Comments on: Mizo Hnam Pasalthate Nghilhlohna Lungphun

By: H.Vangchhia

H.Vangchhia — Sun, 31 Jul 2011 14:16:03 +0000

Ava han bengvar loh thlak vele, hetiang lungphun hi a awm tih kalo la hre hauhlo mai. Lushai_er, ka lawm hle mai

By: lushai_er

lushai_er — Sun, 31 Jul 2011 06:49:04 +0000

Politics buaipui hi Sapho khan an lo duh lo hle tih chu kan mi hmasate atang hian kan hre thei awm e. Lungin tan leh lei chawi hialin hrem mahse Mizote thinlungah a dai thei tawh lova, tun hi kan lo thleng ta a ni.

Heng kan hranghluite bakah hian Mizoram Politics-ah chuan Y.L.A(YMA) khan nasa takin an kuang lo thleng thleng a nawr chang an nei bawk thin. Tun hma ‘Draft Constitution’ kha Y.L.A hnathawh rah ni ngeiin a rin theih.

Tun hma khan Kohhran leh Y.L.A (Estd. 1935) bak ‘Pawl’ sawi tur a awm lova, Politics kha an hma tel viai viai thin a. Kan sakhaw hruaitute’n hei chu kan hma a ni love an tih vang khan an inbeng hniam leh thin mai zawk a ni.

Kum 1945 chawhnu lamah Y.L.A-in Macdonald kawmna Mission Veng Middle School-ah an neih khan Pu P.S.Dahrawka’n, “Mizoten Democracy Sawrkar neih kan duh,” tiin a sawichhuak a. Macdonald chuan,”Chu, British Sawrkar in duh lo tihna a ni maw?” tiin a chhang an ti. Macdonald hian ‘Draft Constitution’ kha a siam phahna chhan kha a ni e an ti.

Pre-Independence khan ‘District Conference’ kan nei hman ta reng a nih kha. Kum 1946-ah Mizo Union Party a lo piang a, Dist. Conference hi an hnawl ta a nih kha…hei hi post dangah la chhunzawm teh ang.

Ka chhuah a ngai tlat mai.

Report this comment

By: lushai_er

lushai_er — Sun, 31 Jul 2011 05:59:53 +0000

#28, Chawnghilh-a hnamte : Klk Preby. Biakin bul mai kha a ni a, Shed hi sawi tak khi chu mimal garage zawk anih ka ring. Thlalak nalh deuh zawk rawn vawm bei i lo chang ang.

Report this comment

By: megapixel

megapixel — Sun, 31 Jul 2011 05:22:58 +0000

#28. Sai ngho a nih hmel.

A mawi angreng hle mai. Hmun ualau, zawl zau tak, hnim hring leh pangpar mawi tak tak hualvelna hmunah emaw mual pawng chhip sang laiah tak emaw dawh nise a va’n mawi lehzual dawn ve aw!

Report this comment

By: tarmita

tarmita — Sun, 31 Jul 2011 02:44:09 +0000

A va ngaihnawm e. He post hi a hlu hrim hrim bawk. Kan mi hmasate hnathawh avang hian keini thangtharten nuam takin nun kan hman phah a. An hun laia an rilru ang kha kan phak lo zawk a ni. Heng mi hmasate hming hi dai mawlh suh se.

Report this comment

By: chawnghilh

chawnghilh — Sun, 31 Jul 2011 02:15:03 +0000

A va bengvarthlak ve le, Paihte Veng-ah thla ruk zet ka birh tlut tlut a, hetiang lam kan lo hre ngai miah lo va. A bengvarthlak ngei mai! Pillar kual ruih maite khian engnge a lantir deuh tak ang le? Hmuh ve ngei ka duh tlat mai! Shedding chung corrugated sheets roofing khi duh aiin rialin a deng er mah mah tawh a ni maw? Enkawl zui vak loh a nih hmel a, duh aiin a pat-ek deuh tlat!

