Comments on: Zomi France kal thu

By: lushai_er

lushai_er — Tue, 04 Jun 2013 14:28:22 +0000

#Source tarlang leh ta lo……

Post hlui hai peih chuan Ralrun chanchin hi chu a awm tawh a lawm!

https://misual.life/2011/06/03/ral-run-titi/

Ka pu te’n Abor runna a (1911)an kal chanchin hi ka chhui a, ka la rawn post ang.

Report this comment

By: H.Vangchhia

H.Vangchhia — Wed, 29 May 2013 02:25:23 +0000

Nirvana #9 ka pu khan tangkapui chu 2 emaw chu a dawng ve a, mahse indo lam a nilo tawp ang. An kal dan kha (sawi leh sawi hnu) Labour Corp. an nih angin thing kit a meihawl rawh an ni a. Ka pu kha chung ho tan a head clerk cum interpreter ani ve mai. Nia, KHB-ah pawh khan Hla letingtuah khan Laidailova (1890-1992) tiin a chuan ve kha. Pakhat chu a ma lehlin ania (Isua ka hre zual ang) a dang 2 chu kan missionary te nen an lehlin a ni hlawm. 1992 May ni 14 kha a kum 102 piancham lawm kan tum mek laiin, a zing eksar lak hnu (morning walk Ngaizelah a nei thin) tukthuan an ei chu a chawei a tui ta vak lova, …. drip a khai sak a…… a buai zo ta a, a tawng tuma sawi thei lova, lehkhaah a ziak thin a, (a leiin a duh ang a sawi tir thei lo) Dâktawr thu angin damdawiin-ah oxygen kan lak laiin a lo chatthla der a lawm mawle. Ka ngai thin teh asin aw!

Puii #11, Kan kawmthlangah khan Pu Darhuaia a awm thin a, chumi leh Pu Lianthuama (Thuam tingtanga) te nen an titi kha naupang te niin ka ngaithla ve kha a ni thin a. Chutiang ka nang fuh leh tun hnu, a thih dawn hnaih lam tawh a, ka zawh thin bak ka hre vak lo. Fahrah te te a ni ka zawh ho lah chu. Ka ui leh khawp mai tun hnu hian.

Report this comment

By: RDAC

RDAC — Tue, 28 May 2013 13:41:39 +0000

Thupui nen a in persan deuh mai thei a…
“The First Chin Hills Battalion” kha Falam ah 1917 ah an din niin ka hria. Chin Hills a hnam tin hming khan Company an din a (Company pakhat chu sipai 100 awmna), Thado Company, Zomi Company, Hakha Company, Gurkha Company leh Hualngo Company te kha company an din hmasa te an ni.

A hmasa in Zahau ho kha Company din turin an sawma, sipai 100 an tlin tak loh avangin Seipui leh a chhehvel a Hualngo te chu an sawm leh a, Hualngo (Lusei) ho chuan sipai 100 an tlin ta mai a, “Hualngo Company” a lo piang ta a ni. Hualngo Company hnuaiah Zahau te pawh sipai an trang zel a.
Hualngo sipai te khan sipai thawh reng ai chuan khaw lama hawn a chawn leh lam ah zu leh sa chen an duh zel avangin ban an dil zel a, battalion Commanding Officer in “sipai 100 in tling ngei tur ani. In ban duh vek chuan Lushai Hills lama in unaute khu thun lut ula, trong khat hmang in ni bawk a, Hualngo Company ah ka lo pawm ang, chutichuan in bang thei ang” a tih avangin Lushai Hills atrangin Hualngo Company a sipai trang tur a hmasa ber te chu 1920s hnu lamah sipai 17 an ron lut tran a. Japan ral hnaih (1938-39) ah chuan Lushai Hills atrangin Lieutenant Thengphunga Sailo chu an battalion ah “King Commission” in Sap rank angin (Jemadar, Subidar anga Sap ni lo ho rank an pek ang) a ron kal kha mak an lo ti hle a, “keini Chin-Lusei zingah hetianga rank hi kan nei thei a ni maw?” an lo ti a ni awm e.

Hualngo company a sipai ho chu France ah German ralrun tura an kal dawn khan Halkha Rebellion a lo chhuak a, Halkha ho British awpna an an hel tak avangin ram vengtu ah an dah ta a, Hualngo company chu France ram an thleng ve ta lo niin an sawi.

Report this comment

By: RDAC

RDAC — Tue, 28 May 2013 13:17:18 +0000

BEngvar thlak hle mai. Ka lo hriat thrin te fiah takin ka chhiar in ka hre thei ta. Ka save hmiah e.

Report this comment

By: Puii

Puii — Tue, 28 May 2013 01:22:41 +0000

Post bengvar thlak … HV, I pu titi chu i la chhinchhiah em? lo sawi chhuak hlawm teh.. a la hlu ngawt ang…

Report this comment

By: Chhuaklinga

Chhuaklinga — Mon, 27 May 2013 13:35:26 +0000

A ngaihnawm bengvarthlak hle mai.

tren tren

Report this comment

By: Nirvana

Nirvana — Mon, 27 May 2013 12:30:40 +0000

#7. Mr. H.Vangchhia, i pu (veteran) Laldailova) chu a hmingthang thawkhat aniang, a hming tal chu ka hre ve tlat. 1992 thlenga a dam chuan British sorkar atang talin chawimawina eng emaw tal a dawng em le? Mahse a contribution i la hriat khi combat role a ngaih ani chiah lo maithei.

Tunah hian WWI veteran tumah an dam tawh lo. WWI veteran dam rei ber Florence Green, kum 110 niin nikum 2012 February 4 khan a thi a, combat veteran dam rei ber Claude Choules chu May 5, 2011 khan a boral.

Report this comment

By: Awmtea Leo Khiangte

Awmtea Leo Khiangte — Mon, 27 May 2013 11:32:44 +0000

Report this comment

By: H.Vangchhia

H.Vangchhia — Mon, 27 May 2013 11:08:56 +0000

Nirvana #5, ka pu (ka pa pa) Laldailova (May 14 1890 -May 2 1992) kha WWI khan head clerk cum interpreter-in France a kal zingah a tel ve. Labour Corp. an ni a, an kal chhan ber Kumpinu sipaite thlasik vawh lai a an trench khur vel a an ai tur meihawl rawh an ni. Thing an kit a, chumi chu meihawlah an rawh ta thin a ni awm e. Chutih lai chuan Mizo awmna hawi zawngin hnamdang ho kha sap pakhatin thing a kih thluk tir thin a, sap pa chu a khak avangin thing nghengin a keng kang va va a, vih hlumah a vau thu te, an hotute hnenah a report a, an sawn chhuah tak thu te min hrilh thin.”Indo thawm pawh kan hre pha lo chu a ni ber e. Miin an sawi uar thin a..” ti zawngin a sawi nuah nuah thin, ka zawh changin!

Indona vang hrim hrim (ie., kah hliam, bomb per hliam etc) a thi pawh an aawm chiah em ni le??!!!

Report this comment

By: PKfanai

PKfanai — Mon, 27 May 2013 08:01:13 +0000

A ngaihnawm hle mai. An thlalak han en chuan, khitiang zat Zo tlangval han thawk chhuak chu, lo thlirtu tan chuan, “German sipai ho chu an rethei nak nak dawn mang e” han tih ve mai awm pawh a ni e.

Report this comment