Pathian hi hriat chian lehzual kan duh a, kan bei thin. Tun hma aia hriat chian lehzual dan awm chhun chu hmangaih lehzuala a duhzawng anga awm hi a ni mai.

Thenkhat chuan kan thlarau chauh kan ngaihtuah a, kan taksa kan ngaihthah fo. Nan taksa hi kan hre chiang tur a ni. Kan taksa huat zawng leh mamawh kan hre tur a ni. “Ka pum a na” kan ti leh ngawt thin. Pum na siamtu eng vang nge, eng nge ka taksa tana damdawi tha ni ang tih te hi kan zir fo tur a ni (midang ei ang ei ve ngawt loin). Mahni leh mahni hi kan inenchhin (experiment) fo a tha hle.

“Zan dar 12:00 hma chu ka muhil thei lo,” kan ti leh ngawt thin. Eng vanga muhil thei lo nge kan nih? A chhan chu kan taksa circadian rhythm (biological clock) chet vel dan vang a ni. Cortisol hi kan mut leh thawh chungchanga thuneitu ber a ni. A tlangpuiin kan thawh hnu minute 30 vêlah cortisol hi a lo sâng a, nilengin zawi muangin a tla hniam hret hret a. Mut hun zanah a lo hniam ta hle a, chu chuan mut a tichhuak thin.

Circadian rhythm hian darkar 24 (ni khat) chhunga kan taksa awm dan tur a hril a. Zing a nih chuan min kai tho a, zanah kan mut a tichhuak thin. Mahse, chu biological clock chu kan herh danglam chuan kan mut leh thawh hun a buai thin. Taksa hi khawl ropui tak a nih angin zan dar 12:00 thleng meng thin kan nih chuan zan dar 12:00 hma chu cortisol a tla hniam lo a, kan harh tlat thin tihna a ni. Ama’rawhchu, zan dar 7:00-a i mu a, a tuk zanah dar 12:00-a i mut leh a, a tuk leh zanah dar 9:00-a i mut leh si chuan i taksa circadian rhythm (biological clock) kha a buai dawn a, mut hun mumal i nei thei lo ang a, i mut chhuah hun pawh a buai vek ang.

Chuvangin kan taksa awmdan hi fel taka kan rel a ngai a ni. Lirthei leh khawl dang te pawh uluk taka kan enkawl a nih chuan eng vangin nge kan taksa khawl hi uluk taka kan enkawl loh bik ang? Circadian rhythm dik taka kan vawn theih nan mut hun leh thawh hun bi dik tak neih tum ila. Chu chuan taksa hriselna kawngah nasa takin min pui dawn a ni. Kan taksa hi hre chiang turin i bei zel ang u.

Kaâ€n ti leh deuh hluai a, a computer hrim hrim pawh kum 4-5 liam hnu vela ka hmuh kha ka hmuh hmasak ber a ni hial awm e, amak na leh a á¹­haá¹­na hrim hrim pawh ka hre lova, a hmingte chu kan hriatna a rei ve tawh alawm. Mahse enge a nih a, eng atan nge an hman kalo la hre ngailo hrim hrim, mawl pawh minti maithei, mawl vang pawh a ni chiah lo, hmuh tur kha keini thingtlang kilkhawr lutuk a awm tan kha chuan a awm lo hrim hrim, a rim a ra pawh kan hre lo.

Khawvel changkan na chuan min zuan khum bik lo a ni chek ang chu, kan khuaah te atak hmuh tur a awmve zel a, kan pathian thu in awt lo tura min hrilh mawlh mawlh te chu dah bo in, ka awt a, ka it bawk a, neih ve ngei dan tur chu ka zawng ta ruai a, a thla tel tel a sa pawh hmehphalo tan chuan ava sang lua em em kher vele.It ve ngawt pawh mi rethei fa tan chuan a in thlahrun awm rum rum zawk mah.

Mahse hun a her danglam ve zel a, a awt a awt ta na na na chu puk chawp leh bat belh á¹­unin kan in chhungah chuan kan hung ve ta rup maile, mihausa fapa Car/Bike chhuak thar lei inti thei tluk zetin ka inti thei ang chu mawle, mut a har a, a bula á¹­hut reng kha ka thlahlel ngawih ngawih a ni ber e. Aaaa khai kan thupui lo lamah kan peng thui ta mah mah e.

