Central Agricultural University hnuai a ni bawk a, a lo ropui ngei mai. A campus a nuam in buiding vel pawh ropui tak tak anni hlawm a, an changtlung in zirna pawh a tha hle ang tih a hriat theih a ni. A hmunhma a nuam in an lo ropui hle ma. hetiang hun ka hmang thei hi ka lawm tak zet a ni.

Thlalak thenkhat te:

Library a ni.

Trainees

Trainees with faculties

A hnunga building hi Surgery dept. building  ani.

Vawk hernia zai lai a ni.

Auditarium a ni

Scenary pawh a mawi e

Distribution of Certificates

Training tur hian  mi 14 koh kanni a, pahnih an thei lova, pakhat erawh chuan a aiah midang a rawn kal tir a, tichuan mi 13 kanni ta a ni.

Fur a ni chho bawk a, fur lai chuan hetiang hi hmuh tur a tam khawp mai.

Buh hmun pawh a mawi tan ta khawp mai. Kawngpui kam a lo nei chu an hahdam bik ngei ang.

Hetiang hi beng hawlh nan a nuam ru ra… hahaha…

Mengrum teh mai a nia. hahaha

Hauuuu. van hlau tak em em…

A season a in tan leh ta…

Mu-koh, Myanmar lam atanga rawn lak thlak. Kuttum tiat lek hi a puitling size. House pet dik tak…

Zin kawng a chawfun hi nuam kan ti ta tlat mai. Zin chhuah hma in, zanah chawhmeh kan siam lawk vek a, chu chu tiffin a paiin, kawngsirah, duhna hmun hmunah kan ei ta mai. Hotel a plate khat Rs 80/- a ei ai chuan, on the road picnic ni mai a. Mahse mahni motor ken loh chuan a buaithlak deuh.

Bonus: Bonus tel lo chuan ka lai deuh ta trut mai. hahahaha…

Hmanah Lung nupa,Bualpui khawdai(Silchar Road) a mi hi ka post tawh a,a tum hnih nan thlalak pahnih kan post leh e.

A hmun hi han chawlh mai a remin a thawveng a,khawhawi a nuam vei fu a sin.
(Click pic for larger resolution)

By B. Zosangliana, Tahan

Tahan khawpui atanga KM 20 vel hlaa khaw nuam tak, Tuingo, ‘B†Group-a awm Pu Zunglianvela chuan Satel mak tak mai a kawl a, ni tin mi thahnem takin an en thin. Lei tuma ente, thil mak a nih avanga ente, chanchinbua chhuah atana ente an ni nuk a, Pastor leh evangelist-te pawh an tel nual.

He Satel hi nunna nei Satel chu a ni lo na a, a kal sawn thei a, thlai, buh leh rannung a ei thei a ni. Satel pangngai ang chiahin a tial a, a dulah pawh a mawng leh a ke ni awma lang zia a nei.

Kum sarih kal ta khan; Kan Gyi khuaa U Htun Aung-aâ€n he lung Satel hi Bungchaung (Sakhangyi) luiah a chhar a, a danglam em avangin mak a ti a, a hawn ta a. Pu Zunglianvela hi Kan Gyi-ah in sain a inhlawh thin a, thil man to tak nia a hriat avangin Pu Vela chuan a hmuh veleh Ks. 5000/-a lei a dil a; mahse, an phal lo va. A ai sang deuhva lei te pawh a dil zel a, an phal chuang lo va. A dawnna man a tihsan deuh takah chuan 2012 February ni 23 khan Ks.100,000/-in a leisak ta a, a lei lai hian a chhartu hi a boral tawh nghe nghe.

He lung Satel hi buk 7.5 vela rit a ni a, a phêk hlai lai bera tehin inch 11 a ni a, a sânna lai ber pawh inch 5.5 a ni. A thang chak ve hle a, an chhar hlim aiin a lian zawk fe tawh a ni. Nunna nei angin a chêt sawn theih leh theih loh a neitupa hian a chhin a, tui inch 2 vela chhah dahna bêl darah a dah a, a hmalam leh a sir lamah inch 1.5 zetin a tawlh sawn a, sangha an dah chu a mei leh a rilte a lo ei a, kuangkuah hnah an dah pawh hîp betin a lo ei thin a ni tih a hmuna enfiah; Zo Rûn palaite chu Pu Vela hian a lo hrilh a ni. Lung Satel hi a e ve thin a, a êk chu a rimchhe hle a, a khât tâwkin tui an thlâksak reng thu a sawi bawk. Chengkawl pawh bêl chhungah chuan a dah a, nung reng siin a che sawn thei reng reng lo.

A mak leh em emna pakhat chu; ni saa an dah pawhin tuia dah ang maiin a vawt thlur reng a ni. A tiapui lung chu hetiang hian a rit thei lo tih chu mi pangngai tan chuan hai rual a ni lo. Pu Vela sawi dan chuan he lung Satel hian hlutna riau a nei a, diamond emaw, rangkachak emaw a tichhuak (ei chhuak) theia ngaih a ni. Lung lam chinchang hria mi eng emaw zatin an en tawh a, Mandalay-ah keng thlain Kachin-a mi hausa pakhat pawhin a ensak tawh a, cheng nuai 5000-a lei a duh na a, an state-ah buaina a chhuah avangin a leisak thei ta lo niin a sawi. Tahan-a pa pakhat pawhin nuai 200-a lei a dil a; mahse, a phal rih lo niin a insawi bawk. Chhiar chhunzawm duh tan — www.zoin.info/

International Dark-Sky Association chuan English Channel a thliarkar pakhat, “Sark” chu “Dark Sky Island” hmasaber a ni tih an puang. An puanna chhan hian awmzia a nei viau mai lehnghal.

