]]>
]]>
A ngaihnawm lutuk. Rawn ti leh thuai thuai teh. Ka chhiar peih ber záwng a ni.
]]>I post lehpek a nghahhlelh awm e..post chhiar a nuam a, a ropui khawp mai. ]]>
]]>
]]>Serkhan-Bagha kawngpui siamnaa sum tichingpena puha ACB-in August 17, 2012-a an man – PWD E-in-C, Lianchungnunga, E-in-C hlui Liansanga leh PWD Accountant, B Lalthanpuia te bail dilna chu nimin khan Special Court (Anti Corruption)-ah ngaihtuah a ni. Court chuan mi pathumte hriselna hi Aizawl Civil Hospital Medical Board-ah endik leh phawt a, chumi hnua ngaihtuah that leh turin thutlukna a siam. Court thutlukna ngaichang hian nimin khan pawl hrang hrangte Vanapa Hall kawtah an pungkhawm a ni.
Nimina bail an dilna ngaihtuah a nih lai hian PWD mi pathumte hi Court remtihna angin an inlan lo a, an aiawhin an ukil Michael Zothankhuma a ding. An ukil chuan, PWD mi pathumte chu thil dik lo an ti a ni tih finfiah a nih loh thu sawiin, “Rinhleh tih bak ACB chargsheet-ah a awm lo a, hengte hi sawifiahna kan nei vek a ni,” a ti a; a document neih angte chu Special Judge, T Saikunga hnenah a thehlut a ni.
Michael Zothankhuma chuan bail an dil chhan sawiin, PWD mite chu an dik lohna finfiahna a awm lo a, dik lohna nei lo an la ni a ti a, “Dan angin an zahawmna humhimsak an tul a. Tlânbo tur an ni lo a, interim bail pek an nih hnuah pawh vawi hnih an statement lak leh tawh an ni,” a ti a; document pawimawh an man vek tawh avangin, document pawimawh tichhe thei pawh an ni tawh lo tih a sawi a, heng bakah hian medical certifcate an nei bawk a ni, tih a sawi.
Sorkar ukil, RC Thanga chuan, PWD mi pathumte chu medical certifcate an neih vanga interim bail pek an nih thu sawiin, “Medical certifcate vanga interim bail pek an nihna kha August 17 daih a ni tawh a, an dinhmun a lo tha viau tawh thei a, a lo chhe hle thei tawh bawk,” a ti a; jail-a táng tlak an nih leh nih loh Medical Board endiktir thaa an hriat thu a sawi.
Sorkar ukil dang, Lalmuankima chuan, mi pathumte chu August 27, 2012 zanah pawh ACB-in an in an dap a, thil pawimawh eng emaw zat an man thu a sawi a, “Man an nih loh chuan investigation an tibuai thei a, finfiahna pawh an la tichhe thei a ni,” a ti.
Ukilte thusawi a ngaihthlak hnuah Special Judge chuan, mi pathumte chu Medical Board endik leh phawt turin a ti a; Medical Board report chu September 13 ral hmaa thehlut turin a ti nghal bawk.
Judge chuan, Medical Board-ah PWD mi pathumte chu police-in an hruai lo ang a, an ukil leh sorkar ukilte hruai turin a ti a, “Endik that an nih hnuah medical ground ni loa bail dilna pawh ngaihtuah tel a ni ang,” tiin thutlukna a siam a ni.
Hetih lai hian, nimin chawhma dar 11 atang khan PRISM, SOSA leh NGO dangte’n Vanapa Hall kawtah eiruk duh lohna lantir nan punkhawm an huaihawt a, resolution pass in, PWD mi pathum, ACB-in eiruk thubuaia an mante leh medical certifcate petu doctor pathumte chu suspend ngei an phût tih an tarlang.
An resolution chuan, PWD mi leh sa pathumte Medical Board-in an endik hunah, a hmaa medical certifcate lo petu doctor-te chu tel lo se an duh thu leh, bail dilna ngaihtuah leh hunah, bail an duh lohzia lantir nan programme siam leh an tum thu an tarlang a ni.
Punkhawmnaah hian NGO leh political party hrang hrang aiawhte’n thu an sawi a; eirukna chu a tak taka do a tul tawh thu te, kohhran pawhin a tak taka an do a, thawhlawmah pawh an fîr lehzual a, eiru nia hriatte thawhlawm chu hnâwl ngam a tul tawh thu te, eirute chu dan anga hrem ngei ni se an duh thute an sawi. An aurualnaah, eirukna mipuiin an tawrh thu leh ramin hma a sawn theih loh phah thu te, eiruk hmangte chu ram leh hnam hmelma an nih thu te, eiruk hmangte chu tàntir an phût thute an sawi bawk.
Thu lâkna hnár:
Vanglaini