Hnahlan leh champhai bawr velah te khian Grape huanah hna hanthawk ve ta ila tichuan thawhrim ngaihzia chu kan hre ngei ang.
Thlantui luang zawih zawih a kawla nichhuak chhiar a, mi thawhchhuah hi awmhmun atanga lo sawiselsak ngawt hi a fuh ber lem dawn em ni le.
Sawrkarin kuthnathawktute hamthatna turin ruahmanna a siampui a, a lo tha ta lo viau a nih leh a tha zawk dang an zawng mai ang.
Hei hi erawh a chiang, Mizoram hian a kum telin kawng hrang hrangah hmasawnna kawng kan zawh ve zel. Mipui pawh kan fing telh telh a, kum 20 liam ta a kan dinhmun leh tuna kan dinhmun chu inthlau tak a ni tawh. Taimakna kawngah pawh kan harhchhuak leh mek tawh a, ruahmanna felfai zawk nen sawrkar hian min han khalh deuh phei se chuan kan kang awk awk ngei ang.
Thil reng reng hi rilru dik pu a kan thlir chuan a eng thin.
Keimahni ram chhungah a chhe thei tawpin inchhuah thin mah ila, India ram ang zawnga inkhaikhin phei chuan Northeast State dangte hi chuan zirna kawngah te mihring nun hrim hrimah te min chung en tan der tawh tih hi thudik a ni.
Hma kan sawn zel ang, Zawlaidi pawhin a tha zawngin, quality zawk leh changkang zawka siamchhoh a la ni chho ngei ang tih ka ring tlat. Sawisel leh inbei ringawt lo-in engtin nge niang a tha zawnga hmma kan sawn tir theih ang ti zawnga sawrkar pawh kan hrilhhriat a pawimawh zawk a ni.
]]>Excise leh YMA duty te khan i zawlaidi in kha a pure nge mix an hre tawh dawn lo. Zawlaidi i tih tlat chuan an man thei dawn chuang lo che. Mak si, tha si, nuihzatthlak…. 