Hmanni ah pawh Dr.Rebeka in mi a bawl ngawt a FIR te an thehluh mai kha. Misual member zingah Rebeka i bawl tawh engzat nge awm ang aw.

Chuan he pa Hamza Kashgari(K-23) pawh hian a thil tweet in muslim ruh ho a chhaih kawlh ani ber mai. Muslim lam comunity ah chuan tun kar vel khan alo hot viau ani awme he chanchin hi. A identity an chhui chhuah hnu ah New Zealand a tlanchhiat tumin Saudi Arabia atangin a thlawk chhuak a mahse Malaysia police ten anlo man a, Saudi Arabia ah an thawn kir leh ani. A future a bright lo khawpmai. Fimkhur phah nan lo hmang deuh rawh u. hehe

Hei a link

Chuvangin awlsam zawka hriselna lam thukhawchang chhiar tur a awm theih nan leh, a mamawh zualte tana hriselna/natna chungchanga zawhna zawh belh theihna remchang siam pahin he blog dam-dam https://dam-dam777.blogspot.com/ hi kan han buatsaih ve rawih mai a ni e. Theih ang angin in zawhnate chhan zel kan tum dawn nia. Hmaichhana doctor rawn chu tluk lo mahse kawng tam takah kan tangkaipui tho kan beisei.

Comment lamah emaw, Guest Book (Engnge i harsatna?) emaw, a tul chuan email lam thleng pawhin in hman tangkai theih turah ngai ila. Han ti chhin phawt ila, tih dan tha zawk kan la zir chhuak chho zel ang chu. Engti kawng zawng emaw tala he blog tlawhtuten in lo tangkaipui chuan he blog siam chhan hi a hlawhtling tihna a ni ang.

Visit: https://dam-dam777.blogspot.com/2011/12/inhmelhriattirna.html

(Mahni blog advertise tumna a ni lem lo a ni aw!)

Khua chu a duai hle mai.Tlasik khaw vawt tak mai chuan  chhun pachang ah pawh hmun dam lai deuh chu a hmet hik huh dup mai a.Kan veng lah chu a reh em em a;kawta ka nu buh thap ri leh veng thlang ui bauh thawm chiah chu hriat tur awm chhun nita in ka hria.

Lengzem hla  lungrun zet mai nen a ka awmhar lunglen em em lai chuan,hun liam ta a thilthleng te chu ka ngaihtuah kir ta a.Duhlo in chhuikir loh tum hle mah ila min tham tlat ni ber hian ka hria;ka chhui kir chuan ka tap leh ngei dawn tih ka hre si a!

Ni e,tahloh hram dan zawngin ka blog ngei ah ka inbun baw hawk hawk a,hetah pawh hian inmi fuihna ngaiin ka patlingna nei rum leh tlawk tlawk mai chu a nih hi,ka lunglen em em na chu hei hi a ni.

kum a lo liam a.Naupan zual lai te chuan min kalsan ve ta maw tih ve leh tleirawl hmuh taihin a rawn zui thin an tih kha ka hria.Mahse mi danglam ka nih vang nge pawh ka hre lo;ngaihzawng reng reng ka ngaihtuah ngailo a.Pawl 12 ka chuan kai thleng khan ngaihzawng reng reng ka ngaihtuah lo tih hi tun hnu hian ka hre ve chauh!

Unau zingah hmeichhe awmlo na chu kan suangtuahna leh kan ti ti ram pawh a dang zar mai a.An rinrawl ber nih phei chuan hmeichhe ngaituah hi hun awl ah lo chuan hman a ni silo. Chuloh ah pawh hmeichhe neilo,be ngai heklo chu hmeichhe zinga tlaktlum a har khawp mai! A chang leh tawng tamloh luatah mi hlauh ka ni a,a chang leh induh tih ka hlawh fo thin!Mahse chung zawng zawng chu zeiloh vang ni pahfawmin tihngailoh a nihna hian rorelna patla chu nise a buk a rit zawk ka ring tlat!

