Pathian hi hriat chian lehzual kan duh a, kan bei thin. Tun hma aia hriat chian lehzual dan awm chhun chu hmangaih lehzuala a duhzawng anga awm hi a ni mai.

Thenkhat chuan kan thlarau chauh kan ngaihtuah a, kan taksa kan ngaihthah fo. Nan taksa hi kan hre chiang tur a ni. Kan taksa huat zawng leh mamawh kan hre tur a ni. “Ka pum a na” kan ti leh ngawt thin. Pum na siamtu eng vang nge, eng nge ka taksa tana damdawi tha ni ang tih te hi kan zir fo tur a ni (midang ei ang ei ve ngawt loin). Mahni leh mahni hi kan inenchhin (experiment) fo a tha hle.

“Zan dar 12:00 hma chu ka muhil thei lo,” kan ti leh ngawt thin. Eng vanga muhil thei lo nge kan nih? A chhan chu kan taksa circadian rhythm (biological clock) chet vel dan vang a ni. Cortisol hi kan mut leh thawh chungchanga thuneitu ber a ni. A tlangpuiin kan thawh hnu minute 30 vêlah cortisol hi a lo sâng a, nilengin zawi muangin a tla hniam hret hret a. Mut hun zanah a lo hniam ta hle a, chu chuan mut a tichhuak thin.

Circadian rhythm hian darkar 24 (ni khat) chhunga kan taksa awm dan tur a hril a. Zing a nih chuan min kai tho a, zanah kan mut a tichhuak thin. Mahse, chu biological clock chu kan herh danglam chuan kan mut leh thawh hun a buai thin. Taksa hi khawl ropui tak a nih angin zan dar 12:00 thleng meng thin kan nih chuan zan dar 12:00 hma chu cortisol a tla hniam lo a, kan harh tlat thin tihna a ni. Ama’rawhchu, zan dar 7:00-a i mu a, a tuk zanah dar 12:00-a i mut leh a, a tuk leh zanah dar 9:00-a i mut leh si chuan i taksa circadian rhythm (biological clock) kha a buai dawn a, mut hun mumal i nei thei lo ang a, i mut chhuah hun pawh a buai vek ang.

Chuvangin kan taksa awmdan hi fel taka kan rel a ngai a ni. Lirthei leh khawl dang te pawh uluk taka kan enkawl a nih chuan eng vangin nge kan taksa khawl hi uluk taka kan enkawl loh bik ang? Circadian rhythm dik taka kan vawn theih nan mut hun leh thawh hun bi dik tak neih tum ila. Chu chuan taksa hriselna kawngah nasa takin min pui dawn a ni. Kan taksa hi hre chiang turin i bei zel ang u.

Luxottica hi khawvelah mit a vuah chi siamtu company lian ber a ni. Nikum hmasa lam tawh khan Luxottica CEO thin, Andrea Guerra chuan khawvel mipui billion chanve talin an tarmit siam an vuah niin a sawi hem mai. CBS news reporter-in engvang a tarmit man titlawm duhlo nge an nih, tia a zawh chuan, Andrea Guerra chuan, “a vuahtu turin nikhatah darkar 15 vel hahdam taka a vuah tur leh hmaifang danglam tak takte ta tur han siam chu hna a tam ve em a ni,” a ti.

