Aw, lal-Scooty, i va’n tangkai tak em!

1. Traffic jam changin, khalh i buaithlak miah chuang si lo. Bike te chu, gear thlak te te a ngai a. Nang zawng, chu buainaah chuan i buai ve ngai lo va. Kut zungpuiin ka’n hmeh zeuh hnuah, ka’n herh leh zeuh che chuan, i tlan a ni nghal mai si.

2. Inrahkhalh zauh zauh a ngai tih loh, kein hna dang a nei lo te hi a va hahdamthlak tak em! Duh duhna hmunah ke kan dah thei a. Duh leh a hmalamah, duh leh a sir deuhah te. Bike erawh, gear thlak a ngaihin, pheikhawh a rang/bal ve zauh thei a, nang erawh chuan gear i neih ve loh avangin, ke hnathawh tur zawng zawng i awl vek a, i van fel tak…

3. Aw, Scooty, i tangkaina leh thatna ber, ka chhawr tangkai em em chu e; nula hian han tuai vel che hi an chak fo thin. Keini ang duang, a hranpaa nula phurh tur hmu zo lo ta chuan; nang han khalh chak nula an awm hlauh chuan, ka khalh tir mai thin a che nih hi. Chutichuan, i pu hi, hahdam leh lungmuang takin nula scooty khalh ngeiah nuamsa takin ka chuang ar ar thin…

He nula sess deuh pawh hian, Scooty a khalh ve tho nia!…

November 30th, 2012 thleng hian vote pek leh thlalak upload theih a ni dawn a, December 2012-ah mipuite vote leh comment-te endik a nih hnuin, Top 10 Models thlan chhuah a ni ang. Top 10 Models atang Top Model tur chu Zofate.com puipate leh hmun hran hrana awm Zofate zinga hruaitute (mibik te) leh milarte vote-ah a innghat tawh dawn a ni. Tichuan, January 2013-ah Top Model chu puan a ni ang.Top Model hnenah hian chawimawina certificate leh India cheng singkhat (Rs.10,000) pek tura ruahman a ni. Tanpuitu (sponsor-tu) an awm anih chuan Zofate.com hian lawmman hei aia thahnem zawk a pe ang.

Model thlalak hi upload sak theih a ni a, model thlalak upload saktu hian an thlalak upload sak chu Top Model atan thlan tlin a nih chuan a lawmman dawn zatve pek ve a ni ang. Terms & conditions erawh chhiar phawt a tul.

N.B : Mizo Top Model hi intihsiakna/inelna (beauty competition) atan siam a ni lova, Zofate zingah vantlang mipui hriat hlawh tlaka hmel leh pianphunga duailo lanu an awm ani tih tarlan hi zofate.com in a tum ber chu a ni. Chuvang chuan, thlalak upload nazawng, facebook profile picture-a lang tha nazawng chu model atan approve an ni dawn lo. (Quality over quantity)

Dawhkan chhung vela lehkha leh register inchhawp hnawk nuai te chu ka rem tha in a pawimawh vaklo ho chu ka thianfai a. Chutia ka tihfai lai chuan inneih sawmna card rawn tla chhuakin, special invitation card mawi tak chuan ka mit ala in ka ngaihtuahna erawh thui takin a vahkual tir nghal a.

Card mawnga, ‘from Lalrinsanga and Zonunpari†tih chuan ka ngaihtuah fo thin leh ka rilru a awm fo thin min hriatchhuah tirin, ka hnuk tiulh fo thintu ka thiannu Parte-i hmangaihna nunkawng leh tawrhna rapthlak zia chu rilru ah a rawn lan thartir leh si thin.

Parte-i, Zonunpari hi kum tamtak ka lo kawm leh ka hriatchian aniin kan inkawmngeih a. Thuruk, lawmna leh hlimna leh lungngaihna thute inhrilh ngam leh in lawmpuia, intahpui fo thin, in thiantha tak kan ni. Kum khat lai a liam ta, chawlh lai anih avanga ka haw lai aniin dawr ka nghak a, hemi ni hian a pasal tur nen an rawn bazar a, kan dawr ah rawn chawl haw in min hmelhriattir bakah a Mo kawr turte min hmuhtirin kan tleirawl laite kan sawi a kan hlim dar dar hle a.