Vanah khian arsi billion tam lutuk an awm tih kan hre á¹­heuh ang a, amaherawh chu, in leh khawtual eng a nasat (light pollution) vangin tlemte chauh kan hmu thei á¹­hin a ni.

Mihring te’n zanah/thimah engmah kan hmuh theihloh avangin êng (light) kan mamawh a, mahse, International Dark-Sky Association chuan chho zawng a êng pelo deuh chi chhi hram hram turin fuihna a tichhuak á¹­hin. Hetiang chho zawng a êng pechhuak chi hi UK ah leh US ah hian a nasa zual em em mai a, chutiang vang chuan 2/3 US mite hian Thlasik kawng (milky way) pawh an hmuve thei ngailo rêng a ni. Chutiang chuan US mipui 99% te chu mithiam ten “Light polluted” an tih hmunah an khawsa an ti.

Chutih karah chuan Arizona state a Flagstaff khua chu kum 2001 khan khua hrim hrim a dark sky certified hmasaber alo ni tawh a. Hetiang deuh hian van arsi-te leh thla êng mawina thlir duh vangin street light dah duhlo khua an awm nawk mai bawk a.

Tichuan, tunah English Channel a thliarkar tetakte chuan an hnung a zui veleh ta a ni. He thliarkar, “Sark” hi England aá¹­angin mel 80 bawr vel a awm a ni a. Sark thliarkar hian England lal hnenah Lalnu Elizabeth 1 an pek á¹­an ata tawh tun thleng chhiah anla pe reng a. An chhiah pêk zat pawh tun hma kum 400 liamta ami ang zat, $2 ala ni fan!

Sark thliarkarah hian street light a awm miah lova, motor tlantir khap tlat anih bakah, modified feudalism hmanga rorel ala ni a. Tunah chuan Mr.Bowman chu an hotu niin, hmanlai ang deuhin, mi tupawhin tuipui kamah emaw thil chhar sela, Mr.Bowman hnenah thu an thlen hmasaber anga, aman a duh loh chuan a chhartu emaw khan a nei thei chauh anih chu.

La Coupée, lei rêk (isthmus)Sark leh Little Sark inzawm tirtu:

An thliarkarah hian mi 600 an khawsa mek a, ram neitu mi 40 te chu chawplehchilh (automatic) in member of parliament anni nghal bawk. Thliarkar mawi leh enkawl thinghlim tak mai anihna leh, hetiang a zan thengthaw nuam tak mai kar a arsi leh thlaêng mawi takte thlir theihna hmun hi tlawh ve theih a chakawm ngawt nia!

Motor luh lohna á¹­heuh á¹­heuh:

Chhiar belh duh tan:
https://www.guardian.co.uk/uk/2011/jan/31/sark-first-dark-sky-island

Chu mai pawh ani lo. Mizoram politics leh social lam boruak a nuam. Tun hma aiin tleirawl ten drug an vei  vak vak tawh lo (la ti chu awm mahse) ; zu in duh ten in tur hmu reng mahse rui buai hnuh tur an vang. Hleprukna scandal thar a awm lem si lo. Politics lama innghirnghona boruak a lang lo.  Euro 2012 lai ani bawk a, thalai an hlim hlawm viau.  Sorkar hna lak pawh faih lo hlir ani tawh lo. Fair taka lak an awm ve nual tawh. Eiruk a nalh tawh lo. Tlemin an zak deuh tawh.

Nu leh pate’n an fate rei tak tak an chhuahsan tawh lo va. Khawhar ina hun hman pawh tawk chin an hre tan.  Fur lai ani a, tui tla hlum leh Rangvamual lama motor tlan liam erawh chu an tam viau.  Vaivakawn junction a mimal ram pe anga an sawi kha a zim viau. Square metre 5 vel chauh ani. Cheng nuaih 70 laiin an hrelh ani awm e. A thlawna pe anni awzawng lo.Mahse kawng kawina lai tak ani a, a tangkai viau ang, an hman thiam chuan.

In sak thar hmuh tur a a tam lo. Fur lai anih vang pawh ani ang.  University kawng pawh a ziaawm. An phun tlem deuh. Cheng viabelchhe 10 man laia siam that tur an ti.  A nghahhlelhawm.

Hei hi ka hnuh dan chu ani mai. Picture dah dan ka thiam ve si lo. Ka lawm e.

 (Aizawl Police Station a room pakhat a lo lang a, chutah chuan Police Officer Uniform famkim a inthuam leh Chhuaklinga chu in hma tawnin an thu a. Police chuan penin paper-ah thil a ziak mawlh mawlh a. Chhuaklinga chu zan lamah a mu tlem tih hriat takin a meng sen ram a)

Officer:                 I Hming

Chhuaklinga:      Chhuaklinga

Officer:                 Pa hming

Chhuaklinga:      Chh………

Officer:                 Pawl engzat ngei nih?

Chhuaklinga:      …………….

Officer:                Handyman maw i nih a?

Chhuaklinga:      Aw, ni e.

Officer:                Vairengte kudam atang chuan in motor MZ-… chuan buhfai chu in phur chhuak ngei a maw?

Chhuaklinga:      Aw.

Officer:                Quintal engzat nge?

Chhuaklinga:      Ka……

Officer:                Khawi hmunah nge in un-load?

Chhuaklinga:      Zemabawk Puspak-ah.

