Mi(sual).com member hlun leh tangkai Pu David Lalrotluanga, tam takin a nick type dawn a kan buai em em thin ^-||R@lT€||-^ chu Chawlh Ni a a leng chu lo haw lo in Thawhtan, Sep ni 22 tlai lam dar 2 bawr velah Bawngkawn – Durtlang Road ah nikhawhrelo in a car bulah hmuh a ni a. Greenwood Hospital panpui nghal niin chhan hman a ni ta lo a ni. Mi(sual).com Admin ten a chhungte kan tuarpui tak zet a. Vawiin ah an chenna Mission Vengah vui tur a ni a. A thei apiang ten khawhar chhungte khawhar hnem pui turin kan sawm nghal bawk ni se.

Nikum ah misual member hun tak Chhana Pa ti a kan hriat mai, a hmel en erawh chuan la naupang tak tih hriat reng maiin min kalsan tawh a. Pu David a hian mi(sual).com ah hian post 30 lai a vawm bei tawh a. Chung zingah chuan sakhaw lam leh computer chungchang bakah hrisena huang te pawh a post thin a. Comment lamah pawh rual a pawlin kan hre tlang theuh in a rinawm.

Misual Charity ah pawh a tir atang a phur leh tangkai a ni a. 2010 a Charity bawm hawnna ah pawh post a siam nghe nghe a nih kha. Hey Tonight! -Misual.Commers Charity bawm hawn a ni dawn ta!

May his soul rest in peace

Tunlai chu spam post kan dawng nasa lutuk a bots leh spammers nia kan ngaih 1000 chuang kan delete a. Theihtawpin user diktak delete loh cu kan tum a, chuti chung pawha spammers emaw kan tih, member diktak kan delete palh a nih chuan min hrethiam dawn nia. Rawn in register tha leh ula hlim takin kan lo lawm lut ang che u

Pic source: codeAries

misual.com founder Benjamina chuan tun ni 24 hian nupui a nei dawn a, chuvangin Mizoram lama awm remchang misualdotcommer ho zawng chu kal vek tur a nia aw! Nuam dawn lutuks. Misual style takin ka zu ti huks dawn nia! Misual chhungkua kan nih angin tumah zah leh inthlahrun vel a ngai lo reng reng. Misual vek kan nih hi.

Misuaaaaaalllll dot commmmmmm!

Twitter account neih kher ngai lovin, ti khan midang ho in an tweet a #Mahasen chungchang an rawn update apiang chu in lo hmu ve ang.

Mobile browser pangngai atang chuan ka test a, a lang thei bawk e.

i lo thlir ang u hmiang.

Ps. In internet connection a muang deuh chuan, tlem in in nghah deuh a ngai maithei, hemi Twitter API in load chhung chu…

Kan hriatloh takin, Facebook Page hi chu Group angin duh duh a in add ve theih lova, nangmahni ngeiin in thu a in rawn LIKE a ngai a ni. Chuti chung chuan mi 10,000 zet in in rawn like ta chu kan lawm takzet a, kan tan chuan thil ropui deuh a ni e.

Hemi milestone chungchang pawh hi kan member Chemtatrawta bengvar vanga lo hreve mai mai kan ni e, a ma chungah pawh kan lawm hle e.

Leh… tunge kan fan 10,000 na chu? A hming chu Michael Renthlei tih a nia, friend request pawh ka thawn tawh, a ma details ka tarlan duh avangin. Mahse a rawn la online lo a nih hmel (emaw mipa request a accept duhlo pawh a ni thei tho, hei chu ka hrethiam e).

[Update: Ka friend request chu a lo accept e, tunah a thlalak ka dil mek, a album ah a ma thlalak ni awm ka hmu zo silova]

Nih leh tunge sing khat kan cross chiah a fan hmasa ber? 10,001 na chu a Facebook hming Coorie Stellar tih a nia, tunah hian misual.com a rawn in register dan tur kan in hrilh mek e…

“10,001na i ni, kan lawm lutuk e” tih message ka thawn chuan heihi a ni a rawn reply chu – “Welcome… thu an post thra thei lutuk an tia… a join ve theih a mi?”

