Dt.24.2.2011 khan ZOPPEN (Zo Playwright, Poet, Essayist, Novelist Club) chuan Aizawl Press Club-ah an lehkhabu ziah thar, ‘Mizo Tawng Thumal Thar’ tih chu chanchinbumite nen tlangzarhna inkhawm an buatsaih a, Pu C.Lalkhawliana, Prominent Journalist chuan a tlangzarh.
ZOPPEN president Prof.Laltluangliana Khiangte chuan he lehkhabu an tlangzarh chhan hi sawiin Mizote chu hnampui kan nih anga kan tawng hman a hausa ve tur a ni a ti a, Mizo tawng chhuak thar chhawpchhuahte chu a bul tanna chauh a nih thu leh an tum ber chu Mizo tawng hlanga thu ziah duh huna hman atana tih a nih thu a sawi a. He thumal chhuaktharte hi nuih ula, hlimpui ula, mahse nuihsawh atan chuan kan ti lo a ti.
Mizo hnahthlak tawngkauchheh dangte senglut zelin kan mizo tawng mawitak hi i hmang uar zel ang u, i tawng a bo chuan i hnamzia a bo zui thuai dawn, i tawng i pawlh dal rualin i nun i pawlh dal zel a nia aw, i tawng a fir that chuan i nun a nghetin a zahawm bik ang, hawh u, ding marin Zofate i harh thar ang u tiih ZOPPEN chuan an lehkhabu phek hnungberah an dah.
He lehkhabu hi Rs.30/- man chauh a ni e. He lehkhabua Mizo tawng chhuak thar tha ka tihzual leh ka la hriat ngai lohte chu ka mi(sual) puite kan hlui ve reng reng ang che u. Hmang ve nghal tur pawhin ka sawm vek a che u, Tihemah chuan Thirsakawr tih pawh hi an phuah tirh pawh khan a nuihzatthlak ve tho ang mawle! mahse kan hmang thanga thirsarkaw taktak a lo ni ta a nih hi… Engvangin nge Kum 1900 hmalama tawng an chher chauh kha kan hman reng bik ang a, kum 1960 hnulama tawng nungphung zira an chherchhuahte hi kan hman loh bik ang le tiin i ngaihtuah ve ngai em?
Internet = tarnet
Junior = Tuaifang
Laptop (computer) = malchawi
Member = membar
p.m. (post meridiem) = t.l. (tlailam)
a.m. (ante meridiem) = z.l. )zinglam)
Traffic Jam = Lirthei intawksir
Update = bithuam
Video = Thlache, vidaw
Essay = Tlawrziah
Email = Pitzerh
Football = Futbawl
Et cetera (etc.) = leh a dangte (ldt.)
Agenda = Relki
Airport = tumhmun
Astray = vapbur
battery = thatlang
budget = sumrel
Bus = hringphur
ceiling = chungthuah
charger (baterry, etc.) = zawmnun
cheque = sumphek
chutney = sehhmeh, chawtani
corridor = lamchhung
crossword puzzle = thukhaidiat
current (electric) = theng
cylinder (gas) = meibur
elelctronic = kheuhrelh
Gallery = chhuatchhawng
Gay = paherh
Computer keyboard = chhutthleng
Lesbian = hmeiherh
live telecast/live broadcast = laichhuah
Microphone = awlakna
Misscall = biakpelh (verb-a hman a nih erawh chuan bepelh)
Mobilephone = Fawnte
Motor-cycle = Chehpuah
off (to stop) Computer off sawi nan pawh a hman theih = mih, timit.
Passport = chhuahrem
pendrive = Vihlawr
Pickle = Umhmeh
Resource person = Rawnpu
Scooter = Khawlsakawr
Screw-driver = Tialherh
Sex = chibi, sexy = chibi (thluk deuh tur!)
Tank (weapon) = Kahpalir
To whom it may concern = hriatpuina
A ruala fa pathum neih chuan : Thir
Two-wheeler = Lirkehnih
Visa card = luhrem
Ka Pitzerh chu ricky.1621@rediffmail.com a ni 
Similar Posts:
- Combined Post! Combined Post!
