Chuta tang chuan sikul te, pawl leh kohhran angtein thisen pe an pung chho zel a. Thisen mamawhtu pawh an tam chho telh telh a. Aizawl Civil Hospital hian a tlangpuiin nitin thisen unit 30 an mamawh a. Presbyterian Hospital, Durtlang-ah pawh nitin thisen unit 15 vel an mamawh reng bawk a. District leh Sub Division Hospital leh private hospital hrang hrang te nen nitin thisen unit 100 vel lai mamawh reng a ni.

Damlovin thisen unit khat a dawn hian sawrkar chuan blood bag leh test-na chi hrang hrangah pawisa cheng 700 vel a sêng thin a. Heti chung hian tlawmngaia thisen pete thisen hi damlote a thlâwn veka pêk an ni. Sawrkar damdawiinah man neia hralh a awm ngai lo. Damlo thisen mamawhte hi an milen leh hausak avangin tumah duhsak bik an awm ngai lo a ni.

Thisen pêk hian a tlangpuiin 350ml-450ml lakchhuah a ni a, thisen peka kan hloh hi ei in pangngaiah a tam lam (volume) hi rei lo te, darkar 24-ah kan nei kir leh vek a, a tak lam pawhin kar 6-8 ah ngai a awh leh zãn, hb pawhin thla khat chhûngin ngai a awh a ni; eitui bik pawh a ngai chuang lo. Puitling hian thisen hi 4000-6000ml (4-6 litres) kan nei a, chuta 300ml emaw lek lakchhuah kha hriselna atan a hlauhawm loh va. RBC hi engtik lai pawha kehchhia leh insiam reng a ni a, ni 120 bak an dam thei lo. Thisen pe lo mah ila an keh chhe zel tho va, chuvangin a lo thlawna riral mai mai aia a mamawh ngawih ngawihte pek hi a tha zawk em em a ni.

Thisen hi a pe duh nazawngin an pe ngawt thei lo. Thisen petu chu mi hrisel pangngai, kum 18-60 inkar, kg 45 chin chung lamin an pe thei a; kg 45-55 in 350ml an pe thei a, kg 55 chung lamin 450ml an pe thei thung. Thisen pe tur chu a BP a sang tur a ni lo va, a hb pawh 12.5 gm % chin chung lam a ni tur a ni. Hriau vihna lai tur vun hrisel, drugs inchiuna hnuhma a awm tur a ni lo. Mipa hian thla 3 dan aia zingin a pe tur a ni lo va, hmeichhia hi a tlem berah thla 4 danah a ni tur a ni.

Thisen pêktir loh tur te: Nau tihtlak atanga thla ruk chhung, thisen dawn atanga kum khat chhung, zai tenau tawh atanga thla thum chhung, zaipui tawh atanga kum khat chhung, malaria vei atanga thla 6 chhung, typhoid atanga kum khat chhung, nau neih atanga kum khat chhung, TB dam chian hnu kum nga hnuah chauh, vaccine hrang hrang la te, tattoo nei te… Tin, dam chhunga thisen pe thei lo turte chu, lung natna nei te, cancer te, thisen that loh avanga thi chhuak reh har te, chhan hriat lohva rihna tlahniam vak te, zunthlum leh Hepatitis B/C vei tawh te, kal natna benvawn leh HIV/AIDS vei te, thin natna benvawn nei te, polycythemia (hb sang lutuk) leh asthma te, seizure disorders (kaih) leh phar natna vei te, schizophrenia (rilru buai) leh endoctrine disorder bakah thi-a luakte hian engti kawng zawng mahin an pe thei lo.

Thisen pek tumte tan pek hma zanah mut that tur, a tam thei ang ber mut tur. Riltam laiin pek loh tur, thil ei thata tuiril in tam tur. Zu, kuhva leh vaihlo tih loh tur. Thisen pek zawhah tuiril in tam tur. Pek zawh atanga darkar chanve chhung chu mei zuk loh tur, thisen pek atanga chaw ei leh hma chu zu in loh tur, darkar 24 chhung chu hahdam taka awm tur. Band-aid hi darkar 5-6 hnuah chauh phelh tur a ni bawk.