He company, Luxottica, khawvel miten an hriat lar em em loh hi Agordo khua, Italy ramah kum 1961 khan din a ni. Bul an tan-tirh chuan tarmit frame pawh sathar ang chi, mountain goat ki (horn) hmang a siam ala ni. Sunglass tha chi kan tih ho reng reng te, tarmit frame tha chi emaw mit lam vuah chi reng reng a “Brand name” chin hi chu Luxottica siam deuh vek a lo nih chu – RayBan tarmit thlengin an ta a ni a, chubakah, tarmit dawr lar chu an lei vek titih tawh a ni. Smartmoney.com columnist Brad Arron chuan, siamtu hrang hrang awm anga kan ngai hi mit dawivaih angin a tehkhin nghe nghe a ni. Brad Arron vek chuan, “Pro-wrestling ang hian inelna lem (fake competition) a ni. Oakley pawh company lian tak a ni thin a Luxottica nen an in ngur takah chuan Luxottica chuan an dawrah an tarmit hralh a phalta silo a, Oakley stock a tlachhe ta nghal a – Luxottica chuan Oakley chu a leita a ni…Luxottica hian $30 a siam theihah $200 mipui hnenah an ngiat a ni”, a ti a; a sawizelnaah chuan, khawvel a brand name pheikhawk chi hrang hrang pawh hi a neitu chu company pakhat niin pheikhawk lar ho dawr pawh chumi company ta tho chu niin a sawi.

Source: CBS news

In kan sa a, a thar lai ngei mai chuan han luahlum te a nuam a, chei á¹­hat ngai pawh a awm ngai meuh lo. Ama mawi mawiin chu in chu a mawi mai a, ka tuai hnum hle a, a aia in mawi lo leh mawi zawk pawh an tam tho bawk. Hun a liam zel a, kum tam an vei hnu chuan chu in, ama tawk a mawi ve á¹­hin tak mai chuan chul lam a lo pan á¹­an ta a ni. A hma a chei á¹­hat leh chuan ngai vak lo kha tunah meuh chuan, rawng hnawih á¹­hat te leh thil dang tam tak a thawm á¹­hat alo ngai tawh á¹­hin a ni.

Chutiang deuh tho chu mihringte hi kan ni awm e!

Kan á¹­hatlai ni te chuan keimahni phak ang tawk tawkin kan nalh á¹­heuh awm e. Kan nalh viau e tilo chuan keini aia nalh leh nalh lo pawh an kat ve nuk zel tho mai. Chutia kan nalh vanglai emaw chuan nupui/pasal min pawmlum tu tur kan hmu a, chhungkua dinin fanau nen kan chiar nak nak tawh á¹­hin. Hun leh ni te alo liam ve zel a, upat lam kan pan ve zel bawk a. Chutah meuh chuan kan engkim mai chu thuam á¹­hat alo ngai fo tawh á¹­hin. Kan rilru suk-thlek dan pawh mi pangai tan chuan a hun ang zel a intuai thar a ngai a. Thuamhnaw pawh chutiang zelin.

Naupang lam deuh lah chuan, “tar te te si inchei a uar lutuk a,” an lo tih sep chang a awm. Upat lamah hian mihringte hian chei á¹­hat kan ngai leh tawh zawk tih hi kan hriat thiam a á¹­ul ta hlein ka hria. Mihring an nia, nalh an duh ve tho tih pawh hriat tur. Upa lam an nalh zuarin, nupui/pasal ten midang lakah an mit an len tihna a ni chuang lo tih pawh hriat a pawimawh awm e. Midang lak a an mit an len kan hlauh chuan, an mit tlung turin awm thiam ve mai tur, mihring rilru pu á¹­heuh á¹­heuh!

Chutih laiin Mizo nu leh pa á¹­henkhat chuan, nupui/pasal neih hnuah inchei/thuamá¹­ha inbel ngai tawh vak lo vah an lo inngai thul. Nupui/pasal nih tawh vangin inchei leh insawizawi hi thlahthlam mai tur a ni lo, nupui/pasal ten hmangaih vang a min hmuh nalh chawpah ringawt innghah loh tur.

Khawvel thil reng reng, a á¹­hat laiin tuaihnum a ngai a, a hlui hnuah thuam á¹­hat a ngai á¹­hin a lo ni. Rik zah tur… a lutuk erawh thil engkimah mai hian á¹­hatlam aia á¹­ha lo lam a min hruai thei an ni fo tih hre rengin

Ni 5-naah erawh ka tha a tho ta!
Ni 5-naah erawh hlimin ka nui ta!
Ni 5-naah erawh ka harhvâng ta!
Ni 5-naah erawh ka lâwm a kim leh ta!
Ni 5-naah erawh thian kawm tûr ka nei ta!