An inneih hun thlaleh mai anih tawh avanga tihtur ala tam thute sawi pahin ka awm ve hmanlo tur pawi a tihthu a sawi siam siam a. Ka thiannu, kum tam ka lo kawm leh unau ang maia ka lo en thin hlim taka a awm leh amah hmangaihtu a tawng chu ka lawmpuiin, kal thei lo mah ila present tha tak pek ka tum thu te ka sawiin kan nui uar uar a. Mahse tah leh rumna khawvel hi zawng a buaithlak ani e, ka haw hnuhnun ber khan Partei chu kan dawrah a rawn kala, a hma lawka hlim taka he dawr chhung ngeia hlim taka nui uar uar ka thiannu Partei erawh a dang ta si.

A hmel a dangin, a cher hle a, mut hmu thalo tih a hriatin a mitkhur thuk tak leh mitmeng zuai tak te chu ka thiannu mitmeng nung sar thin kha ani tawh silo. A hmel ah hlim hmel a awm lova, thingkung mawitak nunna nei tawhlo ro taka ding ang mai ani ta si. Ka haw tih a hriat avanga rawn leng aniin ka hmel a hmu chu “Lame, a va hrehawm ve” tih bak a sawi theilo, lungchhiat avangin a bianga mittui a rawn luang a. Ka thiannu lungchhiaa awm chu hnem ngaihna ka hre lova, Ka banah vuanin lungchhe takin a tap a, hre tawh tho mah ila a chanchin mi hrilh ta a.

Hmeichhe dang ang bawkin tleirawl chhuah tirh ahte chuan star te nei ve thin mah ila, ngaihzawng tak tak hi college ka kal hnu ah bak ka nei lova. Ngaihzawng la runtlak mi ka nih avangin ka bialpa chu ka duhin ka atchilh hle a. Ani pawhin min duh ve in ka hre thin. Ka nun a ti hlimin ka tan chuan ka engkima engkim aniin, hmeichhe duat nachang a lo hre bawk nen, a lakah chuan ka beiseina nghatin ka thinlung ka hlan a, ka khawvel anisi. Nitin kan inhmu a, hunawl ah kan leng dunin, kan nui a, kan titi a, hmalam hun sawiin suangtuahna khawvelah kan cheng dun thin.

Kei hi ka nu leh pa ten min duat hle mahse hringnun kalkawng ngil tak zawh dan min hrilh nasain ngaihzawng chungchang thlengin kan tleirawl tirh atangin min hrilh a. Ka theih ang angin kei pawhin zawm ka tum hram hram thin. A bik takin mipat hmeichhiat chungchang phei chu ka Nu hian min hrilh nasain, nupui pasal neih hma a Sex hman that lohzia te, buaina mai a thlen lohzia min hrilhte chu ka thinlungah vawngin ka ngaipawimawh thin.

Ka nuin mipa chu an inang vek alo tih thin kha alo dik aniange, Ka bialpa ka hmangaih em em a pawh chuan, hun a kal a, ka lakah a huangtau sawtin beisei a nei tam tial tial a. Vawi tam a tum hnu pawha ka la hnial avang chuan min vauin min then ta hial reng a. Ka hmangaih berin chutia ‘min hmangaih tak taklo anih hi†tih chhuanlam siama a laka ka in phalloh avanga min then chu ka rilru ana hle a. Amah duhin hmangaih viau mah ila ka Nu thurawn min pek kha a dik tih ka hriat avang leh ka zahawmna anih avangin ka thutiam hlen loh ka duh silo.