Eng blood group pawh ni ila, thisen a pek theih reng a ni. Kan pek tuma te blood group nena a inmil lo a nih pawhin damdawiina an dahkhawl sa, a milin an lo thleng mai dawn a ni. Thisen i pek chuan i chhungte emaw, nang emawin thisen i mamawh hunah a thlawn liau liauvin i dawng thei dawn a ni. Tin, thisen pek hian rilru a nuam em em a, RBC chhe mai mai tur a mamawh ngawih ngawihte tana pek tluka mihring thil pek hlu a awm dawn em ni?

Thisen pe la, nun chhanhim rawh.

Vawiin, June ni 5 hi World Environment Day atana UNO hnuai United Nations Environment Programme (UNEP)-in a puan a ni a, Earth Day an ti bawk. Kum 1973 aá¹­anga hman niin a kum leh 1974 aá¹­angin theme bik neia kalpui a ni a, kumina an theme chu Green Economy: Does it include you? hi a ni.

Tichuan, kan environment humhalh ngai nasa lutuk induhthawhna avang liau liauvin fiamthu website hi siam a lo ni ta a. Fiamthu hmangin engtin nge Mizote hian environment kan humhalh ang, tih hi kan ngaihtuah chho zel dawn a ni.

A hmaa fiamthu blog kha duhtawk lovin, nakin hun thui tak ngaihtuahin user-t’en an contribute ve theih kha á¹­hain ka hria a. Domain leiin ka han ti ve rãwih a. A á¹­ul ang anga min buaipuitu, Father_Sphinx chungah ka lawm khawp mai. Register user tan post a siam theih dawn a, chuvangin khawvel hmun hrang hranga Mizo awm te, Mizo á¹­awng thiamte angkhata an nuih tlàn theihna turin i fiamthu hriat, hmun danga i sawi liam mai mai á¹­hinte kha dahá¹­hat nan lo hmang a, midangte tan malsawmna ni ang che.

Mizo Fiamthu

Dinthanga, Zotlang-in a in luahtute chhungkuaa naupang kum 5 mi, Sarah Lalduhawmi d/o Lalliantluanga kut a thlak chungchangah police-te’n thubuai an buaipui mek a, he thubuai hi Court-a chargesheet thehlut mai turin peih thawkhat tawh a. Sarah-i hi Dinthanga’n kut a thlakna avang hian a nghawng hnuai lam zawng a zeng a, tunah hian a taksa englai mah chêt thei lovin a awm mek a ni.

Pic — Pee Dee Kop Khiangte


Sarah Lalduhawmi nu, Roluahpuii sawi dan chuan, an chhungkuain a nu (a pasala nu)-te chhungkua an fin lai (September ni 9, 2011) khan an in chhungah nursery rhyme saa a zai chu an in chung pa, Dinthanga chuan bengchheng a tih avangin a in hnuaiah chuan chhukin Sarah Lalduhawmi chu a nu leh pate leh a chhungte dang awm laiin kut a thlak a ni.

Dinthanga’n Sarah-i kut a thlâk dan chu — a beng pahnihah manin na takin a herhsak a, a bengah chuan khai kângin chhuatah a nghat chawrh a, chumi hnuah a koki-ah a kut pahniha vuanin nasa takin a sâwi a, a chalah vawi nga vel a kuk bawk. Hetia a sawisak lai hian a chhungte an awm reng a, a nu min hrilh danin chêt ngaihna reng reng an hre lo. “Kan hamhaih vek a, kan ding reng ringawt mai a, aikhirh ang hian kan awm a ni ber,” tiin a sawi.

September ni 9, 2011 zan hian Sarah-i chu a beng pahnih bâwr vel a vûng nghal a, nâ a tih avangin zanah pawh an muhil mang lo a ni. Hemi hnu hian ni thum vel Anganwadi-a kal a á¹­hulh tih loh chu a kal zui thei ve leh mai a, mahse, a nâ chu a reh theih tak loh avangin October ni 10, 2011-ah Adventist Hospital, Seventhday Tlang-ah an lut a ni.

Adventist Hospital-ah hian enkawl dan an hriat loh avangin Synod Hospital-ah luhpui leh a ni a, Synod Hospital-ah hian á¹­um hnih an lut. January ni 28, 2012-ah GNRC, Guwahati panpui niin kar khat an awm a; GNRC-ah hian a spinal chord-ah thi a tling tih hmuhchhuah a ni. Spinal chord-a thi tling hi zai turin an ti a, mahse, zai man tur cheng 1,50,000 chu an neih loh avangin zai lohvin Mizoram-ah an rawn hawpui a.