Khatia hmeichhe puanhmawr fem pawh la tawk lo,tlangval hnahkhat,tisa leh thlarau lama la pawlhdal ve reng rengloh,thianghlimna in ala bawm khah chuk mai chu tleirawl pakhat ngai a alo rum ta  pawh hi a mak ka ti lem lo.Hmeichhe tam tak zingah a hnehtu ber a ni ta a niang nge!

Thinlung thianghlim leh tumah la hmangihlohna ina ka hmangaih em em lai  khan engtin nge minlo suangtuah ve erawh ka hre hauhlo!A chang chuan keimah ang a thikthu chhe ve tak a ni ngei ang a .A chang chuan alo thinrim ve vak thin ka ring.Mahse nang leh kei chu inang tur chuan ka ngai leh hauh silo! Kei  atan chuan ka ngaihzawng vawi khatna a nia,ani  tan chuan pali na ka ni  velin ka inhria!

Fiah tak khan hmangaihna thianghlimin ka hmangaih  a. Dikna leh rinawmna in ka hmangaih vawng vawng a.Ka chhal hial ngam;ka hmangaihna che hriatpui tur chuan Pathian pawh hi ka pun ngam a sin ka ti thin!A tan hlimna nih ka chak a,min tihlim tu a ni bawk.

Mahse khatia hun alo liam khan,thinlunga uire ngailo chu na taka kalsan a nih khan,chu mipa hmangaihna chu a na em em a!!Tawp thei hian ka ringlo!! Vawi khatna atan hmangaihna ka tem a,kumkhua a dai tawhlo turin natna min pe si a.Hmeichhe a tak chuan hmangaihtu rilru dik tak hi hria se inchhirnan khua ava sei dawn em!

Engtiang pawh a pawmtu thinlung chu pathian thlarau atanga chhuak a nih chauhloh chuan ka hre thiam bik silo a.Ka kuah bet tlat tho si a!

“Nangmah hmangaihtu chu kalsan suh,kir leh ngai tawhlo turin a bo hlauh dah ang e“

Engtia na in nge ka awm a,engtiang a na in nge hmangaihna hi chhan let a tum ka hre tlat silo!Engtiang chen nge min fiah dawn hi ka hre heklo a.A na em em a ni tih hi mang hriat ruai ruai chuan ka hre ta.Ka a zo ta chu a nih hi!

Hetiang hi hmangaihna a ni ngai a nih chuan maw;ramtui leilo khan lo piang mai ila tha tur a nia!Hmangaih nen a tawrh dun chu a hlimawm a,hmangaihin min tawrh tir erawh chuan tahna mai a ni!Mahse ka Lalpa lam ka han thlir ve a le;

Ka lalpa Isua tuarna kha ava hlu em!Hmangaih te damnan a tuar tang tang a.Theih chu nise tah ve hawm hawm kha a duh ngei ang le.Theih chu nise biahthu hlan kha a chak ve ngei ang le.Mahse thiamthu a sawilo,a nui hmel phena thinlung rum leh na em em kha a ni hmangaihna dik tak mai chu;a dik a ni tih hre reng mahse a tuar lui ngam a.A tawng hauh si lo.Phuba reng lak a tum lova,thiamthu reng sawi a tum heklo!

O…vawikhat tal chu lo piang nawn leh se,a kiangah chhun ni leh zan han awmpui a.Tah dun hawm hawm ka van chak em!!!

(Misuala ka lo tel chin na hi ala reilo hle mai;thla li chu a liam ve awr ta,mahse tun ami hi post 16-na chiah a ni a.Thu tha tak tak ziak tur a chakna min petu Lal Isua chu fakin awm sela.Hei baka lunglen hnemtu misual hote chungah hian ka lawmna te chu vur angin tla chem chem teh se)

Ka blog ka tlawh lohna hi thla 3 em pawh a la ni hman lo! Hetia min lo ‘remove’ sak thawt thawt hi hriatthiam har ka ti ve tlat! Hmai chhana han an khum nghek pawh ka chak rum rum!!

