A hnuaiah hian YouTube a an dah chu ka rawn embed e. A film a sei avangin a in load chhung a rei maitheia, chuvangin a in load zawh lo nghak hram ru. Minute 13:25 a achangtunu kha a chhelo hle!

An release na a en tur te ka lo en khalh daih mai a.

Khatih lai khan kan tan chuan tuikhur lui chu lui pui tak mai a ni a, kan lui neih chhun a ni bawk. Mualpui lui, chite lui leh sihpui lui te kal rual kan la ni lo. A bul vel chu a tawn tawnin a la ngaw a, thingkung lian tak takin a hual vel a, kan kal chang chuan lasi te ramhuai te pawh kan hmu thin. Chuâ€ng kan ramhuai hmuhte chu a kal ve lo hnenah kan sawi a, ngaihnawm ti em em in an ngaithla a, kan kal loh tum a nih chuan a kalte chuan an hmuhdan chu a hmaa kan hmuh ang deuh  chiah chiahin an han sawi a, keini chuan hlau leh ngaihnawm ti takin kan lo ngaithla ve leh mai thin.

Lui pui tak mai a nih avangin a hnar atanga a mawng thleng zawhchhuak thei nih kha thil ropui tak mai leh thianzaho zinga insawitheihna tham a ni. Khatih lai khan ‘U Vanro-aâ€n tuikhurlui hi a zawhchhuak tawh mawle†tiin kan chhuang thei hle. Tun hnu hian ka han en leh a, a hnar chu kan veng lungrem tuikhur a ni mai a, chuta tang chuan ka han thlir thla a, a kam vel a, thingkung tam zawk a lo awm tawh lo bawk a, a langtlang thla rul a, a mawng kan tih mai, arhuan kawng pawh chu a zu hmuh tlang theih vek mai; Mahse kan hun lai kha chuan lui pui tak mai a ni a, zawh chhuah mai mai theih a ni lo. A mawng  thlen dawnah lengkir sang tawk a awm a, hruia uaithlak a ngai-kan ti thin!

Kan Tuikhur luiah khan kan naupan lai hun tamtak kha a luang ve a, sikul kan chawlh chang te, kan ban hma changtein kan kal fo thin. Sava tui tlan a rawn thlawk sup sup thin a, rual u deuh te phei kha chuan thang an kam thin a, chutiang thang chu lui dungah khan a intlar thla thluah a ni. Vawikhat chu U Mapuia thang en tur ka zui a, eng sava emawni hi a lo awk a, a mei min pe ve nghe nghe.

Khatih lai, kan naupan lai rau rauah pawh kan naupan lehzual lai kha chuan tui te  kha a la tam a, keini ang rual han chen mai na tura tling kha hmun li hmun nga laiah a awm a, a chang phei chuan sangha te tak te tete kan hmu thin.

Vawikhat mau hmanga kahchik siam hmanga arbo veng naupang zawng zawng tang tang awma kan han indo mai kha chu kan va pui mep mep em. Khatianga hun hlimawm kha amah tuikhur lui pawh khan a tawng zen zenin ka ring lo a, tun hnuah phei chuan a tawng leh tawh kher lo ang. Tawngchhuak ve thei se eng tak sawi thin ang maw.

Kan veng lo lampang(Damveng lam) kha ‘ral leh lam†kan ti mai a, ral leh lam neitupa chu a sual lutuk sairawkherh lian tawk a nei a, a huana lut a hmuh chu a perh pawp zel, tia hlau em em chung khan buk sakna tur thingtuai leh mau eng ilo vel sah ruk kha chu kan thulh chuang pawhin ka hre lo.

Vawikhat chu kan veng lam thingkung lianpui zarah khan U Vanroaâ€n hrui a thlung a, chu a hrui thluna uai chung chuan ral lehlam a va inthen thlen theih a, rual u deuh ho kha chu an uai sup sup a, nuamti em em khan  an khek rawih rawih a, nawm hmel ti viau mah i la ka uai ve ngam ta lo.