Rilru nain kum tam ka awm a, ka lakah chuan Mipa hi engmah anni loin ka ring ngam tawh bawk heklo. Kei mi awmnem leh thinlung no tan chuan duhber chan chu ka tawrh ngailoh alo ni nen a na a, mittui tam tak ka sengin zan mu chhing thei lova hun rei tak min awmtirtu leh ka nun ti ngui a, hlimni min hmuh tirlo tu anisi. Hun hi rilru na hnemtu tha ber anlo tih thin angin hun leh kum a liam a, ka rilru na pawh chu a rehin ka mipa rinloh erawh ala ngaiin ngaihzawng lampang phei chu kum tam ka neilo in ka ngaihtuah peih heklo.

Mahse, Mipa hi anlo inang veklo aniange, U Tluanga ka tawng tain hei kum 2 chuang kanlo inzui ve ta. U Tluanga, Lalnuntluanga hi kei aia kum 4 a upa aniin kan in hriattirh kha chuan LLB zirlai ani a, mi pangngai ang tho nimahse mipa kalo hriat tawh thin nen erawh kha chuan an zia leh nunphung chu lei leh van ang hlauh anisi. Ani chuan kehthei dawma min dawm lovin min ngaihsak a, min hlau ni lovin ka thu a ngaipawimawh a, min ta neih ni lovin min thlahlel a, ka taksa leh sakruang te chu a it ni lovin a ngaihlu si.

Mipa a rinna ka neih tawh lo zia a hretrhiamin, ka rin ngam na turin a dawhtheiin min hmangaihzia a hunah a ti lang hreh silo. A tirah kha chuan ka tihsual leh ka hlauh avangin ka rilru pum ka pe ngam lova, mahse hun leh nite a liamin, amah ka duhna leh hmangaihna chu a zual in a so liam si.

Tichuan kum a liam a, kan zirna te kanlo zo dunin hna te kan han thawk ve ta bawk nen, kum 2 leh a chanve dawn kanin zui hnuah inneih chungchang min sawipui ta a. Hmeichhe tamtak te ang bawkin pasal neih hun tur hi suangtuahna nen kalo thlir lawk ve thinin, chutia mitthla mai ni lova ka hmangaih ber leh ka duh ber Pasala ka han nei tur chu ka hlimin ka lawm a, ka hmalam ah hlim reng thei dawn loin harsatna kala hmachhawn dawn tih hre mah ila, min hmangaihtu uapna hnuaiah chuan Khawvel hmachhawn ka zuam ni lovin ka huphurh silo.

Ani asin, ka tui ang min tuipui a, min tihlim a, dawm ka ngaih huna min dawm a, min hrethiam thintu leh kawppui ni lova, nupui atana min thlangtu leh tawngka mai nilova a huna min hmangaihzia ti lang thintu U Tluanga hi chu ka tan a hluin ka nuna a rawn teltir avangin Pathian hnenah pawh lawmthu ka sawifo thin. Thianpa, min hrechiang tu nang ngei pawhin min lawmpui thin tih ka hria asin.

A thil sawilai chu a chawl a, dawhkana ka tui bottle dah chu lain a han in khawlh khawlh a. A taksa cher leh dawldang tak chu ka lam hawi chuan a han her rem a, a mitkhur thuk tak leh mitmeng dul, sen rum mai a min melh kuau chung chuan,
Thianpa, i dawra kanlo kal ni khan kan inneih kawr tur, a fual kan duh ang ngei a kan thuitir kan lak ni ani a. Khami ni a ka hlimzia kha i la theihnghilh bikloh ka ring.

A hnu lawka kan inneihni a ka hak tura kan tih avangin kha kawr kha vawi tam ka ha chhin a, ka tan chuan ka nun kawng hlimthla tilangtu leh ka beiseina lantirtu a ni si. In chawlh a zawh avanga i haw thlak hnu kar hnihna, kan inneihni hma kar khat la awmah lungphuchawl avangin a mu an kaitho zo lova, min kalsan ta si.

