By: dolien

dolien — Tue, 15 Feb 2011 10:28:12 +0000

hmaaaanah Mizotrawngin kan let tawh…

Ka fa,

Min hre lo maithei a, kei erawh chuan chiang takin ka hria che ( Sam 139:1 Aw LALPA, nangin ngun takin mi en chhuak a, mi hre ta.)

I mutlai leh i dinlai pawhin ka hria che a. ( Sam 139:2 Nangin ka thut leh ka din hi i hre thin a..)

I awm dan zawng zawng hi ka hre vek a ni. ( Sam 139:3 Ka awm dan zawng zawng hi i hre vek a.)

Keima anpuia siam i ni a ( Genesis 1:27 Tichuan Pathianin ama anpuiin mihring a siam a, Pathian anpui ngeiin a ni a siam ni; mipaah leh hmeichhiaah a siam a ni.)

Chuvang chuan i samzai lamin a zat ka hria a ni ( Matthaia 10:30 In samzaite lam pawh hi chhiar vek a ni asin.)

Ka fa i ni a. (Tirhkohte 17:28 nangmahni hlaphuahthiam tute emaw pawhin, ‘Keini pawh a thlahte kan ni si,’ tia an sawi ang khan.)

Keimahah hian i nung a, i che a, keimah hian i awm reng \hin. (Tirhkohte 17:28 Amah avangin kan nung, kan che, kan awm a ni si a..)

Pum chhunga i awm hma pawhin ka hria che a ( Jeremia 1:5″Pum chhunga ka siam hma chein ka hria che a)

Ka duh ang taka ka ruat lawk i ni asin ( Ephesi 1:11 Ama duhzawnga remruat ang zela thil engkim titu tum anga ruat lawk ni tawhin, amahah bawk chuan a ro tura siam kan ni)

Tihpalh thil thua siam i ni lo va. I nun dan zawng zawng leh i hun hman zawng zawng hi ka lehkhabuah ka chhinchhiah vek \hin. ( Sam 139:15 -16 A ruka siama ka awm a,Lei hmun hnuaihnung bera mawi taka siama ka awm lai khan Ka ruhrel chu i lakah thupin a awm lo. Ka riruang la famkim lo chu i mitin a hmu a,I lehkhabuah chuan ka pengte zawng zawng hi ziak vek a ni a, A ni tela siamin a awm zel a, A pakhat mah la awm hmain)

Mak tak leh danglam taka siam i ni a ( Sam 139:14 I hnenah lawm thu ka hrilh ang che; hlauhawm tak leh mak taka siam ka ni si a:)

Chuvangin i pian hun tur, i khawsak dan turte ka ruahmansak che a. (Tirhkohte 17:26 Tin, lei chung zawng zawnga awm turin bul hmun khat vekin hnam tin mi a siam a, an tan hun bite a ruat a, an awmna rite pawh a khamsak a,)

I nu pum chhungah uluk takin ka enkawl che a (Sam 139:13 Nangmah ngeiin ka rilru i nei a: Ka nu pum chhungah mi khuh a)

Chumi hnuah keiman ka lachhuak che a (Sam 71:6 Ka nu pum atang rengin nangma kaihin ka awm thin a: Ka nu ril ata mi la chhuaktu i ni a;)

Min hre lote hnenah ka inpuang ngai lo va ( Johana 8:41-43 Nangni zawngin in pa thil chu in ti thin,” a ti a. Tin, anni chuan a hnenah, “Inuirea hrin kan ni lo ve, Pa pakhat chauh kan nei, Pathian chu,” an ti a. Isuan an hnenah, “Pathian in Pa a nih chuan nangnin mi hmangaih ang chu; Pathian hnena chhuak leh a hnen ata lo kal ka ni si a; keima thua lo kal ka ni hek lo, amahin mi tir zawk a ni. Engati nge ka tawng awmzia in hriat loh? Ka thu in dawnsawn theih loh avang a ni.)

Ka thinrim vang leh ka awm hlat vang a ni lo. Hmangaihnaa khat ka ni si a (I Johana 4:16 Pathianin keimahnia hmangaihna a neih chu kan hria a, kan ring bawk a ni. Pathian chu hmangaihna a ni; hmangaihnaa awm reng chu Pathianah a awm reng a, Pathian pawh amahah a awm reng a ni.)

Ka hmangaihna chu i hnena lanchhuahtir ka duh \hin a. A chhan pawh ka fa i ni a, i pa ka ni si a (I Johana 3:1 Ngai teh u, Pain min hmangaihna chu a va nasa em! “Pathian faahte” min vuah tak hi; chutiang chu kan ni reng e. He mi avang hian khawvelin min hre lo a ni, amah chu an hriat loh avangin.)

Pa zawng zawng zinga \ha ber ka ni a (Matthaia 5:48 Chutichuan, in Pa vana mi a \ha famkim angin in \ha famkim tur a ni.)