Hun a liam a, kan lo leikang ta deuh a, kan tuikhurlui kam vel pawh chu a lo chereu zel a, a pawhtu lui te,  zawngte tuikhur kan tih thinte pawh  leiminin a chhilh hnu ah chuan chakai vung chhuah terh turh thinte kha hmuh tur a awm ta lo a, Uchang sawt sup sup thinte pawh kha a awm ta lo; Kan duh ber  thirchhia erawh a tam hle.

Khatih lai khan thirchhe zawn chu naupang pawntona chi khat ang a ni a, nuam kan va ti thin em. Buara ip lian pui pui, keimahni ai lian lianah khan thirchhia kan thun puar luah a, a hmunpui lam panin kan hnungpuak chho pur pur thin. Vai thirchhe zawng hnena hralh chuan a hlawk lo tih kha kan hre ve kar a, a hmunpuiah kher hralh hram kha kan tum thin. A hmunpui kan tih chu Kulikawnah a awm.

Kan thirchhe hralh haw lam kha kan va pawk thei thin em, vur rawng sen ngei mai fawp larh larh chungin kan veng lam panin kan han zuang khawngkhawbai thla auh auh mai a, kekawr ipte lehlamah pawisa nawi kan la ak ri raih raih a, kawl sunhlu zial(kan tih mai) kan lei ang a, Pu Ramtea te inhnuaiah kan zu ru leh mai dawn a ni. Kawl sunhlu zial hi zuk tak tak theih vak pawh a ni lo a, vawi hnih khat fawh hian a thi zel a, kan kheh a, kan ei leh nge nge thin; Mahse chuti chung chuan zuk kan tum ve ziah tho, meizial ang deuha a inzial tlawn et vang kha a ni ta ve ang.

A chang chuan thirchhe zawng tura tuikhur lui kan thleng hi kan thukhawm tel tel a, Lal David-aâ€n zahmawh a sawi a, thirchhe zawng hman lo lekin kan ngaithla thin. A sawi ngai hlir a sawi a, ‘han sawi leh teh†kan ti deuh chhen zel tho.

Vawikhat kan thirchhe zawngin vawkte thi kan hmuh tuma inbailemchhuanna atana lak rawttu kha tu ber nge  ni ta kha aw?  Lo lain inbailem chhuanna atan lo hmang ta i la…, ka ngaihtuah let leh pawh hian ka chil a la haw thei.

Chutiang chuan kan lui pui pawh chu hun kal zelin a hrut ral ve hret hret a, kan pan lai nun a luan ral meuh kha chuan luang turin chakna pawh a nei tawh meuh lo. Hnawmtin phuri nu a ni ringawt tawh mai. Tun lai naupang hi infiam turin tuikhur luiah kalpui tum ta i la mak an ti ngawt ang.

A luidunga naupang hlim khek rawih rawih thinte kha hnawm leh tawpin a luahlan zo a, tuifim taka luang ri ve her her thin te kha hmuh tur a awm ta lo. Ka beiseina neihchhun chu hei hi a ni- naupangin tualchainaâ€n an hmang ta si lo a, sava an ngam deuh mahna tih hi. Chuti a nih loh chuan kan tuikhur lui kha a khawhar dawn em mai si a!

(ruak keng kung pics a awm avangin a picture lang lo chiah chiah hian tihian awm rawh se a main page ah chuan!)

Hemi hmunah hian thla tin heti ang thil hi tih ziah an la tum lehnghal!

Chutia han awm tak kûng kûng chu an zak ve deuh nge ni, khi nu pawh khi a inhup ve tît têt khi. Record an break em tih erawh a la hriat loh.

A phur zual tan chuan zawm ve mai chi. A nuam phian ang! An landanah mai chuan couple deuh vek an nih hmel. Nula tlangval tan chuan vawt ti miah si lova khurh rûk zawih zawih a, tuihnân a awl phian ang

Daily Mail

2. Post thar a awm apianga thu fahrah te te hmanga lo commend ve chhen hi ka sim thei lo.

3. Zan tin online ziah hi ka sim thei lo.

4. Sawrkar dik tawk lohna miten an sawi changa a thlang tlingtu mipuite hi an dik lo ve tho tih ngaihdan neih tlat hi ka sim thei lo.( Eng Ram pawhin a phu tawk {lek} Hruaitu a nei á¹­hin si a)