Hmun pawimawh hi chu white-wash man a to lo bawk a, mi ram tih dan dungthula enkawl tharlam a ngai fovin ka hria, tlawhtute mitthlaah tharlam renga a lan nan!

Report this comment

By: maawma

maawma — Sun, 31 Jul 2011 01:13:07 +0000

het! a chunga comment khi edit zawh hman loh chu le, internet muangbawk edit hun chhung rei lo lutuk thil ho tak a ni. heti zawk tur hi a ni e:

Mizoram an bomb zawh hlim hlawt a dawrkai tamtak bungraw tlanchhiat san lo lak khawm vanga rawn dawrkai thar ho kha tumah rei daih an awm lo an ti thin.

Report this comment

By: maawma

maawma — Sun, 31 Jul 2011 01:03:41 +0000

Comment # 13
4. Khanglai hun khan a ram neitu zawkte kha kan ramah kan thu lo em em a.
First Class Citizen kha Sapho kha an ni a,
Second Class Citizen kha Gorkhali ho kha an ni a,

Khang hunlai kha a ni pha chiah lo mai thei, mahse rambuai lai bawr vel khan ka pa sawi hmangin Gorkhali ho kha chu Sipai an tam sia, Mizo chungah hian Gorkhali ho kha chu an leng chiang a ni awm e, “Kan zah thei lutuk” a ti. Tichuan Mizoram an bomb pawh khan Mizo dawrkai tam tak khan dawr bungrua an tlanchhiat san kha Gorkhali ho khan duh duh an lo la ta mai a ni awm a sin, Mizoram bomb hnu khan Gorkhali sumdawng pawh an rawn pung ta hluai a ni awm e, mahse Kuttling lo a sumdawng chu an daih rei ngai lo tih sawi nan an hmang fo thin. Buai zawh hlim hlawt a rawn mi tlanchhiat san lo lak khawm vanga rawn dawrkai thar ho kha tumah rei daih an awm lo an ti thin.
Chrismas lai te hian hla chang khat ringawt hi Pu Saptea (Sipai) hian min sak tlaivar tir thak zel a ti. Freedom chu a awm lo hle a ni ngei ang.

Report this comment

By: lushai_er

lushai_er — Sun, 31 Jul 2011 00:22:06 +0000

Pu Chaltuahkhuma hian ti hian a ziak…..![History of Mizoram, p-71]

Kum 1926-ah Chhingchhip lal te, Lungleng lalte chu Bawrhsap N.E.Perry hnenah an hek a,tichuan an buai ta mur mur a…..

Aizawl lam Dawrkai leh mivengva deuh deuh te chuan an vei zui ta zel a, hetia kan awm reng chuan kan phurrit hi kan phur reng kumkhua dawn a ni mai a, tiin Assam Council zawm dan ngaihtuahin Shillong-ah Local Adviser te rawn ru turin an in tir liam ta a.
Member 1000 in hmuh theih chuan kan pui ang che u an lo ti a, member an zawng zui ta a. An daih tep tawh tih vel laiin Perry Sap chuan a hreta hlauh mai a. Tichuan 1927 kumah heng ho hi Aijal Jail-ah a tan tir ta a.
1. V.Z.Biaka, Dawrkai, Kulikawn.
2. Saikunga, Dawrkai, Kulikawn.
3. Thuama, Clerk Pension, Kulikawn.
4. Telela, Kulikawn
Laldela, Secretary phei chu Mizoram a awm thei tawh lo turin Bawrhsap chuan a hnawtchhuak ta nghe nghe a ni. Hemi te ho hi Mizoram a Politics tichhuak hmasa ber tute an ni ta a ni tiin.

Report this comment

By: lushai_er

lushai_er — Sat, 30 Jul 2011 21:37:44 +0000

#23 In sawi takah chuan lehlam pawl(Lal-ho kha) tih theih awm chu an awm thei dawn a lo ni ve tho mai. Thil tha tak pawh hi a tuartu an lo awm ve zel tho si a le.

Report this comment