A biangah mittui a rawn luang a, ka hnem leh a lungchhiat a zual si, chutah a khur bauh bauh a, ka kut vuan chung chuan “Thianpa, hmangaihna hi mi tamtak tan zawng hlimna aniin kei atan zawng, lungngaihna ruam min daitirtu mai ani asin. Kan tana tha turin Pathianin ro a rel an tih thin te hi ka tan chuan pawm thiam a harin ka vui lek lek fo asin. Kan inneih kawr pawh ka chhungten tihral tum mahse kala ka la kawl tha asin, ka tan chuan ka Wedding dress ani kumkhua anga, U Tluanga pawh ka tan chuan ka Pasal tiin ka la sawiin kala ko fo si” a han ti a. Chutah “ Thianpa, I thiannu chan hi a na asin, min lo tawngtaipui thin dawn nia” tiin min chhuahsan ta a.

Nang chauh ti a, biahthu min hlan thintu valmawi
Engan nge maw thihna kutvawt chuan
A hruai tak che ni, hawilopar thliak tur’an maw
Ka chan tur reng dawn silo hian e

Furpui chhum iangin a dur ruai e, ka hringnun
Ka nupui ti a, min ko thintu
Ka di valmawi, a liam ta e, kir rel lovin
Tahlai bang thei hian ka maw silo

Kal la chawl hahdam nang che lal nunnem kiangah
Min nghilh zai erawh rel bik suhla
Kei zawng ka thlir nang e i kianga len huntur
Chutin a kiang ang ka tahlai ni

( A chanchin ka ziak chu ani lova, he dinhmun a ding, lungngai leh rum mek ka thiannu tan he thuziak hi ka hlan e)

Nike chuan pheikhawk chi thar “Galaxy” a hralhchhuak dawn tih hriain, pheikhawk dawr kawtah rêng mai chanve ngei tumin mi za-tel an intlar pet put mai anih chu. He pheikhawk hi $ 220 +6% tax = $233.2 (Rs.11,660) man lai a ni.

He pheikhawk leiduh tamzawk chuan a pheikhawk hrim hrim á¹­hatna bakah eBay vela hralh leh atan an duh nitepawhin alang. Tukin chanchinthar lamin an puan danin, eBay lamah chuan $2000 (Rs.100,000) te pawhin an hralh thei niin alang.

Nike hian hmanni mai khan ban-bun “Nike + FuelBand” alo tichhuak tawh bawk a, chumi chuan kan calories paih (burn) zat leh thildang tam tak a buntu a hriattir thei a. Chu pawh chu an zawrh chhuah tirh atanga minute 8 chhung lekin an hralhzo vek niin chanchinthar lamin an puang.

Galaxy pheikhawk chu:

Chanve ngei tumtu intlarte:

EBay lamah:

Chhiar belh duh tan:

https://www.wtop.com/?nid=58&sid=2760285

Khi pheikhawk ai khian, he US Airforce pheikhawk no.10, Aizawl a hralh tura ka hawn tur (pakhat) hi nalh ka ti zawk hairehai

Kan fashion chungchang hi kan sawi fo thin a, a thenin kan sel a, thenkhatin awm kan ti em em bawk a. A tha e, a tha lo e tih lamah chuan ka ngaihdan tarlan ka tum hran lo. hei erawh tarlan ka duh, mithenkhat sawi dan hi. Comment lamah ngaihdan chu kan sawiho zawk turah ngai ta ila.

A hmasa berah chuan Pathianin Mihringte a siam khan Fashion chikhat chu a rawn intan tawh a ni tih hi hre tel reng ta ila.

Kumin kum thar hlim hlawt atang khan Pawngsual, Nula, Kumtlinglo..etc. pawngsual a awm hnem tawh hle mai a. heng pawngsual a lo tam tak em em chhan hi kan Fashion vang hi ni a ngai an thahnem hle. Kum tlinglo leh tleirawl pawngsual te hi, an mahnin an cho chhuah reng a ni a, an incheina Pawnfen chhing tak, mawng lak lek lek a an ha a, an mal zawng zawng deuhthaw langa kawtlaia an kal velte hian Pawngsual nasa takin a ti tam a ni an ti thin. Hei hi a dikin in ring em le?