5. Ni tin thil á¹­ha pakhat tal tih zel hi ka sim thei lo.

6. Mahni ram leh hnam kutchhuak ngaih hlut tlat hi ka sim thei lo.

7. Meizial zuk sim duh miah lote hnena a á¹­hat lohzia hrilh á¹­ang á¹­ang hi ka sim thei lo.

8. Zu in duh miah lo chunga MLTP Act hlih duhna rilru put tlat hi ka sim thei lo.

9. Thla khata Chawlhni chawhma vawihnih khat tal inkhawm ve ziah hi ka sim thei lo.

10. Mi rethei leh hnuaihnung zawkte hmangaih tlat hi ka sim thei lo.

11. Miten misuala an ngaihte pawh an á¹­hatna lai tÄ› hmuhsak hi ka sim thei lo.

12. Mi min sawiselnate hai der luih tlat zel hi ka sim thei lo.

13. Mahni aia upate zah leh an thu ngaihchan á¹­hin hi ka sim thei lo.

14. Ka lei Pathian Nu leh Pate thu awih tlat hi ka sim thei lo.

15. Camp-a luh apianga da tur awm miah loa chhuah ziah hi ka sim thei lo.

16. Mihring hi fel famkim kan ni lo tih chhuanlama tihsual leh á¹­hin hi ka sim thei lo.

17. Kristian ni reng chunga Sakhua zawng zawng hi a dik tih rilru put tlat hi ka sim thei lo.

18. ‘Sum ngainat chu sual tinreng bul a ni†tih rilrua hre reng chunga “Sum ngainat chu hausakna” tih ngaihdan neih tlat hi ka sim thei lo.

19. Harsatna tawh changa mite an beidawn sup sup laia beidawn duh miah lohna thinlung neih tlat hi ka sim thei lo.

20. Vawksa hmeh dawn apianga Deuteronomy 14:8 leh Isaia 66:17 hriatchhuah ziah hi ka sim thei lo. :-P  ;-) 

‘KAN THIANPA ZIRAâ€N PALAI A TIR VE…â€

“Satel pawh a vah a vah chuan a tawp a tawpah chuan a tum ram a thleng nge nge thin,” an tih ang deuh khan, tum khat chu thianpa Zira chuan kan veng nula hmeltha, Zopuii hnena palai tirh a rilruk ve ta tlat mai. “I ti thei bik mang e aw nang nge nge,” kan ti laih laih a, a ruk tak chuan awih harsa kan ti hlawm khawp mai. Kan veng nula chhuanvawr ve ber, kawngkawia han intawh chang pawh a vai hla sa chunga kan pelh deuh kher thin, kan thian za ho zingah pawh a hmel kawlhawk berin min han neih khalh tur chu lung a dam lo kher mai.

Chutah le, zan a lo nih chuan thianpa Zira chuan kan venga khabe sep thiam deuh ber tura a ngaih Pu. Mana, Pu. Thangthuama leh Pu. Awia te chu Zopuii te ina va palai tur chuan an tir ta a le. Kan thianpa te inlamah chuan chanchin ngai changin thenawm khawvengte chu an rawn inhawr khawm ve bawk a. Kan lo phu ve laih laih mai a. Zan dar 9 thleng chuan chanchin chu kan lo la ngai changa, mahse, a palai tirh te chu an la rawn thleng mai si lova, thianpa Zira chu leikaah chuan a lo vei sek bawk a(h).

Khai le, palai te chu a tawp a tawpah chuan an rawn thleng ta! Ngawi rengin inah chuan an rawn lut a, thuthleng seiah chuan an pathum chuan an thu thap a. “Zira hi khawnge a awm?” a nu chu an zawt a. A nu chuan Zira chu an auva, hmanhmawh takin thianpa Zira chu a rawn tlan chho nghal vat a, “Mim kut thla chu a mi inneih ni tur atan chuan in ruat tak?” a rawn ti lut a. Chutah pu Mana thinrim lutuk insum thei tawh lo chu mi tam thep thawp lai chuan a ding ta thut mai a, a aw an then khak khak hnu chuan thianpa Zira chu an ko hnai a, “Lalzirsang, saw nula saw a chunga I bawh vang hma chu vawi te khat mah min tir tawh lovang che,” an ti ta mai a nih chu… Insum a har duh khawp mai kha zan zet kha chu. Tir risk huai ve tek tek tak a ni.