- Mizo leh Mizo tawng
- ‘ZOLUANKAWR’ Pu P.L.Liandinga’n a tlangzarh
- Eng hi nge Mizo Tawng chu?
- Thih sak pawh ka ngam
February 24th, 2011 at 11:23 pm
Khawchhak lam Mizo tawng nen a inang lo nuaih dawn a ni hi.
Arport= Thlawhnakerawn
Electrc =Kawlphetha
Microphone=aurinna
Thil dang
Buddhist puithiam(Buddhist monk)=Phungki
Tel= sahriak/hriak/chhitui
Sazupui=sabek
Daidep= piteng
Ingnghak/inhrik=daidep
Iskut=hangbo
Report this comment
February 24th, 2011 at 11:27 pm
website leh dot com tih te hi..condoms te pawh mawle
Report this comment
February 24th, 2011 at 11:27 pm
Zanin zonetah he lehkhabu tlangzarh hi ka en. “hetianga zo tawng hman uar leh thumal belh te kan tih avang hian hnam dang tawng i hnualsuat ang u, kan tihna a ni lo. English te, Hindi te leh tawng hrang2 hi thiam kan tum tur a ni. Chutihlaiin, Mizo kan nih chuan mizo tawng hi kan ngai pawimawh tur a ni a, tih hausak kan tum tur a ni a, mizo tawnga thu sawina hmun leh hunah chuan a tam thei ang ber mizo tawng kan hmang tur a ni” tih lam hawi te pawhin thu an sawi. Ka pawp khap!
Report this comment
February 24th, 2011 at 11:28 pm
Zanin zonetah he lehkhabu tlangzarh hi ka en. “hetianga zo tawng hman uar leh thumal belh te kan tih avang hian hnam dang tawng i hnualsuat ang u, kan tihna a ni lo. English te, Hindi te leh tawng hrang2 hi thiam kan tum tur a ni. Chutihlaiin, Mizo kan nih chuan mizo tawng hi kan ngai pawimawh tur a ni a, tih hausak kan tum tur a ni a, mizo tawnga thu sawina hmun leh hunah chuan a tam thei ang ber mizo tawng kan hmang tur a ni” tih lam hawi te pawhin thu an sawi. Tha ka tiin Ka pawm khawp!
Report this comment
February 25th, 2011 at 12:15 am
chepa, electric te chu tun hma atangin ‘kawlphetha’ tiin kan lam thin reng alawm. Mike pawh hi aurinna kan ti tho ania , oil pawh sahriak
I buddhist puithiam sawi erawh khi chu Kawl (Burmese) ho sawi dan Phung Gyi i ziak ‘Phungki’ niin ka hria; ka kal ve thin lai khan Kawl ho lam ang thoin a ni Tahan lamah pawh an lam ni . NOI
Japanese/Chinese chuan Kanji an ti maia, Tibetan erawh chuan ‘gra pa’ . Tibetan ho chuan, “O ma-ne peme ho-re,” tiin an tawngtai thin hairehai. 
Report this comment
February 25th, 2011 at 12:19 am
kawlhawk: I thu rawn sawi i chu ka thlawpin, a n philosophy pawh tha ka ti viau mai.
Mahse, kan naupangten, “To whom it may concern” tih tehi, “Hriatpuina” Ti a an zir ka duh miahlo, a awmzia a bo thak… “Electronic = Kheuhrelh” tih te… etc.
Mizotawng chawikan kan duh lutuk na lamah hian kan tu leh fa te hi kan ti bo hu ang tih tepawh a hlauhawm alawm le, tunah a nihna tak an zir chung pawhin zirtirtu ten an zirtir thiam tawkloh vang tepawh ani ang, an bo hu thin ania. A mak a mak zawk khawp hian thil hi an man chaklo a, hetiang level sang deuh hi 90% chuan hriat pawh an hriat thiam tak tak ka bar love, puitling chin pawhin, “Tunlai sanah.” Tih aiin, “Tunlai chhanah.” tih te kan hmang tawh ania… Misual comment ah hian ka hmu fo mai, a grammar chu thuhran ni se… A generation a in thlau lulai deuh niin ka hria.