A unaunu (cousin) trailer in-ah chuan a khawsa chho ta a, a ani chuan ngaihtuah em em-in, han vil á¹­hin mahse, tih tum na na na chu vensen ni bik hek lo, a nghei lo tawp a ni mai!

Meng phar khup deuh lup chuan darthlalang an en a, a meng phe riai ruai chuan darthlalang a á¹­anga rawn en lettu chu a hre der lo.

Tichuan a unaunu trailer bual in-ah chuan, chumi ni a a vawi 30 chuang tihna tur chu a buatsaih mek a. Khami ni khan ruihhlo, heroin, Xanax leh zu tih vel engzat chiah nge a khawih tawh pawh a hre chiang tawh lo. A hriat chin chu, bualinah zan dar 10 pel hretin a lut tih chu ani dawn ta a ni. An thlek vang vang a, nakin lam a a vawikhat tih tur a tan chuan a la ngah tawk dawn thove tiin an in kap (shoot) nam leh ta hak a nih kha.

Inkap nam hap han tih hian injection chiah hian dang (throat) lamah a rawn nam chhuak hak á¹­hin tihna a ni! Sept. ni 4, 2005, zan dar 10:45 vel bawrah chuan, a thlan hlup hlup tih bak chu a hre zui tawh lo…“Immediately after that shot, I got really sweaty, and that was it,”a ti a ni. Minute 15 vel hnuah chuan EMS (emergency medical service) ho chuan, kum 20 lek a upa McGee chu thiah an pawm ta a ni.

A unaunu khan a hmuh tirhin CPR te chu pe ve mahse, an awmna Northern Utah hmun fianrial angah chuan EMS an thleng vat thei lo fo reng a ni.

Ambulance a thawkte chuan beidawng duh mai lo vin, a lungphu an hriat loh hnu, mar deh tur reng a neih tawh loh hnu pawh chuan lung á¹­hawn thutna (heart defibrillation) te an hmang a, a heroin do tu a tan chuan naloxone injection an pe bawk a. Tichuan le, mak tak maiin minute 5 hnuah chuan a lung phu a lo awm leh ta, an va lawm tak em!

Nikhua a hriat leh hriat loh inchhawk zak zak chung a damdawiin an panpui lai chuan a pu, Grandpa Bill chuan a vil reng bawk a.

Damdawiin a á¹­anga a chhuak chu detox leh rehab center lamah te awm a, mahse ruihhlo khawih leh hlan a nghakhlel em em reng mai a. A hma a a chet chhiat thup nan ruih vak a theihnghilh a duh ber a ni. “All I wanted to do was get loaded and forget, “I was full of shame and frustrated with my life.”

Kum 2006 Easter ni tak chuan $20 man cocaine a lei a, a haw lam chu a car petrol a zova, in thleng zak a nawr haw a ngai ta a. An inngaihtuah chian chuan, chutiang reng a nun chu awmzia awm lo takzet tih a hre chhuak ta a, “A tawk ta e…” a ti ta tawp mai a ni.

Ruihhlo chu taksa lam hreawm tak chungin a nghei hmak a, gym lamah te kalin Jujitsu leh a naupan lai a atuina inbuan (wrestling) te chu a zir chho leh ta. Rei pawh a zir hman lo, a hma daih a á¹­anga lo zir tawh te chu a tum ruhna, a rilru pekna a vang chuan a hneh chho ta zel mai a.

Invawng á¹­ha, insawizawi peih leh rilru lam pawh harh kar mai a nih takah chuan Utah state ah chuan MMA inelna lamah a lut á¹­an ta a. Dec. ni 1, 2007 an nih meuh chuan, Chuck Liddell pawh UFCâ€s light heavyweight title lo chuhpui tawh, Jeremy Horn chu a tum thei ta.