‘HLIM RAWH U NUI RAWH U†:

Zan khat chu khawhar inah zaikhawm turin kan thian za ho chuan kan kal ve a. Thianpa Zira chu hlauhthawn lawk ang ngeiin duh aiin a rawn zai tui fal leh ta a. Kan zai laklawh lai tak mai chuan a rawn ding chhuak ta phut mai a le… “Kan then tak hi, thian ang tak taka ka lo en ve thin a nih vang hrim hrim pawh hian a tana hla pakhat tal han thlan sak ve ka duh a, kan hla hruaitute khan, ‘Kan Damlai Nite Hi Thihna Karah†tih khan han la teh se,” a ti a. A thupui atang chuan, “Tun tum pawh a che ‘Mokabula†leh dawn a nih hi,” ka lo ti rilru a. A hla la hre ngai vak lo te chuan bawp khawkherha phut ngar ngar chung chuan, “zai zel mai ang u,” an lo ti ve bawk a. Chutah kan han zai tan ta a le… a thunawn kan han lut ta chu(h), “E e ekhai hlim rawh u nui rawh u, Aha ha ha ha…” kan ti rual ta thup thup mai, mitthi pa te lai lai khan, “vawi khat dang nui leh in a ha ha ha,” an rawn ti ta, kan kohhran upa leh Pastor te pawh khan hreh tak chungin, “Ava zia lo ve aw…” ti ni awm taka tukhum hiah pahin “vawi khat dang nui lehin…” an rawn ti leh lauh lauh mai chu(h), insum a har duh khawp mai. Hla chang sawitu khan a sawi nawn lo chiang teh e. Kha zan zet kha chu a ‘Zira Nite†tih loh phal chi a ni hauh lo.

A DANGTE :

Tum khat pawh, “Zira mahni bialnu te chu hmangaih thu hrilh fo hi a tha a nia,” kan ti a. A haw nal nal a, “Lalsang, my love you,” a zuk ti ve hmaks maw le. Che morantic tiah tiah khawp mai.

Sawn a lo thlak ve ngei a, a chhungte chuan a sawn thlakna nu chu nei turin an ti a, “Saw tiang nuthlawi mai mai ka nei duh chai lo ve,” a ti daih mai mawle.

Tum khat pawh mi kel a ven hlawh ve a, a chhungte lak atanga a indan hnu a lo ni chiah chiah bawk nen, duh aiin a petrol a lo thun full mah mah te pawh a ni mahna,  tuk khat chu zing tawkah hian min rawn kai tho va. “Thianpa, kel hian mihring an nei ve thei tho em?” a rawn ti ta nih chu(h)… Aw, kel lehlam pawh a lo sikundalai hreh lo ni awm tak a ni. Kei lah chuan, “Thei e, thei e, thlahpawlh an nei thin maw le,” ka lo tih sak a, khami ni atang kha chuan a hlauthawng ve ni ngei tur a ni, a kel thlah tur kal awm reng reng hi ka hmu ngai ta lo.

Tum khat pawh nula rimnaah kan hruai ve leh alawm… Kan nula rim chuan thingpui hang hi min lum sak a. Keini ho lah chuan in pah chuan fiamthu titih hian, “A va thlum e… duh aiin chini a telh tam mah mah a nih dawn hi,” kan ti a. Zira chuan an in ve ta a, “Ehe, ka ta chu a thlum ve miah lo,” ring tawkin an rawn ti chhuak heu mai chu(h)… kan nula rim a zak chhe chiang kher mai.

Tum khat phaia kan zin pawh, rel-ah laptop a chhar hlauh mai a, ‘Boro Carculator†tiin vai hnenah cheng 500 in a lo hralh hmiah maw le. Khua hi a var lo thin khawp mai.