Ka blog hrim hrim kha ka ui ai mahin ka thu ziah chhe te te, harsa ti tak chunga ka phuah khawm ve rim rem ho mawlh kha lak chhuah leh dan awm se ka va ti em! Thiam leh hriat nei tlem ta na na na chuan misual ho zinga ‘a ngaihna hre ho” kha ka han rawn leh ngawt mai che u a ni e.

Ka Blog bo chu min han zawnpui teh u… please!!

[Admin note]

Tunlai blog bo a tam avangin, blogger leh misualdotcommer Jerusha chu a chhan kan va zawt a, chuan a ni chuan tih dan min rawn hrilh a. Hei hi a ni kan thil sawi chu. Pu keimah hnenah reply mai lo hian hetia tarlan hi a tha zawkin kan hria a, midangte pawn an lo hriat ve zel nan.

Sandman: Heloooo pi Jerusha, i online em?

Jerusha: Oh Sandman, online e, chuks chuks chuks.

Sandman: i va reh ve tunlai hi.

Jerusha: Reh vak a mi… chuks chuks chuks.

Sandman: Aw hei, tunlai hi Mizo blogger te blog a bo deuh reng mai a, engati why?

Jerusha: Chuks chuks. Ok, kan lo en chhin a nge… chuks… chuan blog bo address chu min lo pe thei em… chuks.

Sandman: Tuna blog bo mek chu https://keimah777.blogspot.com/

Jerusha: Ok… chuks… ka lo en chhin a nge… chuks..

Sandman: Chuan thil mak lutuk pakhat chu, TSa fiamthu blog bo pawh kha ka rawn pe dawn che a, mahse hei a lo lang leh kiau tawh mai, tun hma zawnga bo kha. https://fiamthuhuang.blogspot.com/

Jerusha: ee… a va mak ve.

Jerusha: Ok hei, kan office ah ka zawt kual tawh a, Pu Keimah a blog chu spam angin a kal aniang. Spam anga a kal chuan an delete hlen chuanglova, a claim leh theih. Appeal theh lut se, awlsam deuhvin a blog chu a hmu leh mai ang. A hnuai a instruction khu a lo ti thei a ngem?

Please do, in this order, without awaiting response from any previous step:

1. Please, read the articles, cited below. Learn how to do steps #2 and #3, and why we have this problem. Help us to help you, and to help others.
2. Submit a review request.
3. Submit an appeal.
4. Do not wait for a response from either Steps #2 or #3. Post here, stating when you executed steps #2 & #3, and providing the BlogSpot URL(s) of the blog(s).

If you miss one step, the restore won’t work. You need to do #1, then #2, then #3, then #4. These are not mindless formalities, they are logical progression, and they help us to help you better.

This is what you need to do:

https://www.google.com/support/forum/p/blogger/thread?tid=1941db2864bd7ca9&hl=en

This is why you need to do this:

https://blogging.nitecruzr.net/2009/01/blame-it-on-fuzz.html

https://blogging.nitecruzr.net/2009/11/attack-of-clones.html

https://blogging.nitecruzr.net/2010/04/blogger-blogs-and-make-money-fast-and.html

Is this all a scam? Read here:

https://www.google.com/support/forum/p/blogger/thread?tid=19b164b9d64cda06&hl=en

And read about the fourth step, in the review request process:

https://www.google.com/support/forum/p/blogger/thread?tid=120f70619c2e9067&hl=en

Chutia thingpui sen hang ngei mai ka nghah veng vawng lai chuan thingpui chu tuemaw kut hian rawn keng ta vu vu mai hi ka tarmit phen atang ka hmu ta hlawl mai.Ngaihsak lemlo tak a ka bula mi min biakna chu chhang chungin  thingpui chu ka la a.Mahse alo sa zek mai,”awi ah!” tih pahin min petu hmel chu ka  sensory nerves vang vek chuan ka han bih ta zawk mai a.Khai le!!Single ngat mai ka nihna kha ka brain chuan hre vatin nerves bawk chu rawn che lehin hmul thi a rawn ding ta sung sung mai a nih chu!”A sa em,ka tihpalh lutuk aw” a rawn tih lai te chuan matheiloin tihdanglamin ka awm ta a,”Lalpa,tunge i nih?” tih mai chu ka duh rum rum mai ka ti!A zunah chuan thawklehkhatah ka uai ta hnawp a.A hming hriat ka va chak em.Chutia min kalsan leh lai te chuan a ke pen  dan leh a mawng sawih dan thleng khan ka la hre vek.