Kum sawm chuang zen zawn a liam ta, BA final year result nghak lai ka ni a. Kan awmna khua chu Mizoram a khaw lian ve pawl tak nimahse kan khawpui nun hrim hrim chu a la thingtlang ve hle mai a. Thal laia kan ti ti duh zawng pawh “Hrangmana te thingai lak chu Hlai, Thil leh Fah thing hlir a ni a, a tha hlawm khawp mai” tih te, “Hydel kawng tur an lai a, chu lamah chuan thingai lak tur a tha hlawm ngang mai” tih te a ni mai a. Tlem a ti ti changkang deuh ho chuan Rx-100 bike mawi zia leh kan khaw SDO fapain a neih thar thu te, Aizawlah chuan Splendor bike nei an awm tawh thu te leh kan khua a Roman Catholic Father bike Kbx(an ti a maw ni ta) chu a khan a hniam a, tleirawl tan pawh khalh a har hmel loh thu te, PWD JE (a hming ka hre ta lo) Bullet chu pa an tih zia thu te leh U sawmpuia Rajdoot-in petrol a heh zia thu te a ni deuh ber a. Khang hunlai kha chuan TMB te pawh hi tlema changkang leh thil hre deuh te kha chuan ‘TRUCK†tiin an lo ko ve tawh reng a. Chutiang dinhmuna ding kan nih avang chuan keini tan chuan kan feh leh kan ram kal hawng MST leh TMB driver fel deuh teâ€n min han phur haw thin te kha a hluin a lawmawm thin em em a ni.

A ni reng a ni, High School kan kal lai atang tawhin kha tih hun lai kha chuan, a bik takin  thlasik chawlh a lo thlen tawh hi chuan keini thian ho hi chuan, thingai la a ram riah kha kan thil tum ber leh chhungte kan tanpui ve na ber a ni a. Thingai la a ram riak tur tih takah Chempui, Hreipui, Ara lian mahni thiam ang tawkin kan han tat hriam a. Kan chhungteâ€n Dal Kg khat leh Lifeboy (sahbawnsen) dawrte a mi an va la ba thak mai a, Dal chu hmun hnihah an han then a, a tam lam deuh zawk ramriah bagah an han khung a. Lifeboy(sahbawnsen) chu a lai takah an han bung leh hmawk mai a,LIFE lam inah an han dah tha a, a BOY lam kan han pai chhuak ngei mai bawk a. Dawr kawna Pitari dawrah vaihlo zial(mizo zial) thingai hralh hun a rulh turin cheng nga man kan han ba bawk a. Ramriah puan nen thingai lakna thuam famkim sinin, Lothazawl kawngah ‘Ka thai mampui†tih hla kha kan sa thla liah liah tawh mai thin a ni.

Awle, kan thupuiah lut tawh ang. Khitiang a hun leh ni te ka lo chhiar ve mai mai lai khian, tlaikhat ka leng haw chu ka pu(ka nu nuta), kum li nga vel kal ta a Aizawl a pem ta chu kan inah chuan a lo thu ran mai a. Ka chawlh lai a ni tih a hriat thu te, Loan a TMB (truck) a lak thu te, a theih hram chuan a motor chu enkawl pui tur a min duh thu chu a sawi tlang nghal vek a. Kei thingtlang tlangval motor chuan nuam ti em em tan chuan thil chakawm tawp hi a ni ri ngawt (class-ix kan nih laiin kanutei te handyman a tan ka ngen tawh ). “Aw… teh reng mai” ti a han chhan nghal mai hi ka duh a, mahse “Ka nu thu thu a ni mai” tiin ka chhang thei ta hram a. Ka nu pawh chu a hmain a lo kawm fel vek tawh ni hmiang, keiman ka peih phawt chuan rem a tih thu chu a sawi ve mai bawk a. Tichuan, a tuk tukthuan eikham chuan ka pu maruti 800 var chuan Aizawl lam pan chuan kan inphur chhuak ta a. Car-ah te phei chuan thian kawm fuh deuh tuma taxi a inchhung dung chen awrh kan chuang thin tih loh la chuang tha thum lo ka ni bawk a. Aizawl thleng mai car a kan chuang bik tur ka ngaihtuah chuan ka phurin ka thiante motor chuang khat ve tak tak Lalsena te, Chhuanawma te, Lungmuana te, Lalhuala te, Lallana te leh adt ho chuan ve nan ka it hle mai bawk a. Ka puin, “Mama theihtawp kan chhuah ang a, tuna tang a kum sawmah chuan car var hi chu i la nei ve dawn khawp, lehkha thiam hi chu a tha a, sorkar hna thawh kher tum hi a tha ber lo, thianghlim taka hausak duh chuan private bussiness hi a fuh ber, sorkar hnathawk eizawna dang nei chuang si lo, hausa hi chu thil nithei a ni lo bur mai” a tih te chuan mi hneh hle mai bawk a. BA final result nghak ka ni tih hi ka theihnghilh mai pawh ni lovin ka hre tawh lo hrim hrim a ni ber mai. Ka tum ber chu TMB handyman nih a, kum khat hnuah chuan TMB driver, kum sawm hnuah chuan private car var nei pha chin,  hmalam hun hi a eng hliah hliah a ni ber e.

Ka hnathawh tur ber chu handyman cum owner a ni ber mai a, ka vawikhat zin chhuahna a Silchar-a sawhthing kan zu dah, kan unload thei lawk si lo, thosi tam zia te tak kha aw..  Thla hnih dawn lai Handy man hna chu ka thawk ta a, nuam pawh ka ti khawp mai. Vawi khat Champhai kan kalin tumin vanduaithlak takin a khalhtupa a inhliam hlauh mai a, a aiah a thianpa night bus driver a kal tir a, Aizawl lam kan pan thla leh ta a. Aizawl kan thlen hnu chuan Sairang road-ah load kan va chang dun ta a, hetah chiah hian a ni he ka thawnthu pawh ziah tur a lo awm phahna chu. Ka partner thar nen chuan kan la in nel vak lo hle a, a chanchin ka hriat chu a hming leh night bus a khalh thin tih zawng a ni mai. A ni pawhin ka chanchin a hriat chu he motor handyman leh neitute nau ka ni tih chu a ni mai. Driver ho chuan an thil tawn mak tak tak leh fiamthu te thawh a an nuih ho dar dar lai chuan, kan motor lam pan chuan tlangval rawlthar pakhat hi a lokal a. Vairengteah buhfai kan phurh hman leh hman loh thu min rawn zawt a, keini load chang na na na chuan kan hman thuin kan lo chhang a, a ni chuan nakinah min hmangtu turte chu an lokal tur thu leh longhak turin min hrilh a, a kal leh ta a. Chutia long run-na tur hmu ta chu PCO hnai ber atangin in lam ka va hrilh a, kar lovah ka pu chuan kan road ration tur Rs. 250/- min rawn pe a, kan daih loh chuan min hmangtute dil mai turin min hrilh a, min hawnsan leh ta a.