“Thu an post thra thei lutuk an tia”

An tih lai tak khi… Hei chu kan member zahawm tak tak te vang miau miau a ni e. Nangmahni in hetiang thu tha tak tak te hi rawn submit lo u la chu, 10,000 fans hi chu engti kawngmahin kan hmu lovang. Chuvangin admin zawng zawng aiawhin in zavai a chungah lawmthu ka rawn sawi nawn leh e…

Zanin full moon ni bawk nen, a timing hi chu a va han fuh tak e aw. In vai in, cheers vek u le

Tunah chuan kan adminte hnathawh nasat avangin kan rawn online leh tawh e. Kan lo buaina chu kan hriatthiam theih dan ber turin sawifiah kan tum ange.

Friday zing dar 9 vel khan misual.com hi a rawn down thut a, chu chu a tir chuan mi in min block sak emaw te kan ti hial a ni. Khami lai khan North East chungchang rumors vel avangin Indian Govt in Indian site leh blog 300 chuang a block sak sia, keini pawh hi min block tel ve ringawt a mi le, phai rama Mizote dinhmun chungchang kan post zing sia kan lo ti rilru deuhva.

Mahse kha vang kha a lo nilo hlauhva…

Chuan admin Chhamanator and team ten keimahni lam diklo emaw ti in kan data zawng zawngte pawh kan han endik zel a (chutia buailai lai chuan keimah chung chang fiamthu chu FB group hran hranah misualdotcommer sual lutuk ten in lo la thehdarh zui, huissss ). Hetia kan han chhui zel chu kan thiamloh a nilo in kan hre tlat sia, godaddy ho chu mail tamtak kan thawna, mahse an ni pawn an hriatthiamloh avangin an expert te hnenah kan buiana chu an thawn chhawng leh zel ta a.

Chuan nizan khan kan buaina chhan tak chu an Tech hotuten min rawn hrilh ve chiah a ni.

Kan rin ang ngeiin godaddy lamin kan database admin access an lo tih danglam vang ni in!

Nizan pawh khan rei tak godaddy ho nen phone in kan in be char char a, thil ho te tih dikloh chu kan lo nei ngei a (kan tih luih vang nilovin, kan lo hriatloh vang zawk). Nikum September 2011 vel khan godaddy chuan warning min pe tawh a, chu chu kan siamtha nghal a, mahse tun tum hian kan lo ti diklo leh palh a, mahse warning min pe miahlovin kan site an lo la thla hmiah ta a ni. (misual aiin an sual zawk! )

Tunah chuan engkim a dik leh tawh e.

Enge kan tih dikloh chu? Memberte tan a feature thenkhat kan dah te hian godaddy lama server a lo ti overload thin lo ni in. Kan website ah hian traffic hmu tlem i la chu a pawi hranpa lo, mahse kan website traffic a san hle avangin godaddy server lamah warning bell a lo ri leh thin a, chuvangin chung feature (plugins) ho chu kan siamtha vek ta a ni.

Ka explain theih dan ber chu, entirnan, plugins kan delete zinga mi pakhat chu Top Commenter plugin (nick hma a Star rawn lang thin) kan hman kha a ni e. Kha star kha, thil ho te star mai mai a nilova, kha star kan lantir avang khan vawikhat comment ringawt ah pawh kha plugin khan database table a lo zuk zawng vak thin a lo nih chu(h)! Chu chuan Godaddy database server lamah khan load a lo siam thin ta a ni. Kan traffic a san poh leh load a tam zel a, misual.com kan host na hi shared server anih angin site dang te pawhin an database server te an lo hman theihloh phah thin a ni. Kan website atanga load kan pek vak avangin midang te tan harsatna a lo awm nual ta a ni awm e.

Engpawhnise, ni 4 chhung kan lo down chu a pawi kan ti hle a, kan memberte chungah in hriatthiamna kan rawn ngen e.

Kan site rawn siamtha tura rawn inpe leh hma la nasa em em, kan member Pu no_nick-a chungah pawh kan lawm hle bawk e!

Cheers

Ps. Tunah hian dedicated server lama insawn chungchang admin ten kan rel mek e. To chu a to phah ngei dawn a, mahse kan ngaihtuah ber chu nangni kan member zahawmtak te leh hlu tak te in ni a ni.

Nimin khan Facebook-a group \henkhatah, kumin HSLC Examination-ah zirlai pakhat, distrinction-a pass-in MBSE-ah complain a thehlut a, ennawn a nih hnuah pakhatna aiin mark a hmuh san zawk thu leh, MBSE lamin topper nihna an pek theih loh thu tarlan a ni a; hei hi thu dik lo a nih avang leh, MBSE tihhmingchhiatna nia an hriat avangin, MBSE Secretary chuan nimin khan Bawngkawn Police Station-ah FIR a thehlut.

