Pic 1. 2009 krismas atang khan, misualdotcommer chuan Aizawlah Charity bawm hung in, mi haihchham leh tanpui ngai, tawn theih chin ang ang tanpui hna a lo tan tawh a. Kum 2011 pawh hian Charity bawm chu hung leh in, December ni 22 khan a bawm hi hawn ani. Bawm hawnna leh a semnaah hian, misualdotcommer, Aizawl a awm remchang chang te kan in tawiawm tlang a.

P
ic 2. Sum hi TB Hospital (Zemabawk), Civil Hospital (Aizawl), Damna In (Zuangtui), Cancer Treatment Centre (Zemabawk) leh damlo/harsa dang hnenah, thawhlawm hi pek chhuah a ni.

Pic 3. misualdotcommer ho hi, a hma lama hmel la inhmu ngai lo te pawh vawi khat inhmuhna pawh ni se, titi leh innelna hi a pai tel ve hian a ti hlimawm.

Pic 4. Motor tello a bazar a, ke a vah suau suau-ni hi a nuam ve mai mai.

Pic 5. Chhungkua leh kohhran tana hun hlimawm leh pawimawh chu.

Pic 6. Hetiang hun hi a hlimawm ve khawp mai. Hmeichhe 2 te nick khi ka va han sawi chak tak em. :rolleyes: ( mi(sual) tlanbo Jewel hian a ‘kid’ te hi a vengthawng si a, ka sawi chhuak ngam lo mai )

Pic 7. Kumin kumthar ruai chu, ruah tla avangin, hall/hulhiap hnuaia ruai theh a ngai tlat mai.

Pic 8. Mipui zik hut hutna kar a mahni chhungte, reilote pawh han hloh hi chu a thlaphan awm duh ve reng a nia.

Bonus Pic: the 1st shower of 2012

Ni 25-ah khan thingpui leh chhang ruai kan theh a, ni 26-ah tisa lam ruai. Mi inphalte’n sum leh pai leh ran an thawh hmangin ni 27 leh 28-ah kan nawn sak a. Zan hnih chu kan lengkhawm tlaivar a, Pathian hnathawh a ropui khawp mai.

Tichuan, kumhlui thlah zanah kum dang angin inkhawm leh lengkhawm a awm a. Kumthar ni hi thingpui leh chhang ruai nen kan hmang a. Ni 2-ah tisa lam ruai kan theh ho leh a. Hemi ni hian zingkar atanga ruah a sur avangin ruahsur hnuaiah ruai kan theh a. Tichuan, kumthar lawmna programme chu kan hmang zo ta a ni.

Krismas leh kumthar kan hman chhung hian Pathian thlarau thianghlim hnathawh a nasa em em a; inkhawmah pawh lamtual leng lovin kan lâm mup mup a. Nu leh pa, thalai leh naupang chenin Pathian fakin ban an phar a. Nupaa lâm láwp lâwp te, nu leh a monu lâm ho han hmuh meuh chuan hnuk a ulh duh hle.

Hei hi ka rawn report mai theih ni se. Mahni awmna hmun theuhva kan krismas leh kumthar hman dan i sawi tlâng ang u hmiang.

A hmun: YMCA, Colaba.
A hun: Dec 25, 12:30 atangin zan 9:00 thleng

Thlalak source leh Pu HT Sangliana thlalakpui vanga intithei: beethugs

Krismas hmanpui tur rawn zawnga hlawhchham ta: Asteric

Krismas hmanpui tur nei sa: Sandman

Heng bakah misualdotcommer 10 vel kan inhmukhawma, nuam tak chu a ni.

Pic 1. Krismas hi chhungkaw programme pawimawh tak pakhat chu a ni ve ani.

Pic 2. Zan lamah, kawtthler chei mawi hnuai a han vah kual hi a hlimawm ngawt mai.

Pic 3. A pa hlang pawh hian a lo zai tui ve theih tho mai.

Pic 4. Chhungkua leh thianzaho in, urlawk zana hetiang ei hi a lar khawp in ka hria.

