Rest In Peace, sweet Sarah.

Huivalenthiam: April 22, 2012 Sunday tlailam dar 2:30 khan Pu Thangvela Zodi, kum 57 chuan Kalaymyo Damdawi Inpuiah a dam beiseia a inenkawl mek lai chuan, a natna thisen thlum leh zun thlum hnathawh chu a dampui theih tak loh avangin a hmangaih em em a nupui—Pi Ramfangthuii leh a tu leh fate chu he khawvel atangin fam khawpui a lawisan ta a ni.
Awle, Zoram khawvela Music group lar tak lo ni tawh thin leh Zofate Music khawvela a hming dai ngai tawh lo tur ZODI group khaipa Pu Thangvela chanchin tlangpui chu a hnuaia tarlan ang khuan a ni.

Pu Thangvela Zodi hi hring chan atanga ngaihtuah mai chuan a la naupang em em a, he ti mai a—fam khawpui min lawisan ta thut hi ZOIN hian pawi a ti tak zetin , a sun tak meuh a ni.

A CHANCHIN:

Pu Thangvela hi Pu Hungliana (fam), Khawlhring leh Pi Saihmingthangi (Pi Sami) Hauhnar te lakah 1955 November ni 18 khan Maulmein-ah a piang a. A lai-ha hming tak chu; a pa Pu Hungliana lungden Discus leh Javelin sport lama a hmingthanna chawiin Hmingthangvela tia sak a ni. Mahse Thangvela (ukdoef;0if;) tih a ni ta a ni. Unau 7 an ni a:

Hming: Nupui / Pasal Awmna

1. Thangvela (Amah) .Ramfangthuii (Mami)
2. Thangkhuma………….Vanhlupui (fam) ……….Aizawl
3.Lalhmingthanga(Zodi Drummer Ektea):Sayama Suipari ..Tahan ‘Bâ€
4. Zohmingthangi ……….U Maung Mya ………….Tahan ‘Aâ€
5. Khawlthanga (fam)
6. Thangzuali ……………. Upa Lallunghnema ……Yangon
7. Biakthangliani ……….. Lalzasanga ………………Aizawl

Kum 1975-ah Ramfangthuii (Mami) nen an innei a, an fate chu:

Hming: Nupui / Pasal Awmna

1. Zonunhlimi ……………… Rev. Lalthlanhlua …..Tahan ‘Dâ€
2. Zonunsangi ……………… Vanlalnghaka ………..Tahan ‘Aâ€
3. Zonunthanga (Valtea) … Vanlaltluangi …………Inpui
4. Zonuntluangi …………………………………………..Inpui

Tu 5 hmel a hmu.
Thangvela hian a thiante nen Zodi Rimawi Pawl an din a, a hun lai chuan Zoram khawvel a deng chhuak vek a ni. Tahan khaw chhung kawng metal road zut chungchangah Committee President niin hma a la nasa hle a, thuneitute a biak thiamna leh mipuite tanrualna atangin Tahan hian veng dang aiin kawng zut kan neih tam phah a ni. Chapchar Kut leh hnam chungchanga a tangkaizia pawh hi chhuan tlak tak a ni.

A natna:

28.8.2011 khan Doctor-ten Right Sided Hemiparesis an tih natnain a na a, 30.8.2011-ah Kalaymyo damdawi inah a lut a, 5.9.2011 khan damdawi in atangin a chhuak leh a, thisen thlum leh zun thlum te pawh a lo vei reng tawh a lo ni a. Mahse, Doctor-te thu zawm zelin nasa takin ei-in a insum a. 9.9.2011-ah Yagon Hospital lianah in-check up-in ni 10 vel a châm a, 17.9.2011-ah a lo hawng leh a, pangngai takin a awm leh a ni. 18.4.2012 khan a na leh a, 19.4.2012-ah Kalaymyo damdawi inah kan riak lut a, a harh ta lo reng reng a. 22.4.2012 tlai dar 2:30-ah min peih lohsan ta a ni.

[ Source: zoin.info April 22, 2012 ]

[ Amah ka ui ve em avangin inthlahrung takin ka rawn copy paste ta mai. Mi pawi ka sawi a nih chuan ngaihdam ka dil nghal bawk e. – CFL ]

# ZODI (Rimawi Pawl) hre lo chu kan awm lo turah ngai ila. Kan hriatna chawkharh turin an hla tam tak zinga thenkhat chauh ilo tarlang teh ang:

1. Zodi rimawi pawl
2. Ka phur zo lo
3. Mengmawite
4. Engaâ€n kan intawn
5. Ka liam tangâ€e
6. Damlai pialral
7. Chhawrthlapui
8. Ka dem lo che
9. Nang zuna uai
10. Min awm rawh
11. Mami ka ngai em che
12. Tleitiri
13. I rau i thla talin
14. A thar thin
15. I rel ang aw
16. Lo kir rawh
17. I lengdun ang
18. Duhaisam
19. Lenghermawite
20. Hlimlai Ni

ZODI CHANCHIN TAWI:

A ngaihthlakna bungrua kan la tlakchham em em lai, khawthlang rimawiin min bual tawh hnu si; Mizo thalaite rimawia an tuihal em em lai, kum 1970 chhovah khan Zorimawi khawvel nghawr nghing dawt khawpin khawchhak lam atangin lungpui a lo lum a, chu lungpui chu Zodi a ni. A hming Zodi a nih ang ngeiin Mizo thalai rualin an ‘di†atan an thlang vek a, an ngaihzawn rawn a tih theih hial ang.

Golden Nghapih

Tuna T-Melody pian hma daih hian Tahan-ah vêk Mizo zaithiam leh rimawi tum thiam rual an lo inpawlkhawm tawh a, hming an invuah hran lo. Mahse mi thenkhatin ‘Shwe Ngapih†an tihsak a, chu chu “Golden Nghapih” tihna a ni. Hetih lai vel hian Zoram khawvela lar chhuak ta T. Zorampela chu Mandalay-a lehkha a zir lai a ni a. Mandalay-a a lehkha zir zo Tahana a let leh chuan tih tak taka zaiho a rawt a, kum 1975 khan Zodi hi an din ta a ni.

Zodi original line-up chu: T.Zorampela (Lead Guitarist); Lalthankima (Second Lead Guitarist); Thangvela (Rhythm guitarist); Ramthanmawia (Bassist); Lalhmingthanga (Drummer) leh Vocalists- Lalhlunmawii, Lalenkawli, Thangluaia, Thanghlira, Lalhlima te an ni. Ramthanmawia (Papuia) hi Zarkawt Aizawla Akai dawr neitu thin, MNF ticket-a Lungpho biala ding ve ta kha a ni. Zodi album hmasa ber Damlai Pialral bak kha chu a tel chhunzawm ta lo. Original line up te hi Damlai Pialral album-a part neiho chauh kha an ni a. Anni lo pawh hi member eng emaw zat an la awm. Sap hla leh Burmese hla an sa-ho thin a, Zorampela chuan, “Khangho kha chu Mizo ni tho mah se, sipai fate an ni a, an Mizo tawng lam dan a dik lo deuh a, Mizo hla an sa ve ta lo. An zingah khan aw tha deuh deuh an awm,” tiin a sawi.