Awle,inkhawm dar alo ri ta maw tih ah chuan he venga inkhawm dawn a ka rilru put ang chu ka pu thei ta mawlh lo.Kha tleirawlte  kha ka rilru ah a awm ta reuh reuh a.Ka thiannu bulah chuan zah pawh dawnloin a hming ka han zawt ta chawt mai a,a khai,Piangi(kan in koh dan) chu lo ni rengin!

Inkhawm turin an liam dawn e.Ka hmuh hmasak leh hnu hnun ber a ni ang tih ka va hlau em chu tleirawl te chu!Engtin nge ka insawi luh ang tih chu kross thu lam ai chuan a lang ta zawk tlat mai.Mahse min dem bik long e.A fal te a bawhzui a hrilh keuh keuh turin kan veng a inanglo a,hriat pawh kanla inhre der silo.Awle,engpawh chu nise ka thiannu bawk chu Palai hna thawk turin ka ngen leh ta chawt mai.Chuti chuan ngaihngam takin biakin lam chu kan pan ho ta a.Ka thutna  atanga a hmel lang thei chiah chiah ah chuan ka thu ta ngei bawk a.

Mahse ngaih ala ngam tak tak thei chuang lo.Kan hla sak te chu Lengzem ni ta vek hian ka hria.Inkhawm lai lai chuan ka chhuak ta chawt mai a.Ka thiannu kha lo hlawhchham ta se plan B tal nei te ang tiin ka thiante ho pun turin ka phone chu zunin phenah ka phawrh ta a.Mahse thianpa  Siamtea be dawn ila, inti Fanei takin nula lam chu min sawi pui duh dawn der silo a,ka be peih lek bawk silo.Thianpa Chhuana be dawn ila nula ai chuan aritmetic velah bak min luh pui ka ring bawk silo.Zomuana lah be dawn ila nula pathum kawp lai mek a ni si a,ka tan a pawi ka hlau leh bawk si.Tihngaihna a awm ngang silo,JEHOVAH -JHIREH( intum chawp  Pathian) tih pahin Plan B chu biakin chhungah ka luh pui leh ta chawt mai a.Ban vat vat chu ka chak,mahse ka huphurh bawk si a.Lal Biakna  kan sawi tur te pawh chu ..RAMTE… tih atanga tan tawh mai a ni ka duh!

Ka nghah hlel leh huphurh em em ang chuan inkhawm chu kan bang ta.Ka bulah chuan ka thiannu chu a rawn kal a,thinphu dup dup a ka lo nghahlai tak chuan “I thlah dawn nia” min han ti a le.Ka va lawm em!

Chuti chuan ka haw hma chuan an inlam pana thlah turin kan pahnih te chuan kan kal dun ta hnak hnak a.Sawi tur ava vang em.Rilruin “Lalpa min pui rawh ,min pui rawh” tih chu Elija tawngtaina ang tluk zet a tak tha kek kawk khan ka chham zuah zuah a.Ka sawi chhuah chhun lah chu “kan chhungkaw zat i hria em?””kg eng zat nge ka nih i rin?””chaw ka heh hmel em?” “ka ek laiin ka zai thin i ring em?” tih te  chu ka tum vang pawh nilo a ka sawi te an la ni zui!Ngaihzawng lam la dailo ta  fam chu  mahni pawh kan insawi  bo lek lek dawn a lawm le.Riruin “ka thianpa chuan a sawi tur a hre ngawt ang” ka ti bul hmuk!Kha tih lai ka rilru kamtu kha hria awmse min va khawngaih dawn teh lul em!!!

