2012 March thlatawp lam khan Farkawn lam atangin Hakha/Halkha ka thleng chho ve nawlh pek a, a nuam dangdai hle mai.
Sawrkar lamin khaw inkar kawng a laihsak loh vangin khua leh khuate chuan,”Chuta tangin chumi thleng keinin kan lai ang e,” tiin hnatlangin motor kawng an laitlang ruah mai a ni. Hakha/Halkha thlen hma chuan blacktop ani lova, duhthusamin a khu a, engineer-te design anilo bawk a a kawng ingelh nasa hle bawk.
Halkha/Hakha hi Chin hills capital atana Burma sawrkarin a ruahhman chhan, “Helai hmun hi capital tlak a ni,” antih chhan an sawi thin ang ngeiin a ram a parh tha em em mai a. Meghalaya ram ang tak ani ringawt mai. A ram hi a dar tha em em a, khaw zauhna tur mel 40 a thui chutiang ram ruak chu ala awm cheu mai.
Hakha/Halkha:
Hakha/Halkha dai:
Engpawh nise, stadium puitling, football khelhna bakah chumi hual a intlansiakna nei chu kum 19 kalta khan anlo nei fel daih tawh alo ni a. In 8000 emaw chauh awme tilo chuan Christian college leh damdawiin changtlung tak an nei bawk. USA lam a Lai Baptist Church-te thawhlawm atanga sak Nursing Home tha zet a awm bawk a, Fahrah in, mawi leh ram nuam takah pangparin a hual vel vekin tha tak a awm bawk a (ka kal hun hi pangpar par hun anilo thung). Hmanlai lal kulh hlui, Rev. S.Van Hre-in uluk tak a a enkawl pawh ala awm thlap mai. Heihi private museum ang ani tawh ber.
Nursing Home:
Christian College:
Teak a sak kulh hlui:
Fahrah in:
An kawngpui hi a zau that em em bakah sawrkar lamin kawngpui hnaih phal chin an siam pel an awmlo. Pelh ngam pawh a ni heklo. An sawi hmangin kawngpui hnaih phal tawk rawn pel a in ban phun an awm chuan an thiahsak nghal anga lungin an tang bawk dawn ani awm e.
An kawngpui sawi takah chuan mak tih deuh ka nei. An kawngpui hi blacktop nimah sela a pan angreng hle a. Chumi chungah chuan balu an dah chhuak vek. A khuk vanga tui leih huh pawh an khap tlat. An sawi danin blacktop chunga balu dah khan blacktop pan lutuk khawk mai tur kha nasa takin a veng ani awm e.
Zu dawr a tam em em mai a, Aizawl a kuhva dawr ang mai hian a ualauin leitur a tam. An bar-te pawh an hawn hun chu a neitute thawh hun hun a ni tawp. Thiante thingpui inleisak aiin beer emaw an inpe mai niin ka hmu. Chutih karah chuan tumah zurui ka hmu miahlo mai kha mak ka ti tep a ni. An zu-in dan lah kha a nawm hmel em em mai a. Mi pakhat loawmsa emaw chuana thleng thar kha ama ta alo thlit ve mai a, Lusei lamin, “Ka leh a che” an tih ang deuh kha a ni ber awm e. An ri hut hut a, tawngpawng bengchheng erawh an awm der silo. An inzahtawn theuh a, an innel theuh a zu dawrah inhnial an awm hauhlo bawk.
Tunge ka nih ka sawi hmasak lovin min zawt heklo, min ngaisang lova, min ngainep bawk heklo…alo nuam reuh phian mai.
Bonus pic: an politician nen
Similar Posts:
- Zohnahthlak te khawpui thenkhat!
- Kan Khaw Kawng hi!!
- Aizawl No Vehicle Day Report
- MIZORAM POLITICS A PARTY TE INCHIRHTHEHNA TAWP THEI LO: KAWNG CHHIA “MNF hovin anmahni mawng an hlim”
- Heaviest Recorded Snow Storm of December!
April 18th, 2012 at 8:09 pm
.
