Comments on: Thli hi in hlau ve em?

By: TarmitBuna

TarmitBuna — Thu, 03 May 2012 02:47:33 +0000

Kan naupan laia ruah thimpui leh thlipui tleh kara trek leh khawpui ri dur dur kha chu – kan hlau ve thei ngeis..
tunlai a thlipui kan tih ho hi a na ta lo nge ni ka hlau ta mang lo va.. ka hmuihmul zuah tak vang te pawh a niang nge..

Report this comment

By: sheldon

sheldon — Wed, 02 May 2012 12:12:27 +0000

Thli hi ‘hlau tawh suh’ in tih vanga hlauh loh theih chu nise ka hlau tawh miah lovang mawle. Min hau nasa thei. Tichung chuan ka la hlau tluang zel chu a nia. Thli a tleh leh hun chu Dr Mahminga hla min thlansak khi ka sa ziah tawh ang

Report this comment

By: TuaiSialA

TuaiSialA — Wed, 02 May 2012 11:07:01 +0000

‘Thli’ tih thumal hi han rem kual vel chhin ila…

Thil.
Hlit.

Report this comment

By: Dr Mahminga Sailo

Dr Mahminga Sailo — Wed, 02 May 2012 10:53:40 +0000

Hlauh/tih zawng hi a inang lova, hlauh suh intihtheih pawh a ni lo mai thei a nia. Pasaltha leh huaisen tak ni si, uite-pangang rap/tih tlat te a awm theih a nia. Kan unaupa pakhat pawh, intitlangval uaih tawh siin, ar note a hlau tlat.

Nia, chenna in a zir paw’n thli tleh chu a hlauhawmin a hlauhawm lo thei bawk. Mahse, thingtlang daprap ina cheng tawh tan zawng, to haw tur in hampuar vela, kawlkil dum khup karah, chhum dum chhah pui pui a inlumlet tup tup a; tek tla de zuai zuai leh, a khat tawka khawpui ri dur dur te hi zawng a nelawm tehchiam lo a ni. Ramhnuai ngaw kara thli tleh leh ruahpui vanawn do nghat phei chu thlaphan a awl ve viau a nia…

K’u sheldon, thli a tleh dawn reng rengin, ka hla thlan sak che khi lo sa ret ret thin rawh aw…

Report this comment

By: hlatekhua

hlatekhua — Wed, 02 May 2012 09:20:13 +0000

Sheldon, “thli hi a hlauhawm lo” tih ngawt chi chu a ni hauh lo. Mahse Mizorama kan thli tleh ṭhin han ngaihtuah hian hlaua buai phi-lina tur chu a ni lem lo – rilru fima ngaihtuah chian chuan.

Eng ang inah nge i chen ka hre lo a, in pangngai, Assam type kan tih ang-a awm tan pawh, thlipui a lo tleh a, inchung a thlawh daih pawhin a chhunga awm chu in him tho dawn a. Ṭhenawm te inah emaw in insaseng mai dawn a nia…puitling tan hlauh lutuk tur a awm hleinem. A in pum thliin a chhem thluk chuan hliam engemaw tawrh palh theih chu a ni ang a, mahse chutiang chu a awm zen zen lo a nia. Hlau lutuk duh tawh teh suh.

Report this comment

By: Jacka Pi

Jacka Pi — Wed, 02 May 2012 05:40:16 +0000

Thli hi ka hlau der lo….thli tleh dawn a ka hriat chuan ka phur surh zel

Report this comment

By: M_Pautu

M_Pautu — Wed, 02 May 2012 05:12:16 +0000

Kan naupanlaiin, school chhunga kan awm laiin, a chung leh bang thlipuiin a rawn la tawh. Kan school kha assam type ni si, a chhuat leh bang ṭhenkhat lai chu concrete ni ve si kha ania…A chung a rawn chhem nghing det det phawt a, chutah thawklehkhatah a ri huk a..a chung, bang tukverh frame te nen lam a la fai vek! Ṭhuttleng te leh dawhkan te kha a let rem rum a…An ṭap nuaih nuaih a, zirtitu te an au vak vak bawk a, thli a thaw hum hum bawk a, a dum var khuih a, ka meng ṭha thei bawk silo. Ka harh chian chuan, ka lo ding khawng reng.. Pathian in min veng a, ṭhuttleng leh dawhkan khan min hemlo reng reng. Ka ṭhutna bulah ka lo ding reng, tlanchhiatt nachang pawh ka hre chuanglo. School chung leh bang leh ṭhuttleng vel engmah alo awm tawhlo, a piah deuhah an lo let rem rum mai alawm. Mumang ang chiah ani mai!