Thenkhat chuan Bible in hun tawp dawn a, hun hnuhnung sign a sawite kha thleng tur reng a ni a. Tunah hian Bible in hun hnuhnung a ni tih kan hriat theihna tura Sign lo awm tur a sawite kha a thleng dik chho mek a ni mai ti a ngai an awm bawk. Nang enge i ngaih ve dan le?

Eden huanah khan Fashion chu a lo intan tawh a, Pathianin Mihring a siam khan Saruak ngalngatin an awm a nih kha. Tin, A chhia leh a tha hriatna thei an ei khan Saruak an nih zia hria in, an zahmawhte khuh thei tawk tawkin Theipui hnah an inbel ta kha a ni a. Kha Eden huan Fashion kha lo thang zelin zahawm zawk leh mawihnai zawkin a lo inthlak thleng chho zel a. Khawvel changkanna mil zelin Fashion a in thlak a nih hi. Tichuan tunah hian kan Nula te Fashion hi Eden huan Fashion ah khan a lut leh tep ta! Nge kan lut mek tawh zawk?

2.         Millenium Centre a nufa bazar ka hmuh pawh khan mit a tikham. A fanu kawr hak kha — a hnunglamah zau tak a awng a, a nghawngah a insuih ve á¹­et a,  kekawrbul chhing em em mai hi a ha a, stocking emaw bun se chu ka la hrethiam, nula kan tih ang rual hi a ni tawh si. Hmu vetu dang te pawh khan an en zui he haw hlawm a.

3.         Dawr pakhat nghaktu nula sawi leh ang.  A hmel chu a tha, mahse a kawr hak kha a nghawng a zau lulai lutuk a, khatia a ṭhutna a a ṭhut tawp pawh khan a hnute zahve chu zuk lang thei a!

Han kun deuh phei se chu a lang vek thei deuhthaw ang. Kanthil lei tur kha chhuar sang a mi han ban a ngai a, a kawr hak a chhing si, a kekawr kap a tawi si, a mawng kehkak kan hmulo chauh.

A chunga ka thil tawn pathum te khian kan zahawmna an tibo. Hmeichhiate zahawmna hi ho te a awm leh bo thei ani. Kan tleirawlteâ€n sexy thei ang bera inchei an duh anih pawhin nu leh pa, a bikin nu in kan khap tur ani dawn lawm ni?  Nufa bazar kan hmuh tum pawh hian a fanu aiin a nu ka demna a nasa zawk.

Zahawm lo taka inchei chunga pawnchhuah khaptu á¹­ur chu a nu ani. Bedroom dress te hi pawnah kan chhuahpui lawp lawp a, a sexy thei ang berin kan inchei a, diktak chuan, vanduai hrim hrim te huam tello in ‘engemaw†kan tawk anih pawn kan cho chhuah anih na chen a awm tlat ani.

Mizo te hi chuan Dress code mumal tak kan neilo a. Mahse lehkhathiam hnam kan ni a, a hun leh hmun a inchei dan hi chu hre rual kan ni. Kan incheina atangin kan mizia a lang thei riai ruai ania. Hnamdang te hmuhah phei chuan incheina kan uluk a ngai lehzual in ka hria. Kawr nghawng zau deuh ha te hi vai ho te hian an thlek nasa thei teh ania!

Kekawr hak chungchang hi, misual-ah pawh hian kan sawi tawhin ka hria. Hmeichhia in kekawr kan hak hian kan Mizo-na a bo in kei ka hre lova, kan Mizo-na chu rilru ah a ni.

Biakinah te chuan puan bih a mawi em em a, chutih rualin hnathawhna hmuna puan bih te hi chu hnawk tak ania, motor chuanna ah nise hnawk bawk, kekawr  hak hian kan fel thak mai a, kan mipa te pawâ€n puan in ven peih tawh bik loh kha!!

