Rev Chanchinmawia chungchang a Pu Thanhlira Zoram Today in a kawmna
December 6th, 2007 8:15 pm | News | virgine_gal | 926 views|
|
Rev Chanchinmawia chungchang a Pu Thanhlira Zoram Today in a kawmna
Rev Chanchinmawia Mahni inthat nia chhui tum tlatna a awm nia sawi thawm a awm bawk vangin hemi chungchangah hian Rev Chanchinmawia thianpa Pu Thanhlira(Khatla) leh Zoram Today inkawmna ngaihnawm tak chu.
Zoram Today ZT Pu Thanhlira Pu Hlira
ZT: Pu Hlir Rev Chanchinmawia thih chungchangah khan Police lamin vawi engzat nge an koh tawh che?I Interview hnua thil thlengah engemaw min hrilh tur i nei em?
Pu Hlira: Pu Chanchinmawia thih chungchangah khan SKYLINK ZONET NETV ten min interview a.A lar ta ber kha chu SKYLINK interview an tih chhuah hnu khan Aizawl Thana ah vawi hnih min ko tawh a.Darkar hnih vel zen zawn Police Officer hrang hrangte nen kan inkawm a.ka interview chungchanga an ngaih theih loh laite min hrilh a.Zawhna eng emaw pawh min zawt nual bawk.
ZT: Rev Chanchinmawia thih chungchanga i interview an hmuh atang chuan ngaih theih loh lai deuhte an nei tihna em ni?
Pu Hlira: Aw ni e.Pu Chanchinmawia hliam ka hmuh dan ka sawiah khan a kaihza kak ka sawi kha pem awm lo angin an sawi ta daih mai a.kha kha mak ka ti khawp mai a. a kekawr phelhna kan thlirho ngei kha ani a.A dressing tu nu ngei pawhin khalai kak kha a hmuh ve ngei thu min hrilh a.A kaihza kha kak lo anga pawm chu harsa ka ti.a kak kha ka mit ngeiin ka hmu tlat ani.
ZT:chu mi bakah chuan ngaih theih loh dang an nei nual lo maw?
Pu Hlira: Aw nei nual e.Pu Chanchinmawia te thenawmnu Pi Laii khan an tap thawm a hriat khan a va tlan vat a.An choka lam kawngkapui kha a inkalh loh avangin a hawng nghal tih kan kohhran Upate leh keimah ngei pawh min hrilh si a.chu chu ka interview ah khan ka sawi lang a.Kawngkapui kha chhung lama inkalh vek ni awm takin Pi Laii hnen atanga thu dawng angin an insawi leh hlauh si a.Pawm harsa ka ti khawp mai.
ZT:Kawngka inkalh chungchangah chuan Pi Laii chu i zawt nawn leh tawh em?
Pu Hlira: Aw zawt nawn leh tawh e.Pi Laii chuan Kawngka kha a inkalh tiin tumah ka hrilh ngailo.ka va thlen khan ka hawng nghal mai thei tiin ka sawi mai ani tiin min chhang.
ZT:Kha thihnaah khan Suicidal/Homicidal theory an sawi tawn chhen mai a.Suicide anga i pawm theih loh chhan thenkhat tal min hrilh thei em?