Sulsutu album

Kum 1977-ah khan album hmasa ber Damlai Pialral an tichhuak a. Mizo rimawi album hmasa ber dawttu nia hriat a ni. Hemi hma hian kum 1976-ah Tahan Band tho, VULMAWI chuan an album hmasa ber ‘Raldawna leh Tumchhingi” an lo tichhuak tawh a, a band din kum azawng chuan Zodi a hmasa zawk a, Vulmawi hi kum 1976-a din a ni.
Damlai Pialral album an buatsaih lai hian Zodi hian sum leh paia hlawkna an beisei lova, an khaipa Zorampela chuan, “Hlawk chu sawi loh, chawi belh pawh kan inhuam hial a ni,” a ti. Hloh inring sa chungin khawchhak lam unauten Zofate chu kum 30 chuang kal ta khan rimawi khawvelah bung thar min kaipui ta.

Technology tlan khalhin

Tunlai khawvel atanga ngaihtuah chuan nuihzatthlakte pawh a chang hial ta ve ang. Mahse Mizopain ‘Khawlthluakneiin kum 2000 hnu lam a hmu thei ta lo†tih takngial pawh a la manthiam hma daiha Zoram khawvel nun tur chu han ngaihtuah teh. Chutih lai chuan tape recorder nei an la tlem em em a, radio nei pawh an la induh larh! Mizoramah pawh thingtlang khaw tam zawkah chuan khaw khatin tape pakhat an intawm theih chuan a ngah pawl an ni ang. Chuâ€ng hun laia album copy tam tak hralh chu, Sihphira Iskut zawrh tum ang vel a ni ang! Mahse chuti chung chuan Damalai Pialral album copy khat kha mi eng zatin nge ngaithla ang a, eng zatin nge copy chhawng ang?

Tunlai technology kan la ban phak hma khan Zodi chuan album tha tak an lo sual chhuak tawh a, tun hnua han ngaihthlak erawh chuan a recording technology that tawk lohzia hi a hriat a, a music composition leh a melody erawh a hliah khuh zo lo.
Zorampela chuan, “Mandalay-a kan record a ni a, Four track recording a ni. Vocal leh backing vocal ten mike pakhat an intawmte a ngai a. Over dubbing theih a ni lo a, tunlai nen khaikhin chuan lei leh van ang a ni,” a ti. A dik a ni! Chu mai chu a la ni lo, studio hman man an neih daih loh avangin hun tlem thei ang ber hman a ngai a. Damlai Pialral album hi ni khat leh chawhma chhungin an record zo vek a ni. Beng tikham deuh lai pawh han siamthat leh theih chi a ni lova, an vawikhat record kha an ring nghal zel a… Backing vocal leh second lead pawh hi over dubbing (thun nawn) awm miah lovah chuan a tha thlawt! Zorampela pawâ€n a khap sual lo hle mai. Tunlai angina technology chu tha phei se… Khati chung pawh khan Tahan thlipui chuan Mizoram a nuai hneh em em tho va, a nghin hian a nghing lui lui a ni ber. Zorampela, Lalenkawli, Lalhlunmawii tih vel chu thalaite hming lam zin pawl a lo ni ta a. Zodi zunah nula leh tlangval an uai kur nguai nguai mai a ni.

Di ngaih puan min ban

Zofate tan album pathum ( Damlai Pialral, Phengpheleng leh Rosepar, Chingal Saum/Chun Leh Zua ) min hnutchhiah hnuah hun eng emaw chen chu an la zaiho zel a, Aizawlah ngei pawh concert ngaihhlut hlawh em em (sold out concert kan ti ang chu) an rawn nei leh a. Mahse Zodi member-te chuan vanglai chen reng thei ta bik lovin, nupui pasalte an nei ta fer fur a. Mahni seh seh mualah, tiin Zorimawi khawvela an sulhnute chu nakin, vanglai pelh huna lungleng khawhara la thlirlet leh mai tawh turin an tin darhsan ta thliah thliah a….Chuailopari chu chuai ve thei tawh ngai dawn lo mahse, a satu leh remtu mihringte erawh, thlalak hlui leh cassette hluiah bak an kim ngai ta lo. Duhaisam satu Thanghlira pawh hi kum 57 mi vel niin February 2010 khan Zokhawtharah a lo boral tawh bawk a ni.

[ Source: ZOLife, April 2011. ]

Zodi hian rimawi khawvela bung thar min kaipui miau a, an hunlai hre ve hman lote tan pawh ‘Zo†tawh phawt chuan an la ‘di†chhunzawm zel dawn a ni.

Hmuh phak leh chuan ve phak ni lo mahse April 14, 11:40 PM , 1912-a vurtlang a sut avanga darker hnih hnu leka Atlantic tuifinriat mawng, 13, 000 ft. a thuk, 41°46’N, 50° 14′ west a pil ta Titanic hian ka lung a len ve reng thin nia mawle! Kei ang bawka lo lunglenpuitu in lo awm ve takin, tun tumah pawh hian a pil atanga a kum zana pual atan mi thenkhattena kan lo la hriat loh tur thil tlem a zawng rawn tarlang ila. Facebook lamah chuan sei tak takin ka post hlawm a, hetah erawh short-cut deuhvin dah ta ila.

1.Lifeboat Drill cancelled a ni: A hunlaia lawng lian leh changkang ber Titanic hi an thlamuanpui em vang pawh a ni mahna le, lifeboat an phurhho hi a hmandan leh mipui tena rang leh felfai taka a chuan luh dan an hriat theih nana tihchhinna nei tura ruahmanna siam a ni a. He an ruahmanna siam hi Titanic-in vurtlang a sut hma ni chiah, April 14, 1912 kha a ni a. Mawlhtu a awm te pawh a ni maithei, chhan tha em em pawh awm chuang si lovin lawng Captain, Capt. Smith chuan an ruamhmanna hi a sût leh ta mai a ni. He thil hi lo kal tlangpui chu nise nunna tam tak chhan a nih ring an tam hle.

2.Mitkhap kâr tak meuh a ni : Khawthlir buka duty-in entlang phîr( Binocular ) pawh hmang lem lova mit lâwnga an hma lawka vurtlang lianpui, toh lurh a han hmuh veleh chuan ralkhel dar a khawng ri nghal a. Lawng hnathawktute pawh an che rang tak zet zet a ni. An lawngin vurtlang a sut hma leh Officer ten information an dawn inkar hi seconds 37 lek tak tak chauh zu ni a. An hnaih chilh tawh tak zet. Chu veleh First Officer Murdoch chuan rang lutukin lawng chu veilama kuai her turin thu a pe nghal bawk a. Lawng engine lama thawktute hnenah pawh a engine chu a lêt zawnga vir tir turin thu a pe ve bawk a ni. Nimahsela an tawpna chu kan hre tlang vek tho e. An lainatawm ngei mai.

