EPL an tan leh dawn ta. Game khat theuh bak an la khel lo a, in lehpelhna hun a la tam dawn e!! Mini League ka siam a, min lo Joint ve turin ka sawm a che. A hnuaia link atang hian i lut dawn nia…

League name – Mizo League
League password – Mizoram

A season hnihna atan ZoFooty chuan Football Fantasy League a buatsaih leh a. ZoFooty leh EVA Enterprise (SHARP Distributor) chu tangdunin EVA Enterprise Fantasy League chu September ni 1 atang khian tan a ni dawn ta.

Lawmman chu?
Season hmasaah champion in a club duh ber jersey a dawng a, tun season chu lawmman a tha lehzual dawn a. Lawmman hi a tha zawk dawn a ni mai lova, a dawng thei pawh kan tam dawn a. Pakhatna ni chiah lote pawhin lawmman á¹­ha tak tak dawn theihna remchang kan nei dawn a ni. Lawmman hi vawi thum sem a ni ang.

1st Half leh 2nd Half Top 10: 2012-13 season hi hmun hnihah kan then dawn a:-

~ 1st September — 31st December 2012 (Gameweek 3 — Gameweek 20) hi EVA Enterprise Fantasy League 1st Half kan ti ang a.

~ 1st January — 19th May 2013 (Gameweek 21 — Gameweek 38) chu EVA Enterprise Fantasy League 2nd Half kan ti ang.

Lawmman atan Season 1st half chhunga kan League a points hmusang ber Top 10 te chuan Rice Cooker an dawng theuh dawn ani. Season 2nd Half ah pawh chutiang bawkin Top 10 chin tan Rice Cooker man theih ani bawk ang.

Season Champion: 2012-13 EVA Enterprise Fantasy League-a a tawp a Champion hnenah chuan pawisa fai cheng 5,000 leh Microwave Oven hlan ani ang.

Gameweek 1
EPL Season thar chu tan alo ni ta a, tunah hian Gameweek 1 kan hmang mek a, kan League kan tan hmain i Team te enchhinna hun i la nei a. Tin, lawmman a tha tawh bawk a, kan League tan hun nghakin Manager tin te i tang ang u le! Tunah Manager 220 dawn kan awm der tawh a, la in register lo tan in register hun tak ani. In register dan hetah hian a en theih e.

EVA Enterprise Fantasy League-a in register turin HETAH hian han click teh le.

EVA Enterprise Fantasy League-ah hian tel ve la, lawmman tha tak tak han man teh le!

Ka misualpuite zingah football tui chilh tak tak in awm tih ka hria a, hei Mini League ka han siam leh a, football a tuite chuan min lo Joint ve turin ka han sawm a che u.

A hnuaia link atang hian i lut dawn nia…

https://footballmanager.espnstar.com/

League name – Mizo League
League password – Mizoram

Entirnan : England Premier League ni lovin English Premier League zawk, Spain Premier League nilovin Spanish Premier League, Italy Serie A nilovin Italian Serie A, chutiang zelin French League 1, leh adt. Hengte han ngaihtuah chuan Mizoram Premier League ti lovin Mizo Premier League tih tur awm tak niin ka han ngai deuh a.A tha be rang nge tha ber loving tih pawh ka hre chuang lova, mahse ram dang league ho hian ram hming chawi a league an neih loh avang hian keini pawh hian mizo tih hming hi kan chawi ve dawn lawm ni? Ka ti a ni. Football nilo Cricket tak tak pawh in Indian Premier League (IPL) an ti a nia……

Ngaihdan han sawi ho teh ang u….

2006 khan MZP chuan Zofest a huaihawt a. Hetah hian mizo hnam peng hrang hrangte kan kalkhawm a. Kei ngei pawh ni hnih lai chu ka kal ve a ni. Kha tah khan Pi Mary Kom kha Pi Jenyte ho nen chawimawi tur an ni a. Khami tuma a chawimawina dawng tur lo penchhuak kha ka vawikhat hmuhna a ni. Ka rin aiin a lo hmel tha a. Pa tak tura ka ngaih kha puan bih thlapin a lo chhuak a ni. Olympic-ah hian tun hmain hmeichhe boxing hi an tel ngai lova. Tun kum atang hian a hmasa ber atan hmeichhiain an khel ve dawn ta. Pi Mary Kom hian vawiin tlai hian a vawikhatna atan ring-ah a inlan ve dawn a ni.

Harsatna a tawk hnem ve khawp ang

A nu leh pa hi lo hna thawka ei zawng — thing tlang mi diktak ang an ni ve a. Chu mai nilovin amah hi an unau zinga upa ber a ni bawk. Khawpui lama sport zir tura a liam dan velte pawh a ngaihnawm khawp mai. Pi Mary Kom hi tribal hnam ve tho a ni. Hetiang em em a peihreiv(consistent) hi a mak khawp asin. Kum 2000 atang khan Boxing khawvelah a lo inlan a. A la khel char char a ni. Kei ni mizo ngei pawhin boxing thiam kan nei thin a mahse kan daih rei thei lo a ni e. Kum 2005 khan pasal a nei a. Mahse boxing hi a la chawlh san chuang lo. Ti chung hian Boxing ala khel char char tho, medal pawh a la zel. Phir pahnih a nei leh nghal a. A buai thei ve khawp mai. Tum 5 lai World Champion a ni bawk. A turu khawp mai.