April 18th, 2012 at 8:13 pm
Naupang sava veh:
http://i40.tinypic.com/8ycrq1.jpg
Sakawr ramtla:
http://i40.tinypic.com/vyuucm.jpg
April 18th, 2012 at 8:14 pm
http://i40.tinypic.com/1znaiw0.jpg
avan phe vele
http://i41.tinypic.com/sbpy0y.jpg
April 18th, 2012 at 8:18 pm
nalh hlom ve Stadium an va nei tha ve!!
April 18th, 2012 at 8:20 pm
Soberboy #4 ka hmuhve dan mai mai chuan an ram sawrkar a chhiat em avangin mipuiin tan anla nasa niin ka hria.
April 18th, 2012 at 8:22 pm
I pawnfen khi i va inhmeh ve! A nawm hmel hle mai, Nursing Home leh College te khi a nawm hmel e..
April 18th, 2012 at 8:26 pm
mamboih, a ram mawi dan zia chu aw… Rung tlang atangin han thlir thlak phei chuan take my breath away kha love song lova sak vawng vawng chakna theih khawp a ni tak tak. Bakah a boruak a vawt vur mai. Aizawl ah T shirt nen ka thlan hliam hluam a, Hakha ka thleng chu meilum emaw blanket emaw ka chuh reng mai. Thuamhnaw lum keng hek lovi hairehai 😀
Mikhual thlengthar thlek deuh he hu awm bawk silo a nuam ka ti ve khawp mai hairehai 😀
April 18th, 2012 at 8:27 pm
Pic #2 khi an khaw thleng a rem tawp. Kawngpui an reserve ang chu mizoramah pawh hian kan ngai hle a ni.
April 18th, 2012 at 8:37 pm
Aizawl ai chuan ka awm chak zawk dawn anih hi. Pu HV, chu an tawng te i thiam ngawt ngawt emni a?
April 18th, 2012 at 8:41 pm
motor in in kal nge ke a kal ngai?
April 18th, 2012 at 8:44 pm
lrpa, pu te khuaa a zin ve na tur ilo zawn sak lo nih chu maw le aw!! 😀
April 18th, 2012 at 8:50 pm
Aryan #10 hemi motor hian:
http://i41.tinypic.com/1j3lgz.jpg
lrp, Mizo tawngah hian tlem tal thiam loh ka nei meuh lovin ka hria. Mara hi ka thiamlo ber mai awm e.
April 18th, 2012 at 8:53 pm
Fahrah in kawt a rinbial a chhung a triangle/star? awm khi engemaw awmzia a nei emle aw… :-S
April 18th, 2012 at 8:53 pm
A nawm hmel, lung a tileng ruih nia. Teak a sak kulh hlui te khi a gothic riau mai. A reng rengah i va vak kual nasa hman em em 😀
April 18th, 2012 at 8:54 pm
Ruata Pachuau 🙂
Pu Hv, Lui a awm nange?
April 18th, 2012 at 8:56 pm
#15 khaw chhungah chuan awm love hairehai. Lui awm nual e, a hnai ber chu an khaw thlen hma lawkah a ni nghe nghe.
sheldon Tlangpui, Thlantlang, Hakha, Lunglei, Champhai, Serchhip, Lungleng etc etc chauh alawm ka kal hman (pal tlang tiam lovin…leh Silchar tih vel tel lovin) hairehai 😛
April 18th, 2012 at 9:18 pm
Hmuh ve a chak awm hle mai, Hakha khaw hming an sawi lar aiin a te daih mai, mahse zauh na tur erawh a va rem kher ve le. Hmel en ringawt chuan “Enga?” pui mai theih hmel an pu vek mai
April 18th, 2012 at 9:23 pm
Nawm hmel mai2 mange aw…! Kawl “lunggi” pawh i lo inhmeh phian khi a! :X
April 18th, 2012 at 9:28 pm
Kawng tha atan ava itawm ve le.
April 18th, 2012 at 9:55 pm
maawma #17 an hrethiam vek tho alawm. An hmang thanglo ani mai.
kawlhawk #18 Rome a i awm chuan..an tih ang kha nih zel mai tur, hairehai 😉
April 18th, 2012 at 10:07 pm
A hmuhnawm hle mai. Khawchhak lam ramhmul leh in leh lo hi chuan ka lung hi min len tlat thin. Kan Pi leh Pu te lo chettlatna thin ani tih hi a chiangin ka hria.