Fehrehsan chho zet zawtah chuan min hmangtu turte pawh an lo thleng ta a, pahnih an ni a, an pian hmang chu a inpersan hle mai, a thu deuh zawk(ti mai ila) chu cher hang deuh tak a ni a, pakhat zawk erawh chu thau ngo lam lek lek hi a ni thung a. Kan kal lam chuan mizia kan la in hre lo tlang bawk a, kan tawng tlem khawp mai. Motor ruak a kal kan ni bawk a, Vairengte chu zan tir lamah kan thleng a. Min hmangtute chuan buhfai chu kudam a mi phurh tur a nih thu leh kan tih tur chu min koh hun a zu dawh tawp a ni mai tih min hrih a, ngaihtha tak chuan kan mu ta a. Kawngpui dunga motor a riak mai kan nih avangin mut a tui lem lo hle a, zing dar riat velah thovin motor oil leh thil dang te kan enfel hnuin chawei turin hotel lam kan pan san ta a. Buhfai phurh tum motor a tam hle mai a, amaherawhchu fur tui tlak nat lai a nih avangin driver tam ber te chuan chhim lam load phurh chu leimin a nasat avangin an duh hlawm lova. Chawhma dar sawmpakhat velah chuan apa cher/a thu zawk chuan min rawn ko ta a, “Rawn back lut rawh u, a load theih ta e” a ti a. Load te kan lak fel hnu chuan chhun dar sawmpahnih pelh hret chuan Vairengte chu kan chhuahsan ta a.

Bilkhawthlir khaw tawntirh kan han thleng chho a, “helaiah hian kan chhungte buhfai pek an ngai” an ti a, bag li nga vel chu an hlang thla a, pe lovin an hralh a ni tih chu ka hre reng, mahse an buhfai a nia an duh leh an paih thei, ka lo buai ve na tur a awm lo, a phurh chiah kan hna a ni tlat. An buhfai hralh zo lo lawn leh chu an boruak a rawn dang chho ta khawp mai a, an tawng pawh a tuiin fiamthu te thawhin an  nui deuh sang reng tawh a. Hotel chawei nan pawh Gurkhali hotel-ah kel-sa an ti chho ham ham tawh mai a. Khaw tin deuhthawah buhfai an hralh chho reng bawk a, kal pawh a sawt lo hle mai a. An ni pawh chuan polite takin “Kan tikhawtlai nasa si che u a, hire man pawh Rs, 8000/- ni lovin Rs, 10000/- kan pe ang che u” an ti a, a tam lam chu pawi ti bik hek lo le “ni e” kan ti ve mai bawk a. Kawng lakah zan khat riakin a tuk tuk leh zan dar hnih velah Aizawl khawchhung kan lut ta a. Kanin hman tanna sairang road-ah khan midang pakhatin min lo changin, min hmangtute pahnih chu an chhuk ta a. Min lo hmuaktupa chuan Zemabawk Pushpak-ah min hruai pheiin, motor hman man te min pe a, chu lai hmunah chuan lo nghak a, zingah motor dang a an rawn thiar tur thu min hrilh a, chu lai hmunah chuan zan kan riak ta a.

A tuk khua a lovar a, dar sarih vel bawr atang chuan motortein an rawn thiar ta a, lo ngaihthat loh rukna ka neih tawh avangin mutia ho chu khawi hmunah nge an dah tih ka zawt ta a. An ni chuan zep nei hauh lovin min hrilh ve mai a. Kaâ€n ngaihtuah thin a, ka ngaih a that thei ngang loh avangin Zemabawkah pheiin PCO atangin ka pu hnenah thil awm dan zawng zawng ka va hrilh fai ta kelh a. A ni chuan “In in-unload zawh ve leh lo haw phei ula, kan ngaihtuah tha dawn nia” tiin min chhang a. A tuk chiah hi Sunday zing a ni a, hma takah thoin ka pu nen chuan buhfai leitute ho inah chuan kan va leng kual ta a, anni chuan hlauthawng lo tur leh a hma pawhin an lo lei fo thu tein min lo chhang mai a. <b>Ka pu erawh chuan kan motor number hmang lo hian eng ti kawng mahin sorkar kudam a mi buhfai an phurh chhuah theih loh thu leh, a challan ni sawm chhung a an rawn tifel lo a nih chuan thuneitute hnena a report tur thuin a vau a.</b> An ni chuan an lo hrih tur thu leh challan pawh an mahni hnen atang a lam mai turin min hrilh ve bawk a. Ngaihtha takin kan haw ta a.