Ani thei tawh nganglo,an in thlen hma kawng kual kan thleng dawn ta.Sawi hun a ni tawh.Ka huaisenna zawng zawng sawm khawmin ka han inham vel ta a le,”MA-PIANG,MANCHESTER  UNITED  TANA  CHAKNA  GOAL  KA THUN  HMA CHU KA  HMANGAIH  RENG  ANG  CHE” ka han ti ta ale!!!!!A zak lutuk chu a sen tawn tawn hian ka hria,a kawr hmawr pet chung chuan “LT,KEIPAWN VANLALDUATA  INBUANA  VAWITHUM  KA  TLAWM HMA CHU KA HMANGAIH  VE RENG  ANG  CHE” tiin min han chhang let ta ale!!!Chheiraw khaih,nuam duh ngei mai!Ka rilru neuh neuh chuan “Pa min va ti dawn em” ka ti a.

Awle,thawh  hnihna  atan   mi  tihdan tho a lawm tih pahin a hmui sen no chak mai chu ka melh ta run mai a.Lungphu lah chu Chrismas zan lengkhawm tui vanglai tak ang maiin a ri tluk tluk a.Chutia pawisawilo hmel duhawm zet mai  KHEROLAI  tura ka kun hniam mek lai chuan  Upa chuailova te nupa  vang vek,kan boruak an hrelo chiang kher mai.An bike rawn tlan pel chuan kan tih tur min thulh tir vek a lawm!!Chutia kan Upa ho te nen ka nih tak nuai avang chuan a dik thei tawh lo,ngaitha leh nui sen sen pah chuan bye bye kan inti a,mahni inlam ve ve pan turin kan inher ta a!

Fiamthu a tam thei ang ber dah tum a ni a. Mizo fiamthu tha tak tak chu dahthatna a awm loh avangin a bo zel a, a uiawm thin. He blog-ah hian eng fiamthu pawh a leng vek a, zahmawh leh mawh lo pawh a leng vek a ni. Ram danga awm, Mizo tawng ngeia fiamthu chhiar châk thinte tan a tangkai ka beisei hle bawk.

Fiamthu blog a nih avangin heta rawn post mai pawh ka inthlahrung duh ta ting lo a ni. Fiamthu chu mitin tan a ni si a..

Hei hi a ni e — Mizo Fiamthu.

A hmingah Fiamthu Huang ka ti a, a blog URL chu fiamthuhuang.blogspot.com a ni. Facebook lamah pawh fan page Fiamthu Huang tiin ka siam a, ka phur hman viau. Fiamthu pawh a za tel teh meuh mai a awm tawh a, video thenkhat pawh ka dah tawh a, a lo hlimpui a mual mual chu an awm vein ka hria a, ka hlim hman hle.

Amaherawhchu! Thla khat vel kal ta atang khan luh theih miah lohvin remove a nih tawh thu min hrilh a. Ka remove lo va, midang ka account hack-a remove tur âwm an awm ka hre bawk si lo. Luh ve han tum chhin mah ula, in hrethiam mai ang.

A tirah chuan ka mangang vak lo. A chhan chu, tuna ka harsatna tawh ang chiah hi thiante paw’n an lo tawk tawh a, eng emaw hnuah a tha ve leh mai thin. Chuvangin blogger lam problem mai mai a nih ka ring thla ngawt a. Mahse, keia blog hi thla khat a liam tawh a, that zai reng a rêl thei si lo.

Aw.. Engtin nge ka tih tâk ang le? Val lungmâwla hian a ngaihna tak ka hre ta lo ve. Theihtawp ka chhuah tawh a, mahse, a reh vung vung si. Misual tel lova ka awm theih lohzia tichiangtu a nih leh tâk chawt hi!

Vawikhat chu ka nu nen kan kawt varanda ah kan thu dun a.A mi zawhna leh ami beiseina aw-ka mawlh kha ka thinlung ah hian ala cham reng mai.Tunah chuan rawlthar tuai tha tak ka lo ni ve ta.Ka nu duhthusam ngeiin a duh tak ka zir a,ka tui a,ka hna a ni tih hria in ka inchhuang em em thin bawk.

Han en mai chuan engteh ual ni ve lo mai hi tunah chuan ka lo luck ve tan ta,duh duh thing thei dinhmunah ka inhlang kai a.Aizawl han haw nikhua a hawi pir lam ai chuan inlak puithu te pawh a awl ta rum rum mai.Heng zawng zawng hi min enkawltu ka nu leh pa te vang liau liau,ka tan chuan hetiang min thlen theitu an nih avang hian ka chhuang thlawt thin.