AND FINALLY…

Tum khat pawh mual khat leh lui pahnih meuh kanin kan thianpa Zira lungleng lutuk awm ngaihna hre tawh lo chu chawfun nen meuh a bialnu kan zuk rimpui ve alawm. Tlai lam dar 3 velah hian an khua chu kan thleng ve hlawl mai a. An khua kan han luh chiah chuan thianpa Zira bialnu chuan khawlaiah chuan tawlailir hi a lo khalh pek a (usshhh), kan hmuh lai reng chuan a brek a fel nge ni a eksiden ta a, kawng sirah chuan a tlu thal tawp mai a. A bialpa leh a thiante min han hmu thut mai chu,  tlema a zah ve deuh ka rin tehreng nen, a zak awzawng lo mai a, “Ti khan lo awm lawk râ€u aw…” a ti a, tuboh leh perek a zuk la a, a tawlailir chu an chho bauh bauh ta a nih chu(h)… A va han tawih loh theih ngai em!!! Min champui rei lo kher mai khami tum zet kha chu… 

To be continue…

Khawvel ram inzawm khawm (UNO) in survey an neih a a landanin, Khawvela pawngsual(rape) hluarna ber ram chu South Africa khu a lo ni reng mai a. Hmeichhia 100,000(nuai khat) zelah 119(za leh sawm leh pakua) te khuan pawngsual an tawk zel anga chhut a ni a. Hei hi FIR thehluh chauh ala ni lehnghal a, Report loh zawng zawng nen chuan, a let li laia tam a nih an ring a ni.

Pi Sonette Ehlers-I chuan hei hi a vei hle mai a, a tihtlem dan a ngaihtuah nasa ta mai a. Tichuan, thil tha awm tak mai a siamchhuak ta a ni. Chu a thilsiam chu, mipa hman chi Condom ang deuh hi a ni a, hmeichhe condom a tih theih mai ang chu. A danglamna chu, a chhungah Piranha ha ang maia hriam a awm dawn a ni. Chu chu a hmingah pawh RAPEX tiin a vuah nghe nghe a, ‘anti-rape female condom†tiin an sawi bawk.
He Rapex hi pawngsual hluarna hmuna hmeichhia tlatfal ngaite leh hlauhthawnna neite chuan, naupai invenna angin an dah thei dawn a, “engmah hrehawm leh nuamlo a awm lo vang” tiin a sawi. Tichuan, amahaia chak misual(mipa) in a pawngsual hunah chu rapex chuan alo seh dawn ta a, ana dawn lutuk a, tu mipa mah hi an pa zui thei lovang tiin an sawi. Tin, a ha kha mipa thilah khan a tan dawn avangin zai(Surgery) ngei ngei angai bawk dawn a ni. Amaherawhchu, “‘Pa loh†hlenna chu ani lo vang” an ti bawk.

Nakum (2013) lam hi chuan hralh chhuah hman ngei an tum a, pakhat zel hi Cent 20 man ani dawn a ni. Survey an neih naah chuan, hmeichhia tam zawkte chuan, hman an hreh loh tur thu an sawi. Amaherawhchu, a hman chi tak tak ang em? Tih hi an la debate nasa rih a ni.

Pawngsual dotu lar tak, Pi Charlem Smith chuan, mipate na ti leh thinrim lutukin hmeichhiate an thah phah duh mai a hlauthawng hle mai a, “Tute emaw pawisa siamna mai mai tur a ni e” a ti ve tlat. Tin, thenkhat chuan “hetiangte chu hmanlai mediaval hunlaia hman awm chauh a lawm maw le” an tih chu chhangin, Pi Ehlers-I chuan, “Nia, Mediaval tharum thawhna hi mediaval hremna hmangin kan hrem dawn a lawm” a ti ve hmiah a, “Hmeichhia, hmun fianrial tak tak a, hnathawka kal ngai leh hnathawkte tan inhumhimna tha tak a ni ang” a ti bawk.

Pi Ehlers-I chuan, “mipate hi ka haw reng reng lo va, ka hmangaih em em zawk a ni. Phuba lakna thinlung pawh ka pu hek lo. Amaherawhchu, nula pakhat pawngsual tawk, lungngaia indawm kun reng maiin a thusawi, “If only I have teeth down there” a tih khan ka rilru a khawih lutuk a, he thil, condom ha nei hi ka duang chhuak ta a ni” a ti.

An hralh chhuah hunah hian kan in awk cheih cheih lovang tih sawi a va har ta ve Pu Sammoo/Pu Kawlhawk? Hahaha.