3.Titanic Chanchinbu : He lawngah hian engkim a awm e an tih fiamthu ang deuhvin, a pual bik liau liau chanchinbu, “The Atlantic Bulletin” chu chhut a ni a; lawng chhunga printing press ngei mai hmanga chhut a nil eh nghal. He , “ The Atlantic Bulletin” ah hian News, Advertisement, Sumdawng bungraw rate, Hores-riding results leh tlâng titi lengvel te an chhuah a ni.

4.Lifeboat-te kha a nihna anga hman a ni lo : Lifeboat a tlem chu thuhran ni se, a awmchhun pawh kha a dawn theih tam zat aia tlema hnawhkhah a ni hlawm. Entirnan, lifeboat an thlak hmasak ber lifeboat 7 kha mi 65 phur thei tura duan leh siam a ni a; nimahsela mi 24 chauh an chuantir a. Chutiang bawkin lifeboat 1 pawh kha mi 40 phur thei nimah sela mi 12 chauh ( lawng hnathawk 7 leh passenger 5 ) chauh an chuang thung. Engnge a chhan ni ta ang le?

5.Bual In pahnih chauh : Khatiang khawpa lawng ropui leh changkang ni si, third class passenger mi 700 zet hman atana Bual In pahnih chauh an dah hi chu an ti mak ve ngawtin a lang. Rethei leh hausa kar a hla a ni mahna le.

6.Chhanchhuak thei tur lawng hnaivai ber a reh tlat si : Khatia mipui chhanchhuaktu tur zawnga light signal ( SOS ) an kahchhuah chuai chuai lai khan Californian lawng chu Carpathia aiin Titanic lawng a hnaih daih zawk a. Nimahsela an chhanlet miau loh avangin nunna tam tak hloh a nih phah ta si a ni! April 15, 1912, zing dar 12:45 AM chuan Californian lawnga hnathawktute chuan Titanic atanga signal light rawn eng chhuak zuai zuai chu an hmu ve meuh mai; an lawng Captain mu tui lai chu kaitho mahsela Captain berin thu engmah a nei tlat si lo alawm le. Tin, hetihlai hian an Wireless Operator chu tui tak main a lo muhil tawh bawk a, a rawn harh chhuah ve meuh chuan mipui mangang thlabar, lifeboat-a chuangte chu Carpathia lawng chuan a lo hlangkai vek tawh a ni. Engpawhnisela, Titanic passenger te vanduaina a kaltluang a ni ber e. Pil thei lo tura an ngaih chu a nihna tak hmachhawntirin an awm a ni ber mai.

7. Ui pahnih chhanchhuah an ni : An lawng chu darkar hnih chhung lekin a pil mai dawn tih hriaa, naupang leh hmeichhia chauh lifeboat-a an inchuantir laia an buaizia leh an phili dan han ngaihtuah chuan mihring vulh ve mai, Ui ( mai mai ? ) ten lifeboat-a seat an chang ve nawlh hi a mak dangdai ve ngawt nia! An hamhaihin an lo hmu mihring vek nge mawni dawn le? Heng an chhanchhuah tak ui te hi an hming chu — Pomeranian leh Pekinese an ni. An vannei bawn hle mai. Titanic-ah hian ui 9 an chuang ve a ni.

8. Meikhuchhuah ( funnel ) pali hi : Film lama kan lo hmuh tawh angin Titanic hian khuchhuahna pali a nei angin a lang a; niimahsela a tak takah chuan funnel pathum chauh hian tuihu leh meikhu an chhuah a, a palina erawh hi chu a lan mawina tur atan maia duan leh siam a ni. Mi lan mawi loh hlau ve te.

9.Dâk hnathawk Titanic : R.M.S. Titanic hi Royal Mail Ship a ni a; chumi awmzia ber chu British Postal Service tana hnathawktu pakhat tihna a ni ber ang chu. Passenger a phurh bakah dâk lehkhathawn hna a thawk kawp nghal tihna a ni. Sea Post Office neiin dâk hnathawktu mi panga ( British 2, American 3 ) an awm a ni.

10.Ruang zawn nghal a ni : April 17, 1912 chuan Titanic passenger thi ta te ruang hlawm turin Mackay-Bennett chu Halifax atanga tirh chhuah a ni ta a. Mi ruang damdawia chulhtu tur mi 40, Vur ton tam tawk tak leh kuang 100 nen an thawkchhuak a ni. Mackay-Bennett hian ruang 306 an hmu a, ruang 116 erawh hawn leh atan chuan a chhe tawh hle a ni. Tunge a nih hriat tumin ruang zawng zawng chu an theih tawkin an zirchiang nghal vek bawk a ni. Anmahni puibawm turin lawng dang pawh an rawn thlen belh zel bawk a, tichuan a vaiin ruang 328 chhar khawm a ni a, ruang 116 te erawh a lo chhiat tawh em avangin tuipuiah phum an ni ta thung a ni. An va lainatawm lulai tak em.

03.03.’12:

* 1 March 2012 atanga chin hriat lohva bo N.Vanlaiphai naupang Lalchhuanawmi ( 8 ) D/o Lalpana chu ni 3 March 2012 zan khan an in atanga kilometer chanve vel a hlaah a ruang hmuh a ni a, kawrteah a ruang hi zalhin hnah thel a hai vur a ni a, a taksaah hian hliam a awm nual a, a biang a pawp a, a lu ruh a keh a, a mit veilam a chhia a, a chal chung veilamah a pawp bawk.

* Vawiin chhun dar 12:30 khan Aizawl atanga Vaitin pan MST bus chu Darlawn khaw pelh, Darlawn atanga 1km vel, Sihbial kawng, PWD kawng hlui shortcut-ah a chesual a, mi 16 an thi.

04.03.’12:

* KTP General Conference, Thenzawl a Thiak atanga kal te haw lam sumo Serchhip peng thlen hma quarry bulah a accident a, thi leh hliam an awm lo.

06.03.’12:

* March ni 6 khan Lungbun khua Biama (40) chu Chhimtuipuiah lendengin lui a kal a, Biama hi a hawn tak loh avangin khawtual mi ngaihtha lo te chuan an zawnga, tiau phoah a thawmhnaw an hmuh avangin tui tla nia ringin an zawng ta a, tlai dar 3 vel khan a ruang hi hmuh a ni.

07.03.’12:

* Lunglei veng pakhatah chuan pa pakhat in mi kut a seh bunsak a, buaina hi nupa kar buaina atanga in tan a ni.

08.03.’12:

* Tiau lui kam Tlangsam ramah Champhai Zote khua, Pu Mika s/o Lalluma chu an 407 in a accident avangin a boral.

10.03.’12:

* Pi Lalthakimi, Mamit chu an thing kih in a delh hlum.