“Naupang te u,in nu leh pa thu zawm rawh u,i nu leh i pa chawimawi rawh;chuti chuan i tan a tha ang a,leiah hian i dam rei bawk ang” tih min chang thlan sak fo kha tunah chuan tihlan sak ka duh tawh.An tello chuan nun reng reng hi mal tak a ni a,Chau leh khawhar tak a awm chang te,lungngai em em leh sual khur dai chang a min tanpuitu,thu tha min hriltu Lei pathian te hi ka tan chuan an hlu thlawt thin a sin.

Vawikhat chu phai ka awmlaiin ka chapal bun zawng zawng thawm nat luat vang pawh nilo,rin rei luat vangin a chhe zo ta .Bun tur neilo in ka kephah hlai tha tak chuan lei ka nawr sawk sawk thin.Ka phone ah chuan ka Pa number ka hmet chhuak a.”Ka pa,chapal reng reng ka nei ta lo,Aizawl chapal ngei kha min lo lei ta che” tiin ka han tlawn a.

Ka pa chuan alo aw ve mai.”Anih leh ka duh chi, hman a kan lei kha ila hria em” tiin ka han zawt leh a,”hria e,lungngai suh,ka lo lei ang a,ka lo thawnthla ang che a rang lamin” a ti a.He vai ram ah hian vai chapal duhloin thla tam chu ka awm ve tawh,mizoram a mi ngat lo chu zopa hian inhmehin ka inhre tlat silo a.Chuti chuan thlakhat dawn mai chapal neilo chu kan inbiak zawh atang ka ding nuih ta vur vur mai a,hlimawm tak chu ava ni em!!

Ni khat alo liam a,ka pa ngei chuan la phone lehin “chapal chu ka rawn thawn e” a rawn ti a.Lawmthu ka va sawi nasa teh lul em.Ka lawm zia kha!Alo thawn atang nithum alo liam chuan ka thian te hnenah postman-chung chang ka zawt cham chi a.Awle,alo thleng ta,chapal neihloh avang a ke bal leh hlai phah rawk tawh chuan tuamtu a mamawh em avangin mahni pawh a hawng loin ka thian te zingah ka han hawng ta mai a!!????

HMEICHHE CHAPAL chu lo ni rengin!Ka thin ava rim teh lul em.Ka zak bawk si a,ka thian te min nuihna chuan ka zahna siam belhin ka sen tawn tawn a,ka thinrim em em bawk a!

Mahse ngun takin zan muthmunah ka inngaihtuah ta a.Ka thinrim na chuan ka pa chu hauh hrep mai duh mahse ka pa tar taawh takin a theihna leh a hriat dan tawk a ami ngaihsakna chu ka tan alo hlu fe zawk si a.Vawi tam tak chu ka nu hian ka thil mi tihsak thin a.Ka pa erawh a ngawih lam a chak thung.Mahse ka thilphut tihlawh tling tur a Chapal mi lei erawh hmeichhe chapal nimahse ka ngaihlu ta riau mai.

Awle,tuchhuan,tu leh fa te thleng ka neih ve duah hun chuan chu chapal chuan sawi a la hlawh ve ngei ang tih chu ka inhnemna a ni ta.Chu chapal chuan Ka pa(Upa Faktea) hi a tu leh fa te zingah a hming reng a tidai tawh lo ang a.He chapal hian ka theih tawp a chhuah zia a entir a ni tih ka hre nawn fo thin dawn a ni.Ka lawm e ka Pa.

