@Indian Engineer-a Mechanic driver C.Rochhinga chuan September 10, 1942 khan motor, Aizawl a rawn luh puia, Aizawla motor lut hmasa ber ani. A mimala Jeep nei hmasa ber chu Pachhunga a ni. Kum 1997-98 ah mizoram a motor in-register 22669 a tling pha tawh. (Source- VICTORY, ibid, Dr. Zokumaa Article, PASALTHA ‘A’ LEH ‘B’ TE CHANCHIN, P. 68-69)
@Mizoram a political party piang hmasa ber (April, 9,1946) hmingah MIZO UNION tih ania, April 29, 1954 khan Lushai Hills District pawh ‘Mizo District’, leh District Council pawh ‘Mizo District Counsil’ tia thlak ani. (Source-B. Zaliana, MIZORAM POLITICAL PARTIES AND LEADERS (Documentary record), Aizawl, 1997 p.17-19)
@Mizoram District Council-a Chief Executive Member (CEM) hmasa ber chu Lalsawia niin kan U.T Chief Minister hmasa ber chu Ch.Chhunga ani.
@1955 khan mizo zingah Jamchonga Nampui hi Competitive exam-a IAS a inziak tling hmasa ber ani. Lalhmingliana Tochhawng (1943) a lut, (Mizo te zingah) kum 1951 ah IAS hmasa ber atan a tling.
@Kum 1900 khan Zotawngin lehkhabu pakhat mah ala awm lo. A AW B erawh min siamsak hman hrama, Kan pi pute hla leh thawnthu min hlan chhawnte pawh ziak ngeia kan dah hun chu India indan hnu a ni deuh vek, mizo te hi hmasawn chak tak chu kan lo nie, Kum 2000-ah chuan mizoramah ringawt pawh kumtin a tlangpuiin lehkhabu thar 100 chuang a chhuak tawh, Aizawl atang ringawt pawhin kum 1998 khan Approved Daily Newspaper 35 leh News Megazine 45 a chhuak tawh ani. Kan tamzia (kan tlem zia) ngaihtuah phua khawvela chanchinbu ngah ber hnam zinga mi kan ni ngei ang.
@Kum 1900 lai kha chuan lung ina tang (jail) kan awm lo tluk ani, kum 1920- 1950 inkar, kum 30 chhungin Aizawl bialah Tualthah pakhat chiah a awm, tuna jail tang kan tam tawh zia ngaihtuahin he thilah kher hi chuan kan hmasawn kan ti thei lovang, hehe
@Sakhuana lam tlem sawi teh ang, Hnam Sakhua kha a awm em aw? Kum 1900 khan Zofa zawng zawngin kan pipu sakhua kan la bia ani ber, 1901 chhiarpui hmasa berah chuan Mizoramah Christian 45 (Mizo 34 leh Khasi 11) an awma, kum 1994 a Gospel Centenary kha chuan nuai 8 chuang Christian kan awm tawh a ni. Kum 1932 a Synod Kohhrana thilpek rawngbawlna sum hmuhzat chu Rs. 26 chauh a ni a, kum 1996 kha chuan Rs. 5,23,67,716 a ni chho daih tawh (Welsh Presbyterian Mission in Mizoram Centenary (1897-1997) Souvenir, p. 38). Kohhran dang chhiar tel lovin kum 1997-98 a Mizoram Presbyterian Kohhran budget ruahman ringawt pawh Rs. 16,99,79,500 a ni der tawh bawk (1997 SYNOD BU VAWI 73- NA, p.96) tunah hian engzat tak ni ang maw? Ka misual pui te khan han sawi chhiang deuh se.

@Mizorama Kristian za a za kan nih leh nih loh chu hetah pawh hian a en theih e, https://misual.life/2007/03/.....i-ciah-em/
Ka lawm em em a ni, lawm namen in ka lawm lo love

Report this comment

Report this comment

source chu :The early Mizo Trade with special reference to Tlabung (Demagiri) frontier Bazar – Dr J. Zorema, Govt. J. Buana College.
He article awmna leh Mizo history ziahna saptawng lehkhabu ‘A Social, Economic and Political History of the mizo’ tih a post tu (malsawmliana) Edit chu a lo chhuak thuai daen e.EBH, Guwahati in a chhu mek e.thanks

Report this comment

Report this comment

Report this comment

Report this comment

Report this comment

Report this comment

Report this comment

September, 1912-ah Assam Rifles Lammualah Aizawl Bawrhsap (Kawlsap) in Mizo Lal zawng zawng a kova.

Hemi tum hian Mizo Lal zinga ber kaite chawimawina leh lawmmante pawh pek an ni hlawm a, chungte chu :-

1. Tangka ngah ber – Khamliana Sailo, Lungleng Lal.
Tangka 10,000 (Singkhat)-a Pass Book ensak a ni.

2. Taksa lian ber – Lalbika Sailo, Khawbung Lal
A ban bul sum thum.

3. Chak ber – Ralthianga, Khawlailung Lal.
Paite dar bel sen leh a var chi pawh a rawng chu kut lawngin a piaithla thei zel.

4. Hmeltha ber – Sailova thlah Lalthiauva Chenkual, Khuangpuilam Lal.
(Hei hi Rahsi hovin hmeltha ber an tih a ni)

5. Lal nula hmeltha ber – Manga thlah lal nula Lalpuithluaii.
Zataia Sailo, Khawhai lalin nupuiah a nei.

6. Hnamchawm zinga – Kolasib dawrkai Hnehbana, Rs. 8800/- (Sang riat za riat)
tangka ngah ber a Pass Book ensak a ni.

7. Lal fel leh thra, Khawngah – Vuttaia Sailo fapa naupang ber Kairuma Sailo Tlaikuang Lal (Capt. L.Z Sailo pu), mi retheite chunga ngilnei ber. (Amah a upa deuh tawh a, a fapa ngilnei ber Liankanglova’n ( Capt.L.Z Sailo pa) a ai a awh a, hnungzuitu pasarih
a rawn hruai) A ramri chu thlang lamah Reng nen an inri a, a chhak
lamah Tiau chin.

LAWMMAN
A chunga S;.No. 1,2,3,6,7 leh 8 te khi chawimawi-na thutna leh parthi leh tangkapui sorkarin a pe theuh a. Sl.No.- 8-na Lal fel, khaw ngah, mi retheite chunga ngilnei ber, Kairuma Sailo khi Bawrhsapin lehkha hetiang hi a pe :-

“Kairuma Sailo, Tlaikuang Lal, Tual vawi thum i thah hma chuan i chungah engmah pawi a awm thei lovang” tih hi.

TINNA (BANNA)
Assam Rifles 100 khuangpui nen darkar khat an lam hnuin Zemabawk lam hawiin Laipui an kap a, Lal hote chu an haw darh ta a ni.

Source:- Zanlai Au Aw (Issue No. 10 February, 2001)

Report this comment