Comments on: ABCI Proj. Manager, Meidum Camp atanga Kidnap an ni

By: hmelthatea

hmelthatea — Mon, 06 Jun 2011 19:57:18 +0000

Tuikuk ho hi chu an chimawm ta malh malh hle mai, an huang nilo an dai thuk mah mah niin ka hria. Kan sorkar chak tak hian(an chak ka ti lo; kei chuan) engtiang chiah in nge a bawhzui i han en dawn ang u hmiang! Thu a tawp e lumam, tia phin darh vek tur an nih chu, a kidnap tute chu. Ram leh hnam hmangaihna leh chhanhim nan chuan thisen pawh a luang leh lovang tih pawh a sawi theih loh! Hlawm tak hian in…..

Report this comment

By: H.Vangchhia

H.Vangchhia — Mon, 06 Jun 2011 15:13:31 +0000

ThaiBoy sawi hi ka pawm zawng tak mai a ni.

Report this comment

By: ThaiBoy

ThaiBoy — Mon, 06 Jun 2011 15:11:52 +0000

Anva zaklo mai mai e aw…. pawita ber chu Pathian thu kan hrilh a lehkhate kanlo zirtir kha ani a awmdan pangngai khan awm mai mai se a tha tur ania.

Report this comment

By: hmingtea

hmingtea — Mon, 06 Jun 2011 13:45:01 +0000

Tuikuk in min bei leh ta maw?Kahdaih kha a sin.
Helamah pawh Hamas hel ten mi an that an kidnap thina sipaiin an khawih let ve deuh chuan Human right an ti sek ka suport ti tawk an awm ziah.

Nimin poh khan ramri kan tum an han kuk deuh hlak kha maw.

Opposition lam an lawm awm.Sorkhar a ram chhung a hnathawktu pawh veng him zi lo an ti leh ang a.Bang rawhse emaw te an ti emaw te a la ni leh ang a .

Report this comment

By: vlchinzah

vlchinzah — Mon, 06 Jun 2011 12:48:11 +0000

Heng thil kan ramah nghawng tha lo deuh a nei ngei dawn.Ram hmasawn nan Project hrang hrang kan ram ah a rawn kal a, a ti khaihlak zawng leh tibuai zawng an che hi a pawi tak zet.

Meidum chheh velah khuan ONGC tan Petroleum Exploration Drilling an nei mek a, khung a hnathawk ho ten thlamuang a hna an thawh theih loh chuan kan ram tan a pawi tak zet dawn.

NE ho hi development a kan hnufual em em na chhan pawh hel tam vang ani pakhat tih thu vawin ah kan ngaithla a hetiang anih lai a kan ram a hetiang a tleng hi a pawi tak zet.

Report this comment

By: zamzo

zamzo — Mon, 06 Jun 2011 12:08:57 +0000

Tawngkam i fimkhur deuh ang u hmiang, awmze nei taka thusawi ho hi a awm ngai ania. Assam hnuaia kan awm laia miin min tih dan kan duh loh em kha maw…

Report this comment

By: Kingpin

Kingpin — Mon, 06 Jun 2011 11:57:03 +0000

IR lam AK vel nen an tleh thlak ve kha….zuk hmu zo tak maw!!

Report this comment

By: RenghangMan

RenghangMan — Mon, 06 Jun 2011 11:41:51 +0000

Va zialo ve le..dam takin an hmu leh em ang chu maw..zepnak emaw, mizo pa an rubo lo chu lawm erawh ka lawm. .

Report this comment

By: sillyBoy

sillyBoy — Mon, 06 Jun 2011 11:35:10 +0000

Silai hi nei ve ta ila, ka hmang thuai zelin ka ring, tha rumah tumah ka hneh dawn si lo. Tuikuk ho chu an fin ve viau chuan “Tripura kan kal dawn,” an tih chuan, an kal lo mai
thei. Mahse, Tuikuk an nia, an kal tak tak mei thei !!

Report this comment

By: ZOaTlau

ZOaTlau — Mon, 06 Jun 2011 11:06:21 +0000

Evening Post 6th June, 2011: Tukin zing dar 2.10 vel khan Kolasib District Bairabi kawng Meidum khua-a ABCI hnathawk Project Manager leh Site Incharge-te chu silai keng mi 10 rualin tihluihnain an hruaichhuak a, Tripura lam an panpui nia hriat a ni a. An rukbo chhan hriat a la ni lo a, ‘demand’ pawh an nei lo tih thudawnna chuan a sawi.

Kolasib journalist atanga thudawn danin hmaituam mi sawm rualte hian ABCI Project Manager PL Dhiman room hi chhu hawngin an suasam a. ABCI Bolero vek hian Project Manager leh Site i/c Dajring Jain-te hi Pangbal kawn Chhimluang lam an panpui nghal.

“ABCI hian Mizo panga security an nei a, hengte hi kut an thlak lo a, an ulhbun pakhat an chhuhsak a, an mobile phone pawh an laksak hek lo,” thudawnna chuan a ti.

Mi sawm rual zinga pasarih hian silai an keng a, an zinga pariat hi sipai thuama inthuamin pahnih chuan civil dress an ha a, an vai hian hmai an tuam a ni.

“Anmahni an inbiak chuan Tuikuk tawng an hmang a, ABCI an biakin Bengali an hmang a, Mizo security an biak erawhin Mizo tawng an hmang thung,” thudawnna chuan a ti.

ABCI Bolero hmanga Pangbalkawn Chhimluang an pannaah hian kal zel an tum laiin Leimin-in kawng a lo hnawh a, ta tang chuan motor leh driver chu let tirin misual te chuan ABCI hotute chu an hruai ta a ni.

“Driver hnenah hian ‘Police-in min zawn chuan Tripura lam kan pan, i ti dawn nia’ tiin an sawi a ni awm a, police hrilh hi pawi an ti vak lo niin a lang,” an ti.

ABCI hmun atang hnathawkte mobile phone pali an laksak bak chu thildang lak an nei lo niin thudawn a ni bawk.

Kolasib Police-te chuan tukin zing dar 3.00 vel khan he thil thleng hi bawhzuiin an um nghal a. SDPO Francis Lalnuntluanga Ralte leh OC-te’n hovin police thahnem tawk takin Tripura lam hi an pan a ni. He chanchin buatsaih lai hian Mizoram police-te hian Kalapara an thleng tawh a, SDPO hi biakpawh theih a ni rih lo.

“Mizoram police hi an che chak hle a, Tripura lam pawh bepawpin heng misualte hi lo chang turin an hriattir nghal bawk,” thudawnna chuan a ti.

He thil thlenna hmun hi Kolasib SDO Sadar Lalchungnunga chuan tukin la la khan a tlawh nghal a, ABCI hian Mizoram sawrkarah security te an lo dil a. SDO Sadar hian thil thlen dan chungchang hi Home Department lamah a thlen tawh niin hriat a ni bawk.

He chanchin buatsaih lai hian misualte hi man an la ni lo va, Mizoram police-te hmalakna hi hriat chian theih a la ni rih lo a ni.

ABCI hi National Highway siamtu company an ni a, Mizoramah NH-54 leh NH-154 siam hna an thawk mek a, Meidum hi an hmunpui ber a ni a, Khamrang bulah hmunpui an nei bawk. Mizoram kawngpui double lane siamhna an thawk mek a ni.

Report this comment