Chuan ka pendrive lei aá¹­ang chuan thil eng emaw ka hriat belh a, Virus an tia mawni hi computer-ah a awm á¹­hin a, chu chu a chhan pakhat ah chuan mi computer vela thil kan lak kha virus an tih an neih chuan kan kai chhawng ve leh a, anti-virus á¹­ha tawh tak neih a in ven reng a ngai tihna alo ni reng mai a nih chu. Midang ta hriat chian loh chu hawlh luh fo chi alo ni der lo mai, hawlh luh a á¹­ul ta ngang a nih chuan a in venna lam neih á¹­ha ila alahim tho mai.

THLIRNA TLANG DANG AṬANGIN.

Kan LALPA duh tak hian pendrive tha eltiang, khawvel finna in ala hmuh chhuah loh leh ala siam thiam phak loh min pe a, eng GB nge a nih zawng ka hre thiam pha leh pek chuang lo, chuan pendrive vuahna tur USB port pawh tha eltiang, ram ni tlaseng lova mite leh khawchhak mifingte pawhin anla siam thiam rual loh min pe bawk a, chuan a hmang thei ni a in ngai te chuan kan hmang mawlh mawlh a, data chi hrang hrang kan in transfer zut zut chu a ni ber e.

Aw nang mipa lo ngai teh, i siamtu in duhsak taka pendrive a pek che kha vawng uluk la, kumkhaw chawrlohna virus i kai loh nan fimkhur la, i duh na leh i chak vang ngawt khan mi cabinet ah khanva vit ve ngawt á¹­hin suh ang che, anti virus leh USB disk security á¹­ha tawh an lo neih loh palh phei chuan ila in chhir vawng vawng dawn a nia, i memory zawng zawng leh i software thleng khan an ei chhiat sak vek dawn che nia aw, FIMKHUR RAWH.

Aw nang hmeichhia nangpawh i USB port kha, mi nazawng pendrive hawlh luh nan phal hlek suh, tunlai technology changkang tak mai in virus a siam te hi i kai ve palh ange, a then te phei chu a thah na tur anti virus anla siam chhuak miah lo a nia, virus kawl á¹­un a nun hman reng zawng i peih dawn miah lo a nia, shutdown chawp ngai lova virus in a tih thih mai che a hlauhawm. Nangmah a part awmsa te kha back up á¹­hin mahla rei lo te ah a buai leh tho tho anga, khawi dawrah mah i part thlakna tur kha an zuar dawn der lo a nia. Chung hun a thlen chuan Eng engineer pawh rawn la i bei a dawng tho tho ang a, eng mithiam mah in an thlamuan dawn der lo che a nia.FIMKHUR MAI RAWH CHHIATNA A THLEN HMA HIAN.

1. Mihringin kutzia (fingerprints) kan nei hrang thliah angin, zawhte hnar-zia (noseprints?)) hi inang a awm bik miah lo!

2. Zawhte nupa tuak khat, pangngai tak a inthlahpun hian, kum khat chhungin tu leh fa 6000 deuh thaw an hring thei! Chuvangin, I inbula zawhte tam I duh loh chuan an chhul/til lak mai a him

3. Zawhte i vawr kan reng rengin, an kein lei a thleng hmasa deuh ziah. Mahse, tih chin kher erawh a tha lem lo

4. Zawhte kawngka (Catâ€s door) hi Scientist ropui, Sir Isaac Newton-a hmuhchhuah a ni teh tlat! A hnathawh buai laia zawhte lo vei ve chhen, kawngka hawn leh khar sak reng ngai a ning in zawhte luhchhuahna hran a siam a. Hei hi midang pawâ€n an entawn ta zel a ni awm e.

5. Zawhte hi ran fing tak an niin; i aw nelawm, thinrim leh hlim an hre hrang thei tlat. Chuvangin, an nel tura I awm dawn chuan, I hmel leh tawngkam khan thu tam taka sawi tih hria ang che

6. ‘Miauuu…†an han tih hian, an zawhte-pui aiin an bula mihring awm te ngaihven/ngaihsak hlawh tura aw an chhuah a ni tlangpui.

7. Zawhte hian rawng hrang hrang an hmu thei. Zan thimah ngat phei chuan mihring in kan hmuh theih let ruka chak zawkin thil an hmu fiah thei.

8. Mihring ang lo takin zawhte hian an ding leh vei an hman thiam dan a in ang.

9. Zawh te hi chaw vawi khata ei tawk ngai lo a nih vangin, ei tur an duh zing hle. Tin chaw sa emaw dai lutuk emaw an tih thei thak lo.

