atang khan a intan,Isua rorelpuitu turte anni, Puithiam class anni, lo tel ve tum tamtak Isuan a hnawl thu pawh kan chhiar thin kha. He class a qualification chu sang tak ani, chu chu Mizo (khawvel pawh ani) kristian ten a general a inzirtirnan kan hmang a, ringtu nun ti a kan vuah, kan zawm theih reng reng loh, kan chauhpui mek hi ani e.Damdawi inchawhsual kan nih ber chu.Hritlang awmna a chemotherapy chawh ang vel ani, a pawi dan chu.

Chhandamna huangchhung, vanram luahturte erawh ruatlawk nilo,a ring a piang, a duh a piang tan ani thung.Puithiam nilovin, khua leh tui class ani thung. Puithiam leh khua leh tui hi Democracy tarmit atang hian a fiah dawn lo ania aw, Juda tarmit atang a thlir a ngai ang. An tamlam chu mipui chhiarsenloh anni, an tamlam figure a pek ani lo.JW chauh ni lo e, chi tin, hman tin, denomination tin ami te anni ang. Mizote hi kan tam viau ka ring a sin, sual teh mah ila, RINLOHNA SUAL ah kan tlu tlatlo. Pathian in ringtute bonus a tiam, he lei pawh a SINTHUAH erawh chu kan chan chiang kuang thung.

A sei ta, a tlai ta, comment ka lo enlet leh lawk lo bawk nen. sorry. Ka sawi te hi pawm mai lo la,(i pawm mai pawh ka ringlo a) Beroia khaw mite ang khan lo finfiah tum zawk teh.

Report this comment

Report this comment

Rinthu mai a ni, tuman kan hre lo

Report this comment

Report this comment

I pawmdan chu keia lo sawisel rual chu a ni hauh lo ang le. Bible-a thu inziak zawng2 hrefiah vek emaw, la hrefiah vek thei tura i inngai chu a ropui ve hrim hrim e :).

zoho Says:
Bible hi Pathian in mihringte hriatthiam tur chin leh pawimawh chin, hre tura min duh leh min beisei chin min hriattirna ani. Bible thu zawng zawng hrefiah vek tur hian tungchhoa kal mihring zingah hian tumah an awm ka ring lo hulhual kei chuan.

zoho Says:
Thlarau Thinghlim thilpek ‘finna’ dawngte leh ringtu tupawh an thusawi ringte hnen ah chauh a fiah ang. Kan sawi ta sa sa huatah lo la lo la, “Thlarau Thinghlim thilpek ‘finna’ dawngte” i tih hi watch tower lama JW hruaitute i sawina a ni em? Tin, vanram kai tur chu mi 144000 chauh anni a, midang zawng hi chu leia awm kumkhua tur tih zirtirnate hi emni zirtirna 100 awm se, 99 chu dik lo a nia, a dik awmchhun i tih chu? Mizo zingah phei chuan vanram han kai ve tur hi kan awmlo anti a ni lawmni khah? Isua lo kal leh hunah chuan piangtharte chauh nilo, piangthar lote pawh kum sang lalrama lut turin an tho leh dawn tih te hi maw zirtirna dik awmchhun ni a? Isua hi Pathian engkimtithei nilovin, mihring te ang bawka thilsiam a ni tihte hi a lo ni maw Pathian thu hrefiah zirtir dan tur?

Zawlnei Daniela’n finna a pung dawn a tih avang hian Bible hi kan hrefiah vek ang tih a kawk in ka ring lo. Amah Daniela ngei pawh khan hrilhlawkna thu a dawn kha a hrethiam chuanglo a nih kha. Tin, hrilhlawkna thu hi hriatfiah vek tura tih pawh a ni kher lo.. alo thlen famkim hunah Pathian thiltihtheihna leh ropuina puanchhuahna hmanrua anni fo zawk. Entirna tha ber chu Isua kha a ni.

A tawp berah chuan Bible hi hrefiah i inti bawka, Bible chhunga thu har sang tel zinga mi ni lo in, Bible phek hmasa ber, a tlar khatna thu chauh hi han sawifiah ta che: Genesis 1:1 thu; “Atîrin Pathianin lei leh vân a siam a” tiha ‘atir’ tih lai hi han hrilhfiah dawn teh. Johana 1:1 chuan “Atirin Thu a awm, Thu chu Pathian hnenah a awm, Thu chu Pathian a ni” ati ve mauh mai si a. Chang 14 ah “Tin, Thu chu tisaah a lo chang a, kan zingah a awm ta a, (Pa fa mal neih ropui angin a ropuizia kan hmu,) khawngaih leh thutakin a khat) atih avang hian Isua Krista sawina a ni tih a chiang bawk si a. Tichuan, Genesis 1:1 in atira siamtu Pathian a sawi leh Johana 1:1 in a sawi Pathian chu Isua a nih si chuan engtin nge Isua chu thilsiam (creation) anih theih ang? Amah leh amah a insiam tihna emni? Hriatfiah har ka tih zawng tak a ni, i hrefiah em nang? Atir pahnih chu a awm thei awm silova !!(Isua kha thilsiam anih ring pawlah i tel ve reng reng em tih pawh hi han sawi chiang law law la a tha zawkin ka ring deuh)