April 18th, 2012 at 10:29 pm
Ngaihnawm/hmuhnawm a tling e. Zin ve chakawm hle mai!
April 18th, 2012 at 10:43 pm
“Rawl nan ei chang maw???” an ti che em i len na vel ah :D. Nawmhmel khawp mai, chin state Capital ni awm pawh ani. Falam leh Matupi ihan tlawh nghal law law lo anih chu aw.. (Y)
April 18th, 2012 at 11:47 pm
Halkha chu a nawm hmel hle mai.
April 19th, 2012 at 12:24 am
an zu in dan leh an politician pa landan khian min hneh ber mai a…mizoram lam ve zawng, inti fel(fel si lo), landan a buaina ram a ni mek si a…….hmmmm
April 19th, 2012 at 5:41 am
A ram chu a va nawm hmel ve le! Pu HV, min tibengvar leh ta. Mizoram ai chuan kawng tam takah an changkang zawk niin a lang. An zu in dan te phei chu zir tham a awm a nih chu. Good post (Y)
April 19th, 2012 at 6:48 am
keimah #26 mak ka tih, ka chik ruk ber pakhat ania lawm. Zu dawr leh zuar an tam ropui mai si, zu seh puam ka hmu lova (an awm ve tho turah ngai ila), zu rui ka hmu lo bawk. Anlo sawi thin, “Hah zu” an tih ang deuh tak tak khan an in niin ka hre ber… emaw, inkawmhlim nan, ruih nan nilovin.
April 19th, 2012 at 8:36 am
I sawi thiam dap dap bawk a, a nawm hmel hle tak mai. A pic nen thlap a ni bawk a, a fiction lo tih a hriat. Kal ve chakawm tak a nih khi. Passport, etc te a ngai lo maw? Thenkhat hian khi lam kal khi harsa viauin an sawi thin a, bawng man han thing Pu Rinawma te pawh Jebet jail-ah an lo dah ngawt ni te khan ka hria a, a danger fu em? Nge heta tanga kan ngaih ang em2 ai hian an lo peaceful fu zawk aw? Zu dawr mawlh mai kha!
April 19th, 2012 at 8:48 am
fahrah in kawt triangle leh kulh hlui vel chu kan evangelist thenkhat chuan an hmu setanic leh ngawt ang..huis..
April 19th, 2012 at 9:24 am
A khawthleng chu a rem hle tak mai. Khaw nuam tak a nih dawn khi… (Y) A thupui ka hmuh khian i ziak diklo emaw ka ti hman, HALKHA tiin ka hre thin a. Mahse, Halkha/hakha hi a lo inang a ni maw?
Stadium chu a nawm tawk dawn khi le… (Y)
An dinhmun leh nihna hrechiang ngawt si lova, mi tlemte suahsual avanga kan han enhniam/hmusit ringawt thin hi zawng, kan mawl vang a niin ka hre thin… 😉
April 19th, 2012 at 9:27 am
(Y) Post hmuhnawm tak a ni.
Pic 1 & 2 te khi a mawi hle mai. Lung han lum palh mai ila… a deng chhe nasa awm ka ti, hihi.
Pic a fiah-fai tha kelh-kulh hle mai. Edit phei la chu…
Pu HV-a hi chu, i Sulhnu hnutchhiah te hi Zofate tan a hlu-in, i chhuanawm ngei e. I ram-fan thu ringawt pawh hi, sawi-tham leh en-thawm a awm zel reng reng hrim hrim pawh hi ropui ka ti. Mimal tak pawhin ka hlawkpui thei khawp mai. ‘Keep It Up’
April 19th, 2012 at 9:43 am
Fahrah inkawt ka hmuh khian rilru ah Pentagram a rawn lang ringawt, mahse a ni miah lo ang tih chu a rin theih nghal bawk.