Kum 2006 a á¹­angin tun thleng ruihhlo a khawih tawh lo va, nupui fanau neiin eizawngtu ber a ni ta a. Tin, vawi tam tak Ultimate Fighter a nihnaah hian middleweight division-ah hnuhtu chan a chang chho mek zel a ni. Hemi bakah hian boxing leh Karate te pawh a khel peih reng.

Tum hi chuan a lo theih a ni!

Chhiar belh duh tan:
https://en.wikipedia.org/wiki/Court_McGee

Khatih lai khan kan tan chuan tuikhur lui chu lui pui tak mai a ni a, kan lui neih chhun a ni bawk. Mualpui lui, chite lui leh sihpui lui te kal rual kan la ni lo. A bul vel chu a tawn tawnin a la ngaw a, thingkung lian tak takin a hual vel a, kan kal chang chuan lasi te ramhuai te pawh kan hmu thin. Chuâ€ng kan ramhuai hmuhte chu a kal ve lo hnenah kan sawi a, ngaihnawm ti em em in an ngaithla a, kan kal loh tum a nih chuan a kalte chuan an hmuhdan chu a hmaa kan hmuh ang deuh  chiah chiahin an han sawi a, keini chuan hlau leh ngaihnawm ti takin kan lo ngaithla ve leh mai thin.

Lui pui tak mai a nih avangin a hnar atanga a mawng thleng zawhchhuak thei nih kha thil ropui tak mai leh thianzaho zinga insawitheihna tham a ni. Khatih lai khan ‘U Vanro-aâ€n tuikhurlui hi a zawhchhuak tawh mawle†tiin kan chhuang thei hle. Tun hnu hian ka han en leh a, a hnar chu kan veng lungrem tuikhur a ni mai a, chuta tang chuan ka han thlir thla a, a kam vel a, thingkung tam zawk a lo awm tawh lo bawk a, a langtlang thla rul a, a mawng kan tih mai, arhuan kawng pawh chu a zu hmuh tlang theih vek mai; Mahse kan hun lai kha chuan lui pui tak mai a ni a, zawh chhuah mai mai theih a ni lo. A mawng  thlen dawnah lengkir sang tawk a awm a, hruia uaithlak a ngai-kan ti thin!

Kan Tuikhur luiah khan kan naupan lai hun tamtak kha a luang ve a, sikul kan chawlh chang te, kan ban hma changtein kan kal fo thin. Sava tui tlan a rawn thlawk sup sup thin a, rual u deuh te phei kha chuan thang an kam thin a, chutiang thang chu lui dungah khan a intlar thla thluah a ni. Vawikhat chu U Mapuia thang en tur ka zui a, eng sava emawni hi a lo awk a, a mei min pe ve nghe nghe.

Khatih lai, kan naupan lai rau rauah pawh kan naupan lehzual lai kha chuan tui te  kha a la tam a, keini ang rual han chen mai na tura tling kha hmun li hmun nga laiah a awm a, a chang phei chuan sangha te tak te tete kan hmu thin.

Vawikhat mau hmanga kahchik siam hmanga arbo veng naupang zawng zawng tang tang awma kan han indo mai kha chu kan va pui mep mep em. Khatianga hun hlimawm kha amah tuikhur lui pawh khan a tawng zen zenin ka ring lo a, tun hnuah phei chuan a tawng leh tawh kher lo ang. Tawngchhuak ve thei se eng tak sawi thin ang maw.

Kan veng lo lampang(Damveng lam) kha ‘ral leh lam†kan ti mai a, ral leh lam neitupa chu a sual lutuk sairawkherh lian tawk a nei a, a huana lut a hmuh chu a perh pawp zel, tia hlau em em chung khan buk sakna tur thingtuai leh mau eng ilo vel sah ruk kha chu kan thulh chuang pawhin ka hre lo.