Khawvela i pa aiin thil \ha tam tak ka pe nasa zawk che a, kawng \ha ka kawhhmuh nasa zawk che ( Matthaia 7:11 Chutichuan, nangni mi sual mahin in fate thil tha pek nachang in hriat chuan, in Pa vana mi chuan a diltute chu thil tha a pe zawk em em dawn lo vem ni?)

Thilpek \ha tak tak i dawnte hi ka kut a\anga i dawn a ni a ( Jakoba 1:17 Thilpek tha leh thilpek famkim zawng zawng chu chung lam atangin engte Pa hnen ata, a lo chhuk thin a ni, amahah chuan danglamna leh herna hlim reng reng a awm thei lo.)

I pa ka nih avangin i mamawh apiang ka pe che a, i mamawh hretu ka ni (Matthaia 6:31-33 Chutichuan, ‘Engnge kan ei ang?’ emaw, ‘Engnge kan in ang?’ emaw, ‘Eng sinin nge kan awm ang?’ emaw tih, lungkham suh u, Jentailten chung zawng zawng chu an zawng thin a ni. Chung zawng zawng chu in mamawh tih in Pa vana mi’n a hre reng a ni. A ram leh a felna chu zawng hmasa zawk rawh u, tichuan chung zawng zawng chu a pek belhchhah dawn che u nia.)

Ka hmangaihna che hian tawp chin a nei ngai lo va ( Jeremia 31:3 Hmanah ka hnena LALPA lo lang chuan, heti hian a ti: A ni, hmangaih tawp lovin ka hmangaih chia,)

I hmalam hun atan beiseina eng ka hnutchhiah sak \hin che a ni (Jeremia 29:11Nangni lama ka rilru putzia chu ka inhre si a, in hun hnuhnung tawpah chuan beiseina pe tur che uin thil tha lo ni lovin thatna ka ngaihtuah asin.)

Engtiklai pawhin ka ngaihtuah reng \hin che a,chhiar dawn ila tuifinriat \iauvut aia tam a ni hial awm e (Sam 139:17-18 Aw Pathian, i ngaihtuahnate chu ka tan a va hlu em! A infin khawm chu a va nasa em! Chhiar dawn ila, a tam lam chu tiau vaivut aiin a tam zawk ang)

I chunga ka hlim em avangin ka zai chhuak hial \hin a (Zephania 3:17 LALPA i Pathian chu i chungah a awm e, Chhandamtu tur mi chak tak chu: Lawmin i chungah a hlim ang a, a hmangaihna a tithar ang a, Hla sain i chungah a lawm ang.)

Ka tan ro i ni a (Exodus 19:5 Chuvangin ka thu in ngaihthlak tak zet a, ka thuthlung hi in pawm chuan khawvel hnam zawng zawng zingah hian ka tan ro thlan bik in ni ang: khawvel pum pui hi ka ta a ni si a:)

I lakah thil \ha tih ka chawlhsan thei ngai lo va (Jeremia 32:40 LALPA chuan heti hian a ti a ni: ‘He mite chunga thil tha lo nasa tak ka thlen ang ngei khan anmahni hnena thil tha ka tiam zawng zawngte chu ka thlen ngei ang.)

Ka thinlung leh ka rilru zawng zawngin ngelnghet taka i awm ka duh a (Jeremia 32:41 Ka thinlung zawng zawngin ka phun nghet ngei ang.)

Thil ropui leh mawi tak takte hmuhtir che ka duh a (Jeremia 33:3 Mi au la, ka chhang ang che, thil ropui leh inthup i hriat ngai loh chu ka entir ang che.)

I thinlung zawng zawnga mi zawn chuan min hmu ang (Deuteronomy 4:29 Nimahsela chutah pawh chuan LALPA in Pathian chu in zawn a, in thinlung zawng zawng leh in rilru zawng zawnga in zawn chuan in hmu leh ang.)

Min tih lawm apiang hian i thinlung duhzawngte ka pe \hin che a ( Sam 37:4 LALPA chungah chuan lawm bawk rawh; Tichuan i thinung duhzawngte chu a pe ang che.)

I duh zawng pe \hintu che ka ni si a ( Philippi 2:13 ama lawmzawng atana tih tum tur leh bei tura nangmahnia thawktu chu Pathian a ni si a)

Nangmah fuih a, phurna pe \hintu che ka ni a (II Thessalonika 2:16 Tichuan, kan Lalpa Isua Krista ngei leh Pathian kan Pa, min hmangaihtu leh khawngaihna avanga chatuana thlamuanna leh beiseina tha min petu chuan, in thinlungte chu tithlamuangin, thil tihthat leh thusawi that tinrengah tinghet rawh se.)

