Tech trek trek – mi(sual).com

Computer enkawl dan

TheHumanBot — Mon, 18 Aug 2014 11:48:58 +0000

Lenna velah hian kan computer hi a muang lutuk, min han en sak teh tih hi ka tawng ve leh thin a. Windows ka hman pawh hian ka buai ve vak ngai lem lova. Expert ka ni hran lova mahse thil ho te kan tih theih te chu:

1) Duh duh leh a rem rem install loh a tha. A khat tawkin hmanloh leh mamawh loh hi ka paih thin.

2) Windows update on rawh, tin software dang I hman te pawh update reng rawh. Tukverh chhia pawh siam lawk loh chuan misual ten an hria a nga, an rawn hmang tangkai mai dawn a a ni. Thlawh pawh theih loh, uninhabited island ah i awm te a nih ngawt loh chuan. Internet i connect ngai lo anih pawh hmun dang atangin file chu i copy ve thin ngei ang. Radiowave chak tak hmang chuan rawi bei lo turah che ngai ta ila.

Software siam tu te hian a diklo lai hi an hmuh veleh update hi an siam reng. Kan software hman te kan update vat lo chuan, turverh kalh that theihloh a dah reng ang a ni. Corporate company te chuan an company network a computer te hi OS updated a ni em, Application, Antivirus update ani em tih hi software hmangin an check reng a ni.

3) Anti Virus hman a tha. Mahse update loh chuan awmzia a nei thui lo.

4) A khat tawkin CCleaner hi ka run thin.

5) A theih chinah Pirated Software hi install loh a tha. I install a nih pawh e nge i install kha chian a tha.

6) Linux Mint hi user friendly tawh tak a nia, thenkhat phei chuan Windows 7 replacement an ti. Hmang chin ve rawh.

7) Mizo te hian partition tam tak- C, D, E … siam kher tur emaw ka ti thin em aw! C: OS install nan leh D: Data atan a tawk viau.

Hei hi a hlui deu hlek tawh a, mahse a tha khawp mai. Chhiar ve rawh.

Securing Microsoft Windows (for Home and Small Business Users)
https://www.dwheeler.com/essays/securing-windows.html

TUNLAI TECHNOLOGY LEH THALAITE

Maloma Thadou — Tue, 08 Jul 2014 08:51:46 +0000

-T.D. Zalawmpuia

Media-in tunlai thalaite a nghawng danah hian a tha lam aiin a chhe lam zâwnga a nghawng dan chu a langsar zâwk mah a. Mi thenkhatin hriselna lamah hmasawn phah nan hmang bawk mahse mi tam tak nun chu a tihbuai phah zawk a, mihring nundan phunga nun kawngah an buai phah hle a ni. Media hian chak takin thalaite a dêng a, chutih laiin Kohhran hian an nun mamawh phuhrûk zo loin an inhria a. Kristian nundàn phung thlauh thlain nun dàn phung thara nun an duh a. Thil thar hlekah hlimna a awm ringin an bawh huam huam zêl mai a ni.

Tunlai thalaite hian nun kalpui dàn turah kohhran an duh khawp lo tih a lang a. Mahse mahni inenfiahna thûk tak nei si loin thil thar zuanin an tlân a ni ber. |halaite hian ngaihdàn fel tak an nei lo a, mita an hmuh leh benga an hriatte tih châkna an nei lian a. Chu chuan an nunah nghawng tam tak a nei a (Nuna nghawng nei nia inngai 61.33% Khawpui leh 61.6% khawpui pâwn, Synod Bu, 2010) (Nuna nghawng a neih sâng ber – zirna kawngah khawpui 71.23% leh khawpui pâwn 70.45%) (Inchei dànah hmeichhiate lêrh taka an incheina chhan hi TV a ni titu hi Aizawlah 89% zet an awm a, Aizawl pâwna mite 93.6% zetin chu chu an ngaihdàn a ni tho a ni. Synod Bu, 2010). Hnathawh dànah te, mipat hmeichhiatna lam thilah (84.93% khawpui leh 64% khawpui pâwn) te an châk zawng a piang an pan a, nun tlahawlhah an tlu lût mek a ni. Hêng thil pathumah Mobile phone, Television leh Computer te zîngah hian Mobile phone hmangtu an tam ber a. TV leh computer hi inhman tâwm theih a nih avangin a nei lote pawhin hman tur an hmu tho bawk. Hêng thil pathumte hian thalaite nunah nghawng tha nei bawk mahse nghawng tha lo a nei thûk hle a ni. Media-in a nghawng dan thenkhat han târ lang ila:

1. TV hi nitin darkar khat aia tam an en deuh vek a, mobile phone hi mi thenkhatin an hman tam hle laiin a nâwlpuia lâk chuan dârkar khat aia tam hmang chu TV en aiin an tlêm zawk.

