Comments on: Burma Tour Pt 1 (Ka zinna ram Burma by Sangzela Tlau)

By: malsta27

malsta27 — Mon, 29 Apr 2013 14:12:42 +0000

Hmuhnawm/ngaihnawm bawk hle mai.

By: awmawmpuia

awmawmpuia — Sun, 28 Apr 2013 14:11:28 +0000

Nizanah a tawp lam kha LPS-ah ka en nual a, a hmuhnawm ka ti ngei mai. Engtinge a copy ka neih ve theih ang aw ka lo tih rilruk rauh rauh laia in rawn post hlauh chu ka va lawm em!

Report this comment

By: chepahakhata

chepahakhata — Sun, 28 Apr 2013 09:46:29 +0000

@H.V, i ti dik khawp mai, thil thleng tawh leh thleng mek, an buaipui la mek a ni a, kei hi chuan tan bik em em pawh ka nei chuang lova, a nihna ang ang ka sawi mai a ni. Thenkhat chuan onesided hlirin an sawi a, lehlam chhiatna ngawr ngawr sawi ang chi kha ka thusawiah khian a awm lo a nia, a nihna ang takin ka sawi mai a ni.

Report this comment

By: mr.Duhlova

mr.Duhlova — Sun, 28 Apr 2013 04:37:50 +0000

Nizan khan hmuhnawm ka tih em avangin, muthlu lawp lawpin ka en chhuak a, rilru a khawih hle mai.

Khawtlang tangrual thiltih sawi tur a tam hle mai. Sorkar puihna tello pawhin tum chuan thil a tih theih zia an tarlang a….an thil siamchawp te tha ber ni lo mahse, ‘eng pe chhuak thei’ te, ‘Khawl mahni intodelha ti nung thei’ te, Kawng siam chungchang te etc.a hmuhnawm tak zet.

Tunlai ram tamtakah, sorkar puihna tello a ti thei lo te, sorkar puihna duh avanga thil belh chian dawllo tak tak ti te an tam teh lul nen, kan khawchhak unaute an entawn tlak hle.

Zoram mihausa te pawh in telkhawma tangrualin, Zoram mamawh thil siam chhuak tur kan awm ve tho awm si a….India ram Mizo te hian tluklohna tamtak kan nei, thil tha leh entawn tlak, rilru khawih thei tak tak khualzin te hmuh tir tur an nei tlat…….India in sum tamtak min pe chung pawhin, khualzin te han fanpui a, han enpui tur engzat nge kan nei ve le?

Report this comment

By: H.Vangchhia

H.Vangchhia — Sat, 27 Apr 2013 23:02:45 +0000

Aryan #24 ka hriat chin a tawizawngin han sawi ta ila: Hualngo hovin Kawl (Burmese) sawrkar hnenah intihhran an dil a, sawrkarin an rem ti lo. Tahan hi Sagaing Division a Kale District a awm ani a, Kawl hovin, “Chin” ti vek mahse, Chin Hills a awm a ni lova, Manipur leh Mizoram ang deuh a hnam khat nisi hmun hran a awm an ni a, a chhut thiam theih maiin ka ring.

Chin Hills hi restricted area (ram buai) a awm a ni a, Tahan chu a ni ve lo. Mak ka tih chu Tahan leh a chhevel a awm, Lusei tawng hmang leh hmang lo ho hi (Chin Hills tiam lovin) an insawisel, rel niu h neuh reng a a ninawm ka ti thin. Insawithiam ai chuan inpawh tlan tumna lam sawi hot teh u.

Kum tam liamta khan Tahan chu ka kal ve tawh a, nikum khan Chin Hills lam ka fang leh a, Hakha bik tlem ka ziahna:
https://misual.life/2012/04/18/hakha-ka-kal/

Report this comment

By: H.Vangchhia

H.Vangchhia — Sat, 27 Apr 2013 22:50:35 +0000

“Inti hrang, inla hrang” tih sawi reng emnaw, inrel reng ai chuan kan that tlan theihna tur sawi thin zawk nise kan tangkai pui zawk ngeiin a rinawm. “I hmuh a piang hriat tum la, i hriat apiang sawi kher suh,” tih te kha hetiang, Mizo inkarah hian hman tlak tak a nih ngei ka ring!