* Silchar atanga Aizawl pana sumo lo tlan a passenger pakhat chu a lo thi khawng reng tawh a, riangvaite thlanmualah phum a ni. A hnuah Highremthanga (39) a ni tih hriat chhuah a ni a, a chhungte remruatna angin ni 14 March 2012 khan Tuikual S thlanmualah phum that leh a ni.

11.03.’12:

* Armed veng south ah hmeichhe tleirawl Lalnunsangi (14) chu an bual in chhungah a in awk hlum.

* Kolasib Tumpui vengah Laldinthara (29) chu a thianpa nena an in luahah thi a chhar a ni.

* Chhiahtlang Chhimveng a mi Pu Lalhmingthanga kum 47, amaha awm chu a zan mu tu tih hriat lohvin a hnute ding lamah a vit a, tunah hian Serchhip Damdawi inah dah luh a nih hnuah a boral.

* Zing dar 10 bawr vel khan Chite luiah nausen thla ruk mi awm vel ruang an chhar.

* Tlai lam dar 5 vel khan Salem vengah Pick up a chesual a, a hmunah a khalhtu a thi nghal.

12.03.’12:

* Lalhmachhuana, Lunglei chuan chempuiin a zu in pui mi 2 hrawkah a zai.

13.03.’12:

* Kolasib a Pu VL Rawna in, Pu Lalchhuanmawiate luah lai chu bungrua engmah chuh hman lohvin a kang fai vek a, thi leh hliam erawh an awm lo.

* Pu Laltharliana (45) Zemabawk a mi chu Bungbangla quarry a a hnathawhnaa lung tla in a delh a, Aizawl Civil Hospital panpui a nih hnuin a hliam tuar lovin a boral.

* Champhaiah Zoremsanga (17) s/o Zarzoliana chu an infiamnaah a thianpa Lalfakzuala s/o Hrangmana chuan silaiin kap hlum palh.

* Kawlbem a hmeithai Luni in chu a kang a, bungrua an chuh hman lo.

* Lawngtlai District a Bualpui Ng-ah nu pakhat pasal nei lai chu tlangval zurui pahnihin an pawngsual.

14.03.’12:

* Lalthlamuani (44) Central Jail thlang a Industrial Estate a awm chu 6th March 2012 a Aizawl Venghlui a inneihna a tel tura a chhuak chu tun thlengin a chin hriat a la ni lo.

* Lawngtlai District a khaw pakhat Bualpui Ng-ah hmeichhe tleirawl kum 14 mi chu pawngsual a ni. Pawngsualtute hi Vena leh Thanga tia hriat an ni.

* Vawiin chhun dar 1 leh dar 2 inkar khan MC Vanlallawma kum 17 S/o MC Lianzawna Lawngtlai AOC veng chuan Lawngtlai Chanmari veng II nula kum 16 mi chu a pawngsual a C Vanlallawma hi Lawngtlai Police ten an man

* Zing dar 8:45am vel khan Mizoram University Bus MZ 01/B-6532 chuan Pi Tialremthluaii kum 65 D/o Hauthuama Tuithiang veng chu a ke vei lamah a chil a, Pi Thluaii hi Civil Hospital panpui a ni a, Driver pawh hi medical turin Hospital lamah thawn a ni.

* Tlabung thlang Bandiasora khuaa Presbyterian Biak In chu suasam a ni a, inkhawm kaihhruaina bu an hal a, meihawlin pulpit sirah Setana chhinchhiahna ang chi ziah a ni bawk.

* Vawiin tlai thimhlim khan Rangvamual kawng Forest check gate bula engine a chhiat avanga truck ding MZO4 2423 2nd Driver Danny Lalnunpuia (25) s/o Lalrinliana of Champhai Kanan veng truck venga awm chu thi a hmuh a ni.

* Bikhawthlirah scooter khalhtu patling pakhat feh haw lam chu truck in a chil hlum.

16.03.’12:

* Vawiin chhun khan Thiak khuaa Pu Lalhmachhuana te in chu an ran vulhte nen lam engmah chuh hman lohvin a kang ral vek.

* SAIHA to TUIPANG Bus chu Saiha pelh Vety Farm bulah chhun dar 12:30 p.m. vel khan a accident a, mi pahnih.. Beikhaisia (45) S/o N. Sachho of Theiva leh Gorkhali pakhat.. a address hriat loh an thi a.. Mi 8 hliam awmin 2 chu Aizawl lama referred an ni.

* Champhai Zotlanga cheng Lalengmawia (17) S/o Roremliana chuan Champhai Zotlang hmeichhe naupang kum 8 mi a lo mutpui thin tih hriatchhuah a nih avangin mipui thinrim chuan nizan khan Lalengmawia te chenna in an thiat a, an mahni chhungkua hi an insaseng hman.

* Lalhmangaiha Zemabawk Lungbial Veng chuan a fanu chu kum 2009 vel atang khan a khawih thin tih hriatchhuah a ni a.

17.03.’12:

* Lalzidinga (51), Bilkhawthlir khua chu Salvation Army hnatlannaah electric current in a man hlum. An hnatlannaah hian biak in tuizem chung a tui pump-na khawl leh electric current a zawm laiin current hian a man a, ka pawhchhawn lovin a boral nghal.

* H Lalduhawma (28), Bethlehem veng chu motor hmanga Tuirial bula motor hmanga an bawlhhlawh paih tur chu Bung Bangla bula motor in sawhah tla thla in damdawiin panpui a nih hnuah a hliam tuar lovin a boral.

18.03.’12:

*Kanchha (a Mizo hming KC Lalramtluanga) (48), Puilo khua, VCP in a awm thin chu a sa channaah a ruang chhar a ni a, a mah hi a silai ken a inkap hlum palh ni a hriat a ni.

19.03.’12:

* K Lalnuntluanga chu zing dar 7 vel khan Saitual Chhim veng thlanmual hluia transformer chhia a siam tur chu electric current-in a man hlum.

* Pu Biakliana leh Pi Zamliani North Bukpui te fa 3 zinga upaber Tlangval Runremthanga chu tukin zing dar 6 vel khan Zemabawk TB Hospital Doctor Quarter kawt Theihai kungah inawkhluma hmuh a ni.

* Laldinsangi (23) h/o Lalsangzuala (Tetea), Serkhan khua chu tukin 6:00 bawr vel khan an khum bul ah in awkhlum a hmuh a ni.

* Vawiin tlai dar 5:45 vel khan Ramhlun N Yamaha bike dawr kawtah Bike pakhat chu service mechanic leh a neitu in a petrol line an siam laiin a kang a, an pahnih hian an kang na hle.

22.03.’12:

* Tukin zing dar 3:00 vel khan Pu B Vanlaltlana New Saiha ‘E’ in chu bungraw chuh hman lohin a kang ral.

* Tlai dar 4:30 velah khan Lalthanzama h/o Laldawngliani, Dawrpui vengthar chu Hmuifang khamah a zuang thla a, a hmunaha boral nghal.