Thluak hi hman thiam ve a ngai a. Tihtauh bûr bûr ai chuan nui sangin bul han tan phawt mai la, thil harsa teh chiam a awm lo.

Nui sangin, “My darling, tui han chawi rawh le,” tih pawhin an tlan dawr dawr tawh mai a ni. Bialpate in-atchilhtir duhte tan chauhva apply tur a nih hi.

Han meng no hnaps phawt mai ila, khaw dang hawi thei lek lo khawpin an mit takah hian en no hnaps mai la.

First step chu i pass der a ni mai. In lak-mysterious thiam tur; mipa hian sexy an ti a nia. Fel hmel deuh ‘but’ a ruk taka pa deuh si hi han ni der vel ila, min star em em mai a ni.

Tlangval ho pawh nula bulah an inthup thiam bawk a, kei ni ladies-ho pawh eng vangin nge kan inthup loh bik chuan ang le? Chu vangin chhass bulah chuan zaidam ber ni awm taka nuih her her mai tur, tlawma lak duh miah loh tur.

Chhas-te nena fawr ho dawn ni chuan, i nitin dress hak aia tlema sexy deuh lam kha han ha deuh hnaps la, tlangval chu an meng pawng lawng nghal a ni mai. Sexy tawka kal hah hah mai tur, zah chuih chuih a tul lo.

Mipa pek dak kher hi nghah a tul lem lo va, duh hun hunah pek dak ve bawrh bawrh mai tur. Mipa lawm zawng tak a nia, chhas ka pek dak vanga thinrim ta hi ka la tawng lo reng reng. I unaupa te i lo pe dak a nih ngawt loh chuan zam reng reng suh.

Make up hman hnem lutuk te hi, i chhass in-atchilhtir i duh chuan tih miah loh tur. Eye liner hnawih dum phei chu mipa hian mawi lo an ti teh mai a nia. Hnathawh lam, doctor, lawyer, second hand zuar, kuhva zuar i ni emaw, pawisa thawh chhuah lam sawi zuah zuah loh tur. Financially independent ka ni tih ang lam phei chu sawi reng reng loh tur. Sawi lo mah la, anmahniin an lo spy chhuak ve tho tho.

I chhass hnathawh kha ngaisan hmel deuh a awm zaih tur. Hmeichhe tawng hnem hi an ngai thei lo hrim hrim. Cinema kan en a, a starring tawp hnik hneka inchei but very cute tih ang reng vel hi an style copy hlek loh tur. Cinema velah chuan an cute mai thei, mahse, a takah chuan turn off-ah a chang duh a nia. Chhas-te in-atchilhtir dawn lai stage-ah chuan, Pamela Anderson anga sexy tur, nih deuh har tur; hur tel kher chu a tul chuang lo va. I dul a kiar deuh a nih chuan, for the sake of sexiness ip char char mai tur.

Body language, pawimawh lutuk! Chhass bula i thut reng rengin inpho deuh larha thut hnaps tur a nia. I ke han khawkherh dan reng reng pawh kha awmze nei takin thlektir tur. Thlek deuh nghal nghal mai tur.

Confi takin mi zinga in chhuah ho reng rengin tlangvalte hian an chhas-te hi min chhuang ve teh mai a nia. Chu vangin kan hmeltha emaw, kan hmelchhia emaw, confident takin kan hawi larh larh ve mai tur a ni. Khawvela hmeltha ber ang mai khan han awm la, i chhas pawâ€n ‘emaw†a lo ti ve a ni mai; Hawi sang lam a ni lo a nia. Hawihhawm zaidam nunnem ber ang khan, nu hnep bawk si, sexy bawk si, zei bawk si! Ho te te-ah thinrim duh miah loh tur, attention draw duh vanga tihtauh khum tih ang reng vel kha bansanin, nui sang tactic-in han biak tum chhin la, nangmah pawh i hlim sawt ang a, in relationship pawh street light angin a paw phut mai ang.