Pic 5. Lam boruak hi a tawng sang fe fe an awm a, lam ngai lem hlei lo, mahse a boruak nuam lo ti em em te pawh hi kan awm ve tho a…

Pic 6. Pangpar khawi lohna biakin hi a vang viau tawh ang a… A khawi tur a tha sengtute pawh hi an chhuanawm thin hle a ni :wink:

Bonus Pic. Hetiang tel lo pawh hian krismas hi a hman theih tih hi hriat a tha khawp mai.:P

Pic 1. Krismas ruaiah hian vawk hi ran talh zingah chuan a lar ber awm e. Kumin hian vawk 4, kan kohhran bikah talh a ni.

Pic 2. Salads leh hmarcha rawt etc. hi Sande Sikul zirlai (Senior Department) kutah dah thin a ni chawk a.

Pic 3. Kohhran nuho pawh kutke pawimawh tak anni.

Pic 4. Belpui ngei mai a bawngsa han so tlut tlut hi, a tuipui a va han hang tui thin tak em. Tun tum hian Bawng 2 talh a ni a.

Pic 5. Vawk, uluk tak a vulh leh hrisel tak mai hi chu, a thau te hi a nalh thei teh mai a nia.

Pic 6. Senior citizens ho in fatu an han uap hi chu, a thlamuan thlak ve khawp mai.

Pic 7. Chaw i dawh ang u le.

Pic 8. Vawksa, Bawngruhkawl chhum, bawngti kan, vawksa sawhchiar… heng bakah hian arsa leh sangha a la awm ta cheu. Antam chhum, samtawk chhum leh salads etc etc te nen.

Pic 9. A dawhnawnna hi, a hmun a va pan ngai lo in, fatu zuan zang deuh deuh ten bucket in an khai kual a, mahni thuthmun atangin duh zawng kan lo kawk kual miah miah mai a ni.

Pic 10. Han ei chiah i la…

Pic. 11. A kal tlai deuh pawh in eitur chu an phang bik lo.

Pic 12. Kut silna atana tui han herhchhuah mai theih leh, a bul a sahbawn inkhai hi a ziaawm khawp mai.

Bonus Pic. Ram a thang zel a, khawpuiah chuan thing hmang lo in, gas thuk hman hi a ni chho tan ta zel a. Vawklu leh a ke vel te pawh a rawh a awlsam ta khawp mai.

So this is Christmas. What have you done? tiin he hla ngaithla pah hian i inzawt theuh teh ang. He hla hi a sa lar tu tak chu John Lennon kha niin ka hria a, Mahse hei The Corrs ho zai Video hi ka neihna a rei fu tawh a, en an nuam ve mai mai a nia. han en ve hlawm teh u le.

He hla hmang hian Misual.commers zawng zawngte Christmas leh Kumthar Chibai ka buk vek a che u.

December ni 24 zan tlaivar pawh, tlaivar lo pawh zingah mahni neih an gang hriamhrei rawn hum chhuakin, Vawk, Bawng talhna hmunah an rawn fuankhawm a, nula ho lahin, hmarcha rawt tur, purun, hmarcha, sawhthing, tomato, bahkhawr etc. an lo kheh a an rawt mur mur bawk a. Krismas ni zing lo chuak no sut, vawt raih karah, kan phe mur mur a, kar lo-ah, Bawng 2, Vawk 4, Ar 10, Sangha kg 20 – sa te kha chu, kut a rual tha bawk a, kan chan zo zung zung thin a nih kha. Naupang ho lahin, saphing an lo ham puar a, anlo pet bawk.

Tlailam ruai the halo hun a, khelmual neih zauh ber, a khuk lutuk lohnan, fatu ten tui an han theh huh thet thet a, chutah chang-el hnah an han phah kawkalh nak nak mai a. Fatu ten, chaw an han bun a, sa rawn chhun leh na tur, kut-in, a lai an han hai awl nawk nawk a, chaw an dah kual chhung ah chuan sa leh sihneh buhchiar, mawm eng hlui mai an han bun a, Vawksa, a kawchhung nena chhum pawlh, antam kuang phek satui a chhum zawr hnup an rawn bun khat hnur mai a. Bawngsa chhum anla rawn bun zui leh nghal a. Bawngsa chhum tuihang no-vin an rawm sem zui bawk.