Synod Hospital-ah lut lehin February ni 8, 2012-ah a spinal chord chu zai a ni a, mahse, a á¹­hat phah em em lo. Synod Hospital-a an awm lai hian biopsy an tih result CMC, Vellore aá¹­angin an hria a, spinal chord-a thisen tling chu cancer-ah a chang tih hmuhchhuah a ni. Synod Hospital aá¹­ang hian March thla tawpah a chhuak a, April ni 3-ah a pa, Lalliantluanga chuan a thihsan a. A pa hian a thih hmain, “Min râlnain Matei chu in lo enkawl dawn nia,” a ti niin an sawi a. A pa ruang thlalak ka enah chuan, Sarah-i’n thei leh thei lova a pa a ban á¹­awk á¹­awk lai a lang nghe nghe a.

April ni 18 aá¹­angin New Life Hospital-ah a awm leh a. mahse, doctor-te’n enkawl dam mai theiha an ngaih loh avangin May ni 3-ah damdawiin aá¹­angin an chhuak a, in lamah an inenkawl zui mek. Sarah-i hi a nghawng chin hnuai lam zawng a zen avangin a taksain engmah a hre lo va, zun leh êk pawh a hre lo, siak reng a ni. A taksa nâ a chhuak deuh reng bawk.

Dinthanga’n Sarah-i kut a thlak chungchangah hian a chhungte hian lungawi lo tak chungin, Dinthanga ngenna avangin an ngawihpui reng a, mahse, a nâin zual lam a pan zel hnuah Child Welfare Committee (CWC)-te nen á¹­anghovin, February ni 29, 2012 khan Vaivakawn Police Station-ah FIR thehluh a ni.

CWC aá¹­anga thu dawn danin, Dinthanga hi police-te’n thu an zawtfiah tawh a, thubuai pawh an peih thawkhat tawh a, chargesheet pawh Court-ah an thehlut dawn hnai tawha an rin thu, CWC hotute chuan an sawi. Tunah hian Sarah-i te hi Chanmari West-ah mi inhnuai luahin an khawsa mek a, an inluahna te hian a thlâwnin an luahtir a ni. Mi á¹­hahnemngaite’n Sarah-i tan TV an pe bawk a, mi chi hrang hrangin an á¹­anpui nasa hle.

Facebook-ah pawh a pualin group siam a ni e. JUSTICE for Sarah

Vanglaini report bakah a nu ka kawmna ka han belh hlek a ni e. Comment lamah a chanchin kan la sawiho dawn nia.

“Ka hmangaihna chu Hmarchapui a ni ang” a ti tak naa, Hmarcha të a thak zawk mah tih a haider mai mai a ni. Mahse, mahse…he lehkhabu erawh hi chu Hmangaihna Tuboh a ni tlat, a lian lian-in a chhu na ta ve ang.

He lehkhabu ziaktu hi kum lama naupang të la ni si a, thu leh hla lama tui em em miril a ni vei roh va. Chuvanga, HMANGAIHNA meuh pawh TUBOH anga puh thlu ve ngam ngat a ni a, a TUBOH hi a chhut nat leh nat loh i hre duh a nih chuan; lei ngei ngei ang che. A pâwt mai mai ring suh.

He Hmangaihna Tuboh hi engti taka chhu na tur nge tih te, a len leh tet leh a kg zat lam engmah he luikama á¹­ang hian ka hre chuang law. Mahse, hei erawh hria la ka duh — a ngaihnawm lo i ti emaw a chhiar tlak loh a nih chuan, i leina man zatin ka lo lei chhawn sak leh ang che.

Fiamthu thiamte an che dawn a, a hlimawm thei ang bera hman tum a ni. Hlim taka i nuih zawh hnuin, refreshment tui tak a awm bawk ang. A lehkhabu neitupa ka râwn lem lo naa, a thei thei kal turin ka’n sawm ve ngawt a che u (a thinrim em lovang chu).

Hmangaihna Tuboh hi Rs. 100 man a ni dawn a, Nun Tihlimtu hi Rs 60 a ni ang. A hmunah man tlawm zawka lei theih a ni bawk ang. A hun a thleng dawn ta, ropui tak leh hlimawm taka an lu chawi kan a ni ang.