Facebook-a Fiamthu Hriselna group-ah he thu hi ka hmu a, tha ka tiin ka hlimpui em a, ka rawn post chhawng a ni e. A post-tu ziah a nih loh avangin a ziaktu ka hre lo.

Ka naupan ve lai lai chuan tlangval hovin western films hi an atchilh laileng khawp mai a. “Gunfight at the OK Corral” leh “Tombstone” (featuring Wyatt Earp, John Henry “Doc” Holliday, Franc & Tom MacLaury, Bill Clanton (Bill Clinton ani miah lo ania), Morgan & Virgil Earp) Arizona state a Tombstone khua ah October 26, 1881 khan minute 30 zet an inkap vak mai a, Chu chu thil awm tak tak ani a. He incident hi a lar vet vet khawp mai a, tlangval vawi 15 en pawh an awm an ti. Romeo & Juliet pawh en nawn awn awn an tam mai.

Phuahchawp western Aizawl a lar dang “Have Gun, Will Travel” (Mizo tawng thiam ber J.F.Laldailova (fam): “Chengrang ka chawi, rammut ka zuam”), “For A Few Dollars More“, leh western films dang lar ve tak tak Zodin cimena a an chhuah laiin America rama Spanish guitar in revolver a thlak thut ang ziazangin Mizoram ah pawh Record player (turntable) hmangin country music leh pop music an lampui dawr dawr a.

Chu pawh chu Casette player in a thlak leh thut a, chutah Compact CD in music an ngaithla ang a, Television pawh 1986 FIFA World Cup (Diego Maradona “Hand of God” in England a paih thlak tak) hnu chuan nei an awm ta sup sup a, mahse a tir lam chuan MTV, VH1 tih vel awm hek lo, Bangladesh TV a presenter hmel Kristmas em em lote pawh en tlawk tlawk duh tawk lah bo lo. Hetih lai vel hian motor-cycle (not scooter, mind you!) tlangval hovin an lawm em em mai a, a hma lawka Bruce Lee leh Shaolin Temple nen.

CD leh pocket music player (lar hmasa Sony Walkman) pawh thil hlui alo chang thuai a, I-Pod hmangin music kan ngaithla leh a, tunah chuan laptop hmangin TV shows legh films kan en a, mobile phone hmangin music kan ngaithla mek anih hi. Iphone leh Ipad nei ho hian eng takin hmang ang maw? Tunlai thangthar ho atchilh X-Box leh Video Game te Korean drama leh fashion te pawh hi an la rauhsan dawn a, an influence hlauh tehchiam tur ani love. [/youtube]

CD leh pocket music player (lar hmasa Sony Walkman) pawh thil hlui alo chang thuai a, I-Pod hmangin music kan ngaithla leh a, tunah chuan laptop hmangin TV shows legh films kan en a, mobile phone hmangin music kan ngaithla mek anih hi. Iphone leh Ipad nei ho hian eng takin hmang ang maw? Tunlai thangthar ho atchilh X-Box leh Video Game te Korean drama leh fashion te pawh hi an la rauhsan dawn a, an influence hlauh tehchiam tur ani love.

Serchhipa inkhawmpuia ka kal á¹­umin zurui pakhat hian min tibuaiin insualah min cho tlat maia; á¹­awngkam na tak taka min tih avangin ka thin pawh a ur ve hle. Amaherawhchu, ka inchei dan hi tuna kan sawi tur coat suit leh necktie nena ka inthuam ve lai a nih avangin ka thawmhnaw nen insual buai kha a mawi lo tih ka hriat tlat avangin ka insum hram hram a ni.

‘Coat Suit†kan han tih mai hian rilrua lo lang nghâl chu kawrchung (coat, American-ho chuan ‘jacket†an ti) leh kekawr, rawng inang chiaha á¹­hui a ni awm e. Kawrchung leh kekawr bâkah waistcoat (American chuan ‘vest†an ti) a tel hian ‘Three piece suit†an ti a, kawrchung leh kekawr chiah a nih hian ‘Two piece suit†an ti.