HSLC mark complain ennawn leh thu hi Facebook-a ‘Zoram Tân’ tih group-ah Lalfamkima Renthlei tih leh, ‘Chanchinthar (Zofate inhriattawnna)’ tih groupah Fiaha Chuauhang inti-in an post a; an post dan pawh a inang chiah a ni. Complain thehluttu anga an tarlan chu, Lalzikpuii d/o Sangdingliana, Bungkawn, Aizawl a ni.

Facebook-a an post dan chu – ‘MBSE- thu beng verh tak mai ka hria a, mahse kei mah tak chuan mi han zawh chian mai tur ka hriat loh vangin ka chiang ngam lo a. Bungkawn veng a hmeichhe pakhat, St. Paul’s school a\anga matric exam, tun result chhuak chiah a Dist. a an pass tir chu a mark an complain a topper ai khan a lo hmu sang zawk a nih chu…an sawi danin a class mate te pawhin topper tura an ngaih sa a ni awm leh nghal e, chuan MBSE chuan topper nihna chu an lo pek theih toh loh thu leh Media lam kal lo hram tur ten an lo ngen an ti a nih chu…a thinur thlak hle mai, MZP lam hnai kan awm chuan chhui chian a tha khop mai,’ tih a ni.

MBSE Secretary chuan, Facebook-a MBSE leh HSLC result chungchang post chu thu dik lo hulhual a nih thu sawiin, dik lo taka MBSE tihhmingchhiat a nih avangin, a post-tute zawng chhuak a, a \ul anga an chungah action lâk a nih theih nan policeah FIR an thehlut tih a sawi.

Admin note: Sawi tawh fo angin, tunlai khawvelah hi chuan thil hriat chhawn te hi a awl tawh lutuka, chuvangin kan thil sawi te hi kan fimkhur hle a ngai tawh a ni. Thil kan hriat chian vakloh chuan sawi chhuah loh te pawh a fuh zawk thin. Chutih rual chuan Lalfamkima Renthlei leh Fiaha Chuauhang te post chhiar chuan MBSE chu diklo taka tih hmingchhiat luih an tum tak tak em aw, tih zawng pawn thil a ngaihtuah theih maithei. Engpawhnise, hetah hi chuan kan lo sawi ve theih engmah a awmlova, police leh court te kutah awm a ni tawh. Chuvangin sawi tawh angin, tunlai internet khawvelah hi chuan kan fimkhur hle a ngai a ni. Account lem siam thin te tan pawh in lo hriat ve mai mai tur chu, FIR an thehluh tawh phawt hi chuan an rawn chhui chhuak thei che u a ni.

On a personal note, Mizo te pawh internet lamah kan changkang ve tawh hle in ka hria. Thil kal dan diktak pawh kan hre ve tawh e. Tuna FIR an thehluh te pawh hi, a rawn post tu ngei te hmingin a nia, Facebook neitupa Mark Zuckerberg emaw “Zoram Tan” leh “Chanchinthar group” admins te chungah a ni miahlo. 2008-09 te kha chuan, misual.com a FIR rawn lut zawng zawng te chu admin te chungah hlir a ni thina, kan hriatloh lai a comment thenkhat rawn lut avang ten admins ten FIR emaw kan Zoram police chhuanawm tak hotute atangin phone call kan dawng leh thin, delete hman pawh ni i la. Ti hi chuan website leh FB group admin te dinhmun pawh a hahdamthlak sawt dawn a nih hi.

imgur leh tinypic ah hian picture hi kan host tlangpui a. I thlalak post tur kha hemi site ah te i va upload chuan a hnuaia mi ang hian Direct Link tih i hmu ang a.

Chuan post thar i siam khan thlalak telh i duh chuan a hnuaia kan hmuh ang hian IMG tih button kha click la, window a rawn pop-up ang a, khatah khan i Direct Link kha i va paste mai dawn a ni.

Enter Description tih ah hian i duh duh i type thei, duh chuan a dah awl theih bawk.

Chuan a zo der. Heti hian i post chu a lo awm ang:

Thlalak post i thiam ta.

P.S. Thlalak post kan siamin a Direct Link rawn paste ringawt lo deuh hian heti hian ti ta zawk ila kan vaiin kan lawm tlang ngei ang