Mahse dem theih ngawt kan nilo, puitling tana hriatthiam awl deuh hi keini tan chuan hriatthiam a har ve thin ani. Tin, tunlai generation nen a in hmehloh bakah, a awmzia tak (english meaning nen a khaikhin pawhin…) bo thak tepawh a awm ania.
Report this comment
February 25th, 2011 at 12:22 am
Pu Tuangtea hi mi mi ngaihsanawm leh inngaitlawm, fel tak chu ani meuh maia, misual a tlawh thin anih tepawh ka ringa… Rawn defend rawh se a duh chuan.
Report this comment
February 25th, 2011 at 12:22 am
A tha dawn khawp alawm hei, bul tanna atan chuan
pitzerh (email) hi a tobul chhuia a chepakaia sawifiah thei kan awm em aw…?
Ka vawikhat hriatna a ni tlat mai kei chu 
Report this comment
February 25th, 2011 at 12:27 am
keimah tak pawhin ziah zawm loh tur te ka’n ziah zawm ta nual a, edit theih tawh siloh. Ka’n in lak pawr ve tehlul nen, a literature zawng chuan min judge lo em ang chu maw. hihihi
Report this comment
February 25th, 2011 at 12:35 am
funny, #7 leh #17 hi i chhiar em?
Report this comment
February 25th, 2011 at 12:43 am
A ruala fa pathum neiah hian PHIAR tih ka rawt e
Report this comment
February 25th, 2011 at 12:43 am
funny chu delete thei tawh silo alelele….
NOI
Be a Man Just like a Man wear Marco Polo
Report this comment
February 25th, 2011 at 12:52 am
funny induh lil lel ta lutuk fb lama biak theih ta reng reng lo mai hi a UIH
UIa..pa 
Report this comment
February 25th, 2011 at 12:59 am
Update *bithuam* tih a an lehlin khi nalh ka ti reuh. Internet an lehlinna khi chu ka hmang peih la
Report this comment
February 25th, 2011 at 1:00 am
chepa, #51 zulzuiin: Hei Buddhist tawngtaina ka la nei tha ve ran tak asin
Tibet lam ami a ni. 
http://img4.imageshack.us/img4/5121/buddhist.jpg
Report this comment
February 25th, 2011 at 1:07 am
ka chhungte han chah mai ka tum a, a bu hming sawi tur ka hre hlek lo mai..min hrilh thei mai in awm em aw.
Report this comment
February 25th, 2011 at 1:09 am
‘Mizo Tawng Thumal Thar’ tih
Report this comment
February 25th, 2011 at 3:03 am
Mizo tawnga kan neih sa reng te hi chu a thar siam leh kher a ngai hleinem! Thahnemngaihna erawh a fakawm
Report this comment
February 25th, 2011 at 3:24 am
Pu HV #63: hahaha, in duh vang pawh anilo, ka fb ve hi ka tlawh khat lutuk.
misual bak hi chu ka tlawh vak ngailo. misuala ka rawn comment keuh bak hi chu thil dang kati ani deuh tlangpui. hehehe.
(I comment ka hmu chiah a, mut a hun leh tawh bawksi)
Ka rawn message ang che fb ah chuan.
Report this comment
February 25th, 2011 at 3:31 am
Pu HV: Hei ka zo artui lem siam kha kalo siam zawm daiha. A mit ala kalh deuh ru mai.
http://img88.imageshack.us/img.....ot1nzj.png
Report this comment
February 25th, 2011 at 3:47 am
funny #70 zualbona lem elaw hairehai
Report this comment
February 25th, 2011 at 4:05 am
Lightning leh color vel tih fuh a har angreng, a ha pawh hi chung leh hnuai plane in ka siam ngawt a, a inkar ah line dum tal la awm tir leh tur ani. Arena ang emaw thing tihvel emaw, a bulvel ka siam hunah a color kala thlak leh ang. Nula ho chu a artui lian lai hi an mawng lama iam ka tum. Nang erawh chu, artui lian pur, bawp tawi deuh leh ban bul lian deuhin ka siam ang.
Report this comment
February 25th, 2011 at 4:07 am
A bultanna a ni a, sawiselna chu a awm dawn tih a chiang reng mai. Thumal lehlinte khi nikum lam atang tawha an zawn khawm a ni hlawm. Pawlin an tih loh chuan tute’n nge ti chuang ang le?