10. Ran zawng zawng zinga mahni invawng fel ber, an ek pawh thukru thlap thin an ni. A tlangpuiin zawhte hrisel tha bualfai hran an ngai lo. Hrik (fleas/ticks) an nei a nih erawh chuan powder an taksaa phul chi lei a remchang ber.

”
Persian Cat (Pic. Source: Wallcoo.net)”

Hun rei tak liam taahte pawh khan chi hi thil tih thianghlim nan an lo hmang nasa tawh em em á¹­hin a. Thianghlimna entir nan te, lawmna leh rinawmna chhinchhiah nante pawh hmang an awm bawk a, chi hian danglamna tak a nei ve reng reng a ni.

Chi hi a á¹­angkaina em em pakhat chu, natna hrik a tihlum thei hi a ni. India rama chhungkaw tam tak hian an ha hi karkhatah vawihnih vawithum vel hi chiin an nawt ziah á¹­hin a. Ha a tivar theiin hun rei tak aá¹­ang khan ka chhung tih hrisel nan damdawi anga hmang an tam em em bawk a ni.

Chi hian ei leh in a ti tui mai a ni lo a, thildanga a á¹­angkaina tam tak hmuh chhuah belh zel a ni a, hmanlai mite pawhin an lo hmang á¹­angkai em em tawh á¹­hin a, heng inchhungkhura kan hman á¹­angkai bakah hian tunlai thiamna hmanga an han belhchian tak tak hnu hian a á¹­angkaina sawisen loh a lo nei reng mai a ni.

Chi hi thil tihfaina á¹­ha tak, amah emaw thildang nena chawhpawlh emawin á¹­angkai taka hman a ni. A tawk chauha chi leh tarpin tel chawhpawlh hian inbualna kuang leh ek in (commode) bal tihvar nan a á¹­ha em em a, tin, vinegar nena chawhpawlh hian dar leh darsen bal tihfai nan a á¹­ha bawk. Tuilum chi-al a choka chhuat hruk hian hriak leh thil mawm leh thil rimchhia a tihreh bakah tho a veng bawk a ni.

Chi tangkaina á¹­henkhat :
· Thil chhuma chi-al hian a ti hmin hma a, chhum rei a ngai lo a, mei a hek lo.
· Tui chi-alah artui dah la, artui ṭha chu a pil a, a ṭha lo erawh chu a lang thung.
· Thil kawr/hawng nei, chi tuia chiah hian a kawr/hawng kheh a ti awlsam.

· Dawhkan khuhnaa thil mawm, bawlhhlawh a kai chuan chi tah a, chumi hnuah tui vawta silfai leh tur.
· Ka chhung tih rimtui nan chi leh baking soda inzat chiah chawhpawlha kam ṭhuah hi a hriselin kam a tifai.
· Taksa rawl ṭhem ṭhum chu tuilum chi-al a chiah a, chumi hnua tuivawta sil lehin a reh duh.
· Tatoo tihreh nan a ṭha hle a, mahse hei hi chu Doctor te rawn tur a ni.

Aw le, chi hi a tawk chauha hman chuan a á¹­angkaiin ei tur tituitu, a telloa kim lo ve tlat a nih laiin a hmandan tur aia tam a nih vaih erawh chuan ei tur ti khawlo vektu a ni ve thei thung a ni.

Hetiang bawk hian mihringte hi kan khawsak puite lakah AL dan tawk kan thiam hi a pawimawh takzet zet a, kan ni tin hnathawh-puite leh kan á¹­henawm khawvengte tana al dan chin tawk kan thiam loh a, kan al lutuk emaw vaih chuan miten min ei thei dawn lo a ni. Chuvangin CHI-in hmeh a tih tui theih ang hian mi dangte tana ei nuam tawka kan khawsak thiam hi a pawimawh takzet a ni.

(source: Hriselna mag.)

The OraQuick hi Home HIV test kits a ni a, tunah hian US chuan hman theih tûrin an ramah an approved tawh nghe nghe. Minute 20 atanga 40 inkar velah HIV kai leh kai loh result a hriat nghal theih. A lei thei chuan mahni inah HIV an kai leh kai loh awlsam takin an in-test thei mai dawn a ni. A test-na hmanrua kha hmuamin hahni hnuai lam leh chung lama chil awm atang khan HIV awm leh awm loh a test theih a ni.

UNAIDS chuan developing country hrang hrangah he test kits hi hman thuai a nih ngei a beisei. UK-ah erawh chuan an ram dan nen a inkalh avangin hman phal a ni lova, tunah hian House of Lords selected committee on Aids chuan September thlaah he dan hi nuai bo turin ngenna an thlen. Dr. Mariangela Simao, UNAIDS sawi danin khawvel mipui 34 billion velin HIV hrik an pai a, mahse tam tak chuan an pai tih an inhre lo a ni a ti. OraQuick hi US $60 (Rs. 3,300) man bawr vel a ni.