Joba chuan, “Tu a ni nge, hriatna lova thurawn thup botu hi?’ Chuvang alawm ka hriat thiam lohte, Ka tana mak lutuk, ka hriat loh thilte ka sawi ni… Chuvang tak chuan ka inten a, Vut leh vaivuta thuin ka sim ta e” tiin hre siloa hre vek niawm fahrana Pathian han ‘cho’ vel kha a sim chiang kher a nih kha.

A tawp nan tak tak.. real last :lol: Vanram kal tur mi 144000 zinga la dam awmte hi Jehova Witness te zinga mi chauh emni tih hi min han chhang thei hram em? Bible ah a inziak miau mai si a, i hriatchian deuh ka ring tlat. Bible thuziak hrefiah vek theia inngai tan chuan thil harsa a ni lem lovang chu…nangman i hre lo anih pawn, venna insang lamah te pawh i zawt thei tho bawk ang tih ka ring e.

Report this comment

#41@donald
#46@Keimahte
Hnial hratlam nilo in, rawngbawlna a ngaiin kan ti leh hram teh ang:

1. Bible hi Pathian in mihringte hriatthiam tur chin leh pawimawh chin, hre tura min duh leh min beisei chin min hriattirna ani.Chuvangin ‘He Lei ah hi chuan Pathian thu hi chu hriatfiah rual ani lo’ tih hi ka pawm lo. Bible a inziak chin hi chu a fiah kawk tur a ni, Setana’n kan hriatfiah erawh a hlau em em thung.Kan hriatfiah lohna chhan hi Setana bumna tihna anih chu. Thlarau atanga finna dawn chuan a fiah tur ani tawp. Isua lokal leh hun tur pawh hi Bible thuhar leh hrilhlawkna zawng zawng a fiah felfai thlup/thup hun ah aniang.
(Dan 12:4…tawpna hun thlengin…finna(worldly & divine) a pung dawn si a….)
(Thup 22:10…he lehkhabu a hrilhlawkna thute hi zep suh, a hun chu alo thleng dawn tawh si a..)

Mi zawng zawng ah erawh a fiah lovang,Thlarau Thinghlim thilpek ‘finna’ dawngte leh ringtu tupawh an thusawi ringte hnen ah chauh a fiah ang.
(Dan 12:10…misual ten a ngaihna an hre lovang, mi fingte erawh chuan a ngaihna an hria ang…)
(I Kor 12:8 – … Thlarauvah chuan finna thu pek a ni a…)

Thuhar leh rindan engpawh rindan leh pawmdan pakhat aia tam a awm reng reng in, pakhat chu a dik a, a dang zawng chu an diklo tihna ani zel ang. Dik inti theuh, inanglo theuh 100 an awm chuan 99 chu an diklo tihna.Hetah hian denomination zawngin ka sawi lo.Tam avanga thlamuan ngawt
hi atna chikhat ani.
Mahse vanneihthlak em em in, heng rindan hrang hrangte hi Chhandamna thaibona khawp RINLOHNA SUAL anni lo hlauh. Mahse he post thupui THIHHNU THLARAU chung chang te hi rindan diktawklo(Bible tanchhan tho, mahse dik silo)kan lo vawn chuan Pathian ah leh Bible ah kan than a thu tlat thei a, ngawt(tumor) chikhat ang ani ber mai.Setana thang chi hrang hrang Spiritism, Occult, Necromancy, Medium, etc ah kan bo pil daih thei a,Setana ramri kan dai anih chuan RINLOHNA SUAL a tawp hial theih ani.

N.B. Kan danchhung tawite a kan career tana kan zir ang tluk leh kan damkhawchhuahna atana eizawnna hna a kan beih ang vel chauh tal pawh hian kan chatuan nunna khawih thil hi ngaipawimawh in tuihal ila chuan Pathian hian finna a min thuam hi a intiam asin.(Eizawnnan a Pathianthu hmang, Pharisai leh Sadukai te thlarau chang theolozian kal sualte erawh tuihal ka tihte an ni lo).
“tupawh tuihal apiang lo kal rawh u…” tih hi chhandamna a tuihalte chauh sawina ani lo, Pathian leh a thu a tuihal zawng zawng te sawmna ani e.