KAL MAI TEH…

HMANGAIHNA TUBOH (Novel)

NUN TIHLIMTU (Fiamthu bu)

Hun a kal bek bek a, hma kan sawn ve zël e.

Ka rawn ziak hnem tawh thawkhat a, min ning fe fe chu in tam tawh viau vang tih ka hlau angreng. Mahsé tirhkoh pahnihten Tirh. 4:20-a ”Thil kan hmuh leh kan hriatte kha sawi lovin kan awm thei lo” an tih ang mai kha ka ni a, ka rawn sawi leh dawn a ni. Thuziak rawn thawh tlém tlémin kan pung ve bek bek a, a lawmawm hle a ni tih hi ka sawi hmasa duh a ni. Mahse engah vak kan ngai lo em maw ni, kan hman lo zâwk nge, thuziak peih tak tak chu pahnih khat chauh kan la ni a, tan a ngai hle a ni. Thil hriat ziktluak nei lo leh mi rawn tùr thu êm ziaktlâk lo nia kan inngaih vang a nih a rinawm a. A tha lo hlë a ni.  Hnam dang wikipediaa thuziaktute pawh hi thalai vek an ni tih hriat a tha a, hnam dang chung-en chatuan tùr chuan kan hnam hi i tlàwmsan lul lo vang u tiin ka fuih vè (khanglang) duh che u a ni.

Chulam vang ni lovin thuziak tùr kan hre lo emaw kan tih vang pawh a ni thei bawk. Pawl 9 i zir thleng em? Hriat pakhat tal i nei em? Tlangkang chanchin i hria maw? Tuipui thil pakhat tal i nei em? Cristiano Ronaldo i ngaisang maw? I thil hriat, ngaihsan, ladt. tawh phawt chu thlalâk nei chi a nih chuan a thlalâk tal rawn tar rawh. I mi ngaihsan zawng pian kum i hre lo maw? English wikipedia-ah en la, a pian kum leh a thlalâk chauh tal pawh rawn thawh rawh. I theih phei chuan i mi ngaihsan zawng chu chhawhchhi tuh thiam nge a nih vaihlo chil chak tih tal pawh i hriat chuan  (mahni mi ngaihsanzawng te thiltih, an larna chhan em pawh i hre lo maw?) (Thlalâk ladt. hi english wikipedia-ah hman tùr a awm vek). Thlalâk tar dan emaw i hre lo a nih chuan he thuziak hi en la, ”edit” tih hmet la, a copy tawp la, a thlalâk hming kha thlâk la a ni mai. A va awlsam tehlul em.

Chu lo lehah chuan mahni zirlai ziah hreh loh tùr. Marxism i hre deuh nual maw? Ziak rawh! Mizo tawngin i ziak thiam lo maw? Mizo i nih a, i zirlai em Mizo tawnga (a thumal technical deuh, Mizo tawnga kan neih loh tiam lohvin.) i ziak thiam lo a nih chuan i thiam tak tak lo tihna. A zahthlâk loh ve. Chutiang thil tal ti thei chu a ni kan zawn ni. Mahse inzir vek kan ni (em?)…  sawi zawm lo mai ila.

Thuziak awm tawh zawng zawng, han tlawh ve hrim hrim la, kan hnam tan hna tha tak i thawk a ni mai. Thuziak tawi & nawi deuh i hmun pawhin nuih mai lovin, i ram leh hnam than chin (puitlinzawng)ah  ngai thei la a lawmawm khawp ang.  Kan nihna dik tak hi i changkansan mai lo vang u.

Mizo Wiktionary

Hei hi eng tawng pawh, Mizo tawnga hrilhfiah vek theihna hmun a ni. Spanish thumal pakhat i hria maw? Ziaklût rawh. Nakin zela kan tihpuitlin tùr a ni. Mahse thawh nana nakin chauh kan nghah erawh chuan puitlin tik a nei ngai lo vang. A! Spanish tih te, ferên tih te hlïr ka lo sawi a, ka mawl a ni. Min lo ngaidam ula! Mara tawng i thiam em? Lai tawng i hmang maw? Tlém tal i thiam maw? Rawn ziak lût rawh. Abîk takin kan mara, paihtë, hmar ladt. unaute ka chah duh chu, in tawng hi, lehkhabu leh thuziak ringawt hmang chuan engtik khawtikah mah kan rawh thiamsak ngai lo vang che u. A duh duhin kan zir theihna tùrin Wiktionary-ah hian rawh dah ula, kan tawng tihhausak nana kan hmang duh a nih pawhin hman tùr kan hmu thei tawh ang. Keini in rama thiante pawh nei lo, in tawng thiam ngaihna (tün dinhmunah chuan) la awm lo hrim hrim hian engti kawng mahin in tawng hi heti ringawt chuan kan rawh tiham ve ngai lo vang. Zohnahthlâk zawng zawngte inpumkhatna atan leh kan tawng theuh tihhausak zëlna atana kawng tha ber niah ka ngai kei chuan.