Report this comment
February 25th, 2011 at 4:12 am
funny, i pic ka fanu kum 5 mi hi ka ziah tir anga ka rawn dah ve ang
Report this comment
February 25th, 2011 at 4:27 am
hahaha: I fanu lem hi kalo siam dawn mawni le.
mahse mihring tak lem, ang lutuk tak maia han siam hi chu a har ve pah reng. Hun chu a duh rei deuh ang hun awl ngah tawkloh nen. Polygon tehi a tam duh lutuka, polygon zawng zawng leh an relative position te leh properties vel calculate tur chuan system chaklo ah pheichuan animate miahloh pawhin a muang rawih zel.
Report this comment
February 25th, 2011 at 5:16 am
Tul lo mai mai ve aw!!!! Thilhming phei chu a phuahtute’n an duh dan in an phuah anga, sap phuah a nih leh sap hming a pu anga, kawl phuah a nih leh kawl hming a pu anga ni mai a lawm. Lo her rem ve zel tum hi enge a tulna?
Report this comment
February 25th, 2011 at 10:27 am
Ka thlir reng a, NUNG CHHUAH (live) kha, ka lawm bon top. Ka nui uar uar, nula ngheng reng pahin, han ti mai ilah!
Report this comment
February 25th, 2011 at 11:32 am
a tha hlawm ka ti reuh ngawt mai…. ka chhiar nui thla ver ver..
Report this comment
February 25th, 2011 at 11:47 am
Mizo tawng tihhausak nana an hmalakna a fakawm hle mai. Airport=tumhmun tih te hi chu kan hmang fo tawh in ka hria. To whom it may concern = hriatpuina tih hian a awmzia a phawk zo lo ka ti. Current (electric) te hi chu ‘kawlphetha’ kan ti thin emaw ka lo tia. Mawi leh inrem ka tih te:
Laptop (computer) = malchawi
Member = membar
Agenda = Relki
budget = sumrel
crossword puzzle = thukhaidiat
Computer keyboard = chhutthleng
pendrive = Vihlawr
Pickle = Umhmeh
Resource person = Rawnpu
Screw-driver = Tialherh
Tamtak hi chu Tawng tihhausakna atana hlu, kan hman lar zui rinawm loh a awm nual. Internet, email tih vel te phei chu hnamdang zingah pawh a tam zawk chuan an tawngin an hmang bik kher lo maithei a ni. Email tih phei hi chu electronic mail tihna a nia, pitzerh tih hian a nihna a sawifiah pawhin ka hre lo. Mail chu Mizo tawngin dak a nia, dakpit pawh ti se inhmeh ka ti zawk.
Gay leh lesbian sawi nana ‘paherh’/'nuherh’ tiha ‘herh’ tih kher pawh hi hnam changkang zawk leh inla thlir zau zawk chuan a ‘judgmental’ an tih ka ring. Motor-cycle = Chehpuah tih phei hi chu fiamthuna te pawh a ang zawk alawm le.. Ka ngaihdan
Report this comment
February 25th, 2011 at 2:13 pm
“Resource person = rawnpu” tih hi a fuh lo…hmeichhia ni ta se kan buai nghal.
Report this comment
February 25th, 2011 at 2:43 pm
Avast bithuam nei in awm em
Report this comment
February 25th, 2011 at 2:44 pm
lu a va tihai ve
Report this comment
February 25th, 2011 at 2:58 pm
Resource person hi nimin-ah pawh an zawt a, mahse hmeichhia a ni emaw mipa ani emaw pawhin Rawnpu tia koh tho tur an ti. Hmeichhia anih avang ngawt khan Rawnpi a ni lo an ti!
Report this comment
February 25th, 2011 at 3:03 pm
Pu zawng zawng hi mipa sawina a ni kher lo.
Report this comment
February 25th, 2011 at 3:50 pm
#83 Hmeithai pachhia tih nen a hmeh bel chuan rawnpu tih vek chu a dik hmel.
A phur phur in kan tawng kan phuah belh zel chuan a dal/lem zo vek zawk law’ng tih chu ka ngaihtuah deuh. Kei pawh peih chang2 in ka la phuah ve ang.