A lawmman dawn tawhte

Arjuna Award (Boxing), 2004 , Padma Shree (Sports), 2006 ,People of the Year- Limca Book of records 2007, CNN IBN &Relaince Industries Real Heroes Award , 2008, Pepsi MTV Youth Icon 2008 , ‘Magnificent Maryâ€, AIBA 2008 , Rajiv Gandhi Khel Ratna Award, 2009, International Boxing Associationâ€s Ambassador for Womenâ€s Boxing 2009 , Sportswoman of the year 2010, Sahara Sport Award te a ni. A thahnem ve khawp mai. India khua leh tui tan Padma Shree leh Rajiv Gandhi Khel Ratna Award phei khi chu hlu tak a ni. Rajiv Gandhi Khel Ratna Award hi infiam mite chawimawina sang ber a nih kha.

British Monthly Magazine – SportsPro khan MS Dhoni hi khawvela infiam mi hlawhtling a tehnaah 16-na a pe a, tin Pi Mary pawh hi number 38-na ah an teh ve bawk. A lawmpuiawmin a entawntlak khawp mai. Anni pahnih chiah hi India ram atangin an lang pha a ni.

6:30 pm-ah a inlan dawn

Pi Mary danglamna em em chu a rilru huaisenna leh tumruhna hi a ni. Amah enkawla hrual hmasa bertu Ichomba Singh sawi dan chuan ‘Mary anga boxing skill tha leh fit hi ka nei teuh mai mahse ani hi chu a danglam a ni. A rilru a huaisen a, a zam ngai lo. Mi dang chu an zam (nervous) leh mai thin a. Ani erawh hi chu a dangam em a ni. A ti mai mai lova a peih rei (consistent) bawk’  tiin a sawi a ni. A thusawi hi a dik tih a lanna chu — hei, tunah hian nu ni tawh chungin Olympic medal lak a tum em mai. A inthununtheihna mawlh hi a turu a ni. Vawiin hian Pi Karolina Michalczuk-i nen inhnek dawn ta a ni. Lo thlir ang u.

Ka duhtawk mai ang

Pawi deuh mai chu Pathianni berah kher an inhnek dawn tlat mai hi a ni. A nungchunga an inkhuainuai lai ka hmu ve thei dawn ta lo. A theih hram chuan lo en ula… A che a rang em em a, a tum ruh hle tih a lang thin bawk. A inkhel hi a hmuhnawm. Boxing kan khel ve lo a ni mai thei amaherawh chu khawvela kan awm chhung hian khelhpui kan nei reng thin chutah chuan Pi Mary anga tha thlah miah lova kan tan ngaih chang a tam thin khawp mai. Rethei taka seilian a nihzia pawh ziak ka chak khawp mai. Hun ka neih loh avang leh a sei lutuk ka hlauh avangin duhtawk mai ang. Kei aia hre zawk pawh in awm far hlawm ang.

Mahse ka sawi tel leh hram duh chu — Isua Krista ringtu diktak a nihna leh tawngtaina thiltihtheihzia ringtu a nihna hi a ni e!

A hunah engmah decision an siam ngam lo va, huaisen tak leh diktaka decision siam mai tur kha an dah khawtlai a, chumi chhungin boruak neuh neuh lo awm chuan a chhim leh hmar ang zawng te, a college ang zawng te’n boruak a rawn tichhe ta a ni. Sport Board lam hian a tirah decision siam nghal mai se, tun thlengin kan sawi zui lovang; LGC leh Hnahthial College inkhela buaina awm pawh kan sawi zui tawh loh hi.

MSU Cup pawh hmanni lawkah neih a ni a, buaina a chhuak lo. Eng vangin nge MZU Sport-a buaina a chhuah bik ziah? Aizawl emaw, Lunglei emawa khelh hian buaina kan pumpelh phah lo tih a chiang tawh a, MZU Sport Board lampang hi a thara thlak ni rawh se. A mawhphurtu mi dawihzepte hi ban ni sela, huaisen taka thutlukna siam ngamte chauh MZU Sport Board-ah awm tawh rawh se.

Inkhel.com lama kan hmuh danin, final pawh khel lova tournament tihtawp tawp a ni dawn a ni awm a. A va zahthlak em! Final khel tur paw’n Sport Board, he tournament hotulute’n thutlukna an siam ngam lo a ni maw! College hrang hrangte he tournament khel turin theihtawpin an inbuatsaih theuh va, sum leh pai pawh tam tak an hmang ral a, chutih laia hetia ho taka he tournament tihtawp a ni hi a ho takzet a, sum tam tak chu a thlawnin a luangral a ni. Chuvangin an titawp dawn a nih chuan college tin senso hi MZU lam hian rul vek rawh se.

Olympics Opening Ceremony ah hian Mizo nu Vanessa Lalthantluangi Ralte  chuan Australian infiammite a hruai chhuak dawn a ni awm a, kan lo en thap dawn nia. A thlalak in duh leh ngei awm sia…

Wikipedia Olympics 2012 page

Official Site

Wikipedia page on India at the 2012 Olympics

Players lar deuh te:

Uruguay: Luis Suarez (Liverpool FC), Sebastian Coates (Liverpool FC)

Senegal: Magaye Gueye (Everton FC)

Brazil: Marcelo (Real Madrid), Rafael (Man Utd), Neymar (Santos FC)

Spain: Jordi Alba (Barcelona FC), Juan Mata (Chelsea FC)

 All times are in IST

He GAME HI KHEL ILA….A game hming chu’THE LAST MAN STANDING’tih a ni. A comment hnunung ber chu a WINNER a ni ang.
Tih dan tur : Comment hmasa bertu comment kha A rawn comment leh tu in sentence tawp na thumal hmang in a comment kha a tan ang. Example: “Enge i tih?”, tih ni ta se, a dawta comment tu chuan, ‘tih’ hmang khian a comment a tan ang. He ti ang hian,’Tih em em ka nei lo’ etc.etc..ti in..

Le tan ang u lem!