Vawikhat chu kan veng lam thingkung lianpui zarah khan U Vanroaâ€n hrui a thlung a, chu a hrui thluna uai chung chuan ral lehlam a va inthen thlen theih a, rual u deuh ho kha chu an uai sup sup a, nuamti em em khan  an khek rawih rawih a, nawm hmel ti viau mah i la ka uai ve ngam ta lo.

Hun a liam a, kan lo leikang ta deuh a, kan tuikhurlui kam vel pawh chu a lo chereu zel a, a pawhtu lui te,  zawngte tuikhur kan tih thinte pawh  leiminin a chhilh hnu ah chuan chakai vung chhuah terh turh thinte kha hmuh tur a awm ta lo a, Uchang sawt sup sup thinte pawh kha a awm ta lo; Kan duh ber  thirchhia erawh a tam hle.

Khatih lai khan thirchhe zawn chu naupang pawntona chi khat ang a ni a, nuam kan va ti thin em. Buara ip lian pui pui, keimahni ai lian lianah khan thirchhia kan thun puar luah a, a hmunpui lam panin kan hnungpuak chho pur pur thin. Vai thirchhe zawng hnena hralh chuan a hlawk lo tih kha kan hre ve kar a, a hmunpuiah kher hralh hram kha kan tum thin. A hmunpui kan tih chu Kulikawnah a awm.

Kan thirchhe hralh haw lam kha kan va pawk thei thin em, vur rawng sen ngei mai fawp larh larh chungin kan veng lam panin kan han zuang khawngkhawbai thla auh auh mai a, kekawr ipte lehlamah pawisa nawi kan la ak ri raih raih a, kawl sunhlu zial(kan tih mai) kan lei ang a, Pu Ramtea te inhnuaiah kan zu ru leh mai dawn a ni. Kawl sunhlu zial hi zuk tak tak theih vak pawh a ni lo a, vawi hnih khat fawh hian a thi zel a, kan kheh a, kan ei leh nge nge thin; Mahse chuti chung chuan zuk kan tum ve ziah tho, meizial ang deuha a inzial tlawn et vang kha a ni ta ve ang.

A chang chuan thirchhe zawng tura tuikhur lui kan thleng hi kan thukhawm tel tel a, Lal David-aâ€n zahmawh a sawi a, thirchhe zawng hman lo lekin kan ngaithla thin. A sawi ngai hlir a sawi a, ‘han sawi leh teh†kan ti deuh chhen zel tho.

Vawikhat kan thirchhe zawngin vawkte thi kan hmuh tuma inbailemchhuanna atana lak rawttu kha tu ber nge  ni ta kha aw?  Lo lain inbailem chhuanna atan lo hmang ta i la…, ka ngaihtuah let leh pawh hian ka chil a la haw thei.

Chutiang chuan kan lui pui pawh chu hun kal zelin a hrut ral ve hret hret a, kan pan lai nun a luan ral meuh kha chuan luang turin chakna pawh a nei tawh meuh lo. Hnawmtin phuri nu a ni ringawt tawh mai. Tun lai naupang hi infiam turin tuikhur luiah kalpui tum ta i la mak an ti ngawt ang.

A luidunga naupang hlim khek rawih rawih thinte kha hnawm leh tawpin a luahlan zo a, tuifim taka luang ri ve her her thin te kha hmuh tur a awm ta lo. Ka beiseina neihchhun chu hei hi a ni- naupangin tualchainaâ€n an hmang ta si lo a, sava an ngam deuh mahna tih hi. Chuti a nih loh chuan kan tuikhur lui kha a khawhar dawn em mai si a!

Mizo nunze mawi kan tih ang zawng zawng te khan Thing na riau annei ta em ni dawn..engati nge tunlai thangthar fing leh fel,hriatna zau tak tak neite hian an bansantak tlat le….

Enge i ngaih ve dan le?????

(ruak keng kung pics a awm avangin a picture lang lo chiah chiah hian tihian awm rawh se a main page ah chuan!)

Hemi hmunah hian thla tin heti ang thil hi tih ziah an la tum lehnghal!