Tlanna remchang apiang a tlanin, khaw hran hran fang kualin, bungraw chi hran hran phurin, a changin kawrte bulah riakin a changin hotelah, nun a zalenin a hahdam phian mai, nuam ka tih zawng tak a ni. Ni sawm chu a ral mai a, ka pu chuan challan chu a lo va lam a, an la tihfel loh thu hrilhin, ni thum hun pe leh turin an lo dil a, a ni chuan remtiin a rawn hawn san ve leh mai a. Nithum a liam leh ta, ni lina zing a va leng leh lo haw chuan “Mama, vawin chu Supply Directorate-ah kan kal  a ngai dawn a ni” a ti ta mai a, ngaituahna a kal thui duh ngei mai. Chumi ni dar sawmah chuan Director hnenah chuan thil awmdan engkim kan hrilh a, a bengverh zawng tak mai a lo ni a. A staff tu tute emawni ko khawmin kan awm lai la la chuan buhfai chu va man a, an kudam pawh kalh vek turin a tir ta nghal a. Kan tan chuan engmah hlauhthawn tawh tur a awm tawh loh thu leh, a tul a nih tak thut leh koh leh inhuam turin min chah a, kan inthen ta a, ngaihtha takin kan haw ta a.

Directorate a kan kal tlai lam hian Champhai lam load (maida) kan hmu hlauh mai a, Champhai lam panin kan tlai chhuah ta a. Kawng lakah riak chhoin a tuk chawhmaah Champhai kan theng a. Foreing bungrua phurh tur a awm dawn a vangin a zan chu kan riak ta a. A tuk khua a lo var a tlai lama in-load tur kan nih avangin kan leng khawthawng vel mai mai a. Mahse, in-load a hun meuh chuan Aizawl lam atanga lo thleng thar kan thiante chuan “I puin, a rangthei ang berin lo haw thla rawh u, Police-in in buhfai phurh chungchangah khan man che u tumin an rawn zawng che u, a ti” an rawn ti ta mai, rilru a buai ve map  mai le. Laklawh pawh sawi lovin Aizawl lam pan chuan kan tlai chhuah leh ta vau vau mai a. A tuk dar sawm velah chuan ka pu nen, driver nen Police Station-ah chuan kan thu ran tawh a, buhfai trip khat bo case-ah police-in min ko a nia le(h), ngaihtuah a thuiin a tawi tuk lawi si, nuam lo ve tak chu a ni. Buhfai lei chhawngtute khan an buhfai supply hovin an va man tak si-ah khan an thinrimin Police hnenah FIR an tia maw ni theh lutin kan motor number tarlangin, ‘hemi motor Driver leh Handyman hnen atang hian buhfai kan lei a, phurh ruk a lo ni a†tih hawi zawng deuhin a ni awm e. Hemi tum hian a ni a tir a mi khi min zawh tak ni.

Kan hma a thu Police hmel ngainatawm tehchiam lo, arsi pahnih bel, pistol paiin ‘Tunah chuan he thil sual tihna a mawhphurtu tak hi man chhuah a nih si loh chuan, a mawhphurtu chu nangmahni Driver leh handyman te hi in ni a. Chuvangin he thil tisualtu a in puh te hi in zawn chhuah ngei a ngai a ni. Keini chuan an hmel leh pian hmang kan hre ve lova, karkhat chhung hun ka pe ang che u ang a, chu mi chhung chuan in zawn chhuah ngei a ngai dawn a ni, in zawng chhuak hman lo a nih chuan he case hi in awrh a ngai dawn a ni†ti a min han thlah mai kha chu aw. Aizawl khaw chhung heti zozai mipui karah kan hriat than pawh nilo, ni hnih emaw vel innel lutuk lo, an hming pawh a phel chauh, an mahni leh mahni inkohna mai bak kan hriat loh han zawn hmuh huphurh awm zia kha.

Chuti chuan Detective Jail tan hlau tak mai pahnihte chuan Aizawl khawpuiah chuan hnu chhui hna chu kan tan chu a ni chho chawp chilh ta mai a. Experince kan la nei lo dun bawk nen rilru hah nen kan va han chhui sawt lo ber mai, kan vak chau ve em em nitin ringawt mai a ni. Hemi tuma ka thil hriat chhuah thar/chian em em mai chu ‘Aizawl hi a lo va han zauin mihring hi an lova tam em!’ tih leh ‘Queens Ice creem hi thil tui tak a ni’ tih hi a ni deuh ber mai. Inrinni tlai a ni a, tlai dang ang bawkin khawthim dawn hnaihah chuan phur fahran lovin ka pute in lam chu kan pan leh ta hnak hnak a. Ngawiteh, ka mitvai em ni? Ka hmu tlat mai le..! A thau zawk(a thu lo zawk kha) . Kan zui ru ta, min hmuh kan hlau si, kan hloh/bo kan hlau si, a va hahthlakin a va thawventhlak lawi si tak em. Kawi nga zet kan zui hnu chuan in pakhatah, a hnuai zawkah a lut ta, an in ani ang em? A leng kawi zawk mai mai em ni? Rinhlelhna nen rinna nen zan dar riat pelh thleng rawk mai a lo chhuah leh chhuah leh loh kan nghah hnuin, an in ngei a nih hi tiin ngaihtha takin kan haw san ta a. (Police phone mai awm in lo ti palh ang e, a veng a kil deuh a, PCO a awm mai lo a, landline pawh kha han hawh mai turin mi nazawngin an la nei lo)

A tuk hi Sunday bawk a ni lehpek a, Ka pu ho chuan police station-ah kan va report ta a, Police pathum nen a man turin kan va kal ta a, a luhna in kan kawh hmuh a, an zu man tur chu an zu hmu ta awzawng lo mai le. Chumai a ni lo, a in neitute lah chuan chutiang hming reng reng an hriat loh thuin an lo chhang zui lehnghal. Police pathumte kha an lo fel hlauh a, a awm lo a nih hi ti mai duh bik lovin, a veng pum dapin kan dap ta a ni ber mai a. A tawpah chuan kan chhui tawpna kawmthlang lawkah chuan an zu man ta hlauh a nih kha, a va lawmawm tak em(ahnu a ka hriat leh danin, a luhna hmasa kha a nei thlum chi an lo ni awm e).  An rawn kai chho kan han inhmachhawn chu a nuam lo duh khawp mai, Iskariota dinhmun te pawh kan in chan rum rum a lawm le. (A hnua ka hriat lehdanin heta an man zawk hi chu a lo inrawlh thuk vak lova, a zing zuin a thu zawk ka tih khan a sawm a, zin khawthawng satliah ang mai mai a zui ve ta mai a. A thu zawk ka tih kha a kawh hmuh hnuah an chhuah ve leh mai a ni awm e, hei bak an thu kal zel dan hriat ka nei ta lo).

