Lentupui kai vel leh romei chhumin,
A bawm kan Zoram mawi leh duhawm;
Awmhar tinkim dàwna han thlìr vêlin,
A mawi zual, Zofate kan lènna.
A thuhawn:
Chung Pathianin min hualhim zël rawh se,
Hawihkawm lenrual zawngte nèn hianin;
Suihlung rualtea kan lènna parmawi,
Vul reng rawh, ka pianna Zoram nuam.
Suihlungrual tëa kan lènna hmun mawi,
Cham reng rawh, zamual chu liam lul suh;
Engtiknge sappui nun ngai lo rëngin,
Ka nghâkhlel, kan lènna hun tùr chu.
Tünah dorál lian chhüm ang zíng mah sé,
A la kiang ang hnamtin rùmna hi;
Hnamtin lungruala dár ang lènna tùr ni,
A herchhuak ang chung Pathian zárah.
Dorál lian chhümpui zíng a kian hun chúan,
Rúal duh kan ṭhen tâkte nèn khánin;
Hlim leh läwmin kan insuihkhâwm leh ang,
Zoram nuam, kan pianna ram ngèiah.
‘Han thlir teh u Romei zam karah hian’ hi hi hlabu hrang hrangah a phuahtu hming a inang lo thin a-Saihnuna aiin Lianpuia-Saihnuna hlaphuah sa lar thintu kha a nih ka ring zawk, kei chuan.
Phunthang, ni tain ka hria-a nupui a thi a-a ngai em em a a tap a tap thin a. A neih hlim chauh a nih avangin a tap bang thei lo a ni. Nikhat chu zel angin a awm a-van atang chuan a nupui hi vantirhkoh pahnihin an rawn laitat a-ani chu an rawn bia a-chutia an inhmuleh chu a lawm em em mai a an zingah chuan kal ve a tum ta a.
Mahse an phal tlat lo-‘i hun a la thleng lo ve’ an ti a, van eng mawi takah chuan a liam san ta a-chutia an liam lai chuan van mite chuan hla an rawn sa a ‘kan leng dial dial lungrual kimin, kan awi Lalnunnema’ an ti a. Tuna mi thluk ang hian an sa a ni.
A hla chu phuah zawm dan a hre si lo va, hla phuah thiam Saihnuna, Leng lal hnenah chuan a kal ta rawih a. Ani chuan a bei ngial thin a, a dawng thei tlat lo. Kar khat chhung phuah tuma a beih ngial pawn a thei der lo va-a tih ngaihna hre lo chuan ‘va kal ta la, ka hla phuah sa lar thin Lianpuia a awm a-ani hnenah sawn va kalpui mai teh’ a ti ta a.
Phunthanga chu Lianpuia hnenah chuan a kal a-Lianpuia pawh chuan a phuah thei mai lo va-Ramhnuaiah chawfun meuhin an thawk chhuak a..ni hnihthum hnuah chuan chang khat leh thunawn a rawn nei hawng ta a; ‘mahse kan leng dial dial ‘ kan ti ve thei lovang ‘an leng dial dial tih a tul’ a ti a. a hnu ni thum chhung chuan chang dang dawn leh beiseiin ramhnuaiah Pathian pawlna dawng turin a vak chhuak a..a tawpah chuan a rawn nei hawng ta a.
Saihnuna Leng lal chuan a lo hre vat a; ‘ka duh e, a va tha em..ka hla ni rawh se’ a ti a. Lal a ni a, an hnial ngam si lo va…Saihnuna hla a ni ta reng mai a ni. Saihnuna kha hla phuah thiam tak a ni tih erawh phat rual a ni chuang lo va.
Chuta tang chuan a phuahtuah Saihnuna…Lianpuia…Phunthanga tih a lo awm phah ta a ni..hei hi Saihnuna lo kawm hmantu hnen atanga ka hriat a ni. dik tak maw..ka pawm tlat thung.
]]>Ozima: Chhuana hi i hre lo tak tak a maw? Tluanga hian Runtunga piang niin a ziak a, kei chuan Kawmzawla(Pukpui bul) piang niin ka hre thung. Chhuana nu leh Pastor Challiana nu kha thuhmun an ni. Tin, Dr Lukira(L) nena Dibrugar-a LMP zu zir hmasa ber an ni bawk. Dam lo enklawl leh damdawi sem lamahte Sap Upa pui bertu kha a ni.
Sa kap thei, ram lama thang chhuah ngat- Khawtlang muantu a ni. A thih lai khan an tia lawm- Pukpui, Zotlang, Serkawn leh Zohnuaite chu a NGUI ruai e an tih kha. A u Rev Challiana’n urhsun takin a vui ta a nih kha.
Rualu deuhte tan- ‘Phuahtu Chhuana’ tiin an hre lar viau.
]]>
ruatruatapa@3, lenkhawm hla, a bik takin vanram ngaih hla lam pang hi hmar trawnga phuah, lehlin leh a tam khawp mai. Rev. Thangngur chanchin phei hi chuan min hneh khawp mai. ]]>
]]>