Khai le, thumal dah luh tawh zawng zawng chu hetah hian a awm e.  Thumal awm tawh sâte hi en la, (entirnan: kham tih hi han chhiar chhin ve hrim hrim la), tichuan a dinglam chunglam kila ”edit” tihah hmet la, a tihdan chu i thiam mai ang.

Mara tawng ziakin a tawpah [[Category:Wt/lus/Mara tawng]],  paihte tawng ziakin [[Category:Wt/lus/Paihte tawng]], pawi tawng ziakin [[Category:Wt/lus/Pawi tawng]] , chutiangzelin, dah tùr a ni. Tichuan miin an rawn duh hunah eng tawng nge a nih an lo hre thei tawh ang. Lusei tawng nena a thumal thuhmun a nih pawhin  phêk khatah  [[Category:Wt/lus/Mizo tawng]] tih nèn a awm dun mai dawn a ni.

Tichuan hetah hian kal la, a phêk laihäwl vêla kaw awm ”create page”/hemi phêk hi siam rawh le (mizo interface i thlan chuan) tihah hian i thumal sawifiah duh chu dah la, thawk tan mawlh mawlh rawh le! Phêk awmsaa tihdan kha zir tawp la, a cheimawina ilo chu i thiam chho ve zël mai ang.

Thutàwp

Wikipedia leh Wiktionary ni lo thil dang entirnan, Wikiquote siam duh tan hetah hian a siam tan theih e. Wikiquote hi miropui (nia i ngaih; nangmah ropuiah i inngai em?) thusawi dah khawmna hmun a ni a, hnam rohlu tling thei thil a ni. I mi ngaihsan-hote leh i ngaihsan lem loh pawh, thusawi lar hrim hrim chu a leng vek a ni. A sawitu chiang takin i dah ang a (Mizo tawngin let vek rawh. A original i dah duh chuan i dah thei ang. Tihmakmawh erawh a ni lo). Hetah hian sakhaw lam thil pawh i duh chuan a leng vek a, bible bu pum erawh chu rawn tar lo tùrin insum hräm thung la ( ) . Pu Vanlalzuata thusawi tha i tih tlar hnih khat lek, Rev Chanchinmawia thusawi fuh i tih tlar khat lek … Ka sawi seng lo, i thu vek a ni e.

(Ka ziak thui leh nek thin, a khat liam ngang a ni ang e!)

Wiktionary chu engnge?

Wikipedia ang bawka a duh duhin an khawih danglam theih, an ziah belh theih leh an tihkhawloh theih thufiahbu (dictionary) a ni.  Hetah hian a phekpui a en theih. Tawng chi hrang hrangin a awm a, mizo tawnga a bultanna chu hetah hian a awm. Thuziak awm tawh zawng zawng chu hetah hian.

A kalhmang

Hetah hian eng tawng pawh a dah theih a, mizo tawng mizo tawng vëka hrilhfiahna te, sap tawng mizo tawnga hrilhfiahna te, chutiang zelin.

Hei hi kan za a kan kut kan thawh theihna tur a ni a. Mizo tawng thumal, a ho ber atanga a un ber thlengin kan hriat hriat dah tùr a ni. Chutia han hrilhfiah tur emin ka thiam em ni? ti suh. A thiam zawkte tihchangtlun turin bul i tan thei. Sap tawng dictionary te chu Pu JF-a te chin kher lo chuan an siam thei dawn em ni? ti bawk suh. ”Love” tih hi ”hmangaihna” tihna a ni tih sawi mai mai i thiam lo vem ni? Dictionary pum siam tur i ni lo va, i thumal hriat chhun chhun thawh mai tùr i ni. Thawh ringawt chu engnge ka tangkaipuina tur awm i ti maw? Mite i pui a, kan inpui tawn a ni.