A kaikuang ta ber mai chu hriat lohna hi a ni e. Sorkar kudam atang a buhfai phurh chhuah dan chinchang kha lo hria ni ila, khitiang pherh hrep khian kan buai awm tawp si lova. Kei khi chuan lo hre lo pawh ni ila Handyman junior tak kha ka ni ve mai a, a driver lah night bus chauh khalh thin, truck la khalh ngai lo a lo ni leh kher kher nen, a bum nuam tawk chuah khan kan fing a lo ni e.

{Post sei ber of the misual.com ni raw pip }

tren tren

A awmna hmun hi Jerusalem khawpui mawitu, Dome of the Rock bul mai a nih zia hriat nan

A bul kawngpuia signbord hi tarlang ve mai mai ang

A peng, tihian kawngsir mai a awm a ni. Chuan, a hmalam khu a chunglama thlalak ho awmna lam a ni e.

Thlan kawngka leh a tual tlem langin

<img src=”https://i50.tinypic.com/16gzp5h.jpg” alt=”https://i50.tinypic.com/16gzp5h.jpg” />

A kawngka hi a inhawng huau reng bik lova; kawngkapui awm ve in mipuiin an lawhloh lai chuan khar a ni ve á¹­hin. Tichuan, hei hi a kawngka chhung lama thuziak a ni e.

Hetah a awm tawh lo. En mah teh u, an zalhna hi.

Luruh hmun an tih chu

Thlan chhinna lung, hmeichhe pathumin kal an huphurh nachhan ber, lumsawn sak tu tur haihchhama an awm laia kil khata lo awm daih mai chu. A bulá¹­huta ka á¹­hutin kan inchen tawk vel

He Isua thlan hi Eden huana min thlahtuten sual an khawih avanga an thlahte chhandam tura Lal Isua lokalin a thiha an zalhna hmun kha a ni a; ‘The Garden Tomb’an ti a; a hungchhungah hian thing lian tak tak leh pangpawr chi hrang hrang phunin boruak a vangdai hle.

Hmun hrang hrangah thuziak an tar thluah a; a duh tan inkhawmna tur a awm bakah á¹­hut khawmuannate siamin á¹­awngá¹­aina hmun chapel a awm bawk.

Kolkata khawpui hi Kumpinu (Bristish ho) hovin India ram khawpui ber an hman lai khan Mizo lal tlemte in an lo tlawh pawh tawh a. Chung lai chuan Calcutta a nih laia ni a, kan Mizo Lalte khan Calcutta chu awlsam tak a lam in ‘Kulkut†an ti thin a. Fiamthu ah an sawi dan chuan Mizo Lalte khan Tuibur an keng a, Mizo te chuan tuibur in pek chu in duhsakna leh inthianna ah an ngaiin, Sap pakhat (An sawi dan in Bawrhsap an ti) an pe a, ani lah khan lo hre ve ngai hek lo, Zu emaw a ti a lo lem mai pek a. A rui ta a, a ek chhuak a, mahse, e thei lo nen an buai pha nasa khawp a ni awm a. Mizo Lal ten Sap turin an hrai an ti e tih te pawh a awm kha. Kum 1912 khan Delhi lakah India ram khawpui ber nihna a lo hloh tawh a, mahse khawpui ber nihna a lo chan tawh avangin Kumpinu ho hmun hlui leh hmun pawimawh tak tak cham bang tawk a la tam hle a ni. India ram mahnia inawp ram (Independent country) a nih khan West Bengal state khawpui ber (state capital) nihna a chang zui a. India ram khawpui lian lawr lak (Metropolitan Cities) zingah tel in khawpui pawimawh an sawi reng reng in Kulkut hi hmaih a ni ngai ta bik lo a ni.

Harsatna in tan dan chu:
A nihna takah chuan Kulkut hi zin pawh kan tum a ni lova. Ka thianpa Bacteria scientist (life science a PhD ti lai ) nen kan khua (lehkha zirna) Delhi kan panna lamah kal tlang puat mai tum kan ni zawk mah a. Thlawhna a thlawh tlang chu khualzin tam lai a nih avangin ticket man a to thin tiin sum remchem thu ah thlawhna in Kulkut kal a, chu mi zawh a rel man thlawm a zin chhunzawm tum kan ni a. Tum dan leh ruahman ang chuan tlai lam rel chhuak Kalka Mail in Kulkut kan thlen ni la la a liam nghal tum kan ni a.

Thlawhna tum hmun atangin kan han chhuak chiah chu buaina leh harsatna in min lo hmuak nghal tuk tuk a. Kutkut Taxi pu ho an nuar an ti a, rel station panna turin taxi in to fe maiin Lucknow-a ha doctor zir (PG ti lai) leh Pune a Nurse hnathawk te nen kan han in ek chhe beng phawt a. Station chu tluang tak chuan kan han thleng a. Kuli ho in an in chhiar to em avangin keimahni in kan in pu phei tawk tawk a, rel station mipui zi hut hut chu kan lut a…kan rel chuanna tur rel chu tiau chhum (fog) tam lutuk avangin an lo cancelled daih mai chu lo niin.