Pu Hlira:Pu Chanchinmawia kha Pathian tih mi ani a.Thu dik a tan a vanga huaisen taka thu sawi thin ani a.Chutiang mi chuan mahni a intihlum duh ka ring thei ngang lo ani.Suicide anga sawi duhtute hian ka bula an sawi reng reng hian an tehkhin thin kha a inang deuh thup thin a.Chu chuan thlur bik neia thiltih tum awm angin min ngaihtir tlat ani.Mahni inthat ho an tehkhin reng reng kha hmun khatah an thi nghal mai ngai lova.An kal rual hlawm a.Pu Chanchinmawia khan khatiang hrep khan mahni invit ta ang sela,khalai chawei dawhkan sir zim te leh bang inkar maiah khan thawm pakhat mah nei lovin a thih thleng a tuar ka ring thei lo ani.Tin,damlo chak lo tak mai ani a.khati taka thuk leh nasa khan mahni a invih theih ka ring lo.Mahni invit chu nisela,chemte kha a phawt leh thei tur ani lo.kha hlei hlei khan mahni invit ati ang lo leh zual ani. Tun hmain mahni invit chu hriat ka nei ve tawh a.chung ho pawh chuan hmun khatah an thih thlengin a hliam kha a tuar zui ngar ngar lova.Pu Chanchinmawia bik kha engvangin nge thawm nei miah lova a thih thlenga kha hliam na tak mai kha a tuar ngar ngar theih bik turah an ngaih theih bik?Suicide anga sawi duhtute reng reng hian an diriam deuh tlatin ka hria a.A thihnaah khan thil tenawm tak inthup a awm tlatin ka ngai ani.
ZT: A nih leh khalai hmun zim tea thi kha a nih si chuan engtia thi nge a nih i rin?
Pu Hlira: Ka rin dan chuan hneh taka a hnung lam atanga a hmui leh a ka hup bet chunga man bet an awm ang a.A hma lam atang khan dim hauh lova vittu an awm anih ka ring a.Mi pakhat ringawt chuan khalai hmunah khan kal sawn miah lo leh thawm nei miah lovin a tih hlum theih ka ring lo ani.Hneh taka beih rawntu an awm ngei ka ring tlat ani.
ZT: Rev Chanchinmawia kha I kawm fo tih i sawi a.An inah i leng fo ani tih hretu tute nge awm?
Pu Hlira: Ni e,khalai kha midang pawhin min zawt fo tawh a.Pu Chanchinmawia te ina ka len lai kha a nupui Pi Rohmingliani te,a fanu Rinmuani te,Sakawrtuichhuna mi a farnu rawn riak thin te, Upa JH Pahlira Maganer ZIDCO te, Pu Malsawma Chuauhang Ex-VCP Khatla te Pu Vanlaliana PCO nei te Khatla leh mi dang dangin min hmu tawh thin a.chung ho chu zawt mai sela ka len thin leh thin loh chu an hre mai ang.
ZT: Rev Chanchinmawia khan vauna a tawk fo niin i sawi a.mi dang hnenah vauna a tawh thu a hrilh awm hriat i nei em?
Pu Hlira:Aw nei e.Pu Chanchinmawia khan amah an vau tih thu kha Pu Malsawma Chuauhang, Ex VCP Khatla leh Pu Vanlaliana te nen an ina sunday School inkhawm bana kan len tumin a sawi a.A mobile ah khan a vautute Number pawh a save thu a sawi nghe nghe a.Anni pahnih hi a duh chuan zawt ve mai se a tha ang.A fanu Rinmuani pawhin a pa kha tun hmain vawi hnih an lo vau tawh niin a ziak nghe nghein ka hria.
ZT: Pu Malsawma Chuauhang leh Pu Vanlaliana te hnen atang chuan thil an zawt ve tawh em?
Pu Hlira:Vawiin ni thleng hian engmah an zawh ka hre lo.Zawh tul an ti lo nge,an zawt duh lo tih ka hrethiam lo.
ZT: Rev Chanchinmawia thih dan hian Zoram dung leh vangah sawi a hlawh hle mai a.In upate leh kohhran hruaitute hian eng angin nge an ngaih min hrilh thei em?
Pu Hlira:Hei hi chu ka chhang lo mai ang che u.Anmahni pawh mi puitling vek an ni a.A hliam dan hmu hmasatute zingah khan upa te,Officer chinchang hre tak tak te pawh a tel a.Chung ho chuan an hmuh leh an hriat chu an sawi turah ka ngai ani.
ZT:Rev Chanchinmawia thih danah hian Khatla bial kohhran hian an ui thu emaw,pawi an tih thu emaw pawh an la ziak miah lo niin a lang a.Chutah chuan eng emaw tal sawi duh i nei em?