2. Technology thar hian mi tam tak mut hun leh thawh hun a sawnsak dâwrh a. Hei hian zirna leh hnathawhnaah nghawng a nei a, chhûngkaw nun a tibuai bawk. Hrisêlna lam thlenga a nghawngte pawh an awm bawk. (Zân men rei phah nan ka hmang thin ti hi Aizawl-ah 57.06% zet an awm a. Synod Bu, 2010).
3.TV leh Computer neiten dahna hmun bîk an nei lo, a lût a chhuakin an hmuh theihna tûr sitting room-ah emaw an dah ber a. Theih chu ni se dahna hmun hran neih a tha hle. TV en hun bîk nei an awm mumal lo bawk. Nu leh pain TV en hun fel tak siam ni se. (Sitting room-a TV dah 219 (88.6%) an awmin an tam fâl hle a. Bedroom-a dah hi 9 (3.64%) an awm a, hmun dangah 19 (7.69%)-in an dah thung. Synod Bu, 2010).

4. Sawrkarin ‘The Cable Television Networks (Regulation) Act, 1995 hi a nih dan taka a hman loh avangin TV-ah thil tha lo en tur a tam phah hle. (Naupang zawhna chhanna atanga kan hmuh dan chuan chhangtu 160 (64%) te chuan a remchan hun hunah TV an en thin a, zinga en thin 53 (21.2%) an awm bawk, chhuna en thin 46 (19.6%) an awm bawk. Zana TV en thin 59 (23.6%) leh zan reia en thin 5 (2%) an awm a, a remchan hun huna en 160 an awm bawk. Synod Bu, 2010).

A chunga târ lan tâk atanga Kohhran leh ram leh hnam tana thil pawi tak lo thleng ta te chu:

1. Kohhran inkhâwm kan tlêm zêl laiin thalaite chuan tûnlai technology lamah hun an hmang tam zâwk daih a ni.

2. Tunlai media thang duang tak hian thalaite chu mipat hmeichhiat hman uarna lamah a hruai lût nasa hle. Tunah chuan Mobile phone hi chutianga indawrna hmanraw hman uar ber a ni.

3. TV en leh computer games khelh avangin naupang nunphung a danglam nasa hle a; zirna, nungchang leh hrisêlna lam thlengin an nunah a nghawng.

4. Mahni nih dan leh pianhmanga lungâwi lo an tam phah a, hnam dang pian nalh tak tak an hmuhin chutiang chu nih ve an châk a, mahni insitnaah a hruai lût bawk.

5. Media hian incheina kawngah nghawng a nei nasa hle a, mipa aiin hmeichhiate a nghawng nasa zâwk bawk.

Media leh technology lo thang zêl hmachhawn turin hma lâk theih dan tur kawng hrang hrang a awm thei a, chung te chu a tlangpui chauh han sawi zawr zawr ila:

1. Media-in nghawng a neih nasatna ber chu chhûngkaw nunah a ni. Chuvangin nu leh paten fate tân an hun pe tam thei sela. Nu leh pate inlaichînna tha neih a pawimawh a. Nu leh paten an fate nen hun tam thei ang ber hmang ho turin tan la sela. Chhûngkaw inkaihhruaina fel tak neih a tul.

2. Fanaute hi Lalpa laka kan rochan an nih ang ngeiin nu leh pain mahni fate enkawl uluk a ngai a. Kawng tha kawhhmuh thei turin nu leh pate pawh inzir a pawimawh khawp mai. Nu leh pa tam tak chuan kan fate hi kan en liam mai mai a, an kalna tur kawng dik pawh kan zawn sak ngai lo. Sual an tihin kan dodal bur a, eng hi nge tha eng hi nge tha lo tih zirtir leh hrilh hriat fo a pawimawh hle a, chumi atan chuan mahni pawh kan inzir fo a pawimawh a ni.

