Comments on: Hla leh a Hrilhfiahna by K.Zawla

By: lushai_er

lushai_er — Mon, 11 Oct 2010 11:07:19 +0000

@21: Nia a format khi ka siam ang a ni bik lo, chhiar pawh a hrehawm khawp mai. MSWord a ka type kan paste khan a dik thei lo reng reng a! Vawi 2/3 ka try a, a result chu khi tiang tho khi!

Quotation mark aia Tab ka hman vang anih khi. Quotation mark hman ka lo tum tawh ange.

Report this comment

By: lushai_er

lushai_er — Mon, 11 Oct 2010 11:01:36 +0000

Mangkhaia chu a pa chuan an dar thir bu chuan a tlan ta a. A kawl khen thlawn nan sarep chhungah thirkhen a phum a, a pe bawk a. Mahse, Darphhunga chuan tawngkam tha takin ” Thing leh rua a innawt a, i fapa kan lo man a, nangin i rawn tlan leh ta a ni a. Tun hnuah pawh lunglohva neih tur a ni lo va. Kan lo awmpui rei tawh a,han inthen dawn takah chuan lung te pawh a leng a. Hla phuah lah a thiam si. Chuti maia a kal zawng a rem lo vang. Zute kan han sa anga kan la rawn thlah dawn a nia. Ngaih tha deuh khan lo zuk haw rawh a ti a. A pa chu chu chuan a thlamuanga, ngaih tha takin a haw ta a.

A haw kawngah hian Luhsum a pe lawk vek bawk a. Bualtea Chhangteho erawh hmeithai khua an ni bawk a, hlauhthawn tlakah a ruat lo va, luhsum a pe ve duh ta lo va. Bualte ho hian Mangkhaia hi zu an zuk a, an that ta mai a!

Report this comment

By: dolerich

dolerich — Mon, 11 Oct 2010 10:55:01 +0000

lushai_er: I titha hle mai, ka save teh ang. Mahse maw, hla thu i qoute-ah hian qoutation pakhatmah i hmang lo va, a zia lo ang reng ka ti mai mai.

Report this comment

By: H.Vangchhia

H.Vangchhia — Mon, 11 Oct 2010 10:38:50 +0000

lushai_er, tunlai Mizo hla thar ho tamtak ka ngaihthlak peihloh chhan i rawn ti fiah kuarh ni berin alang. Ka lawm nawn awn awn e.

Report this comment

By: lushai_er

lushai_er — Mon, 11 Oct 2010 10:35:20 +0000

Mangkhaia hlate chu :-

1.Dara sawngka lerah ka chuan a,
Kan Champhai khua thloh ang thlir ila.

2.Khua lo thal e, romei kai chiai e,
Chung vakawl ang len nuam ing e.

3.Chung vakawl ang kan len chawk lovah,
Saw hmar tlangah ka hrai ngai ing e.

4.Saw hmar tlangah ka hrai ngai ing e,
Lungkham Lianlerin mi ngai ve maw?

A dang pawh a la awm nual

Report this comment

By: lushai_er

lushai_er — Mon, 11 Oct 2010 10:22:42 +0000

@DXBfreak : Mangkhaia hi Ralte-Khelte hnam an ni a, a pa chu Mangthawnga a ni a, a nu chu Tinsungi a ni. Champhaiah hian an awm thin

Mangkhaia hi Lianchi-a tih lohvah chuan hman lai Mizo tlangval hmel tha ber pawl a ni. Upa tawngkam-in maupui sahthlau ang pur mai a ni. Zai thiam tak a ni bawk.

Mangkhaia te hi an hausain thi leh dar an ngah hle a. Zawngte tlanga Zadeng lal Darphunga phei chuan an dar bu a awt em em mai a, a neih sak dan mawlh a ngaihtuah a. Run tumin a thawk a, mahse an rin aia an khua a len avangin dai lamah an ko chhuak a, an man ta a.

Mangkhaia an man hnu lawk hian an doral Hmar-ho chuan Mangkhaia nu, Tinsungi daikal chu an man bawk a. Tuichhinah chuan an tan tir bawk a. Mangkhaia’n a nu tan thu a lo hriatin pawi a ti em em a, he hla hi a phuahchuak ta a ni.

“Ka nu’n Tuichhin lamzawl a phiat a,
Keiin Dara runin ka phiat a” tiin.

Report this comment

By: H.Vangchhia

H.Vangchhia — Mon, 11 Oct 2010 10:07:40 +0000

A ngaihnawm hle mai, ka pu min hriatchhuah tir rum rum mai alawm mawle. Neih chuan contri’ belh zel chi mawle

Report this comment

By: muantea

muantea — Mon, 11 Oct 2010 09:37:39 +0000

lushai_er: a va bengvarthlak tehreng ve le! Ka save hmak e. Hla thu un pui pui hrilhfiah hi a har teh mai a nia. A hun laia an nunphung leh a phuahtu ngaihtuahna thleng dawn thiam a ngai tawh thin.

Hetiang post hlu hi mi(sual) ah hian a va khat em! Lo awm belh zel teh se.

Report this comment

By: hlatekhua

hlatekhua — Mon, 11 Oct 2010 08:10:25 +0000

A bengvarthlak fe mai ka ti! Seminar-ah emaw lecture-ah emaw pawh a chhiara chhiar ni se, a post-tupa ngei hian a hla thu te khi a chhiar dan dik takin han chhiar dap dap se, a ngaihnawm lehzual ngawt ang.