Mi za tam tan a nula tlangval in, hmarcha, purun, sawhthing, tomato, bahkhawr an rawtpawlh chu, an rawn bun thliah thliah bawk a, Khawtlang zawng zawng, a lian a te, a pui a pang in, mahni inlum atangin, an lo thawk chhuak tuam tuam a, a then-in mahni herhsawp, thuthleng hniam neih ang ang, an rawm hum chhuak a. A then, in-tuituah duh deuh ten, an ei khawp zawngtah or Bekang an rawn pai ru tat bawk a. Officer ‘a tui deuh in pha chin†ho lah a hranpa deuhvin an han kil a.

Chhungkaw lianpui kan ni ber e. Thiantha te nen, chhung chhung bik ti lovin, ruai kan han kil ho a, a  tlai theih ngei e.  Tunah zawng tihdan thianghlim leh changkang zawk zawngin, kan ti danglam zo ta…kan hrisel phah tak tak ngut nge maw ni?

Khuarei an chang zo ta….Kan la ngai dawn ma nge khuarei an….

Krismas kan hman chhan Isua Krista, khawvel chhandam tura he khawvela a lo pian ni champha a nih pawh hre mang lo khawpa khawvel hlimhlawpna lam a tlan kan tam tak dan te hi han ngaihtuah chian chuan lunglai hi chu a na á¹­hin deuh chu a ni.

A mah chibai buk a Pathian tih lawm ai chuan mahni hlimna uma khawvel taka hun hman kan thlahlelh ta ni berin a lang. Ka á¹­hianpa pakhat zu duh ve tak pakhat chuan ti hian a sawi á¹­hin, “Zu hi duh in rui rui á¹­hin mah ila, Krismas ni hi chuan ka nghei hram á¹­hin’tiin.

Ni e, tam tak hi chuan he hun hi tih ngai loh leh dai ngai loh ram dai thar nan te kan hmang á¹­hin a nih hi…? ka á¹­hianpa thusawi khi ka á¹­awmpui tlat kei chu. Ni serh tur zawk tak ni a lang ah hian Nau piang chibai kan buk duh dan te hi han ngaihtuah chiang deuh teh ang u. Naute thar ai hian kan in dah pawimawh fo lo maw? Lal thar lo piang hian kan nunah nghawng a nei ve tak tak em? tih te pawh hi in chhut fo ila a á¹­ha ang.

Kan in cheina senso tam tak zia te hi, thawhchhuah pawh la nei silo, nu leh pa chawm hlawm liau liauin in thawmhnaw man to tak tak an in bel ngam ta te hi piansual na chikhat ka ti lo thei lo. A….sawi vak ngaihna pawh ka hre lo, kei ngei pawh hi midang nun ah ka buai zo ta zawk a maw ni le…hmmmm eng dang vang a nih lo hi, hun hi a hmawr tawh em a tin ni han ti ngawt dawn lah ila PA chauh lo chuan a hre bawk si lo, hei ha hui ha a nih ber hi….Thila pakhat chiah he thu erawh hi i hre nawn fo teh ang u……

Nausen khawngaihthlak tak angin a lo piang a, nimahsela van leh khawvel siamtu a ni si! Ran chaw pekna thlengah an muttir a, nimahsela, tlang tina ran rualte hi a ta a ni. Thlemin a awm a, an fiah a, ro an relsak bawk a, nimahsela Pathian a nih avangin amahah sual a awm lo.

Thingrem siamtu thachhangdawltu niin mi tlawm takte zinga khawsa á¹­hin ni mah se, tui uainah a chantirin naupang chaw fun mai mai hmangin mipui tam tak a hrai tlai thei. Pathian leh mihring a ni a, hmakhawsang mi a ni a, chatuan atan a nung reng dawn bawk.

Lawng chhuata muhil mai mai ni mah sela, thlipui leh tuifawn a hau reh thei. Mi lungngai a ni a, mi dangte tan a á¹­ap a, Gethsemani huanah lungngaihna vawrtawp tuar mah se, thihna hneha tholeh thei a nih avangin lungngaite tan lawmna a ni ta! A zirtirte tan an hmangaih Lalpa, thia chu nungin a lo lang leh ta. A thi a, phum a ni a, amahah nunna a awm tawh lo, nimahsela Pathiianin a kaitho va, amah avangin thihna chu hneh a ni ta!