I tana tih ka duhte hi i ngaihtuah chhuah phak baka nasa a ni (Ephesi 3:20-21Tichuan, keimahnia thawk thin thiltihtheihna ang zelin, kan dil leh kan ngaihtuah zawng zawng aia nasa zawk ti theitu hnenah ngei chuan)

I pa, i manganna zawng zawnga thlamuan \hintu che ka ni a (II Korinth 1:4 Pathianin keimahni min thlamuanna ngeiin hrehawm eng anga awmte pawh chu kan thlamuan ve theihna turin ani chuan kan hrehawmna zawng zawngah min thlamuan thin)

I lungchhiat \umin ka hnaih sauh \hin che a (Sam 34:18 LALPA chuan thinlung lungchhiate chu a hnaih thin a)

Berampuin a beram a pawm \hin ang hian ka angchhungah ka kuah \hin che a. (Isaia 40:11 Ani chuan beram vengtu angin a pawl chu a chawm ang a, beram note chu a banin a pawm khawm ang a, a angchhunga dahin a kalpui ang a)

Engtikah emaw chuan i mittui zawng zawng hi ka la hrufai vek ang (Thu Puan 21:4 An mit ata mittui zawng zawng a hrufai ang a)

He khawvela i lungngaihna zawng zawngte pawh ka chhawk zangkhai sak ang che ( Thu Puan 21:4 Thihna a awm leh thei tawh lo vang a,Lungngaih te, tah te, nat te pawh a awm leh tawh hek lo vang)

I pa ka ni a, ka fapa Isua Krista ai mah pawhin ka hmangaih zawk che asin ( Johana 17:23 kei anmahniah, nang keimahah, anni pumkhata an awm a, an famkim theihna turin; nangin kei mi tir tih leh, mi hmangaih angin anni hi i hmangaih tih, khawvelin an hriat theihna turin.)

Isua-ah chuan ka hmangaih zia che ka tarlang a ( Johana 17:26 Tin, an hnenah i hming ka hriattir a, ka hriattir leh fo vang; nangin kei mi hmangaihna kha anmahniah a awm a, kei pawh anmahnia ka awm theihna turin,” a ti a.)

Ani chu keimah ang chiah, ka aiawha lo lang a ni a (Hebrai 1:3 ani chu a ropuina eng leh, atak anpui ngei leh, ama thiltihtheihna thua engkim tungdingtu niin, sualte a tlenfai hnuin chung lama Ropuibera ding lamah khian a than thu a)

Amah hi a lawm i lamah ka \ang a ni tih rawn tilangtu chu ( Rom 8:31 Chung thuah chuan engnge kan sawi ang le? Pathian kan lama a tan chuan tuin nge min do thei ang?)

A hnen a\angin i tih sual zawng zawng ka chhinchhiah loh thu i hria a. A thihna chuan kan inkarah remna a thlen ta zawk a ni ( II Korinth 5:18-19 Nimahsela, engkim Pathian hnen ata chhuak a ni a; ani chuan Krista avangin amah nen inremin min siam a, inremna rawngbawl hna min pe a; khatia, Pathianin Kristaah chuan khawvel hi amah nen inremin a siama an bawhchhiatnate chu bawhchhiatnaa ruatsak lovin, inremna thu min kawltir kha.)

A thihna chu ka hmangaih zia che tarlanna a ni si a ( I Johana 4:10 He miah hian hmangaihna a awm, keimahnin Pathian kan hmangaih ka ti a ni lo va, amahin min hmangaih a, kan sualte thupha chawina ni turin a Fapa a rawn tir ka ti a ni zawk e.)

I mi hmangaih ka duh avangin ka neih chhun i tan ka hlan a ( Rom 8:32 Ama Fapa ngei pawh zuah lova, kan zaa aia petu chuan thil zawng zawng pawh athlawnin min pe tel lo va ngem ni?)

Ka neih chhun hmanga ka thil pek che i pawm phawt chuan kei mi pawm i ni ( I Johana 2:23 Tupawh Fapa awih lo chuan Pa pawh a pawm chuang lo; Fapa awihtu erawh chuan Pa pawh a pawm a ni.)

Engmahin nang leh kei hi min \hen tawh lovang (Rom 8:38,39 Thihna te, nunna te, vantirhkoh te, lalna te, thil awm sa te, thil lo la awm tur te, thiltihtheihna te, sanna te, thukna te, thil siam dang reng rengte pawhin, kan Lalpa Krista Isuaa awm Pathian hmangaihna ata chu mi then thei lovang tih dik takin ka hre si a.)

Ka hnenah lokal la, vante pawhin an la hriat ngai loh khawpa nasain ka lo lawm ang che ( Luka 15:7 Ka hrilh a che u, chutiang bawkin mi fel sawmkua leh pakua sim chuan tur nei lote ai chuan mi sual pakhat sim chungah hian vana mi an lawm zawk ang.)

I pa ka ni a, ka ni kum khua bawk ang ( Ephesi 3:14-15 a Thlarau zarah mihring chhungnung lamah chuan thiltihtheihna tihchakin a awmtir theihna tur che uin, Pa, lei leh vana chhungkaw tinreng hming chawi chhana hmaah chuan ka thingthi thin a)

Hei erawh ka zawt a che, ka fa nih i duh tak tak em? I chhanna ka nghak reng e (Johana 1:12 Nimahsela amah lawm apiang chu, an hnenah Pathian fate nih theihna tur a pe, a hming ringtute chu)

Nangmah hmangaih rengtu

I pa
Engkimtithei Pathian

Report this comment