India ram, Mizoramah te hian eng tikah tak rawn thleng ve ang maw? A ruk hian kan inhre kar ang a, kan inpuang duh miah lo mai ang tih erawh a hlauhawm phian maithei! Tren tren

Source: The Guardian

Palliative care hi Mizoram ah mai pawh ni lo, India ram angah pawh subject thar/concept thar ani a. Ram changkang zawkah chuan nasa taka kalpui ani a. A tawi zawngin a awmzia chu damlo benvawn — chronic diseases — end stage cancer, hiv aids etc, damdawi leh thil danga enkawlna leh vak awm tawh chuanglo, na lutuk leh hreawm lo thei ang bera hun tawp dawn lama awmtir ti ila a tawi zawngin.

Dr.Lalchhanhima Ralte hi HIV AIDS lama mi tui leh heng ang lama Mizoram ina kan mithiam chho zel tur ani a. International HIV conference ah te pawh kal fo tawh in. October 2012 a lo awm leh tur 19^th International Palliative Care Conference, Montreal, Canada ah pawh Singapore a a present tur tho hi present tura sawm leh ani bawk.

Hetiang  International platform a  Mizo thalai kan awm chho zel hi a lawmawmin, midang te tan pawh entawntlak tak niin, mahni hnathawhna field ah theuh hmasawn tura min fuih tu leh ti phur tu anih theih nan, Mizo tribal kephah hlai pawn kan thei ani kan tum chuan tih kha kan lo hriat nawn leh nan ka rawn post ani e.

“I mawng chu(h), i silfai lo a nih hi maw le…

Hmeichhia leh uite… tei vet chuan!
Keini ang duang, val-to-lo dinhmun hriatthiampui map lovin, Kan pi leh pu teâ€n ‘Hmeichhia leh uite, a chul nel peih peih†an lo ti thla rawk a. Nula chul nel tur hmu ve ta lo chuan, uite chanchin sawi pahin, inthlahrung takin nula chanchin kan zep tel ve det det ngam chauh a ni si a. Khawnge, uite chanchin bawk sawi leh mai ang hmiang..

Engatinge an mawng an inhnimsak kher thin?!
Nia, thian thar kan tawn nikhuain; inlawm nan kan inchibai thin. Mi thenkhat inla-sap deuhte phei chu, an han in pawm/fawp ang deuh hian, ui pawh hian awmdanmawi an nei ve thlap a nia! An awmdanmawi erawh mihring ngaihah a mawi lem lo pawh a ni thei..

Han inchibai lawp lawp te a nuam kan tih ang tho hian, ui pawâ€n an thian thar te mawng han hnim that that hi nuam an ti ve tho. Mahse, an hnim chhan erawh, mihring kan inchibai ngawt ai chuan a thuk zawk fe!

Ui nungchang leh mizia zirbing mi (Pet Behaviorist) chuan, uiin an thiante mawng an hnim chhan hi ti hian an sawi: Ui hian rim hriatna (scent receptor) maktaduai 200 lai an neih avangin, mihringin maktaduai 5 kan neih aiin rim an hriathrantheihna a chak zawk hle a. Hei vang hian, mel nga chuanga ui nu hur an hre thei reng a ni.

Uipa ang hian, misual tlangval te hian, nula te englo lai hi hre ve thei ngat ni ila, misual tlangval tam zawk hi kan insualbuai fo mai thei asin..

Mawng an inhnimsak chhan (ni thei) te…

1. Ui, thiante mawng hnim ngam ngattu hi chu, kei ka ni in ti ve thei tawka huai an ni tlangpui a. An mawng, phal taka dawha hnim tirtu lah, a hnimtirtu ngam lo an ni tlangpui.
2. Hetia an mawng an hnimsak vang vang hian, a hnimsak chu ui nu nge ui pa a nih an hre hrang thei a. Tin, a hur nge hur lo, a pa dangin an pawl tawh em tih thlengin an hre hrang thei an tih chu!
3. A thian thar chu ui hrisel tha nge tha lo a nih a, ram hauh bik (territory) a nei em tih pawh an hre thei a. Zuam tur a nih leh nih loh thlengin an hre hrang thei.
4. Tin, an chaw ei thin pawh an hriatsak thei bawk.