3. TV leh Computer-te hi hman loh theih loh a ni a. Nu leh pate hian TV en hun leh Computer Games khelh hun bituk se. An hun bituk chu zawm ngei turin an fate khuahkhirhin thunun tlat bawk se. Tunlaiah chuan ti lo tura inzirtir aiin a hmandan leh a hun hriat hi a pawimawh hle tawh a ni. Hunawl hnawhkhah nana kan hman thiam chuan thil tha tak a nih rualin englai pawha kan en a kan khelh chuan thil tha lo tak a thlen thin a ni.

Sawi tur tam tak la awm mahse, tuntum atan chuan duh tawk phawt ila, kan sawi tâk te hi a hmawr hmuhtu-ah hmang thiam ila, tunlai technology-in kan chhungkuaah enge nghawng a neih tih leh engti-anga hmalak zel tur nge tih ngaihtuahna thar min siam sak se, tichuan kan fate’n kawng dik an zawh theihna tur lo ni mawlh teh se. Tuna thalaite hi nakin lawk a ram leh hnam innghahna bulpui an la ni dawn si a.

IT Tutorial Mizoram (e-book apps) leh Mizo Kutchhuak Xolo A500S Custom ROM release a ni e.

The Real — Tue, 24 Jun 2014 03:30:57 +0000

I.T Tutorial Mizoram (e-book) leh Mizo Kutchhuak Xolo A500S Custom ROM release a ni e.
Hmanni lawkah Mizo Dictionary ati chhuak zo chiah a, hei tunah IT Tuitorial Mizoram (Android app) chu Zolianmawia Amah Pachuau chuan Android hmang te tan min rawn chhawpchhuah sak leh ta. He Application hi Tutorial chi hrang hrang dahna tura duan a ni a, Lehkhabu kan keu a, kan phek ang hian phek mai tur a ni. Mizo tawng a Offline-a (Internet ngailo) kan hman theih tura siam a ni. Tunah hian Tutorial 36 nos a awm tawh a ni.

A hmandan tlangpui:
Screen han khawih emaw Menu Key hmehin Option a lo lang ang a; Phek keu letna te, A bu chhunga thu awm te, Phek dawt leh keu na te, Chhinchhiahna te, Chhinchhiahsa enna te,More te a awm a, More ah hian Thu zawnna(search) te, Chhunah emaw zanah emaw hmuh ti nuam tu a tan tih danglamna te a awm a. Setting thlakna a awm leh a, he tah hian a hawrawp tihlenna te, tihtetna te, a thuziak kar hlat zawng te, Screen Stay trun on te, leh thuziak rawng chhun emaw zan a ni emaw a zira tih danglam theih in a awm a ni. Backround ah hian chhun leh zana kan hman duh tur ang chi Set theihin a awm bawk.
Tutorial te hi thawh ve duh ta forum lamah hian chipchiar takin in rawn thawh ve mai dawn nia Forum Link
Chhiar zawm duh tan leh download duh tan
Read More
Xolo A500s Custom Rom (Rixmodrom_V1) Jb 4.2.2
Hei ve thung hi chu Xolo A500S phone Hmang te tan chauh a siam ani a, kan phone in a chhawm OS a kha kan duh khawp lo emaw, performance tha zawk kan duh anih chuan he ROM hi Flash mai tur ani e. Amaherawhchu i phone i brick emaw i tih chhiat phah a nih chuan mawh kan phur lo ang. He ROM hi Arix Khalthang siam ani a, hriat belh duh leh a hman dan hre duh tan a hnuaia link ah hian luh mai tur ani e.
rixmodrom-v1
Kan Facebook Group: Facebook Group

Gadget leh tih dan hlui hrilhfiahna, hre pha ve lote tan

James Bond — Mon, 23 Jun 2014 08:53:02 +0000

May 2012:

IT (Income Tax lo zawk) lamah hian in kal chak vut vut hlawm lutuk a, ka umpha lo che u a ni. Mahse tunlai IT lama advance ho hian kan hun laia thil hman hrang hrang an lo hriat ve loh takin he dictionary hi ka han post ringwt mai ani. Lo chhunzawm in thiam khawp ang.