* Durtlang KV school bulah hmeichhe naupang pahnih kum 4 mite chu Durtlang Leitan Ramthar tlangval Lalhmunsiama (25) chuan ko falin khawih a tum a, pawi a khawih hman hmain Lalhmunsiama hretu tlangval pakhat chuan a hmu hlauh mai a, Lalhmunsiama hi a tlanchhe ta a an umzui ta a ni. Lalhmunsiama tlanchhia hi mi thenkhatin Durtlang dawrkawnah an lo man a Police kutah hlan a ni.

* Vawiin tlaiah khan Dholai-ah Lalhruaitluangi (Matluangi) D/o Pi Neihpuii Dinthar veng ruang chu chhar a ni.

23.03.’12:

* Lawngtlai khawbul lawk Chawnhuah Lalsangpuia (25) chuan Chawnhu pitar Kum 60 mi ramhnuaiah a pawngsual.

24.03.’12:

* 9:30am vel khan Lunglei lam pan tur 407 motor a chuang, Lianzama, Lunglei (Chanmari veng) ami chu Muallungthu khaw piah, Zuanbak lui bulah a chuang hlum. Driver nen chauha chuang an ni a, motor hi a chiangkuan loh avangin siamthatpui tura Driver-in a han koh chuan a lo thi reng tawh a ni.

* Rosangpuia (10) s/o Laltanpuia, Hnathial Electric veng chu an chakai khawrhnaah lungin a delh palh a, a hmunah a thi nghal.

* Tv J. Ramnunsanga (17) s/o J.Lalhualhnuna, Rulkual khua chu Chhimtuipui lui a Liapha kaiah a tla hlum.

* Zan dar 11 vel khan Diltlang khawlaiah Chungliana kum 35 chu Mongmonga kum 40 mi chuan chemtein a awm, a nak leh a banah a vit

25.03.’12:

* Vawiin chhun dar 11:45 vel khan Pi Lalramsangi fanu te pahnih Mimi Lalruatfeli (9) leh a nau Hmangaihkimi (Kimkimi) (6) te chu Bairabi lui leh Tlawng infinna li-ah an tlahlum.

* Bukpui khua-ah nupa rek luah lai In kangin In neitupa Pu Ruata a kang hlum. A nupui Pi Manziki erawh tukverh-ah a zuang chhuak hman a, Pu Ruata hian an In kang hi thelh a tumna lamah a kang hlum ta nia hriat a ni. Pu Ruata hi a hmel pawh hmuh tlak loh khawpin a kang chhia

28.03.’12:

* Chhun dar 12 vel khan N Chhimluangah Pauliana leh Papuia te in chu bungraw chuh hman lohvin a kangral vek.

* Tlai dar 3:30 vel khan Phulpui khua a Pu Lalremsiama te in chu bungraw chuh hman lohvin a kang ral vek.

29.03.’12:

* Vawiin khan Champhai Dist. a Vaikhawtlang khuaah an khaw thenawm Khuangphah khaw lo hal avanga kangmei chhuakin in pathum (3) bungrua engmah chuh hman lovin a kangral vek a. A palina tur a kan mek laiin an thelh mit thei. Thi leh hliam awm lo

30.03.’12:

* Tukin zing dar 2:30 vel khan Chaltlang Lili veng huamchhung Sairang road, Lane tawiah Pi Zahmuaki w/o Kapmawia ( L ) vawkin a kang a, vawk talhrual thiau 32 a kang hlum.

* Zinglam 2:30am khan Rabung khua ah in akang a. Hmeichhe naupang Lalremsiami (5) chu akang hlum. A nu chuan in a kang tih a hriat chuan alo kang nasa hman tawh hle a. A fate 2 chu pawm chhuak thei hram a, a fanu upa ber chu va lak leh tuma, mahse luh theih ani tawh lo. A kang nasa tawh lutuk a, pawn atangin afanu mangang au/tap ri chu mittui tla chungin ngaithlak bak tihtheih a nei tawh lo. A pasal ramriah lai ania. In 3 akang ral vek ani.

* Tukin zing dar 9:30 vel khan Lawrence Vanlalliana kum 33 S/o R Lalrema Chaltlang chu PTC peng thlangah a ruang rimchhe tawh angreng tak hmuh a ni. Lawrence-a hi March ni 27 tlai atanga a awmnachin hriat a nih tak loh avangin chhungkhat laina ten an zawnga hmasawnna an neih loh avangin nimin lam atang khan khawtlang tlawmngai engemawzat te nen an zawng ta a, tukin khan PTC peng atang Sairang lam kawngkual pahnihna kawngthlangah a motor leh a ruang hi hmuh a ni ta mai a ni. Lawrence Vanlalliana hi LAD Minister PS Pu Fabiana nau a ni.

31.03.’12:

* Tukin zing khan Lawngtlai Vengpui ah hmeichhia, kum 18 vel mi, pasal nei lai chu a inawkhlum.

* Vaivakawn tlai KTP Group hnatlang blanket su a kal Tv Laltlanzova (19) s/o Upa Lalramthara 7th Day tlang ami chu tuiah (Tlawng) chesualin a boral.

* Tui tla – tukin zing dar 11 bawr velah khan Lawngtlai Donbosco school naupang pathum chu Tuipui Ferry a Tui hleuh tur a an kal chesualin an Pathum hian tui ah tla in Simona(14) Pu Pawtha fapa saiha Bazar fapa ruang hmuh tawh a ni a, Pu L.Rinawma fapa Lalramdina (16) Lawngtlai 3 ruang leh a thianpa Saiha khua tho ruang la zawn mek a ni. Heng chin hriat lova awm pahnihte zing a pakhat zawk hi kan MLA zahawm tak K.Zothangliana nau Zoduhawmi fapa a ni…. Lawngtlai L-III a awm an ni….

Duhin duhlo mah ila, ka nu’n heti taka mi lo kapkalak chhuah ve nawlh takah chuan; ka khawlo ta sa sa inpuang vek mai te’ng ka ti ta a ni. Ka nu’n thla kua zet mi paipawn ûr ûr lai khan, Titanic film tal lo en ve se; Amitabh Bhachan tal ka chhûn ve túr hi a nia maw le.

Mahse, mi dangdai tak chu ka ni ve-in ka hria. “Tet laia tahbelh leh sawngnawi ve tak thin kha, bawkkhup miah lovin ka kal thei niawm tak a ni” an ti an sawi thin. Mahse, “an ti” tih chu “dawt” an ti.

Khawnge thiante nên lam hian, inpuang fai vek dawn teh ang. Laih loh buichhia kan inpuang dawn e.

Middle sikul kan kal lai khan, kan thiannu NL. Lalramlawmi inti thin ngat kha ka la hre reng thin. Mi han melh nasa thei khawp a, min hua nge min star zawk pawh ka hre lo (tun thleng hian). Min rawn hauh lo khan, pasal pathum ngawt a lo ru vei awrh awrh a, a kawl rei hlawm hlei lova. Mahse e, “Ka la virgin a ti”

NL. Lawmi thiannu Lianzeli hi kan ngaisang thin. Puanthui ka zir dawn a ti a, a kuma kum tel a bo vang vang a. A lo hawn leh hnu khan, underwear mawng zep kha a rawn ruih chilh pek a. A inbual zo hlimin, pawna Hunger ngei maia a khai then nalh nalh lai kan hmu fo thin kha a nia.