Hei bakah hian thil dang pawh a awm thei na’ngin, a pawimawh chin kan tarlang mai a ni.

Bonus..

Ui ang hian, misual ho hi in hre chiang thei ta ngat ila, lungrual takin kan titi tlang thei ang em? tia zawhna siam ka tum laiin; a theih loh hul hual tih ka hria. A ni reng asin, tu mawng nge va hnim hnim duk duk duh ang a, tu’n nge hnimsak phal reng reng ang?!

Siamtu’n mihring min duan dan fuh leh fel bikzia tak hi chu aw…

Trans fat kan tih chu sa thau a chhiat mai lohna tur leh hun rei zawk a daih theihna tur a mihringin kan sawngbawl chawp te hi anni a. Chiang takin heng thau siam chawp te hian lung natna an thlen duh bik em emtih hriat a ni tawh.

ENGVANG A HLAUHAWM NGE A NIH?

Saturated fats te hi ‘thau chhia’ kan tih chuan Trans fat hi chu ‘thau chhe leh chhawng’ kan tih a ngai ngei a ni. A chhan chu thlai a tang a hriak/thau an sawr chhuah te chu mihring in sawngbawlin (Hydrogenation process) hriak te chu tih khal chawp a ni a, hriak te kha rei tak a hman nawn theih fo phah thin a ni. Restaurant leh kawngsir a thil zuar te hian an hmang uar in thil vawi tam tak a kan nawn theih a ni.Kan taksa tan Dalda/Trans fats that lohna chhan te chu-

-Taksa in a hre lo: Trans fats te hi siam chawp an nih avang hian taksa khawlin a hrethiam lo a ni. Saturated fats te pawh hi kan taksa tan tha lo mahse taksa in a paih chhuak mai thei a. Amaherawh chu, kan taksa hian Trans fat hi a hrethiam lo a, a hmanna tur a hre lo a ni. Kan taksa chua Trans fat te kn ei tur a a lo tel chuan fatty acids ang a ngaiin timur (cell membranes) ah a thawn a, chu chuan kan taksa khawl a ti buai thei a ni.

-Cholesterol thalo a ti pung: Saturated fats te hian kan LDL ati sang a, thisen zam (arteries) a hnawh phui thei a ni. Trans fats te hi a hlauhawm leh zual a, a chhan chu LDL a tih san bakah HDL a ti kiam a, HDL hi kan taksa in a mamawh si a ni.

ENGVANG IN NGE INDIAN-TE TAN A HLAUHAWM:

Indian mi te hian ‘Vanaspati ghee’ hi choka a thil kan nan kan hmang nasa hle tih hriat a ni a. Cetre for Science and Environment te’n an zir chianna ah chuan India ram a kan tel hman, rintlak tak tak a kan ngaihte pawh hian Trans fats hi hriselna tan a hlauhawm khawp a tam tel ah hian an telh tih an hmuchhuak a, Netherlands ram in tel a telh an phal zat let 12 a tam zet ‘Vanaspati ghee/ Dalda’ ah hian a awm ani. Netherlands ram hi hetiang lam ah hian entawnthlak khawpin an fimkhur a ni.

India mipuite (Mizo telin) hian kawngsir a thil zawrh hi kan ei nasa hle a, heng – Samosa, Vada pav etc. te hi a niang chu. Heng kawng sir a thil zuar te hian ‘Dalda’ hi thil kan nan an hmang ber a, a chhan chu vawi tam tak kan nawn nan tel kha a hman theih vang a ni. Heng te vang hian India mite hian kan hriselna tana pawikhawp in Trans fats hi kan lem tel thin a ni.

Kan thil ei Trans fats tamna then khatte hi tar lang ta ila-

-Bhatura – 9.5%
-Paratha- 7.8%
-Puri- 7.6%
-Tikkis- 7.5%

ENGTIN NGE KAN INVEN TAK ANG?

– A hmasa ber ah chuan Trans fats te hi kan taksa tan tangkaina phakhatte mah a awm lo tih hi hre hmasa phawt mai ila. 2005 khan FDA chuan ‘nitin Trans fats 2 grams ai a tlem chauh kan ei tur a ni, hei ai a tam chu a hrisel lo hle’ tih an lo tlangau pui tawh a ni.

-Trans fats te hi hmun hrang hrang ah chuan an BAN hmiah hmiah a. Denmark ram chu a BAN hmasa ber tu niin New York City pawhin 2006 khan Restaurant a hman
an lo phal tawh lo a ni. India ramah pawh hian dan khauh tak zam ni se, Vanaspati Ghee kawm ah pawh hian Cigerrette ang in taksa tan a hlauhawm zia ziah kaini bawk se.