1. Thuthlunghlui lam a Lal Isua lo pian tur hrilhlawktu ber Zawlnei Isaia khan Isaia bung 9 a kan hmuh ang khan, “Thlaphanga awm tawh tan chuan nguina reng reng a awm tawh lo vang” a lo ti daih tawh a.

2. Lal Isua tana kawng lo buatsaihtu tur Baptistu Johana lo pian dawn khan a Pa Puithiam Zakaria hnenah khan Vantirhkoh a rawn inlar phut mai a (Luka 1:10-17). Zakaria kha a mangang a, hlauh pawh a hlau a ni(Luka 1:12). Nimahsela, Vantirhkoh khan, “Zakari, hlau suh” tiin thlamuanna thu a rawn thlen a.

3. Isua paitu tur Mari hnenah pawh Pathianin a Vantirhkoh Gabriel-a a rawn tir a. Mari hnenah chuan, “Chibai, Vohbik! Lalpa I hnenah a awm,” a han tih khan Mari kha a mangang hle a ni. (Luka 1:28-29). Nimahsela, Vantirhkoh chuan thlamuanna thu a rawn puang chhuak leh ta a, “Mari, hlau suh; Pathian ngaihsakzawng I ni e,” a rawn ti leh ta!

4. A nupui hual Mari a rai tih a han hriat khan Josefa kha a mangang ve ta thung a, mahse mifel/mitha tak a nih avangin a Hmangaih em em Mari chu tihmualpho a duhlo a, ngawi reng a bansan mai a tum ta zawk a(Matthaia 1:18-19). Nimahsela, Lalpa Vantirhkoh Josefa hnenah a rawn inlar leh ta a, “Josef, nang Davida fapa, I nupui hual Mari chu neih hlau suh; a naupai chu Thlarau Thianghlim laka mi a ni asin, Fapa a hring ang a, a hmingah ISUA I sa ang: ani chuan a mite an thil tihsual lakah a chhandam dawn si a,” a rawn ti leh ta khauh mai a ni.

5. Isua Krista a lo pian takah khan, Khatia Van Lalber Fa lo piang chu, In pangai pawha piang lovin Ranin chhunga Ranthlengah a piang ta mai mai si a, Doctor leh Nurse pawh an awm si lo; tumah han chiau au tu leh han lawmpuitu an awm bawk si lo. Khatih hunlaia Khawvel Lal ten an aiawhtu tur fapa an neih lemin Zaipawl leh Rimawi tumthiam ten ropui takin an awi thin si a. Van Zaipawl an insum thei ngang bik ta lo. Pa Pathian pawhin a dang zo biklo nge a thupek zawk chu kan hre chiah lo na a, Van tukverh hawngin Daipawna an Beramte riahchilhtu Berampute hnenah an rawn inlar ta mai le.
Beramputen an hlau nasa ta mai. Nimahsela, Vantirhkoh chuan an hnenah, “Hlau suh ulang, ngai rawh u, mi tin ta tur chanchin tha lawmawm em em ka rawn thlen che u a ni. Vawiinah hian in tan Davida khuaah Chhandamtu a piang ta, Lal Krista chu” a rawn ti leh ta. An va han lawmin an va han thlamuang dawn tak em.

He Krismas hun hi Mihringte tan hian hun Lawmawm ava ni chiang tak em. Kan nunah harsatna leh Rilru hahna chi hrang hrang kan nei em? Kan lo nei mai thei e. Chutiang kan lo awm anih pawhin he hunah hian hlau tur leh mangang tur kanni lova, Hlim a lawm a Thlamuang tur kan ni. Chu chu Vantirhkohte thuchah ken pawimawh em em mai a ni si a. He Chanchintha hi mitin ta tur a ni a, hmaih reng a nei lo va, a duh apiang tan a ni.