Chutia han awm tak kûng kûng chu an zak ve deuh nge ni, khi nu pawh khi a inhup ve tît têt khi. Record an break em tih erawh a la hriat loh.

A phur zual tan chuan zawm ve mai chi. A nuam phian ang! An landanah mai chuan couple deuh vek an nih hmel. Nula tlangval tan chuan vawt ti miah si lova khurh rûk zawih zawih a, tuihnân a awl phian ang

Daily Mail

Khaih khaih, a ni lo lam lamah ka chakai meichher chhit bo hman têp alawm le! 1 Timothea 6:10-ah chuan ‘tihian a inziak a “Tangka sum ngainat hi sual tinrêng bul a ni si a; chu chu thenkhatten an awt a, rinna chu an kal bosan a, anmahni leh anmahni lungngaihna tam takin an inchhun tlang ta chuk a” tiin. Sum ngainat lutuk hi nuthlawi ngainat tluk zetin suala tlûk a awl bîk! Mi fing pawh beng-tla-loah a chantîr a, mi fel pawh tâwmkai loah a chhuah châwk thin.

Le, ka sawi tum lamah aw… Eng lo a nia, “an ti” tih lam ni lovin keima tawn hriat ngei a nia. Heti ang mi hi ka tawng; mi pathum (3) an ni, an nihna leh ropui dân pawh a inang phian a, huang khata khung tûra khalh khâwm inthlahrunawm loh tak a ni. Ka kutphah hlai lo tê hian ka thâm khawm tel tel ta hlawm a.

An dinhmun tlângpui chu heti ang hi a ni: a) Mi lâr an ni — Zoram pum mai bâkah hnam dang te chenin an hre deuh furin a rinawm. aw) First class officer an ni. b) An hausa — First class officer chin chuan sum an ngah tûra ngaih a ni. An eirûk leh lek phei chuan… ch) Kohhran upa an ni — Mak ve deuh, mak êm êm hran chuang lo chu, kohhran upa an ni theuh hi a ni. An fakawmin chhuan tlâk tak meuh an ni (lo maithei bawk).

Pulpit-ah thu ropui tak sawiin an chum chilh dup dup thin maithei, mai lo thei bawk. An berâmte tân Pathian thu chu chil per chhuai chhuaiin an chhâk chhuak ve thin ngei ang. Nimahsela, rinawmna leh dikna hian an nunah âr-hmai-tiat bâk hmun a chang lo ka tih dâwn chuan dâwt sawi hniak ka phawi lo ang tih ka hlau deuh bawk si. Ka râl hriat thin lai kha chuan ngaihsân tak têin ka ngaisang a, ka zah a, ka chhuang tak meuh meuh. Mahse, kaâ€n hriat chian tâk hnu chuan… Ka ngaisâng thei ta dêr lo mai!

An hming ka sawi chuan, tu fa lu bâwk, pâwl 3 failed pawhin in hre vek âwm si a. Pulpit-a an thusawi pawh thenkhat chuan in ngaithla tawh ngeiin a rinawm, mutthlûksan uiawm khawpa thu tha pawh khâwl hmuam ang par parin an lo pik chhuak puat puat tawh thin ngei ang. An thusawi te chu mit khap pawh tum lova in lo lem dawk dawk lai khân lo mutthlûksan pawh ni ila, ka inthiam ta viau mai.

Hêng mi 3, first class officer, mi lâr leh hmingthang, sawrkâra nihna pawimawh tak chelh, kohhran upa ni bawk si te hi ka hriat chian hnu chuan ‘E he!†ka ti. Kohhran kâwr an vuah te lek phei chu thel thlâksak hmawk hmawk tak hi ka nâp a. Tûnlai tawng takin ‘ka ei lo.†A chhan chu sum leh paia an rinawm loh avangin.

Chuvangin, mi hriat chian hi a that rual rualin tûna chinah Pathian chauh lo chu “hriat chian lehzual” hi ka duh vak tawh lo.