-Vanaspati Ghee hian Trans fat a pai hnem em avangin chawhmeh kan nan mitin in hmang tawh lo ila, India mite lung natna kan ngahna chhan em em pawh hi hei hi a mawhpuh theih viau a ni.

-Thil kan nan chuan VAnaspati ghee hmang lovin, thlai hring a tang a hriak sawr ngei, heng – Nihawi hriak, safflower hriak, groundnut hriak te hi hman zawk nise, an hrisel zawk em em bawk a ni. Duhthusam ah chuan Olive, Canola leh rapeseed hriak te hi an hrisel ber avang in hman theih nise.

-Heng biscuts, cookies, cakes, microwave popcorn te hi ei tam lo ila, thlai hring ei tam a tha zawk hle a ni.

Theirah lam pang – theihai, apple, grape te hi ei tam ila, thil ho mai mai kawng sir a an zawrh ang chi hi em tlem thung ila.

Trans fats te hi kan taksa tan tangkaina pakhat mah a awm lova, kan thisen zam a hnawh ping thei a, lung natna a thlen hma em em a,  zunthlum a siam awlsam hle a ni. Chuvangin i insum theuh ang u.

Rabid dog

Ui-a-hri (Rabies) hi, ranvulh/ramsa atanga mihringa kaichhawn natna (zoonotic diseases) tlanglawn leh tihbaiawm ber a ni. Mihringin, Ui-a-hri an vei chhan ber chu; ranvulh zing a kan bula cheng tam ber; Uiin natnahrik hi an thehdarh theih vang a ni. Ranvulh dang Sakawr, Bawng leh Ramsa: Chinghnia, Sihal, Zawng leh a dang teâ€n an vei thei bawk. He natna hrik phurtu ber erawh Vampire bats a ni thung!

India ramah hian Ui maktaduai 25 (aia tam?) vel awmin; chuâ€ng zinga, za a sawmhnih (20%) te hi pangngai tak a enkawl (pet animals) an ni a. A bak zawng (80%) erawh vulh tu nei ve si, enkawl that lem loh te; tual Ui hrim hrim ah pawh, awmna bik nei lo a vak kual mai mai nen a fawmkem vek awm e.

India ram khawpui hrang hrangah, tual Ui (stray/street dogs) an tam em em a. Heâ€ng tual Ui zawng zawng hian Ui-a-hri an pai vek tihna a nilo naâ€ngin, an pailo ang tih theih ngawt lah a ni hek lo! Kum tinin India mi, maktaduai 15 lai ui in seh in, chuâ€ng zing a mi 25,000-30,000 chu Ui-a-hri vang nunna chan an ni. Second hnih dan zel ah Uiin mihring sehin, darkar chanve tina Ui-a-hri vanga thi an awm ang a nih chu!

Sawrkar leh tlawmgngai pawlin theihtawp chhuahin hma la thin mah se, tun ang mai mai a thil ang kalpui chuan tual Ui hi an rem dawn lo a. Chuvangin, khawilo kan chhuah na ah kan fimkhur a ngai hle. Ui hmuh ngailoh chhaih emaw, an thin ti rim zawng a chet loh hram a tha. Chutih mek laiin chetsualna hrim hrim erawh a pumpelh vek theih loh thung.

Uiin a seh chein, a rang thei ang berin tui leh sahbawn a sehna hmuamhma silfai tur. Damdawi In pan a, Ui-a-hri danna (Post-bite vaccination) lak ngei ngei tur. Tin, Doctor te thurawn ang ngeia injection lak kim a finthlak ber bawk. Ui-a-hri ngeiawmna ber chu kum hnih kum thum hnu ah chauh te a langchhuak thei a. Inringhlel leh awm nuam lo deuh a awm reng ai chuan, a invenna tha tak a lak mai hi a him ber fo. Thufingin, “Tihdam aiin inven a tha zawk” a tih ang khan.