April 19th, 2012 at 9:59 am
#31 tihdikna, DIK LO = “en-thawm”, DIK ZAWK = “en-tham”, Sorry. :-$
April 19th, 2012 at 10:02 am
Mit a tlaiin hriatna a ti zau leh ta sawt mai. (Y)
tren tren
April 19th, 2012 at 11:17 am
A hmun a kal ngai lovin Chin Hills State khawpui Halkha kan hmu a a lawmawm e. Halkha hi khawhlun tak mai a ni a,Mizo hnahthlakte khawpui pawimawh tak a ni.Chuvangin Mizo khua kan ti thei ang.Mizo tawng pawh tam tak chuan an thiam ang. Mahse an hman ber erawh chu Lai(Pawih) tawng a ni.Kan Politiciante leh hruaitu thenkhat thusawi ah,”-Mizoram bak ramdang kan nei lo”tih hi an sawi thla zen a, hei hi thu dik lo tawp a ni.Mizo hian Burma Chin Hills ah te,Manipur ah te, Tripura ah te leh Bangladesh ah te Mizo hnam tam tak chenna ram a awm a, chung z.z. chu Zoram a ni mai tih hi kan ngaihdan a ni tur a ni. Rilru zim tak pu a, “Enga” hmang te chauh Mizo a kan chhiar fo hian rah tha lo tam tak a hring mek zel a ni.YMA hotute thusawi pawh HPC(D) chuan an helh em hi.Duh leh India atangin State emaw, Autonomous District Council emaw pawh hmu mah sela Mizo-ho-ram tho a ni dawn a, tuna kan hnam Zohnahthlak atang hian an peng dawn chuang lova, kan thisen zawmpui an ni dawn tho tho tih hi kan chiang tur a ni.
April 19th, 2012 at 11:45 am
An dinhmun leh nihna hrechiang
ngawt si lova, mi tlemte
suahsual avanga kan han
enhniam/hmusit ringawt thin hi
zawng, kan mawl vang a niin ka
hre thin…
(Y) (Y)
April 19th, 2012 at 12:08 pm
Va hmuhnawm hlawm ve …khawi2 lai ah emaw ni hian i tei kual ah ti ve ngot teh ang 😛 NOI……….Hairehai.
Kulh hlui khi ni ka hmuh ve chak chu (Y) (Y) …..an zu in dan chu dahtha ta i la, Form of Govt dik loh avang a mi tamtak nun/rilru put hmang chhe ta avang hian an za vai hian a diklo vek tih chi a ni vak lo. Mahse chumi avang chuan an survival instinct erawh a turu hle tih hriat a tha khawp mai kan chhak lam unaute hi…..
April 19th, 2012 at 12:28 pm
Pu HV nge nge… i kalna hmun apiang hi midang tana kal ve chakawm deuh hian i chhuah thiam zel mai a… (Y)
April 19th, 2012 at 12:33 pm
Farkawn lam atanga i kal te chuan Khawbung ah min rawn tlawh tur che alawm, hairehai.
April 19th, 2012 at 1:56 pm
(Y)
April 19th, 2012 at 1:56 pm
ultimate #28 tun hma kha chu nise ka kal hauh lovang le. Tunah pawh Burma visa neite tan pawh Chin Hills hi kal phal ala ni chuanglo. Tahan vel hi erawh Burma visa in a thlen theih. Chin Hills chu ram buai anga ngaih anih vangin eng visa mahin awmzia a neilo.
Mahse, hmanni deuh khan CNF (Chin National Front) leh Burma sawrkar-in inkhahai an puan bakah, Chin Hills hmun pawimawh tak tak ie: Thlantlang adt. ah ualau takin office hawn an remtih sak ta a. Chumi hnu chuan Farkawn lam kalkawngah hian sipai duty an awm talo. Nasa takin ram a zalen tawh a, sipai ho nen pawh damdawiin canteen ah dawhkan indawt a thuin thingpui kan intlang ta mai mai a ni.
Lai tlang (Hakha lam) mikhual nih hi a nuam lutuk a ka zolo tep zawk niin ka hria. Mikhual duat thiam tak anni…khawtin maiah.
SãñgpüîÃpã Aizawl atanga kan motor ken Champhaiah chhelo sela chuan Khawbung mai nilo, Leng thleng kal ka rilruk zawk mawle. 🙂
April 19th, 2012 at 2:00 pm
Mit la deuh chu an Stadium kum 19 kalta a an lo neih tawh khi. Rilru in a lo awt ve thin, awhna sual chu a ni em lo ang chu.
