Chawhnu khan Kolasic District Court-a First Class Megistrate chuan a naute zu a lak tir a. Zu in laktir atangin inepna a rawn chhuak ta.�

Thudawn danin Silchar lam atangin Two Wheeler in mi pahnihin zu um 28 an phur a, an bike-ah hian, “Kolasib District Court” tih a intar a.�

An zu phurh hi excise gate a duty te chuan an lo mansak a. An mi mante hian magistrate Malsawmdawngliana tirh an nih thu sawiin magistrate pawh hi hriattir nghal a ni a. Magistrate an hrilh hnu hian engmah sawi lovin Malsawmdawngliana hian excise duty te chu vau-in ‘warrant of arrest’ a siam nghal.�

�Vairengte Police OC ARV Pillai leh a naute pawh Vairengte Excise Checkgate-ah hian tirh nghal an ni a, tunah hrih chuan excise duty te hi man an la ni lo a, “Police te hian an ngai thu tak lem lo niin ka hria,” Excise official chuan a ti.�

�”August thla vel khan magistrate Pu Malsawmdawngliana hi Silchar lam atangin a lo haw a, Checkgate a duty te chu beer a rawn inkhum a. Kan nau pakhat chu, ‘Beer hian ka leih ang che’ a lo tih khum tawh bawk a. A inzahlohthlak hle a, hemi tum pawh hian kan rilru a na khawp mai,” Excise official chuan a ti bawk�

Vairengte Excise official chuan thenkhat chu an kaltlangtir ve tho tih sawiin, “Mi thenkhat chuan thil awmzia an rawn sawi a, an mamawhnate an sawi chuan kan chhuah ve tho a. Amah kan biak pawh khan tha tha takin min rawn hrilh ve mai se buaina tur a awm ka ring lova. Hetiang thil hi a tizing tawh khawp mai” a ti a. Tun tuma buaina ang chu an tawng zen zen lo tih a sawi bawk.

�An zu man hi vawiin lam khan Kolasib lamah an thawn chho nghal nia hriat a ni.