Exodus 33:20 ah chuan, Pathianin Mosia hnenah, “Ka hmel zawng I hmu thei lo vang: mi hmua nung reng thei tumah reng reng an awm si lo va,” a ti a. Tin, Genesis 32: 30 ah pawh khan, Jakoba khan Pathian a hmu a a thi silo kha mak a ti zawk a, “Pathian chu a hmai hma ngeiah ka hmu a, ka nunna hi zuah a ni si” a ti he haw a ni. Heti anih laia Vantirhkohte rawn inlar a, Pathian Fapa meuh keimahni mihringte ang a lo chang a kan zinga a lo awm ta mai hi a va mak em. Immanuela( Pathian kan hnenah a awm) kha a hming ang takin kan hnenah a lo awm ta si a. Chu chu thil hlauhawm a ni lo chauh pawh a ni lo va, Chanchintha Lawmawm em em a ni si a.

Sapho tana Mizo hnam mawl lutuk, an khaw mi ni lo chu thah a, an lu tanchhum a Iptepuia ah haw tum te, Africa rama Midum Ramsa u deuh awrhte anga chan ringawt pawh Sapho tana a harsat awm nen, Pathian Fapa meuh keini a thilsiam Mihringte anga lo chang a, Mi Rethei berte tawrh ang Riltam leh Khawvawt te a rawn tuar a, Heroda Sipaite hlauin Aigupta ramah tlanchhiatpui dawr dawr a ngai a, Dawt tinrenga hek a ni a, Chinghniain Beram tlafal seh tuma an chang reng ang maiin A chetsual leh tawngsual an chang reng a, a tawpah phei chuan, thihdan a zawnga mualpho thlak leh Rapthlak, Natuar rei thei ang ber zawnga in sawisakna Kraws-ah Saruak a tihhlum a lo ni ta hial a. Chuti khawpa min hmangaihtu leh kan tana inpe zo chu Kan Pathian hi a ni.

“Puithiam Lalber kan chak lohnate min hriatpui thei lo nei kan ni si lo; Keimahni anga kawng tinrenga thlemna tawk tawh, sual erawh chu sual lo, nei kan ni zawk e.
Chutichuan zahngaihna kan hmuh theihna tur leh puih kan ngaih huna tanpuina khawngaihna kan hmuh theihna turin, khawngaihna lalthutphah chu huai takin I hnaih ang u.” (Hebrai 4:15-16).

Lal Isuan, “Ngaiteh, Kawngkhar bula dingin ka kik hi; tupawhin ka aw hriaa kawng a hawn chuan a hnenah ka lut ang a, a hnenah zanriah ka ei ang” a ti si a. (Thupuan 3:20)
He Krismas zarah hian, “Tuihal apiang lo kal rawh se; a duh apiangin nunna tui hi a thlawnin la rawh se”(Thupuan 22:17) tiin Lalpan min sawm reng a ni.

Lalpan a thu malsawm rawh se, Amen.

Chu mi tuma Ramthar zin a kal pawh chu kan thahnem phian a, kan kohran upa chhuanvawrin min hova, thla a muangin nuam kan ti tlang khawp mai. Kan zinna khua kan thlen tuk chuan kohhran hnatlang in kawng laia inhlawhnaah kan kal vek a. Tlai lamah kan cham chhunga kan rin tur vawk kan talh a. Kan vawk talh lah chu a nu ah mah chuan a no pai lai a a ni kher a. Kan Leader chu an va rawn a, a ni lah chuan ‘ar pawh a tui lai te chu a tui hlei hlei a, a pawi lo†a lo tih avangin kan talh kha a ni a. A note zawng chu kan phum a, kan vawk talh thawnthu chu hmeichhe ho kan hrilh lem lova. Anni pawh chuan tui ti tak chuan an ei ve mai a.

Urlawk zan a lo thleng a, ar kan a interek hran tih vel a lang lo hrim hrim. Krismas inah kan zai tluk tluk mai a. Kan kal hma khan kan zinna mi te ho chu urlawk zan hi zai tlaivar tur emaw ti thin tih min hrilh lawk ve pan pan a, mahse, kan zai tlai var ta em lova. Ramthar a masi hman chu a hahdam thlak khawp mai, urlawk zan a zu check leh zurui man, chat thla buai pui tih ang vel kha chu a rim a ra pawh kan hre lova. Nuam dang dai ve tak chu a ni. Kha mi ramthar zinah khan kan veng tleirawl nulat hre tan te kha tel phei se la chu a nuam tiin ka kua a puar zan khua thak thei hial ang.