Mizoram a kan tih theih ve miah lo tur chu “An kawngpui hi a zau that em em bakah sawrkar lamin kawngpui hnaih phal chin an siam pel an awmlo. Pelh ngam pawh a ni heklo. An sawi hmangin kawngpui hnaih phal tawk rawn pel a in ban phun an awm chuan an thiahsak nghal anga lungin an tang bawk dawn ani awm e.”
ADA Building Regulations te kha sawiselna a van nasa tak em.
ZU chungchang hi chu kan khel zing tawh em a, comment lo mai teng
April 19th, 2012 at 3:39 pm
Eichhh…. Tahan atang i PICs reng kan hmu NoH!
April 19th, 2012 at 3:41 pm
Ku Hv, i lo kal leh anih chuan min rawn tlawh ngei ngei ang che.
April 19th, 2012 at 4:14 pm
#44 Chakawm tak a ni
April 19th, 2012 at 7:22 pm
Chhiar leh ‘en’ a nuam hle mai! Hetiang post hi ka chhiar nuam tih chi! A lem leh thu tawi fel taka ziah hi a in chawih mawi tawk tiu teu khawp mai! Good post!
April 19th, 2012 at 7:36 pm
Tunge bold tag khar sual? huhuhu
April 19th, 2012 at 11:21 pm
Lai lal kulh meuh khi..heatiang vang hi ani maw lusei lal ho khan an lo hlauh em2 na chhan 😛 (Y)
April 19th, 2012 at 5:52 pm
zualbon #48 i reh rei thei ka ti reng a ni, nang Lai lal tupa hairehai
April 19th, 2012 at 5:57 pm
HV..tlawmte a ram leitur min lo zawng sak ve teh..miss halkha nena kristian chhungkua din na tur in sak ve na tur ka duh..hairehai
April 19th, 2012 at 11:37 pm
#50zualbon, minti nui nasa lutuk. Awm sela keipawh ka duh ve tho maithei hairehai. A ram a mawi bawtawl.
April 19th, 2012 at 11:43 pm
Miss halkha nge inhmun chu i duh zawk HV?..pakhat chiah thlan theih ta se
April 19th, 2012 at 11:46 pm
Inhmun akekekeke
April 19th, 2012 at 11:54 pm
in is where the heart is..soooo…ms halkha ka thlang mai a goodnite
April 19th, 2012 at 11:55 pm
Mangtha
April 21st, 2012 at 5:34 am
Thlalak a hmuhnawm mai bakah i thuziak a ngaihnawm khawp mai. “teak” ti lo khian Mizo ngeiin “Tlawr” ti la a chhiar a nuam leh zual ka ring. hehehe
Duhlian tawng hmangte hian “HALKHA” kan tia, a diktak zawk chu “Hakha” tih hi a ni. Hakha hi Chin state capital a nih hmain “Falam” hi Chin state capital a lo ni thin tawh a ni.
Zohnathla Burma ram a mite hi khawvel hmun hrang hrang mi singli(40000) deuh thaw ram dangah an awm a, Chin state a chengte pawh a neinung deuh chu Kalay(Tahan awmna) & Kabaw phaikuam an pan a then chu Yangon leh Mandalay khawpuiah an pem zel vangin Chin state chhunga khuate hi an pung vak lo. Khawte thenkhat phei chu ram dangah an kal chhuak nasa lutuk vangin khaw-3 kha khaw-1ah an awm khawp.
April 21st, 2012 at 9:17 am
:lol: HV… Kawl puanfen nen… va in hmeh reuh ve. Tahan lam te i rawn tlawh nghal law law lo nia
April 21st, 2012 at 5:36 pm
lrlawma #57 kum 20+ lam khan Tahan chu ka kal tawh alawm. Ni e in awmlaite hian lo kal chu a chakawm khawp mai, hun neih hi a harsa em alawm mawle. Hun remchang ala awm mai ang…han dam phawt mai ila
December 4th, 2012 at 9:10 am
Ka kal leh chak reuh mang e a