Hmutea khan a han star em em thin. Hmutea hian min ngaisang em em thin a, a ek tan laia; a ek ka kher chhuah sak vang kha a nih ka ring thin. Amah chuan mi kher chhuah sak a ti duh chuang reng reng lo. Zeli nên hian chance kan pe ve thin bawk a, bang awng atangin kan bihthla ru châwk. An infawp ngai hlei lova, an inhnim an inhnim thin.

Mi advance tak pakhat a awm. Fiamthuin Nostradamus Pa-sîna kan ti thin. Pu Nawla huana Lamkhuang/ La-ui hmin hun a hre zat zat thei. Leonardo Dicaprio a ngaisang em em, a hair style kha kan chul sak hliau hliau thin. Mam em em-in bari a then phak ang a, a bari tlemte mah chhe miah lovin zingah a rawn thawh pui leh ang.

A advance dan ngaihtuah chuan Socrates leh Plato te ke bulah, mistiri hna a lo thawk ve tawh thin niawm tak a ni a. Mahse e, vawk ek kan rah pherh diai diai thin lai tawhah khan, Nostradamus Pa-sîna siam tumin; a nu leh pate an lo inphelh sexy dawn mek a. A nu-in a Bra hook a lo súm thla zet zet lek hi a lo la ni.

A hmel phu lova luck pakhat Mathiangtea a awm. Kum 17 a tling dek dek a, a nu rual zet mai zuk pump puar a. Middle-ah khan, Hindi hi a thiam thei thlawt lova. A ek thi vek khawp a a zir pawhin, mark khat vel lekin a rawn fail thin. “Zoram ka hmangaih alawm” a ti a, Driver a zuk zir. Kan khaw kar kawng chhe ve takah a hàwl chhuak nitin ve thin.

A motorah hian, ama thutna chauh lo chu seat dang reng reng a awm tawh lo. Duhsak takin a gear box min han kapkalak tir ven vawn ang a, a kapa a thilpai ve të hi; ka vuak chhiat sak ang tih dawn hauh lo hian a gear a han phih thla lawp lawp thin pek a-danger tak a ni.

Nunzira, a hmeltha lem lo. A zei em em ringawt mai a, a lerh erawh kan ti phal lo. A santen damkawr hlim a chhiat ber lai pawh hian, a kutzungtangin panga a la ti hram thin. Mi bem a thiam satliah a ni lo, a master na a ni.

Sangzuala, a rilru a tha tawpkhawk. Primary kan luhlaiin, kan zirtirtupa hian ” Sangzual i tha leh lutuk hi, i chhiat pui dawn” a tih ka la hria. Class VII a pass a, a duhtawk em em ringawt mai a. Zirtur dang a awm pawh a hre lo, a nui tut tut a. Nupui neih a tum reng reng si lo.

Hrilliana, hmeichhe sakhua tak a awm. A awm ve tawhna-ah chuan, pakhat tal a lam tangah a siam hman ziah. Mahse, a dawihzep. A bialnu nia a chhal, Chhingpuii kan koh chhuah sak ve alawm le. Thingkungah han lawnsan pek a, fiamthuin Zakai kan ti thin.

Kei an boss ber hi ngaihsan awm tak ka ni. Zei lamah thianpa Nunzira kha tluk ila zawng, a theory a ka bialnu; a practical a ka bialnu ni lem lo Zampuii kha ka bem thluk ngei hi ka inring thin.

Zampuii kha “khal” ang reng tak, biangsum nalh tak a nei a. A ha pui a inthuah deuh trát a, a han nuih deuh sak tawh chuan e; chhaih ngai hauh lo hian ka nui ka nui thin kha a nia. Suihlunglen biahthu ka hlan a mawi ta love, hrai duhleng a chawi ta

Kan thianza innel em em bik- Nunzira, Mathianga, Pa-sîna leh kei kan ni. Vanduai thlak tak maiin, kum 2009 khan a hnathawhna-ah inti palhin; vanvawm khua min chan san ta. Ka hriat tirh phei chuan, mak ka tiin ka awih lo hial kha a ni a.

Tuna kan dinhmun danglam ve tawh tak hi rawn hmu se ka ti thin. Ka chaw ei kham hma hmain, kan thutphahah a rawn thu leh chut ang a. “Lr vawiin eng nge kan tih ang” a la rawn tih hi ka ring thin….Enteh mah, i thianpa Mathiangtea fapa han harh ve thet thet tawh dan te saw….

Mangtha le…..fam khawpuiah i thenrualte min lo nghak la, “Lr vawiin eng nge kan tih ang” tiin…ning hlui khawpin mi la rawn zawt leh dawn nia.

Foxnews ah ve thung:

At her peak, Houston the golden girl of the music industry. From the middle 1980s to the late 1990s, she was one of the world’s best-selling artists. She wowed audiences with effortless, powerful, and peerless vocals that were rooted in the black church but made palatable to the masses with a pop sheen.

Her success carried her beyond music to movies, where she starred in hits like “The Bodyguard” and “Waiting to Exhale.”

Whitney, we will always love you

Hlim ni a thleng,
Lawmin an leng.

Naunawn an nui,
Rawl thar an rui.

Laitual an fang,
Arva an kang.

Hriat loh an zawng,
Rin loh an tawng.

Tlei dang an fawm,
Duhten an pawm.

Neih bak an ban,
Theih bak an pan.

Hlimthla an bel,
Tiamchin an pel.

Hmabak a thim,
Lunglai a hnim.

Nau piang leh kum thar lawma at an so lai khan,
Ka vei ka vawn a dang mang e,
Mahten ka dawn fam hnu ka chun nu kha.

Tluk leh nat chang ka neih fo a
Ngui leh chau a ka lu a kun te,
Thlaphan mangan chang te,
Nitin mai hian..,
Ka bul ah awm la ka ti zual thin.

Van malsawm ka dawng fo a
Hlimna leh lawmna te,
Beiseina leh phurna te,
Nitin mai hian..,
Hrilh hmasak che ka chak ber fo thin.

Hringnun hmatiang rel a ngai thin a
A ngaihna hrelo tak te,
Bangbo tak te,
Uap tu ka mamawh lehzual te hian
Auh vak mai che ka nuam thin.

Chuvangin ka Ka PA..
Thlamuang tak a i chawl tur hi
Ka phallo a ni lo e,
Ka ngai em che a ni.
Ka puitling thei thlawt lo a ni e.

(Dt.29.1.1996 a boral Ka Pa hriat reng nan)

Hetih lai hian Kuli a kal a ngaih fo avangin thingtlang tlangval nih a Kuli a kal fo loh dan tur ringawt a ngaihtuah ta a. May Myo (Burma) -ah a chhova 1st Battalion Burma Rifles -ah Dt. 23.05.1933 -ah a lut ve ta a ni.