Ka chechhe ngai miah lo ti ngawt ila, tuma’n in awih dawn lova. Chetchhiatna tawk miah lo mihring an awm pawh ka ring hek lo. Chetchhiatna tlem te ka nei ve a, chuâ€ng zinga pahnih lek chu kaâ€n sawi mai mai ang e.

1. Kum 2007 kum tir khan North India khawpui thenkhat tlawh turin ka zirpui te nen kan zin a. Guwahati atang Bareilly (UP) kan pannaah, kan thiante zinga ningkhawng hre deuh leh Hindi thiam nal deuh chuan kan chaw ei tur an order a. Riltam hmel pen na ve tak thin ka nih avangin, station pakhat kan thlen chuan train chhunga eisiam ni miah lo chuan, mi a lo bum lek niin. Hei, in chaw order tiin min rawn pe ngawt a. Kei lah chuan ringhlel miah lo leh ngaihtuah chiang bawk lovin pariat kan nih thu ka hrilh a, chaw chu ka la ve mai bawk. Pawisa ka pe fel tihah kan chaw order tak tak chu a rawn thleng leh ta si!

Ka chaw lei chu kaâ€n ei a, a tui lo em em mai lehnghal. Thin a rim ruk nak alaiin, ka thiante lah chuan min nuih rawn ta hrep bawk si (thiante zinga naupang ber ka nih avangin mi hi an chhaih peih hrim hrim bawk a). Ka tlawmngaih fuhloh ber tum niin ka hria. Ngai teh! Kan zinpuite zingah khan * ve deuh ka nei lehnghal! Hnar a lian duh lawr lawr khawp mai..

2. Guwahati chirh dum uih hmen hmawn tak ka dai
Kum 2008 july thla khan, Delhi pan turin Guwahati-ah ni khat kan cham a. Kan thianpa leh kan thiannu nau, Delhi-a BBA zirlai tleirawl chhe lem lo tak nen tlai thim dawnah kan chhuak a. Guwahati khawpui kawngpui sira tuihawk luankawr an thenfai lai a nih avangin kawng sirah chirh uih tak tak, dum ngek nguk an chhungkhawm thluah a.

Tin heti hi a ni a, kea kalna (footpath)a kan zawh phei zel chuan, chirhdiak hel ngai a awm ta. Khua a thim deuh tawh bawk si, ka thian te chuan chirhdiak helna zawngin muang changin an kal a. Kei pek chu, nula hmuha chirhdiak han zuankan zauh zauh kaâ€n chak tlat pek a nih kha.

Tichuan le, vaivut ro niawma lang chu zuan thlen inring takin ka zuang phei auh a. Vaivut awzawng a ni lo! Chirhdiak dum-uih tha tak mai chungah chuan ka tum chat mai le. Ka chappal (fitness var sar mai kha) a pil thawih bakah, ka kekawr tlawn (track-pant) senlar ver vawr inches thum vel bawk thlengin chirhdiak a kai ta luai mai. Ka kalpuite’n min hmu chiah chu(h), eng dang an sawi thei lo, an nui dir char char. Min lainat bawk si, nuih erawh an insum thei ngang lo. Mittui tla phungin min nuih karah, za lo deuhin ka nui ve. An nuih a za reh deuh tihah, ka ke an han en a; a ngai te bawkin an nui leh thin, nuam lo ve tak a ni. Hnar hmu lawrh lawrh chungin ka nui a ni ber.

‘Vawi sawm lai maw…â€

Miten hmêl tha min ti lo mah se, kei chu hmêl tha ka inti ve viau thin (loh theih loh avangin!) Chutia, hun te a lo liam a, khawvêl changkâng zêlah mite âk ruala ka âk ve theih nâna ka beih lai chuan, mite hian kei — lu lawk, dul kiar leh fatu pian hi min hai fo nia!

Mite angin sum ngah lo mah ila, ei khawp chu ka thawk chhuak ve hrâm hrâm a, nalh tûr khawpin thawmhnaw tha ka inbel pha lo. Lirtheite pawh hi ka awt ve alawm, mahse a leina tûr ka neih loh avanga hetia bus-a chuang ve mai thin hi ka ni. Ka nalh lo tih ka inhria, ka hmêl lahin a zir bawk hek lo. Nimahsela, bus-a ka chuana midangin conductor emaw tia min hai fo hi chu hriat thiam har ka ti!