Kha zan a nawm lohna chhan khan Siampuii hla kan ngaihtlak loh avang leh a tel lova krisamas ho vek a kan ngaih Boney M hla nen a urlawk kan hman avang a ni hauh lova. Lenkhawm kan tui lo em em pawh a ni lova. Nula hman pui thu hlaah chuan ka dam chhunga nula ka la hmanpui hnem ber a ni hial awm e. Tlangval pawh kan tam, pa pawh an awm a. Harh lah kan harhfima, eng vang a kha mi zan khan nuam ti vaklo nge ka ni tih hi chu i chhiar ang i hre zel mai ang.

Krismas ni a lo thleng a, Pathian zarah ka khua pawh a har em em hran lo. Kan zinna khua mite tawng te in Krismas hla te kan sa a. A nuam chu kan ti phian a. Mahse, lung erawh a leng ru veng veng thin. Kan venga tleirawl pakhat ngaituah chuan rilru chu a lum let but but reng a. Suangtuahna mitthla bak kawm tur leh han sawi pui tur ka neih loh avangin lunglen chu keimah in ka sepui ruah tuar tlawk tlawk a ni ber. A nihna takah chuan kan vela hnim hnah thlasik khawvawtin a hmeh khaw ro ang ri re khan kei pawh ka nun ram kha kha tleitir i zun khan min hmet ro a ni si a. Krismas chu dam takin kan hmang zova. Krismas tuk ruaitheh ni a lo thleng ta a. Chu mi ni tak chu a ni hreawm ta chu.

Ruai kan theh zo, tlai lamah tlangah kan leng thawveng a, mahse kei zawng ka kim thei tlat lo mai. Ruak keimah ah hian a awm tlat. Kan riahna run lam panin ka haw ta hnak hnak a. Kan riahna lam khan eng vanga haw ve ngawt nge maw ka nih le. Tlang a kal ve te hlim nuih bawk bawk kha ka hmu thei lo nge ni, ka lungleng kha kan riakna tang khan kan veng lam thlir ka duh tih hi ka hre chiang thei tawh lo. Kan riahna run atangin kan veng lam chu suangtuahna mit mai nilo hian ka chhing mit ngei hian ka thir vawng vawng a. A khawi lai ber nge kan veng tih phei chu ka hre hauh lo, ka rin thlir vel mai mai na a ka suangtuahna mit erawh chuan a thlir dik chuan ka hria…

Tleirawl tuaitir te nulat hre tan tawh ngei mai kha.. chiang takin ka suangtuahna mit chuan a thlir reng a, ruaitheh hun vel bawr laia biak in bul a ruaitheh tura lo kal ngei mai te kha. Kan kohhranah chuan hmang ila chu ka chhing mit ngei hian hmu turin a zawng ru leh daw daw dawn si a. A nihna takah chuan a bulah ruai phei chu ka theh ve ngam hauh lo ang tih ka hria a, mahse ka ruai theh tluk zet chuan amah chu ka puar pui ve ngei awm si a…mahse, chu kan zinna hmun atang chuan tawngkam biak rual a ni silo, chu suangtuahna mit chuan a tak min thlen se ka va ti tak em.
A dik a dik chuan zin kha kan tam em vang leh thiante tha te, chhungte an tam avang khan khua a chu a har em em hran lo. Mahse, lunglen hi chu chhugte leh thenrual tha te in hnem theih a ni hauh lova. Kan ngaih a ber chauh khan min lo hnem thei hi a lo ni a. Lenkhawmna hun kan hman te chu a nuam ka ti lo ani hran lo. A zai uar uar ah kan tang in ka hria, Mahse, kha tleitir tuai te kha awm ve se chu a nuam leh zual ngei ang tih ka hria. Zing a kan haw dawn thlalaka tel khan tel ve se chu kha mi tum a kan thlalak kha ka roh hle tur hi a ni a. Tunah khang thlak te kha khawi lam nge a awm zawh tak ni le….