Hmarlama i thianpa’n thumal pakhat a lo thun ang a, nangin i lo thun ve bawk ang a, kan insiam changtlunsak tawn bawk ang a, dictionary awmsa te kan rawn bawk ang a, dictionary awmsa zawng zawng aia tha kan siam a ni mai! A va ropui em! Pu JF-a dictionary, Remkunga Dictionary te aia a thatna tur maw? Thumal a tam zawk ang a, annin english-mizo chauh te an ziah laiin keinin feren-mizo, mizo-english, mizo-mizo, russian-mizo, aigupta tawng-mizo tih te kan nei nuaih bîk ang. A va ropui dawn tehlul em.

Kan inthurual turah ka ngai a, a ziah dan kalhmang ka rawn sawi zawk ang e.

Ziah dàn

Heta hmangaihna tih hrilhfiahna hi chhiar chhuak phawt rawh le.  Hrilhfiahna awmsa i duh tawk loh chuan ”edit” tihah hmet la, tihdan tur chu a rawn lang vek mai ang. Ka sawi tam a ngai lo. Love tih hi chhiar leh bawk rawh le (abîkin english thumal ziaklut duh tan). A lamrîkdan audio te a awm thlaps vêl!  Tha i ti em? I tih chuan mi dang pawhin an ti ve ngei mai thei a, an tih loh pawhin an tana a hnawkna a awm lem lo bawk a, thumal dang dah ve rawh le! A lamdan hi file hman tùr a awmsa. Ka lam a ni lo

Kan tana a tangkai lutuk lova kan hria a nih pawhin kan thlah zël te tan a tangkai dawn tih hriat a tha. Wikipedia/Wiktionary engatinge a lar em em? Thawhhona hlutzia chu hei tlat hi a ni.

Kan hnam kan tlem a, mithiam kan awm lo, tih loh tur. Kan hnam tawng dictionary na na na hi chu keini aia siamtha thei chuang Pu Vana’n khawvel hmun dangah a dah lo.

JF-a te dictionary te, english dictionary te ka nei sa tho va, engnge a tangkaina? i ti mai thei a.  I neih chuan chung lehkhabute rawn chung chuan rawn ziak la, nei ve lo tan a va tha dawn em!  Nei chung pawhin online-a en a awlsam zawk chang a tam em hi!

I hna a thlawn lo vang.

Hriat tùr pawimawh

Thumal awmsa, entirnan love, write, hmangaihna tih te hi en la, Hming, Thiltih tihte i hmu ang. Hei hi mizo tawng grammar bu-a pawl 9 leh 12 inkara kan zir zuia hman a ni. I thumal hrilhfiah kha verb a nih chuan verb ti-a dah lovin ”Thiltih” tiin. Chutiang zelin:

verb: thiltih

noun: hming

pronoun: hming aiawh

adjective: hrilhfiahna

adverb: hrilhfiah chhawnna

conjunction: thuzawmna/zawmna

interjection: makna

double adverb: thu uarna

prefix: thuhmabet

suffix: thuhnungbet

laddt.

Heng hi mizo tawng thiam zawk te’na min zirtir dan a ni a, ngaihdan dang neih ve tumhran ai chuan an thu zawm mai hi a hlâwkin a chhenfâkawm zawk.

A tawpna: sâp tawng sap tawng vëka hrilhfiahna erawh a ngai lo. A tlukpui (synonym) dah erawh chu tih theih chuan duhthusam a ni.

Wikipedia-a ziah tur hre lo paw’n wiktionary-ah hi chuan peih chen chen ziah tùr kan hre hial awm e. Thumal pakhat të hmanga mi tana ka tangkai theih chuan … khawnge… tiin I ziak tan ang u le. Phekpui

Ka han sawi nawn leh ang e.