Ka tawn ang khi tawng ve ula chuan in hlau ve det ang!

Report this comment

By: sheldon

sheldon — Wed, 02 May 2012 04:17:39 +0000

Dr John, thanks mawlh mawlh. Ka hlauhna hi hneh tum hian ka bei nasa ve thin khawp asin. Ka lo inzir zel ang.

Comment tu zawng zawng te in vai chungah lawmthu. Vawiin hnathawh nuam vek u.

Report this comment

By: Dr Mahminga Sailo

Dr Mahminga Sailo — Wed, 02 May 2012 03:38:06 +0000

He damlai thlipui tleh hian kei pawh min tihthaih ve fo thin asin. I post nen inlaichhin lutuk lo mah se, he hla hi ka’n thlan sak daih te’ng che…

Thlipui lo hrang mah se, hlauhawm engpawh lo thleng se la. Ka tan i hlutzia tizualtu an ni si. Tuarna pawh ka tan hlawkna

Thli tleh thawm rapthlak, ri hum hum i hriat apiangin; i himna kulhpui, thlipui leh tuifawn chunga thu neitu thiltihtheihzia leh ropuizia lo hre nawn thin ang che…

Hnathawh nuam vek u le…

Report this comment

By: Dr John

Dr John — Wed, 02 May 2012 03:26:02 +0000

Very compact post.

“Thenkhatin thlipui, tek leh ruah te Pathian thilsiam ropuizia lanna ani e an tih laiin kei ve chuan thlaphanna’n ka lo hmang ve thung” i tih hi mi tam tak tan a dik a ni. Pi Sheldon pawh chu i khawngaihthlak hle mai. Khawvel suala a tluk avanga Pathian thilsiam ve bawk mah nise “hlauh tur hlir” kan nei ta hi a pawi tak zet zet.

Kannu hian thli hi a hlau ve khawp a. Rangva in kan luah lai kha chuan min kaitho chul thin a. Kei lah thli tleh leh ruahsur-ah hian mut nuam ka ti thung si! Tunah chuan ani pawh awmna-in a zir tak vang a ni ang, a hlauh thu leh a mit meng bial kaw kaw thin kha hmuh tur a awm ta lo! Awmna hmun (environment) a zir hian hlauh zawngte pawh hi a reh ve thei a ni mahna… te ka ti?

“a hlau te chu kan thau ah a man tlat mai a, thli tleh hunlai hi chuan ka cher sawt zel” i tih tak erawh hi chu… ka khawngaih viau na’ng che a, THLI TLEH CHHUNGA I CHER SAWT CHUAN, I VANNEI-AH NGAI MAI RAWH! Mi tam takin intih-cher tumin an bei a, damdawi te hial an hmang a, an cher theih loh hi! Thli tleh chu i damdawi tha ber a ni mai alawm!

I thau-a a man tlat erawhchu… a thlah theihna tur che-in engemaw i tih a ngai a nih chu… physically, mentally & spiritually-a fight let ve te pawh hi a tul chang a awm. Setana thlemna/sual pawh hi defensive hmanga hneh tum chuan a har khawp mai. Amaherawhchu, Offensive hmanga beih thung chuan a tlanchhe duai duai thin, “Diabola chu dodal rawh u” tih a nih kha (“lo inveng rawh u” tih ni lovin).

Entirnan, tawngtaia thlamuanna (hlauh lohna) dil emaw, a nih loh pawn, Thli tleh laiin, varenda-ah chhuak la (inchhung tukverh atanga thlir pawh a tha tho), a him chin atangin tlih tleh kha thlir thin la, i thlir laiin earphone vuah la, thli tleh ri hre thei lo tawkin volume pe la, Pathian hla ngaithla veng veng la, “Lalpa thlipui a tleh chiam a… Thli leh tuifawnin a thu an awih… Bang rawh u” tih hla emaw kha ni ngei bawk se. I mit ringawtin thli tleh kha thlir la… etc. Hma i sawn ngei ka beisei…

Report this comment