Krismas hmang tur chauh a kal kan nih avangin ruai theh tuk chuan haw leh mai tum kan ni a. Kan tlawh kohhran chuan min chelh an chak khawp mai a. Aw… chu mi tum chuan mihring lam thlirna chuan kan haw lo mai ang tih ka van hlau tak em. Chungtiang hun karah chuan haw chak thu lo sawi ve rual lah kan ni si lo. A nihnaa tak chuan keini pawh chuan min thlamuan pui ve em avang chuan cham leh pawh kan hreh lutuk lem lo in ka hria. Tun lai anga mobile awm ve ta lo chu kan haw lehna tur motor chah lawk kan nih vangin hi lo thei lo kan nih avangin kan haw ta a….ka thaw huai mai.

Kan motor chah a lo thlen chuan kan kohhran chuan Krismas ruai an nawn dawn tih chanchin lawmawm tak chu min rawn hrilh a, a va nuam tak em. Dam takin Pathian zarah kan kohhran biak in ngei mai kan han thleng leh ta vah mai a, ka hlim tak zet ta. Chumi tum chuan a lawm ka mit vai emaw tih hial tur Angel te pakhat ka hmu ta tlat mai le. Ka mitvai emaw tiin ka mit erawh ka nuai duh ning nel ta bik lova. Chu Angel te chuan Ramthar zin haw ei tur vel buaipui chuan a lo awm ta reng mai….Ka in sum zo bik lova “I dam maw” tiin kan biak ve kha… Tun hnu Lalnunsanga hla ‘Ka vei thin che†tih hla a “ Kum pui sul lo vei a, dar ang tawn leh ni chuan, ka vei ber chibai ka buk ang a, ‘I dam maw ?†tiin a ban ka vuan ang” tih hla ka ngaithlak te hian khang hun lai kha fiah vak lo hian ka mit thlaah ka hmu fo thin.
Ei tur ringawt hian mi ti puar lova, ei tur tui tak kher hian hah a tidam hek lo. Ramthar zin hah, ngui leh chauh awm hauh lovin phur tak chuan chaw kan han dawh a. Chaw dawh pah chuan kei leh kei lo ang takin ka be hmasa tlat nia maw le…ka be sathliah mai ni lovin ka chibai hial nia. Mahse, ani khan ka chibai lai a ka rilru leh a mah kher a lo ang, a lo fatu avangin tleirawl pakhat a harh phah hawk tih lah kha a hre awm der si lova aw.

Chaw kan ei pah chuan kan zinna a mite tawng thenkhat chu inti Ramthar zin tak chuan kan thiam ang ang lah chu kan hmang ang tak nauh nauh a. Chaw ei kham chuan in lamah ka haw thuai a, inbual pawh ka in bual hman lo, ka angel te chu lengkhawmna lama ka hmuh beiseiin zin hah pawh sawi lovin ka chhuak leh nghal a, ka chhungte khan engtin tak ngai ang maw. Ka chau lo a ni bik hauh lova, chau chung pawha chakna erawh ka hmu tlat a ni. Chu ka chakna thlarau dawn chu han lam pui chi lah a ni der lova. Lengkhawmna a kalte tan lah thlarau lama sawt puina tur atan han din chhuah pui (sharing neih) chi lah a ni hek lo.

Amaherawhchu, beisei anga ni ta hauh lo mai le. Ka angel te chu a lo tlawk bo ta tlat mai. Bei erawh a la dawng hauh lo. Hun tha zawk a awm ngei ka la beisei tlat a. Chu beiseina ka zawnna pawh chu thil nuam leh awlsam tak a ni chuang lo. Chu beiseina hun remchang ka hmuh a chu a tuka Krismas ruai thehna vel seng hawi a hnatlang a ni tlat a. Zin chauh avang zing thawh tlai tih velin min chelh zo tlat lo. Hnatlanna ah Angel te hmu beiseiin ka kal leh a mahse…ka hmu tlat ta lo mai le…..a va pawi tak em.

Ramthar a Krismas hmang inti, in thawk tha ka in ti ve tehlul nen thil dang ka ngaihtuah a talangin krismas pawl ka hman phah ngawt a ni ber a, zia lo tak a ni….