References:
1. Deshmukh RA. Rabies. Pune (India): Yogaksema Department of Virology, Haffkine Institute; 2004.
2. Sudarshan MK. Assessing burden of rabies in India. WHO sponsored national multi-centric rabies survey (May 2004). Assoc Prev Control Rabies India J 2004;6:44-5.
3. Ghosh TK. Rabies. Proceedings of the IX National Conference of Pediatric Infectious Diseases; 2006; Chennai, India.
4. Presence/absence of rabies worldwide — 2006. Geneva: Department of Food Safety, Zoonoses and Foodborne diseases, World Health Organization; 2008.
5. Human rabies deaths — 2004. Geneva: Department of Food Safety, Zoonoses and Foodborne diseases, World Health Organization; 2008.
6. Chaudhuri S. Rabies prevention and dog population management. India’s official dog control policy in context of WHO guidelines. Ecollage; 2005.
7. John TJ. An ethical dilemma in rabies immunisation. Vaccine1997;15 Suppl:S12-5. [PubMed]

“I châwnbân hrui ang ka vuan,
I rauvi thlâ ka chelh ding zo ta lo.
Aw… Piallei rûn, Hringhniang nau ang awih zâl nân i khartung i sâwn ta maw…..
A va na êm, a va pawi tak êm!!!
Aw… Leilung, a engkim mai herliampui leh ngawt thin hi âwmlo i ti ve deuh lo maw!!!???.
Mangtha, Mangtha ka pu duhtak,
Chatuan hmun i kal ta maw….
Mangtha dam takin.. Kaâ€n ti hrâm teh ang

Mizote meizu hi a tlangpuiin naupan têt atanga zu thin kan niin regular tak maia zûk chîng kan ni. Meizûk hi tam tak chuan sim theih chi-ah pawh kan ngai tawh lova, zûk tlêm deuhte chu a tha tih chu kan hre ngei mai a, mahse chu pawh chu kan ti hlei thei chuang lo. Thenkhat chuan kan hnathawhna nen a inmil lo hle tih hre mah ila, chumi avâng mai chuan kan sim phah chuang lo. A zûk erawh chu kan fimkhur phah deuh tih mai a ni.

Kum te a lo liam zel a, sikret nise a tui tha tha a lo chhuak zel a, neih ang angin kan lei, sim a har tawlh tawlh mai chu a ni si. Reader Digest-a ka chhiar – Meizuk sim tur hian sim thut nge awl zawi zawia sim tih mi pakhat ziak ka chhiar a, sim thut mai chu a awl zawk a tih thu a rawn comment nasa mai a. A sim thut avanga sim hlen ta a nih thu te chu chiang takin a ziak .Hei hian meizuk sim duhte tan chona nasa tak a siamin ka hria, mahse sim mai chu a har, a theih loh tluk a ni. Tumhnih lai chu zawi zawia sima sim hlen ka lo tum tawh, a rei berah thla hnih ka sim thei hrâm a, nimahsela, ka han zu leh chu nasa tak a ni, a hma aiin a lêtin ka zuk tam phah zawk daih, tih chi niin ka hre lo. Ka nghei ni hun tur ka bituk atalangin kan Calender lah ka rin râng ngun.

Tuk khat ka zing tho chu ka dan pangngaia meizial petkawha lighter ka talh alh, ka zial ka la lâkkai hma si chuan tihian ka ngaihtuah chhuak ta thut a – Tunah hian mei ka la zu hauh lo mai, zuk loh zêl hi a nghei chhun-zawmna remchâng leh a bul tanna tha chu a va ni mai awm em! Thufingin “A bul tan that hi a chanve zo ang a ni” a tih tak kha maw, tihian “Sim thut” mai ila, zawi zawia nghei tum kha zawng, kei mi insûm thei lo tan chuan a har êm mai, tun hun hi “Change” keimaha a awm theihna chance tha a nih awm hi maw tiin ka ngaihtuah a.

Ka thova, nizana ka sikret zûk bâng la awm chu ka la chhuak, choka lamah ka keng phei, tunah hei hi zu loin paih daih ila, ka nghei tan tihna chu a ni mai dawn si tiin Bed-Room lamah bawk ka keng phei leh a, he sikret tlawn hi hlu hle mahse “Zuk tawh lohna” lei nan chuan a man a tlêmin a tlawm khawp a lawm, tiin sikret chu a bawm ata ka la chhuak a, khawi lamah nge ka thehthangbo pawh ka hre ta lo, ka paih daih mai a ni. Han zûk vang vang mai tur ka nei ta lo, ka zu ta lo, ka nghei tan chu a lo ni der mai!. A man pêk a lo ngai hran hlei nem, zuk loh kha a man chu a lo ni, a tlawm khawp mai, ‘tia han ngaihtuah chuan.