1. Analogue telephone

1876 kuma Alexander Graham Bell hmuhchhuah analogue (digital ni lo) telephone spring hmanga dial ngai. Bial pakua (1 atanga 0) a awm a. Kut zungtangin emaw, pen/pencil emaw hmangin a mal malin an dial ang a, hun a ngai rei duh viau. Emergency number 911 (India ramah chuan 999, 100 emaw 101) an hman nachhan pawh number 1 anga dial palh har nan atirah 9 an dah a, a dang pahnih chu awlsam tea dial theih 11 an hmang.

2. Betamax

VHS format an hman hma, Sony in 1975 a an siam. A daih rei lo

3. Cassette tape recorder

Magnetic tape hmanga ri (sound) record leh playback theihna. Tunlai chuan Blu-ray disc leh Blu-spec CD kan hmang tawh.

4. Cyclostyle machine

Photocopying machine an hman hma, kum 1890 a British mi David Gestetner hmuh chhuah, stencil paper hmangin typewriter ah an type anga, chu chu black fluid hmangin cyclostyle machine ah an bat a, copy an siam thin. Pic/image a copy theih loh.

5. Calculator watch

1980s chhunga an hman lar, digital calculator leh digital watch. Tunah chuan mobile phone ah a awm vek .
6. Dial up modem

Cable internet leh DSL awm hmaa hman thin.

7. Floppy disc

A tir chuan 8” floppy disc, 256 byte khawl thei, a hnu ah 3.5” floppy disc, 14 Mb khawl thei an hmang. Desktop ah chauh a hman theih tlangpui.
8. Gramophone/Phonograp

Vynil hmanga siam disc hmanga sound playback theihn. Model hlui chu spring hmanga play theih (battery/electric ngai lo) anni. (see “Turntable” below)

9. Laser disc player

DVD awm hma lawka an hman zuai, Lei sual an tam mai.
10. Portable player/TV

Sony Walkman leh Sony Watchman hmangin tunlaia Ipad ang tluk, an hmang rei fu.

11. Pager

1970s atanga 1990s thleng an hman, pager hi TV ah doctor tan hn hman thin in hmu ang. Mobile server awm hma, awm lohna ah a tangkai. Mahse inbiak theihna ani lo.
12. Post office

Tun hma chuan lehkhathawn an ziak a, envelope ah postage stamp an bel ang a, Post Office kal tlangin an thawn thin. Kum 2005 hnua lehkhathawn la ziak miah lo ka hre nual. Tunlai chuan “love letter” pawh sms emaw facebook emaw hmangin an thawn thin an ti.

13. Slide projector

:Digital projector awm hma chuan still picture frame he khawl hnag hian a en theih. Sound a awm lo.

14. STD (Subscriber Trunk Dialling)

Telephone exchange hmanga hmuh hla a mite biak dan. Sexually Transmited Disease nen a inang lo.

15. Telegraph/Telex

Internet hman lar hma chuan telephaph emaw telex hmanga word ren taka thu inthawn ani thin. Morse code hman lai nen an nirual thuak.
16. Typewriter

Electric emaw battery emaw hmang miah lova type theihna. Tunah chuan hmuh tur a vang tawh viau

Le, han thawh ve rawh ule.

Eng-Mizo leh Mizo-Eng Dictionary Android Apps

The Real — Mon, 09 Jun 2014 03:30:14 +0000

Mizo dictionary hmasa ber (Reference: English-Mizo JF) siam tu Zolianmawia Pachuau kutchhuak tho Mizo-English dictionary hmasa ber chu android OS hmang te tan a hman theih turin tlangzarh ani leh ta e. A duh apiang te tan Play store atangin a download theih ang. He app hi Mizo dictionary lar tak F. Ropianga Dictionary, L.V. Zahnuna, BA-in a revised behchhana siam niin, a thu siam that ngai lai te belh siam that zeuh zeuh a ni. Eng-Mizo Dictionary nen khan a hman dan a in ang chiah a, tin install kawp theih a ni bawk. Mizo developers te hian fak an phu a, engmah profit nei loin i tana tangkai tak si kha an lo tlaivar pui thak thak a ni. He apps hi version hmasa ber ani a, bugs pawh a awm nual in kan ring, in feedback kan mamawh e.