Report this comment

Report this comment

Tin, “Isu, i ram i thlen hunah mi hre reng ang che,” a ti a. Tin, ani chuan a hnenah, “Tih tak meuhvin ka hrilh a che, vawiinah hian ka hnenah Paradis-ah i awm ve ang,” a ti a.

‘i ram i thlen hunah mi hre reng ang che’ tih hi English Bible zawng zawng deuh thawin ‘remember me when you come into your kingdom’ tiin an dah a. Helai thu hi zotawng Bible hian a phawk fuh chiah lo nia ngai an awm hi thil awm tak pawh niin a lang. God’s word translation in a lehlin dan anga zotawnga dah ve mai a nih hmel [“Then he said, “Jesus, remember me when you enter your kingdom”– GOD’S WORD® Translation (©1995)] ‘Vanram i han thlen chhoh hunah min rawn hre ve reng ang che’ tihna lam a kawk deuh tlat a ni. Mahse hei hi helai changin a kawh chu a ni si lo.

Young’s Literal Translation hian a awmzia chu a phawk fuh ber awm e : “and he said to Jesus, ‘Remember me, lord, when thou mayest come in thy reign;'” ‘Isu, rorel tura i lo kal hunah min hre reng ang che’ tihna a ni ber ang chu. He hi Juda ten Messia an beisei dan leh Thuthlung hluia Messia chungchang zirtirna leh hrilhlawkna nen pawh a in min thlap a ni. Messia chu LALBER, khawvela roreltu tur a ni tih Bible chhiar thin chuan kan hre vekin a rinawm.

Tichuan Isua chhana hi sawifiah ngai leh ta chu a ni a. “Tih tak meuhvin ka hrilh a che, vawiinah hian ka hnenah Paradis-ah i awm ve ang” tih hi English Bible-ah chuan “I tell you the truth, today you will be with me in paradise” tih a ni a. Hei hi thenkhat chuan (post tupa ngaihdan ang hi) ‘coma’ dahna hi sawn hlekin a awmzia diktak a phawk fuh zawk niin an ngai. Coma hi ‘truth’ tih zawh chiaha dah lovin ‘today’ hnung chiaha sawn chuan “I tell you the truth today, you will be with me in paradise” tih alo ni ta a, chu chu “vawiinah hian tih tak meuhvin ka hrilh a che, ka hnenah Paradis-ah i awm ve ang” tiin a dah thei ta a. Amaherawh chu hei hi a herh deuh in a lang tlat zawk. A chhan chu Isua tawngkam han zir chian hian, ‘tih tak meuhvin tih tak meuhvin ka hrilh a che(u), tih hi a hmang hnem em em a, mahse ‘vawiinah hian tih tak meuhvin ka hrilh a che u’ a ti ngai lo. Chuvang chuan Luka 23:43 ah pawh hian “vawiinah hian tih tak meuhvin ka hrilh a che, ka hnenah Paradis-ah i awm ve ang” a tih ai chuan “Tih tak meuhvin ka hrilh a che, vawiinah hian ka hnenah Paradis-ah i awm ve ang,” a tih hi a rinawm zawk mah a ni.

Engpawhnise Lal Isua’n a sawi tum ber zawk chu, misual khenbeh ngenna anga ‘khawvel tawpa rorel tura a lokal leh huna rawn hriat ve mai nilovin, khami ni la la khan Pathian mihriat a ni ta tih a hriattir a, khami ni atang khan Isua hnenah, paradis-ah a thlarau a chawl ta tih a hrilh a ni. “Chutichuan, taksaa kan awm chhung hian Lalpa hnenah kan awm lo tih hriain…taksaa awm lova Lalpa hnena awm kan duh zawk”(II Kor 5:6-8) tia Paula’n a ziak ang khan. Paradis hi chu thlarau lam thil a nih miau avangin thih hma chuan kan hrethiam phak lovang tih hi pawm mai ila kan inhnial lo ber ang.

Report this comment

Report this comment

I thlen hunah tih leh I lokal hunah tih hi a awmzia a dang hle mai.
Engpawhnise, kan Bible ah hian thu inkawlkalh(paradox) anga lang hi a awm nual reng a ni. Hei tak hi a Pathian thu-na pawh niin a lang.
Mitthi thawhlehna te, ruatlawk thu te, thih hnu khawvel(thlarau khawvel) thu te leh thudang tam tak hi a vai hian hrefiah fai kelh i lang chuan kan Pathian thu leh rin dan hian chungchuanna(uniqueness) a nei lovang.

Nimahsela, thu chiang tak kan bible-in min hrilh chu’ vanram a awm a, chutah chuan Lal Isua ringtute chu an kal dawn’ tih hi a ni. Chu hmuna kal/lut tur chuan kan inpeih em? Engtikah nge kan luh/kal ang? Tih aiin, ka lut/kal ve a ngem ? Tíh hi a pawimawh hmasa chu a ni.

Report this comment