Bus ka chuan hian a tlângpuiin ka ding thin a, thutna remchâng a awm chuan ka thu ve chauh thin. Chutia ding thin ta chu mite hian conductor hmuhin min hmu a ni chêk ang a, pawisa min pêk an tum ta fo mai. Min hai tâk zeuh zeuhah chuan ka chhinchhiah ta a, kumin rei lote chhûng khân vawi riat lai min hai ta chu a nih hi!

Pic. 28^th July, 2012 ni khân ka thawmhnaw nalh leh tha ber berin ka inthuam a, office kal tûrin bus-ah ka chuang a. Nimahsela, hemi ni (ka nalh ber ni) hian tum hnih ngawt min han hai chu le… Ka mi(sual) thiante u, khawi lai hi nge siam that ngai? Ka hmai ka facial dâwn nge, ka sam ka tiphir dâwn? Nge thawmhnaw nalh ve deuh ka lei zâwk dâwn? Ka bag te pawh hi thlâk ta ila a zia deuh ang em? In puihna ka mamawh e!

Minute sâwm vêl dâwn lai an ngawih thap hnu chuan an hotupa leh an pathian ni pahfâwm âwm tak chu a rawn hawi chhuak a. A mitmeng atang rêng chuan a ngaihzâwnawm a, hmêl tha tak a ni. A nui te chu a mawi hmêl êm êm a, biangsum te pawh a neih hial a rinawm. Nimahsela, a nui ngai hauh lo. “Unau leh ka pathianpuite u” tiin bul a han tan a. Midang zawng chu an lo bu suau a. Eng eng emaw ni hi an chham rual a, an tâwp leh ta duak a. Ka mak ti lutuk chu ka bihthlâkna atang chuan ka tla thelh nghe nghe.

“Setana hmalâk chakzia leh mihring fate luhlulzia hian ka rilru a tina a, tûn ang mai maia kan kal a nih chuan mi zawng zawng deuh thaw hi meidilah an kal dâwn si a. Eng vangin nge hetia ngawih kan chuh reng ang ni. Mahni nihna inhre lo, sual bawiha tâng, mihring mai ni lova pathian ropui tak kan nihzia inhre lote hian chhanchhuah an ngai a, an nihna dik tak hrilh hriat hi kan tihtur hmasa ber a ni. Mawngvawm bâ kan nei a nih chu. Pathian ropuina zawng zawng keimahniah a awm a, keimahni hi pathian kan ni tih thu hi eng tin nge kan hrilhhriat theih tâk ang? I ngaihtuah tlâng teh ang u” tiin lalpa tia chibai an bûk hial thin Rorelliana chuan a hote chu zâwt titih thu pe aw deuh si hian sawi dap dap a. A aw te chu a ngaihnobeiin mi hneh theihna riau a nei lehnghâl.

Sawi tûr an tlachham hlawm nge, an rilru an kâwm zâwk tih zawng ka hriatpui lêm lo. Nakin deuhah chuan mi pakhat hi a rawn tawng chhuak a, “Lalpa leh pathian, kawng hrang hrang chuan hma kan la tawh a, pathian an nihna hrilhfiah kawngah chuan kan hlawhtling hleithei lo chu a nih hi. Kawng khat dang erawh ka la hria, vawi khat chu i han tang mar leh teh ang u khai. Tûnlai changkânnain a ken tel, social network leh internet lamah te hian tan la thar lehzual ila, kan thurin hi vawrh darh chuai chuai ang u. Chu chuan tu tu te emaw thinlung pawh a hneh mial mah na. Tûnlai mite chuan thil danglam leh maksak pui pui hi an lâwm nasa si a.” tiin a rawn sawi piap piap mai a. Uluk lehzualin ka han bih a, a thim êm avangin a hmêl ka hmu hleithei lo. Ka lam lo hawi deuh hian a inher a, ka mak ti lutuk chu ka meng bial kâwk a houdini ni ngeiin ka zuk hmu ta!