Chumi tuk atanga meizuk ka thlah ta chu danglam deuh huih hian ka inhria, zing chaw kan ei kham, ka la zu lo, ka inthiar, ka la zu ta chuang lo. Office ka thleng leh, ka la zu zui lo, rin aiin a lo nghei theih dawn hi ka ti rilru, tumah ka hrilh duh lo. Sikret leh kuhva ilo chuan ka nilêng ta thak mai!, mahse thil awl ai zawng a ni hauh lo, châkna rilru a thawh velelh Tui ka in pawp zel mai, ka tuar fan fan a ni.

A tuk leh atang chuan ka chhungte leh ka thiante hnenah mei ka nghei thu chu ka hrilh tan ta, a then chuan “I va tiropui ve” an ti, “Kei pawh vawikhat chu thla khat lai ka nghei a, mahse ka zu leh chiah chu pui tak a ni”, “Rei i nghei hlei lawâ€nge, kar hnih vel hnuah i zu leh awm e mai”, “Tuemaw piangthar ang deuhin i ti leh thei chuang lovang” tiin min lo nuihzat bawk. Mahse ka hrilh lui zel tho, a tlângpuiin min lawmpui hlein ka hria, mahse ni thum vel chauh a la ni a, han chhuang vak tur chu ka la ni hauh lo.

Kar a liam, thlakhat lai a lo liam ve ta reng mai, ka nghei zel. A ni khatna kha a har ber mai, kâr tawp lamah chuan tlêmin a lo ziaawm hret, chutiang zelin a ziaawm dan chu a zawi ngei mai, ni tin mai hian min tur ut ut ni berin ka hria, a hrehawm viau a ni.

Kha-leh-chen zing thawh hlawt atanga zân mut dawn thlenga mei lo zu thinin kan nghei ta thut mai chu, “A sawp chu nâ tak a ni” an tih ang mai khan “A nghawng” chu nasa ve tak a ni. Min tuarpui tura thenrualtha han sawmna chi lah ni mawlh hek lo le, mahni ngatin ka tuar tlawk tlawk mai a ni. Ni khatah hian khang hun lai khan sikret hi ma thei lovin bawm thum (3) ka zu ziah a, bawm li (4) zûk châng pawh a awm bawk.

Chung zawng zawng tuk khat thilthua kan nghei thut mai chu-Meizuk ka nghei thu hi englai mahin ka theihnghilh ngai lova, englai pawhin ka hria, hei hian zuk leh min tichak zual a ni. Lehkhabu chhiar leh engemaw tul tak mai tih te, thian kawmte hian kan theihnghilh thei ber.

Engemaw ti takin engemawchen chu ka awm, theihnghilh nei ang run leh awm nuam lo deuh hian min awmtir a, han sawi thiam fak pawh a har, a chang chuan “kan ti deuh huih”, zang huih hian kan inhria, kan zâng chu a ni hauh silo. Mahni chauhva awm chuan khua a tihar, kan ngai vang vang thin. Meizuk kha thian tha tak ang mai a lo ni reng mai tih ka hre ta. Sikret tui tak han zûk vang vang mai chuan khawhar te hi a hnêm hluah hluah mai a lo ni. Han nghei tak tak chuan “Thian tha deuh mai kan hloh ta” hi a ni hrim a, khua a tihar kha a hrehawmna pakhat chu a ni.

Tum engemawzat chu zuk leh châkna hi a lo chhuak et et a, han zu leh ta ila ka thiante, ka mei nghei thu ka lo hrilh te kha min hmusittu tur leh min nuihzattu an ni dawn si “Ka tih reng kha” tih melha min han melh tur kha a zahthlâk dawn tlat. Kha ringawt pawh kha zuk leh min tihrehtu a ni. Ka lo sawi chiam mai kha a lo tha khawp mai. Lo ngawi mai mai ni ila, ka zu leh mai awm a sin maw le.

Chaw ei a tui tawlh tawlh a, eng pawh hmeh ila puar êl euhin a ei theih ta zel, a thla têlin ka rit tial tial mai bawk nen, mut a tui a, thau a awl khawp, insûm a ngai leh ta hial zawk mai. Khuh te, thawhah te a tlangpuiin a reh thei, i hlim tial tial ang a, i lo hrisêl tial tial bawk ang. Ka inchhir lo telh telh mai, kuhva khawr ka nghei tel nghal, a tih chi hle.

Sorkar-in meizuk loh tur, chumi khamia meizu te chuan Rs. 200, Rs. 100, Rs. 50 an chawi ang tihte chu engahmah i ngai tawh lovang a, i nuihsan mai mai ang, la nghei ve lo te tana dan siam a ni, i tan chuan engmah lo mai a nih tawh kha.
SIM THUT MAI RAWH LE.