A hmasain, misual.com leh website dang ilo hmangtu tih loh chu Wikipedia-a han thawh thei tur vak kan tamin a rinawm loh va (Internet hmang thiam lovin engtinnge wikipedia-ah thu a ziah lem ang?). Internet hmangtu zingah pawh thuziak peih chu tlém te. Thuziak peih zingah pawh thuziak tùr hria chu tlém te. Thuziak tùr hre zingah pawh Wikipedia-a ziah tùr chi hria chu tlém te. Wikipedia-a ziah tùr chi hre zingah pawh ziah a tul ti chu tlem lehzual, ziah a tul ti zingah pawh a ziak tak tak chu hmeithai kara (pathlawi) zât lek kan lo ni ta a. Za-a sawm zel lo la ta ila: Internet hmang: 20000, thuziak peih: 2000, ziak tùr hria: 200, Wikipedia-a ziah tùr chi hria: 20, ziah tül ti: 2, ziak tak tak: 0.2!

Kan hun neih dan leh rilru senna lam hi a inang lo hlawmin kan thahnemngaihna hi a inpersan angreng hlawm a, kan tlém bawk si a, beisei san vak theih chu a ni lo. I tuizawng a nih loh vangin a tangkai lo tihna a ni lo va, kei ka tui vang ngawta pawimawh a ni hek lo. Mahni mum muma mum pahin eng eng emaw kan ti vêl mai mai a ni ber e… hringnun hi.  :D

Mahse…

A…! Keimah tak pawh ka insawi chaurau zo ve a.

A tihtawp nan Lalzuahliana chhamhla ril phalna la hran lovin ka rawn ziak  e, ama chanchin hriat belh nei chuan heta Lalzuahliana chanchin hi i han ziah belh ang u hmiang:

Duhthusamte chu puak darh mai tùr

Hmangaihte chu tihnat mai tùr

Thawhrah chhehkhawm pawh kangral mai tùr

Muanna a awm loh chuan –

Awmze nei reng a awm thei lo

Mi chakte chuan an hneh loh an tawng a

Huaisente chuan an ngam loh an hmachhawn

…

laddt..

Ziak tluan lo mai ang.

Tlipna:

Lehkhabu kan lei kim thei vek lo va, thil zawng zawng kan hrereng thei bawk hek lo. Chuvangin Internet hman changa i unau leh i mizopui, leh mizo tawng thiam dang zawng zawngin an ràwn theih tùrin i lehkhabu neih leh i thil hriat atangin hetah hian thil ziak rawh le. English wikipedia-a daha ni hnih-khat-a NON NOTABLE tih vanga an delete mai tùr, kan hnam tana pawimawh si, emaw, english leh tawng dang wikipedia-a awmsa thu i lehlin thiam eng pawh, hetah hian dah rawh le!

Pu Thenphunga Sailo chanchin en duh tan hetah hian a awm e. I hriat sa vek maw? Hriat belh i neih chuan ziah belh la, ziah sual a awm chuan ziak tha rawh. Zirsangzela Hnamte chanchinah hian i hriat ngai loh pakhat tal a awm ka ring… Han chhiar chhin teh le.

Link pakhat:

Kahpalir

(Kan tel lohna pawl hi pawl laktlâk loh a ni tihna a ni kher lo. Hmana KGB leh tunlai FBI khuan ka tel lovin hna an thawk tha ve phian :-S )

Thutàwp:

Kan post a mak teh nuaih hlë mai, i ti rilru a nih chuan a thuchah i hriat chian leh chian loh ngaihtuah la, mak i ti teh nuahin ka ring lo, kei ariang lungmawl hian.

Zirtir:

misual.com-ah hian thuziak kalhmang chi hrang hrang a tam angreng.

Khasi wikipedia ve thung…

English a short story ziak duh te tan huntha a inhawng e. Hmanni chu Dr. Martin Chhangte nen kan inbia a, literature club a an titi na vel atangin Mizo te ziah novel emaw, short story (in English) emaw hi a la tlem hle tih a hrechhuak tih a sawi a. Grey Oak Publishers te nen an inbia a, Mizo thalai, khawpui (metro) a cheng te ziah short story collection tihchhuah an rawt a.

Publishers te’n an duh ber chu originality leh quality a ni. Theme bik a awm lo a, duh duh lam a ziah theih a. Kan story te han thawhkhawm zung zung ila, chhuahtlak a an hriat te an lo thlifim leh dawn ani. English thiam tak tak kan awm a, tan i han la teh ang u. misual.com chhiar ve lem lo in thiante, ziak thei tura in hriat te pawh in lo hrilh ve dawn nia.

Short story a nih angin word limit hi a sei berah 4000 words vel ni se. March 31, 2012 hi chuan review turin submit thei ila. Ziak duh kan awm chuan rilru chu lo siam tan ila a tha khawp ang.