Pek lai a duh silo, pek loh dawn a ban ziu ziau
Scientist pa hi India ram sorkarin lehkha thiam avang pawisa an pek thin (CSIR JRF) a ni a. Pawisa lah hi a hmanna a hre hlawl lova. Naupang inawmlemna tur an an siam khelh chi play station te a lei vel mai mai a. Zu leh ruitheih thil dang chu sawi loh Kuhva tak ngial pawh ei lo khawp a tlangval thianghlim a ni a. A ni hian speed post (thlawhna) into deuh mahse i kal mai ang a ti a. Kei lah kha Mizoram lama kan chawlh chhung khan thingtlang kamding chet a lo che tawh, in hmang da lam ka ni na chungin aw tih loh theih a ni ta lo. Rel station atang chuan thlawhna tum hmun bawkah chuan kan let leh ta a. Kan naupang lai a “Pek laia duh silo, pek lo dawn a ban ziu ziau” kan tih ang maiin ticket lak theih lai a la duh hlei lo khan ticket kan va ngaihtuah thar leh ta rum rum a.

Thlawhna neitu lam lah khan kan harsatna an lo hre ru kiau emaw tih turin ticket chu a a let thum dawn in an lo ti to tlat mai. Aizawl atang Delhi cheng 80000 emaw 9000 emaw a thlawh tlang pirh perh theih lai kha a ngaihawm ta rum rum mai a. Ticket man pawh Kolkata atang Delhi tana awihawm loh khawpa to cheng 12000 tih te, ticket awm tawh lo tih leh a tuk thlenga ticket awm tawh lo tih te kha a nih avangin kan tum ngam ta ngang lova. Kulkut khawpui darkar tam pawh hmang lova vai liam mai kam tum chuan min ui bet ta tlat a, zan riah ngei a ngai dawn ta, kan tih theih a ni ta silo. Mizoram House a let a, a tuk a Rajdhani ticket black a lei bak option a awm ta lo, to deuh mahse lei thawr ka tum ta a.

Chhura te unau:
Mizoram house kan lut a, inrinni zan a ni a, Aizawl a inrinni inkhawm ban ka ngaih ta ram ram mai. Ka thiante inkhawm bang nula rim meilum bul a an ti ti sar sar mittla in a hmu nia mawle. Mizoram house-ah chuan ro kan han rel a, Scientist-a khan zing kara chhuak Poorva express risk a rawt a, mahse Rajdhani a kal ka rawt a, ka rawtna thlu ta zawk a. Rilru leh taksa a chau bawk a, kan mu tui phian a. Zingah hmanhnawh vak lovin tlai lam Rajdhani a mu thla der der tur in beiseina nen Mizoram House-ah chaw kan han ei puar ta peng pawng a. Rel station lamah chuan kan in zui phei leh ta hnek hnek a.

Rel station-ah chuan ticket kan han ngaihven a, Rajdhani ticket ikhaw a lo awm ta hauh lo mai. A nihna takah chuan zan lam a Poorva express a kal a rawt lai khan “lungphang suh Rajdhani ngei in kan kal dawn nia, ticket a awm hrim hrim” tiin chhe confi deuh in ka tawng thlamuan ve ngawt a, kan in thlamuan rei lo teh e. Sum sen deuh pawh kan in huam teh lul nen ticket a awm tawh bau silova.
Thlan tur dang a awm miau silova, kan kal theih lohna kan hnuchhawn san hnu (kan anchhe lawh hnu) Kalka mail bawk chu kan bel leh a. Kan chan a chau lutuk a, ticket pawh awm lo mahse Delhi kal a nih hrim hrim chuan ek in bulah pawh kan chuan a ngai tawh tlat. Zan dar sarih a chhuah tur rel nghak chuan kan chen ve na ngai loh Kulkut Howrah rel station ah chuan za lo fe fe in kan nui kan nui ta mai a, kan beidawng nuih a ni ber e. A tu a mah inmawhchhe tur kan awmlo, Chhurbura te unau kan inkawp lak lawh tawh miau a.

Rel station a mut te mai mai.
Tun hma rel kan zin ngun lai chuan rel chhuata mut hi ka thil hlau ber pawl a ni thin a. Ticket confirm nei lovin vawi hnih ka haw ve tawh a. Mahse, a chhuat emah chuan ka lo mu lova. Nikhua a lo rei a, rel chhuata mut te chu ka hlau ta bik lem lo. Tin, mut phei chu ka la mu ta bik lem hlei lova. Rel station-ah pawh hian ka la mu lem lo, mu turah pawh ka lo in dah lem hlei lova, tun tum chu a dan a dang tlat mai le.

Rel station-ah chuan thutna te chu awm ve bawk mahse kum thar lawm vuak vet atanga mut kham lo in pawt chuarin min thing leh a. Rel a zin tur zi nuk nuk karah chuan hahchawlhna tur awm chhun chhuat charah chuan puanthan man tlawm ber Newspaper phah in zak map lovin kan mut ve tak siak kha. A muthilh phei zawng ka muhil thei lem hlei lova.

Ka mu chu chanchin thar ka siam a ni tih hria in kan scientist-a chuan a lawm khawp a, ropui taka ka thiante hnena puanzar turin a phone camera chuan a lo la a. Khua a lo tlai a zan a lo nih chuan kan rel chhuah hun a lo ni ta reng a. Kan chhuah hma hian kan ticket leina ten ticket min comfirm pui a, scientist-aâ€n bungrua a lo veng a, engtikah tak ka tlawh chhunzawm leh ang maw tih tur Rel ofis-ah chuan ka han in lan zak zak hnu chuan kan anchhe lawh hnu Kalka mail chuan zan lam dar sarih leh a chanve chuan khawpui ngaihawm lo zet Kulkut chu kan kal liam san ve ta vut vut a.