Hriattur pawimawh:
Vawi khat run-naah khan word zawng2 a load kim thei lo ang a, “a” kha search box-ah khan i type ang a, “b” te i type leh țhin ang a. Alphabet dang pawh i tikual zel ang a, a lo awm kim mai ang.

A hnuaia hi download link chu a awm e.

English to Mizo: Click Here
Mizo to English: Click Here

Hei bakah hian MizoAndroid.org hian awlsam taka he web content te i chhiar theih nan official apps a nei bawk a, lo download ve nghal dawn nia.
MizoAndroid.org : Click Here

Kan official Facebook group pawh hi kan pholang tel a nge: https://www.facebook.com/groups/Androidmizo

Motor mechanic-te la ngei tur, motor neitu tan erawh lawmawm!

Henry Vangchhia — Sat, 21 Dec 2013 07:10:58 +0000

Motor kan han nei ve a, a upa ve dawn ṭan tihah “check engine” light a rawn eng phat mai hi chuan ngaihtuahna a tibuai ve thei ṭhin viau mai. Motor khawl engemaw ber fuh lo siamṭhat ngai a awm tih chu a chiang reng mai. Workshop lam han panpui ila, tunlai chhuak motor phei chu khawl hmang lovin han endik mai a harsa em em mai lehnghal si a. Chutah chuan mechanic-te khan endik manah ngawt pawh tam tak tak min chawi tir thei a, thlak ngai chauh an thlak em tih lah mi tam zawkin kan hre awm bawk si hek lo.

Chutiang a mechanic-te thuhnuai a awm lova, keimahniin kan chawi zat tur awm ang leh englai chiah nge felhlel emaw chhia emaw kan hriat theihna atan Tim Kelly hote chuan an company, Zobie an tih aṭang chuan khawl tetakte mai an duang chhuak ta a ni. He nawalh bawm tiat lek thil ṭha tak mai hi an mahni company subscriber-te tan an pe chhuak phawt dawn a nih hmel. Mizoram tan hian engtin emaw neih theih dante awm sela ka ti hle mai.

Khawl tetakte chu dashboard hnuaiah dah tur niin, smartphone hmang a khawih vel tur a ni a, Mizo ten ‘simple English’ kan tih ‘plain English’ in enge chhia, englai nge enfiah ngai emaw, thlak ngai emaw a rawn sawi bakah, senso zat tur vel thlengin a sawi thei dawn a ni (senso zat hi chu US chauh a nih duh hmel…ka rinthu!)

“With cars, there’s still been a great level of opacity, or lack of transparency. It’s still a black box to most of us. We can tell you not only the code that came up, but what it means in plain English,” tiin an vice president leh product management a mi Navin Ganeshan chuan a sawi a ni.

Chhiar belh duh tan:
https://www.wtop.com/256/3528149/Taking-mystery-anxiety-out-of-check-engine-light

Mizo Dictionary Software?

Vanlalruata Hnamte — Tue, 02 Apr 2013 03:19:48 +0000

Mizo -> English, English -> Mizo dictionary software siam ka tum deuh a, mahse ka siam ang nge siam lo ang tih chu ka la sawi thei rih lo. Thumal chauh ni lo in a lem(image) nen lam a en theih tur in siam ka tum deuh a, tin Mobile phone, Tablet, PC, etc atang te pawh a en / hman theih tur in siam ka tum nghe nghe. Amah erawh chu, software siam ngawr² a chu thil harsa ni miah lo mahse, thumal ziah khawm (Data Entry) ber a hi huphurh awm ber lai a ni a. Mi tlawmngai te leh hun awl apiang a thumal ziah luh a min pui tu tur ka mamawh dawn a, i.e.: Team Work is the most important……Chutianga a min pui thei mi 50 vel tal an awm chuan ka siam ngei ang….

Concept Tlem in han thlir zau i la….(Only Point Wise)

Sample Picture hi a entir na mai mai tur a ni rih e….

Online a Mizo, English, Image (if any) chu submit tur a ni ang
Log-in ID & Password I nei ang a, chu mi hmang chuan I upload angai ang.
Credit / Contributors list ah I hming leh I duh (email, mobile, etc) dang te (I phal chin chin) ziah lan a ni ang.
He software hi FREE / 100% FREE tur a ni ang….
PC (XP & above a support tur in), android phone, (if not android phone) java enabled phone, tablet, etc te tan design a ni ang…..