He collection atan hian i short story i thawh ve duh chuan keimah hi aduhi04@gmail.com ah hian min lo contact dawn nia.

1. misual.com-a lut hmasa ho hi in reh thap. Facebook-ah in ri huar huar ringawt a, in inkawm khawm tel tel a, hmangaih hmasa in theihnghilh lek lek. In thatchhe tawh e.. misual.com avanga inhriaa inpumkhat in nih hre ta che u mawle.

2. Member thar an tam vanga a hmasate inkiltawihna tur a awm thlawt lo. A titlangnel tur in ni a, in lo welcome em em zawk tur a ni. Hetiang hi hmun inkenna chi pawh a ni lo. Kan ri ham ham ang a, a nuam laih laih viau zawk tur a ni a. In mak em mai. Hetiang tur a ni ngai lo.

3. In nihna an hriat avangin a then chu in reh hmak. A ho e.. A duh chuan lo hria ang hmiang. In duh duh sawi pawp pawp rawh u. Mi pangngai chin chuan i nihna ni lovin i thusawi kha an en zawk tho tho vang. Silent reader-ah nula in tam a, nui vur vur chunga lo chhiar ringawt lo khan lo login la, lo lut rãwih rawh. misual.com-ah hian a hmaphel pakhatin a hma uai panga a hen. Kha kha a ni mai.

4. Mizo tawnga kan ngaimawh lai leh Mizo tawng chungchang hrim hrim han post ila, ‘hetiang post a tam, a ninawm’ in ti a. Fiamthu lam post ila, ‘misual.com hi a ho telh telh’ in ti a. Pathian thu post a awmin ‘misual.com hi a tak mah mah’ in ti a. Post a seiin ‘post sei em mai, chhiar chhuak peih lo’ tiin in comment duh tawk a.

Poetry post in lawm bawk si lo. Fiction leh short story a sei duh si. Thlalak post lahin nula hmeltha post tel a ngai ziah a. Video post lahin en thei lo in tam si. Lungawina thlawt in nei lo. Post azirin nangmahni kha insiamrem thin zawk rawh u. Em em cheu chuan.

5. Admin-te hnena in thil duh a hlawhtlin lohvin in phun a, nangmah chauh i inngaihtuah vang a nih kha. Comment lo in-off palh se, ‘ka thiam loh a ni ngei ang’ tih in tum bawk si lo. In phun luai luai a, in la phun lungawi thei tal a, a zia tak a awm.

Tel tum in report kan awm nual tawh a, intihlim tham fe chu kan awm dawn niin a lang. Kal na tur motor—in kan ngaihtuahna a tibuai deuh a nih hmel a, a tul chuan Sumo emaw mini bus emaw hire tura tih a ni. Chuvangin kalna tur nei lo chuan heng phone no. 9774701447 emaw 9436366846 ah te hian inhriattir nise a tha ang.

Aizawl lam atanga kal tur chu zing dar 7 ah chhuah nise tih a ni a, kan chhuah hun hi a hma deuh dawn avangin chaw fun tur a ni a, Hmuifang park vel chawfun thret ila kan ti Leitlangpui lam chu dar 6:30 velah tal chuan an chhuah a va ngai awm ve

Hmuifang MI, 2010

GMI ruai kil tur hi a ngaihtuahtu pawlin tui tawk tak an lo siam dawn a, vawksa, arsa, uisa bakah khuai no pawh awm tura beisei a ni

Vantawngkhawhthla leh adangte kan en zawhah tlai dar 4 vel ah chuan base camp PWD IB ah programme kan tran thei turah inngai ila, titi ho, zai ho, rel trul ang ang rel a ni ang. Tlema haw hma duh kan awm dawn niin a lang a, chuvangin post hmasa ah khan chaw ei hun dar 6:30 tih ni mahse, hei aia hma deuhah pawh ei theih turah ngai ila, a duh tan.

Sound system tha tawk tak a awm dawn a, kan zai anga kan lam leh hep hep mai ang chu nikum ang khan ‘Chuan Tbca pawh sawm a nih thu leh a lo tel theih tur thu kan dawng bawk.

Senso cover nan kan theih ang ang a hmunah vawmkhawm tur a ni e. Sawi hmaih a awm chuan comment ah te sawi liam liam ila.

Kan va han phur tawh tak em