A vannei hle a Dt. 1.4.1937 -ah ‘Less Naik†ah a kai a, Dt. 1.5.1938 -ah ‘Naik†ah a kai leh a, Dt. 1.11.1941 -ah Jamedar -ah kai in Quarter Master hna a chelh a ni. Dt. 15.8.1942 -ah ‘Subedar†-ah a kai sang leh a, sipai a a tan lai hian I.A. First Division -ah a zo leh a ni. Hetih lai hian Intelligence Officer hna a chelh a, a thawhhlawk hle an ti.

Sipai a tan chhunga Medal a lakte :
1) Dt. 24.04.1945 ah BGM & MC & Oak Leave
2) Indian Defence Medal
3) Star Medal 1945
4) Star Medal (Pacific War)
5) War Medal (Pacific War)
6) Star Burma Medal 1943

Military Cross a hmuh chhan tlemte han tarlang ila :

1. Japan nen an in pawmchilhna tuma Sap sipai pali ruang a hlawm vang leh,
2. Japan sipai sawmli rual lai bûk sa a lo awm chu Gorkha Regiment hotupa, Major Blakera hova mi pariat in an beihnaah Japan sipai 27 kap hlum in, engemaw zat an tlan chhuak thei a ni.

Laipui 4 an mansak bawk a, he an chanchin hi Headquarter lamah hriattir a nih veleh Admiral Lord Mount Batten -a leh General Wingati -a te chu Helicopter a chuangin an awmna ah an kal ta nghal a. Thlawhna tumhmun a awm loh avangin hruizen leilawn (ladder) hmangin an chhuk a.

An thawh that em avangin ani hi ‘Military Cross†pek a nih thu an hrilh ta nghal a ni. Hei hi a huaisen vang nilovin a vanneih vanga hmu a nih thu a sawi thin.
Tichuan, Indo te a lo reh a chawlh lain Aizawl -ah a lo kal a, Aizawl Bawrhsap Pu H.R.H. Mc Donald I.C.S. chuan Kawnpui Lal atan a lo ruat ta a. Dt. 1.1.1946 -ah Pu Saitulera thlakin Kawnpui LAL a lo ni ta a ni. Tichuan, ‘LAL†-ah dah a lo nih tak avangin sipai lam atang chuan Dt. 1.8.1946 -ah a pension zui ta a ni.

Dt. 1.1.1946 atanga 1954 (8 yrs) thleng Kawnpui Lal -ah a awm a. Lal ban a nih dawn hian Lal tam tak chu an khua leh tui ten nasa taka ân khumin an in te hial lungin an vawm hlawm a. Ani erawh chuan hetiang harsatna hi a tawk ve lova. A khua leh tuite nen khawlaiah kawngzawh in “Lal bang rawh se” tiin an au rual a. Lal ban annih hnuah Mizo Union a lo ding a, chutah chuan President hmasa berah a tang zui leh ta a ni.

A Lal chhung hian a khua leh tui te an tha a, a hlim tlang hle a, Salam chawi tir tur pawh an hmu lova, a khawnbawlten an khak fiamthu hial an ti. Tin, khawtlang tan thil tha a tih sawi tham a awm lo hle a, a thil tih awm chhun chu Field No. 1 laih zauh hi a ni. A hunlai chuan Field No. 1 hi a la zim hle a. Bawrhsap hnenah phalna lain field laih zauh hna chu an thawk tan ta a. Bawng te talh in khaw thenawmte nen field laih hnatlang an nei thin a. Tichuan, inkhelhna tham a lo nih veleh Inkelhpui an buatsaih ta a, Team 36 lai an chhuak a, amah chauh Referee -ah a tang tluan zak a ni.

Sport hmang hian khaw thenawmte nena inkawmngeihna kawng a zawng a. Tlangval ho pawhin inkhelhah hma an sawn nasa em em a ni. A khawnbawl upa Upa Dara chuan Cup (No mawi) a chhuah sak a. Hetia inkhelhpui an neih lai hian Pu Dengsailova chuan heti hian hla a phuah sak a :

1. MC Khawma, MC Khawma Lal lai par ang vul zel se,
Kan leng dial dial chhingkhual val nen;
Kawn Khawpui kan sumtualah,
Kan Khaw perpui field phei duaiah, Football a leng duai e. (v-2)

2. ‘Hip hip hurray, hip hip hurray†tiin leng zawng zai zel se,
Kan leng dial dial chhingkhual val nen;
Kawn Khawpui kan sumtualah,
Hip hip hurray, Pu Duai ngai lo, Dara haimawi kan awi e. (v-2)

He hla sa hian nula leh tlangvalten field kotlangah inkhelte an lo awi dual dual chuan boruak a ti nuam in a ti hlimawm hle thin an ti.

Tin, zirna lamah hmasawnna tur ngaihtuahin Middle English School Mualvum/Kawnpui (MK) ME School te a ho hian din a ni a. Board Chairman -ah dah a ni.

A mizia a tha a, mi khawngaihna nei mi leh midangte tana in sengso peih mi tak, mi taima leh hlim thei, fiamthu leh titi thiam mi a ni. Tu leh fate hmangaih leh duat thei tak a ni. Tin, a hriselna a tha a, mit fiah tak leh bengvar takin kum 100 mi anih thleng in a awm a ni. Mi vannei tak a ni a, Pathianah lawmna leh thlamuanna tha tak a nei a, Pathian fak leh chawimawi nuam ti mi a ni. Kum 99 anih in a nupui leh a tupa pakhat a sun a, hei hi a chhungkaw bik atanga a lusun hmasak ber a ni.

A NAT DAN :
A natna ber chu Prostrate Gland Enlargement a nei a, hei hi zai chi a ni lova, damdawi a enkawl a ni. Hei hian kum 2005 atangin zawi zawi in a ti buai chho ve a, khawsik neiin kum 2011 April thlaah a boral thelh a, vanneihthlak takin a tha chhuak leh a.

Dt. 25.12.2011 zan atangin a khua a sik tan leh a, a zual tial tial a, Dt. 30.12.2011 zan phei chuan thlaphan awm takin a awm a, Oxygen te kan pe tan ta a. That chhuah lam aiin chauh lam a pan zel a, vanneih thlak takin kum thar 2012 chu kan chuang kai leh ta hram a. A chauh tawh em avangin Dt. 2.1.2012 ah phei chuan mumal nei vak lovin a awm ta a ni.

A damloh chhung hian nâ a neih vawi khatmah a sawi lova, nâ tuar hmel a pu ngai lo bawk a ni. Dt. 03.01.2012 tlai dar 4:45 PM khan kum 102 mi niin chatuan ram min pansan ta.
A damloh chhung zawng hian thenrual thaten nasa taka min ngaihsakin min ngaihven em em a ni. Min khawngaih a min lainattu zawng zawngte chungah Lawmthu kan sawi tak meuh a ni.