Khawilam pawhin lehlam thiam loh chantir tumna tawngkam nei mah ula, lehlamin thiam takin sawi tur an nei ve leh tho thin.

Report this comment

By: chepahakhata

chepahakhata — Sat, 27 Apr 2013 17:58:06 +0000

m=Mizoram a nih hma a Lushai Hill atang a, Burma sipai tangte leh Burma a pem lette kha, Lushai lal, Sailo lal vang lai vel a mi an nih vang khan, Zohnahthlak dang kha an hmusitin fiamthu thawh nante an hmang thin a vang khan, Zohnathlak unau dang mai ni lo, Lusei dik tak Hualngoho Burma ram a awm Thlang tla ve loho pawh kha an Lusei tawng hi a dang deuh a vangin an tawng te kha fimthu thawh nan an hman thin vangin an lungawi lo a ni. Tin, Burma sawrkarah in register turin an sawmin “Chin” zingah tel duh lovin, an mahniin “Lusei” tih din an duh vang khan, an thin ur a, “Ram dang mi” tihin Burma sawrkarah an hek thin a ni.

Maraho chu Burma ramah an tam mai, Mizoram Lai district hnaih lamah khian Mara khua chu an awm nual a Hakha, falam leh Thantlangah pawh an awm nual bawk.

Report this comment

By: Aryan

Aryan — Sat, 27 Apr 2013 17:42:21 +0000

Pawih/lai ho chuan Mizo te engtin nge an hek thin a? Mizoram tiat a zau ram an nei tho sia (chin hills chhim lam zawng zawng , Mizoram tiat hi pawih ho ram vek ani lawm ni? ) Anih leh Lakher/ Mara ho hi Chin Hills ah an awm ve em? Awm se khawi lai vel hi nge an ram entirnan khawi khua hi nge an khawpui ve deuh? Chuan maw, Chin Hills state chhim lam, Mizoram Chhimlam ah khuan tute nge cheng, Pawih ho tho nge? Mizo te hian Foreign ram dang chanchin te hi kan hre bel hlur a, Mizoram leh a chhehvela cheng te pawh hi kan hrechiang mang silo a, a zialo khawp mai.

Report this comment

By: chepahakhata

chepahakhata — Sat, 27 Apr 2013 17:16:18 +0000

@22,sheldon, mi tharho chuan min hre vakin ka ring lo.

@19-na khi kan chhunzawm leh a nge. Tunhma chuan Tahan thlanglam(chhuahlam) lawk hi Sanmyo khua Kawl leh Mizo awmna kawl tam zawkna khua a ni a tunah chuan veng ang a lo ni tawh a, a thlang lehah chuan Satawm Hualngo awmkhawmna khua a ni a, chu pawh chu veng khat ang a lo ni tawh a ni.

Tahan leh a chhehvel a thalaite hi ram dangah hna thawkin an kal chhuak nasa lutuk a, thangthar a hmuna awmte hian Mizo nungphung leh Mizo tawngah inzirna tur an neih tlem phah a. Chuti karah an naupan deuh laiin Boarding school-ah an riak lut daih thin si a, Mizo culture leh tawng lamah an tlahniam sawt.

Tin, Chin state lamah phei chuan keini lam aiin ram dang an kal chhuak nasa a, khaw-3 te kha khaw-1ah a in fin khawp te pawh an awm, khaw luahtu an tlem lutuk vangin infin khawm a ngai hial a ni. Khawvel nihphungah nungchate pawh chaw thatna hmun leh tui thatna hmunah an pem kual angin mihringte pawh chutiang chuan hmanlai atang tunthlenga thil nihphung a ni a. Ram dang kal chhuak ve thei lo chu Mizoram lamah an tlathla a awm awmthawk tur leh sum dawng hausa pui pui thlengin an rawn kal a. Chungzingah chuan mi tha lo te pawh an lo tel a, chung mi tha lote avang chuan a vaia pawng hmer mai lovin, a thliar dan leh a en dan kha Mizoram unaute khan inthiam a tul khawpin ka hria, kan inkungkaih kual vek si a, kan inmamawh tawn vek tho si.

Report this comment

By: sheldon

sheldon — Sat, 27 Apr 2013 16:44:09 +0000

A hmuhnawm, comment bengvarthlak bawk. La kal lo mahila lung zuk tileng ve tlat a.

Ti daih ila, chepahakhata hi Misual.com chef a nia

Report this comment