(Ka pa chapal minlo thawn hi ka dah thatna a rei tawh khawp mai,ka roh bawk a.Inhmuh atan lo tihlan ka duh vei nen photo add dan ka thiamloh tlat pek chu,a pawi hle mai)

THUPUIAH :Gen 1:26 kan en chuan Pathianin a an puiin mihring a siam tih kan hmu a.Gen 2:7 kan en leh chuan “Pathianin lei a vaivutin mihring a siam a,a hnarah nunna thaw a thawlut a, tichuan mihring chu minung a lo ni ta a” tih a ni. Heta Minung hi Hebrew ah chuan Chai ḥay·yāh tih a ni a. English ah chuan “age” tih a ni a. Nunna(chaiyah) chu living, life tih a ni leh a. Chu chu han rem khawm leh ta deuh ila mihring chu minung a lo ni ta kan tih dawn chu nephesh chayaah (living soul) a tih theih ta a. Gen 1:27 kan en leh chuan Mihring chu Pathian an pui a siam alo ni leh ta a. Anpui(image) hi Hebrew ah bÉ·ṣe·lem tih niin “A phantom , the image” tih te a hman a ni leh a. Heta Pathian hi Elohim tih a ni bawk.

A chung a mi khi remkhawm a ngai leh ta. Living soul (minung a hi) hi Pathian (Elohim) anpui (Thlarau) a ni. Heta chiang ta em em chu Mihring hian thlarau lamah chiah hian Pathian nen inanna kan nei a, Pianhmang leh ruangam lam chu a ni lo tih a chiang ta hle mai. Mahse minung hian Pathian anlohna a neih chu soul (tisa) hi a ni a, Hebrew ah nephesh niin Greek ah Psykhe a ni.

LUTTHUK LEH HRET ANG:Mitam zawk ngaihdan ah chuan Setan hian Pathian hi han tibuai loin Michael a an puh zawk fo thin a. Pathian chu Setana tihbuai phak ruallohah an ngai thin. Van indona pawh Michael leh Setana chauh a ni an ti thin a. Mahse hei hi Setana thuzep chu a ni.Pathian hi a do tih hi. Michael ang pawh chuan lo ring dawn ila Hebrew ah Micha’el or Mîkhā’Ä“l(Pathian ang) tihna a ni tho tho a. Vantirhkoh inthikna lam aiin Pathian leh Setana indona a ni zawk.

Engvang nge mihring chu a beih tak le?Pathian anpui (Pathian thlarau) chu setana hian a bei dawn reng reng lo a, hrem theih pawh a ni hek lo. Mahse Pathian an an(Image) lohna Living Soul(tisa) ngei mai chu a bei ta chat a, mihring chu Dead soul alo ni ta a ni. Michael leh Setana inbeihna chu ni se ISUA alo kal hi a tul hauhlo ang le. Mahse indona chu LALPA indona alo ni reng a. Chu chu Pathian tisa a alo channa nen khan a lo inrem ta chiah a, Dead soul chu Living soul ah a rawn let ta a. Chu soul thi thei chuan a thih hlen tawh loh nan amah ngeiin living soul hmangin a thlak ta a ni. Adam (mihring) pahnihna alo ni pawh hi dead soul chung a rorelna dik tak a lek kawh nan chuan a dik ta thlap reng bawk a ni.

Awle, khing atang khian Pathian leh Setana indona chu kan hmu ta a. Zirtirna diklo tak angin lang mahse Setana hian finna ah chuan Pathian hnuai chiah a tih theih ta a ni. Indona chu LALPA INDONA a ni a,tudang mah indona niloin Pathian leh Setana inkar indona a ni e. Mihring(Soul) hi battle ground chu a ni! Natna, anchhia, lungngaihna, hrehawmna etc. indona kal zel ta chu a ni.

Eng code te nge i hriat le? Hriat belh i duh em?

Universal Code :

*#06#     :       Hei hi IMEI (International Mobile Equipment Identity) number en nan a mobile handset zawng zawng a hman a ni a. Hemi IMEI number hmang hian I phone I tih bo palh pawh in zawn theih dan dan a awm a, tin phnone in ang I thian te nen nei ta ula, IMEI number hmang chiah hian I hre hrang mai thei a nia.

Zosoft Network

Visit la han chhiar teh khai, a tangkai pui mah na….

Zenics CSC hi le? – mr. rowlenn

Khawngaihin Zenics hnuaia CSC E-governance chungchang hi rawn sawi chiang teh u.