Sub. R.Khawma, M.C. B.G.M. Ex-Chief of Kawnpui boral chungchangah Kawnpui Jt. VC leh Jt. YMA -te hmalakna avanga ropui taka vuiliam a ni hi an chungah lawmthu kan sawi tak meuh a ni. Chaltlang Bialtu MLA Pu R.Romawia, Chaltlang Br. YMA leh Chaltlang ‘S†Kohhrante, Ex- Servicemen leh thenrual thaten ropui takin min thlah liam a, an chungah kan lawm tak zet a ni.

Tin, Kawnpui bialtu MLA Pu Hmingdailova Khiangte in ruang phurhna min pe a, Dr. C.Lalthanmawia, Director, H&F.W. Deptt. in Bus min hire sak bawk a. Aizawl atanga min zuitu tam takte nen an chungah kan va han lawm tak em!

Kawnpui Jt. VC leh Jt. YMA leh lirthei nei zawng zawngten a Lalram chinah zan rei tawh takah a ruang lo lain min lo hmuak a, kuang mawi tak a hmel lang thei tura siamah dahin, Havildar Thanchungnunga motor mawi taka cheiah phurin a Lalram chhung lirthei nei zawng zawngte nena fanpui a ni te, in tinah pawndum leh flag dum zara sun a ni te, a thlan thuk taka laih leh puan vara lining thlap a ni te hi a va ropui em!

Kawnpui mipui, Jt. VC, Jt. YMA, MUP, MHIP, Ex-Servicemen, Mistiri Asstn., Kawnpui Bazar Asstn., Kawnpui Senior Asstn., Kawnpui khua a lirthei nei zawng zawng leh Aizawl atanga min zuitu zawng zawngte leh khaw dang atanga rawn kalte, ka pa R.Khawma vuina leh thlahna atana sum leh pai leh hun tam tak sengtute zawng zawng chungah a tu leh fateâ€n lawmthu kan sawi tak meuh meuh a ni.

Kan khaw dai ami eng thing nge ka hre reng talo chu kih tumin kan pawl zinga a hotu deuhte chu hnatlangin kan thawkchhuaka, heta ‘a hotu deuh’ ka’n tih kher nachhan chu he kan pawlah hian OB pathum kan awma; President/Leader tih vel kan invuah ve lo. Kei hi a hotu ber ka nia; ka hnuai chiah ami chu a dawttu, a pathumna chu tuleh kan ti mai.

Tichuan, thing chu kit turin kan chem neih ang ang chuan theihtawp chhuahin kan sata; a zatve vel kan sah hnu chuan kan hah tawngkhawng tawh bawka, hemi ni atan hi chuan kan duhtawk rih.

Sawi tak angin kan chhunzawm vat loh chuan khawvel a buai zawh vek dawn avangin (kan rin dan) lak fel thuai thuai chu kan tum lian ber a ni. A tuk hnihnaah chuan kan thawk chhuak leh ta a. Rei vak lo kan sah hnu chuan kan hah leh ta mai, kan beidawng titih ta. Kan hotute zinga pakhat chuan ‘bul á¹­an á¹­hat chu a zatve zo tluk a ni’ tih kha a lo hre thawi ve a ni tehchek ang chu, “Hmun hran deuhvah sat ila; a sawt zawt mai ang,” a’n tih pek chu.

Kan peih pui ta lo hlauh zawk a. Tichuan, hemi á¹­um pawh hian kit thlu lovin kan beidawng leh ta. Hawn mai tuma thui vaklo kan kal hnu chuan ka chem ka theihnghilh tih hrechhuakin a la leh tura kan thing kih tum bul ka thlen lai tak chuan thing chu a tlu ta mai. Ka ngumah tak min delh tehreng a nih kha. Ka vanneia, ka inti silawng lo hlauh kha tun thleng hian ka la lawm. Kan tum ber chu kan hlenchhuak ta naa; kan hawn san ta thova. Tun thleng hian kan la la leh ta lo.

Hun a kal zela; Middle East buaina pawh hman tih a lo ngai ta hial mai. Khawvel ram hrang hrangte chuan mahni inven nan theihtawpa á¹­ha ralthuam an inchhek veka; heng zinga á¹­ha bera ngaih chu Nuclear hi a ni awm e. Sorkar tinin neih duh mahse a hautak tham em avangin neih mai mai theih a ni lo.

Khawvel hruaitu Eng sorkar mahin a ne pawh an ek phak loh, khawvel indopui I & II-na a tha chakna a tudaitu, khawvel humhimtu Lalpa, Mipuite zalenna Democracy kulhpui, Ram tenau, thlaphang leh tihduhdah tuar te’n an belhfak, khawvel ram retheite dawm kangtu. Hnamtin chitinte zalen taka zaikhata an lenna ram, ‘DAMLAI PIALRAL’ tih khawpa ram hausa USA pawh a nei zingah chuan a langsar ber anni awm e.

A chunga kan sawi tak ang khian ram ropui tak annih avangin khawvelah lal an hrawta; anmahni khing pha awma ngaih chu a chakna hmachhuana tudai duh mai anni. Tichuan, Iraq ram, pawhin he Nuclear Weapon hi nei ve ngeia an ngaih avangin an do ta ngawt mai a nih kha.

Anmahni pawhin an neia; engahnge midang neih ve an phal loh ngawt? Thil á¹­ha zawng a ni hauhlo. Amaherawhchu, anni pawn an neih chuan midang neih chu an ngaihmawh bik thiang lo. Chuta karah an (Iraq) la neilo zui. An ram hruaitu Saddam Hussein chu an that ngawt lehnghal a nih kha.

Thuhmahruai chu lo duhtawk phawt ila. Kuwait ramin oil an ngah avangin Saddam Hussein-a kaihhruai Iraq ram chuan itsikin an oil neih chu hnehchhuh tumin theihtawpin á¹­an an laa; zahngaihnaa khat USA chuan chu chu ngai thiam lovin Kuwait chhanhim turin theihtawp chhuahin á¹­an an la ve bawk a.

Sawi tawh angin Iraq ram President Saddam Hussein chu diklo taka rorela a ram ralmuanglo taka siamtu a ni. A nunrawn zia chu kan hre á¹­heuh hlawmin ka ring. Thih pawh hi a phu khawp in ka hria. Mahse, he thu ka’n post nachhan ber chu, sawi tak ang khian USA chuan an thil á¹­halo kawl ang kawl vetu ramdang chu an haw tlata; Iraq pawh hian nei ve ngeia an ngaih avangin an pawng do ngawt maia; he thilah na na na hi chuan an thiamlo hulhual niin ka hria.

Vawiin hi Saddam Hussain an khaihlum champha (phak telh kher hi a tulna ka hrelo) vawi ngana lai a lo ni ta.

Saddam, vawiin i boral champha a lo thlen hian kan thinlungah i cham renga;
Engtikahmah kan theihnghilh tawh lo’ng che.
Amaherawhchu kan ui lemlo che a nia.