“A tha khawp ang chu, nangni a thiam leh tui chilh deuhah tan han la ula. Thâwk leh khatah erawh ram kan la duai duai lo maithei, mahse zâm rêng rêng loh tûr. Pathian thiltithei ber kan nih kha.” tiin Rorelliana chuan a naute chu a fuih leh sauh sauh a.

Rorelliana bula thu mi pakhat hi a rawn tawng chhuak ve a, an hotupa leh an pathian bula a thut dân atang rêng chuan dinhmun pawimawh tak chang pha a ni ngei ang le. “Ka pathianpuite u, malsawmin awm rawh u. Kei pawh hian internet leh social network lam chu ka tuipui khawp mai. houdini rawn sawi kha hmân atang tawha ka lo ngaihtuah a ni a, thil tangkai tak pawh a ni ngeiin ka ring. Mahse chutia kan ngaihdân leh thurin kan puan chhuah nghâl ngawt chuan tu thinlung mah kan hneh lo vang. A pehhêl zâwnga kan tih thiam erawh a tûl ang. Keiman kawng ka lo dap hmasa ang a; thuthlung hlui, mihring dinhmun, eden huan, sual lo intanna, mihring tlukna, pathian thilsiam dân leh mihring pathian kan lo nihdân, chuti ang chuan ka lo chhui kual ang a. A theih chen chenah an rilru ka lo dawi â hmasa ang a, an ngaihtuahna sûkthlêk ka lo kuai her ang a, chumi hnu chuan kan thurin bulpuiah kan luhpui chauh dâwn nia. Ka phûr zâwng tak a ni. Mi tam tak thinlung ram la duai duai ang maiin ka inngai a, hnehna hi kan ban phâk maiah a awm tawh a ni.” tia Hnam sakhua a rawn tawng chhuah meuh chuan thâwm a ri hak a, an lâwm tlâng hle a ni tih a hriat a, kut erawh an bêng miah lo thung.

Rorelliana chuan a duh khawp leh a lungngawi tâwk a hmu tawh nge, a rawn ding deuh uai a, kil khata lo thu ngawi reng pa pakhat chu a va hmu thut a, “Nang khân sawi tûr i nei ve em?” a va ti a. A en ngai en reng chung chuan “Hnam sakhua-in a duh a tih hunah kei chuan kan thurin bulpui leh a nihna zawng zawng hi ka rawn phawrh chhuak ang. Thil huphurhawm tak a ni, nimahsela, pathiante tân tih theih loh pakhat mah a awm lo.” tiin Rinzova Khawlhring Lalhnam chuan ngêng âwm deuh hian a rawn chhâng a.

Midang thu ve te pawh chuan sawi tûr an nei ngei ang, mahse Rorelliana chuan “I ding ang u” a tih avang chuan an ding ta a. “Kan tawngtai ang a, kan rorêl kan duhtâwk ang…” a tih mêk lai chuan ka ke kham tawh lutuk chu ka han insiam tha e ka tia, ka rahchhan chu ka rap sual pek a, ka ri ta khut khut mai. Ka lam an lo hawi thap a, ka bihthlâkna bang âwng atang chuan pathiante mit chu ka chungah a rawn fu ta far mai a. Rorelliana chuan engmah a sawi lo, mahse a mit meng erawh a thîp hle a, pathian mit meng atân chuan a ngaihnobei lo mang e ka ti rilru hman chauh a. houdini chuan “Thianpa” a rawn ti a, Hnam sakhua chuan “Eng nge i rawn tih?” a lo ti bawk a. Chhânna tûr ka haihchham kher mai. Ka inngaihtuah buai lai tak chuan “Nang pawh hi kan ramah kan la seng lût ang che, mi(sual) tak i ni…” tia Rinzova Khawlhring Lalhnam-in a sawi lai mêk chuan ka tla ta dawp a, a thusawi pawh ka hre chhunzawm ta lo. Tlân chhe chungin “Nangni pawh dâwt kâwm (dotcom) thin (dâwt hmanga mi kâwm thin) in nih kha” ka ti a, ka tlân haw nghâl nal nal a.

A tûka misualdawtkawm ka han luh chuan, ngai teh, an tuan zawng a lo fûm hauh lo.

Ka lâwm e.