Suit á¹­hui hrang : Suit chi hrang hrang a awm a, a danglamna chu a kawrchung á¹­hui dânah a ni deuh ber. Hetiang hian an á¹­hen hrang –

One botton suit: Kawrchung hmaah kawrkilh pakhat awmin kilh thin a ni. Asia, Europe, Africa leh America khawmuala chengte’n an ha nasa hle.

Two button suit : Kawrchung hmaah kawrkilh pahnih chauh vuah a ni. American hovin an ha nasa a, khawvêlah pawh hâk tlânglâwn ber a ni awm e. ‘single breasted†a ni. Kawrkilh pahnih awma a hnuai zâwk hi eng lai maha kilh loh tûr a ni a. Kawrkilh chung zâwk erawh hi chu din lai chuan kilh tlat tûr a ni thung. Kal lai pawhin kilh mai hi a mâwi ber a, kilh loh pawh thil sual chu a ni lem lo.

Three button suit : Kawrchung hma lamah kawrkilh pathum vuah a ni ve thung a, hei pawh hi ‘single breasted†a ni. A kawrkilh hnuai ber hi eng lai maha kilh loh tûr a ni a. Kawrkilh a laia mi chauh emaw, a lai leh a chung ber kilh kawp emaw hi a kilh dân tûr chu a ni.

Italian suit : Kawrchung hma phel dinglam a veilamin khuh deuh hlap thei tûra á¹­hui hi a ni a, ‘double-breasted†an ti deuh kher á¹­hin. ‘Double-breasted suitâ€-ah hian kilh tûr pakhat chauh emaw, pahnih emaw a awm tlângpui a, pakhat chauh hi kilh a ni á¹­hin. Kawrkilh chung zâwk chauh kilh hi a kilh dân tlânglâwn chu a ni a, a á¹­hui dân azira a hnuai zawk chauh kilh pawh an awm tho bawk.

Mandarin suit : Kawrchung nghâwng tung, tâwi, thleh loh ang chîho hi a ni. Khawchhak lam kawr nghâwng anga duan a ni a, nghâwng thlenga kilh chîp deuh chaih theih tûra á¹­hui a ni. ‘Oriental suit/Nehru suit†an tih á¹­hinte nên pawh hian a inhnaih viau awm e.

Four botton suit: Ka khawhawi a zim deuh vang nge? hetiang ha hi ka hmu khat hle. A coat a hi a inthuah a nih loh chuan a lema kan hmuh ang khian a hnuai ber tihloh chu kilh vek tur a ni.

Kawrkilh hnuai ber kilh loh chhan : ‘England lal á¹­hin, King Edward VII (Victoria-i fapa) kha a thau êm avângin kawrkilh hnuai ber a kilh thei lo va. Lalberin a kilh loh tâkah chuan a khua leh tuite pawhin an chîng zui ta a, khawvêl tih dân a ni zui ta a ni’, an ti. A chhan a ho khawp mai.

Thildang :

1) Kawrchung veilam chunglama ipte hi pen paina tûr a ni lo.

2) Kawrchung hnung kak hi pakhat chauh emaw, pahnih emaw, kak miah lo emaw pawhin á¹­huitîr theih a ni. Double-breasted-ah hi chuan hnung kak pahnih awm tûra ngaih a ni deuh á¹­hin.

3) Kawrchunga ipteah hian a pian timâwi lo khawpa thil ah loh hi a mâwi ber fo.

4) Kawrchung hi ‘fit†deuh zaiha á¹­hui hi a mâwi ber a, thâwl lutuka hâk hi kan mâwipui lo fo.

5) Thil mak deuh mai chu coat hi mitin hian kan inhmeh vek mai hi a ni. Kan hak awm thlan thiam erawh a pawilo khawp ang.

Ka lawm e.

Thulakna: Kristian Ṭhalai May 2011 issue