Feature tha i tih leh duh te, sawi ho theih ti bawk ila….

Well, he software hi siam ta ila, kan tangkai pui ang em? Min pui ang em (data entry)? Comment ah chhang ang aw !!

Help!!!

sisen — Fri, 29 Mar 2013 15:14:14 +0000

Computer atanga in (house) awlsam taka design-na tur software a awm em? A awm chuan khawngaihin min hrilh teh u

Web Hosting – FREE

Vanlalruata Hnamte — Sun, 17 Mar 2013 05:01:09 +0000

Tunlai chu misual.com ah hian thu thar leh mak sak a vang em mai….

Disclaimer: Advertisement ah min lo lak sak lo hram teh u…..

Web Hosting leh Domain Reseller hi kum tam tak ka lo buaipui ve tawh a, software develop mai piah lam ah web designing te pawh ka ti nual tawh bawk a, tichuan misual.com ah hian hunawl neih leh zir duh tan challenge ka rawn hawng teh ang…

I web Site emaw, (i la neih loh pawh in, I duh chuan), ka host sak dawn chu u a ni. Mahse a hnuai a Term and Condition ho hi chhiar chhuak ve phawt ang che:

6 Months FREE premium hosting.
Free domain name (.me, .de, .ir, .ca, .at, .co) if you don’t have. You will have to register it yourself (FREE)
We will terminate your hosting account if you host:- porn, hateful content, copyrighted material, criminal content, malware script, etc
You can host for your Personal, Blog, News, Hobby, Obviously even for Educational Purpose.
You will need to comment here and email me your domain name.

Domain registration link I duh chuan message in min rawn zawt dawn nia.

(W)

Private Company ka din ve e

Sandman — Tue, 12 Feb 2013 09:06:53 +0000

Thenkhat chuan rawn in advertise na min ti maithei, nih pawh a ni ve tho. Mahse hei bak hi chu ka rawn sawi leh tawh lovang.

Kum 5 dawn lai, India rama digital advertising agency tha ber (2008, 2009 leh 2011 ah pakhatna, 2010 ah erawh pathumna, 2012 rank list chu a rawn la chhuaklo) a ka thawh hnu hian, ka thiante nen experience kan nei tha tawk tawh tiin company thar kan din ve ta a ni. Advertising lamah chuan tui hle mah i la, a aia tuina zawk kan nei a, chu chu Gaming lam hi a ni. Chuvangin mobile internet gaming company kan din ta a.

Kan company hming chu FITH Media Pvt Ltd a nia, FITH lampum chu “Fire In The Hole” a nia, Counterstrike khel ho chuan a awmzia in hria ang. Heihi kan website chu a ni e – fithmedia.com

Profile kan target ho chu Indians ho an nia, platform kan target chu Android a ni bawka, chuan kan game ho chu Indian-centric vek an ni ang. Hetiang lam games hi a la awmlo bawka, kan tih duh nachhan chu market a tha dawn hle a, tuna la ṭhang lai mek chauh a nia, kum 2013 hian Indian mobile internet users chu mi 100 million an cross dawn ti a predict a nih avangin a tir atanga lo luh kan duh a ni.

Kan game hmasa ber chu Android Market (Google Play) ah kan launch der tawh a, Android device in neih chuan min lo download sak ve dawn nia. Chuan ratings pawh 5 star min pek sak theih chuan kan lawm hle ang

Kan game hming chu “Nikal Padi” a nia, hindi in “ek chhuak” tih lampang sawina a ni. Download na link chu hetah hian click u la, emaw in phone atanga in download duh chuan Google Play ah “Nikal Padi” ti in in lo search dawn nia.

Pathian zarah kan company hi a hlawhtling chuan ka rilru a awm reng chu Mizoram a tleirawl tamtak graphics leh animation thiam lutuk, mahse hna opportunity neilo te emaw Vai hnuaia thawk duhlo te tan scope a awm tha dawn hle tih a ni. Tunah erawh chuan mi 10 lek kan la ni hrih a, Angel Investors te atangin funding tlem kan hmu tawh bawk a ni. Kan games ho a hlawhtlin dan a zirin kan company pawh thang ve zel kan tum e.

Chu chu kan rawn puang ve duh lawk a ni e.