Ka thlalak chungchang pawh kha scientist zawng zawng an fing bik kher lo tih lan tir nan rel a kan chuan laiin a phone atang chuan a hriat loh hlanin hmuh let leh tawh lo turin ka delete hmaks a. Delhi-ah ropui taka show a tum chu a hawihai ve chiang khawp mai. Kan pan khawpui Delhi lah chuan harsatna tawk teuh chung amah chu kan pan tih a hre lo nge ni thlasik vin tak mai nen min lo hmuak a. Autorickshow man tlawm a hman kan duh a leiah khawvawt kan han in ‘boksik†leh hlak a. Zan khawtairek a bun fel hnu, zing lam a in tan mekah Aizawl a Lal fapa ang mai khan chhungkaw nu leh pa, chhiahhlawh hna zawng zawng thawk leh turin ka room riangte chu kan lut leh ta poh a. Ka in tih fel a, tui lum sa ver vawr a kan in bual fai meuh chuan dar pawh a lo kal dawrh a. Kan vahvaihna ram Kulkut reng reng ngai lovin ka mu ta siau siau a.

Engpawh nise, han chhiar ve teh u, a ziak ngaihnawm ve reuh lutuk a… outsider’s perspective a nia, enge in ngaihdan?

Original source: Indian Express
Ziaktu: Anup Kutty

A Funeral and a Journey – Anup Kutty

On my 33rd birthday, I went to a funeral. Clarence Gonsalves was 27 when he lost a long battle with cancer. He was one of the finest bassists that Delhi ever produced. Following a buzz in Delhiâ€s music circle about this bassist with a unique left-hand technique, I first saw him on stage about seven years ago with a jazz-pop outfit called Level 9. Clarence went on to play for a number of popular bands, including Joint Family and Them Clones, earning a reputation for being the most dependable bassist in town. For any band missing a bassist, there was always Clarence to step in last minute and do a stellar job. For someone with a deadly disease gnawing from the inside, it was ironic for him to attain that sort of a reputation. His funeral, much like Amit Saigalâ€s (Editor, Rock Street Journal), was well-attended by everyone from Delhiâ€s music scene — musicians, fans, engineers, roadies. However, unlike Amit who lived long enough to enjoy the fruits of his labour, Clarence still had a lot of music in him. A live video (on vimeo.com) of his recent solo venture — The Yellow Brick Project — is indication enough that he had a grand soundscape in the pipeline. His exit is a huge loss to the indie music scene in India.

A few days after the funeral, I find myself on the road again. This time to Aizawl, Mizoram, as part of a small delegation invited to check out a local rock idol hunt. Aizawl thrives on music and soccer, although the musicians insist that soccer players have it easier because of increased government support. The event, titled Scavenger Rock Idol Hunt 2012, was held over three days with about 15 bands from across the Northeast competing for the title which would make them richer by Rs 1 lakh and get them access to a recording studio. Organised by Victor and Boom, enterprising musicians from popular local acts Scavenger and Boomarang, the gig was an eye-opener.

I see a 13-year-old guitar prodigy Ruatdika from a band called Faith Healers. I am introduced to brilliant new acts like Digital Suicide from Guwahati. I meet a wonderful bassist who hands me his visiting card that reads, “Deals in Shop Shutters, Window Grills and Iron Railings.” Over 1,00,000 viewers in Aizawl closely monitor the contest on the local cable channel and an online radio channel. This probably makes it, by far, the biggest viewership for rock in the country. Victorâ€s earlier band Magdalene sold close to 10,000 copies of their debut album, which, any major record label in India will confirm, is an enviable figure.

Mizoram owes this solely to decades of gospel music played in local churches and weddings. But while the church is responsible for the glorious music scene, itâ€s also instrumental in preventing it from becoming a full-fledged industry. Mizoram is a dry state. There is not a single bar or pub or a club where bands can play regularly to make a living. “Itâ€s like the Vatican and itâ€s a pity because thereâ€s a growing dissent among the youth,” says Jonah, bassist for Scavenger and who recently moved back from Delhi and is now a music teacher. He is one of the many youngsters in Aizawl hoping the liquor ban will be removed. Unlike mainland India, where the indie music industry is now steadily growing because of alcohol sponsorships, Mizoramâ€s musicians are still struggling to make it a serious source of livelihood. Nagaland, also a dry state, has the Music Task Force — an initiative by the State Government to promote their musicians and help them make a career of it. Mizoramâ€s government is yet to kick in something similar.

By the final day, the venue, a decrepit auditorium called Vanapa Hall, is packed with enthusiastic fans although they are slightly reserved, refusing to leave their seats. Stacyâ€s Penitence, an Aizawl band, wins the contest after an audience SMS poll. I hitch a ride with two emo-ish teenagers. Turns out they have a band as well, a punk-pop outfit called In and Out. I ask the 16-year-old driver the kind of songs they write about. “Thereâ€s one called Vagina and thereâ€s another that we wrote for our guitarist after he was heartbroken to find that his girlfriend was lesbian,” he says.

The next day, I am invited for dinner to the home of Lianthang Puii, PRO for the state government. Sheâ€d been one of the jury members at the contest. When I arrive, she is at the piano singing Beatles numbers with her friends. Thereâ€s a bunch watching a rerun of the Barcelona-Real Madrid match. A few rockers are on the balcony sipping bootleg whiskey. I am approached by a professor who asks me what I make of the simple Mizo life. “Thereâ€s so much music in our blood but we need to find a way to market it,” he tells me. His solution is to incorporate traditional Indian sounds into their existing metal, pop, funk and rock elements. “Some tablas and sitar will do it,” he seeks my agreement. I knock back my precious drink. “No. Just convince the church to legalise booze.”