Tawng/thumal thar nalh ka tih te: Bawl, chhass, pherh
Report this comment
February 25th, 2011 at 4:23 pm
Kei pawh sorkar chet hmain pawl ka din ve ang a thumal thar siam ve teuh teh ang, mellung ka phun a ni ve mai dawn a
Report this comment
February 25th, 2011 at 5:08 pm
#83 & 84…Dr. Lalrinawmi Ralte (Nute-i), UTC, Bangalore-a zirtir te, Dr. R.L Hnuni, Principal, AICS te hi “rawnpu” tiin han ko chhin mah teh u, in hre mai ang…..kei chuan ka ko ngam miah lo!
Report this comment
February 25th, 2011 at 7:18 pm
Fiamthu te pawh a ang zawk! LOL!
A thumal hlui khi ka hmang zawm zel ta’ng e 
Report this comment
February 25th, 2011 at 8:44 pm
Tunlai chu ka malchawi ka hmang thei si lo va, bithuam a va har ve le! Fawnte atangin ka lo zir ve ngat ngat a, ka vihlawr ka la tibo zui lehnghal a.
Ka chehpuah pawh hralh ka lo tum mek bawk a. Ka luhrem ah sum a awm si lo va, sum phek hman a ngaih phah leh nghal.
Tin, ka malchawi a chhutthleng a Z hi a la thalo reng bawk a. Ka fawnte thatlang a zo dawn, pitzerh ka la.dawng zui… hui ham… ldt.
Ka thiam tawh hle mai. Mahse, midang ang bawkin kawlphetha tih hian electric/current hi chu ka la hmang tho tho dawn…
Report this comment
February 26th, 2011 at 3:21 am
He post hi han thar thawh leh ka va chak e.
Ka comment ho pawh chutin a dik bik chuang hleilova. Lolz
Report this comment
February 26th, 2011 at 11:42 am
Hman mai chi pawh ani dawn mawnle? Examna ah te hian zirlaite hian an hmang anga, formal taka pawm anih si loh chuan, zirtirtute zawk hian mark hi an paih teuh teuh ang tih pawh a hlauhawm anih hi mawle!
Report this comment
February 27th, 2011 at 10:55 am
Saptawng hi senglut ta zawk ila, a pawina ka hre miah lo.
Laptop (computer) = malchawi, a nih si chuan ‘Fanau maltluan chawi’ chu “Baby’s laptop” ni mai alawm……
Report this comment
February 27th, 2011 at 11:05 am
#92, a dik khawp mai. English thumal hi chu pawn chin awm se ka ti. ( taka, nizan LPS Sports channel a ka hmuh pa nen khan in hming a inang chiah mai ka ti
)
Report this comment
February 28th, 2011 at 11:43 pm
Trawng hi chutia tuten emaw “Ni rawh se” an tih avanga ni ngawt thei a nia maw’n le? “Pherh” te, “Chhass” te pawh hi tu’n emaw an rawt vanga rawn chhuak a nih hmel loh. An thumal chher thar ho hi kan hman ka ring tehchiam love a
Report this comment
March 1st, 2011 at 12:00 am
An rawt chhuahna rilru hi chu ka thlawp khawp mai. Amaherawhchu, ka rilrua lian mah zawk chu Zohnahthlak tawng dang atanga seng luh a ni. Hei hian hnam inunauna pawh a vawng thui hle turah ka ngai.
A rawttute hian an pawl hming hi an thlak ve dawn em le? – ZOPPEN (Zo Playwright, Poet, Essayist, Novelist) Club, Saptawng vek an pawl hmingah hian an la hmang leh lawi si a
Report this comment
April 5th, 2012 at 2:01 pm
[...] Kahpalir [...]
Report this comment
June 25th, 2012 at 9:43 pm
[...] Shakespeare-a thuhlaril a thiam an ti lutuk chuan PhD ti chhunzawm ngêi tùrin an duh a. Mahsé luhrem dànthlung ilo vàngin Aizawl, a pianna ram, hnam mäwl chapo-ho khawsaknaa kìr a ngái leh tâ a. [...]
Report this comment