Pu Hlira: Khatla Bial leh kohhran aiawh phak ka nih loh avangin chu lai chu ka sawi ve phak ani lova.Theih chu nisela,Bial aiawh emaw tal chuan kan ui thu hi chu ziak ve sela ka ti khawp mai.Hun remchang zawk an la nghak anih ka beisei.
ZT: Rev Chanchinmawia thih dan an chhui zelnaah hian lungawi tawk lohna i nei em?
Pu Hlira: Hei hi sawi a nuam lo khawp mai.Kei chuan mahni intihlum angin ka pawm thei miah lo mai a.Pu Chanchinmawia case chhuitu Police ho pawh hi ka khawngaih khawp mai.He thihna chungchang chhui danah hian Homicidal lam hawia ngaih dan siamtute hi kan chep deuh bik riauin ka hria a.Pu Lalngheta Sailo thu ziah pawh kha ngai thei lo zingah khan Police Officer an tel ni awm takin ka lo hria a.Suicide ang ringawta chhui an tum anih vaih chuan kei chuan lungawi har ka ti khawp ang.
ZT: Rev Chanchinmawia thih chungchanga interview i neih avang hian hmun hrang hrang atangin lehkha emaw, phone emaw i dawng tawh em?
Pu Hlira: Lehkha chu ka la dawng chiah lova.Tawngkam leh Telephone ka dawng fo tawh a.Min rawb phone thin tute leh rawn leng ho zinga a tam berte chuan min support tha em em a.Pathian rawn chung zela thu dika tang ngam turin min fuih nasa ber a.Ka tan an lo tawngtai thin ani tih min hrilhtu an tam khawp mai a,ka lawm khawp mai.
ZT: Rawn phone tute zingah chuan ram dang mite an awm em?
Pu Hlira: Aw awm e.Washington atang pawhin min rawn phone a.Newspapers/magazines leh Website atanga an thu hmuh theih ang bak te hriat belh an chak thute min rawn hrilh a.Kan tan an lo tawngtai thin tih pawh min hrilh ani.
ZT: Rev Chanchinmawia thih dan I sawi avang hian vauna i tawk tawh em?Hlauhthawn i nei em?
Pu Hlira: Mi dawihzep deuh chu ni ila,ka thil hmuh leh hriat kha ka sawi dawn lova.Pathian rinchhan chungin thla khat ka inngaihtuah hnuah ka thil hmuh leh hriat dan kha Cable TV lamah khan ka sawi a.Ka interview dawn reng reng khan engmah sawi ho sa kan nei ngai lova.min zawh an tum pawh an sawi sa ngai lova.Cable TV ho kha kan inah an rawn leng a.Min interview mawlh mawlh mai thin a.A then chuan ka lennaah min interview ah khan ka thil hmuh leh hriat dik tak ka sawi thin a.Kha kha lo hua an awm anih pawhin ka chunga thleng tur chu Pathianin min hriatpui a.Keimah leh Pathian inkarah engkim a chian avangin thlamuang takin ka awm zel mai a.Engmah hlauhthawn ka nei lo.
ZT: Rev Chanchinmawia khan a Mobile ah khan amah vautute Phone a save tih i sawi a.chu chu Police leh a chhungte hian an vawng tha em?
Pu Hlira: Chu lam chu engmah ka hriatpui lo.A duh tan chuan incoming leh outgoing Telephone Numbers chu chhui chhuah theih vek ani a.A chhuituten chu lam chu an ti turah ka ngai ani.
ZT:Rev Chanchinmawia thih dan chungchangah hian ngaihdan a tam a.Mipuite hnenah eng emaw chah duh i nei em?
Pu Hlira: Nei e.Kan ram hi India rama State khatah chuan Kristian parcentage tam berna kan ni a.Mipui tam ber hian thu dik huai takin kan sawi ngam tawh lo niin ka hria a.Hei hi lungchhiatthlak ka ti.Mipuite hian Lalpa Pathian kan rin dan hi her danglam ngaiin ka hria a.Kristian sakhaw zuitu ringawt ni lovin,Isua Krista ringtu piangthar ngei ni thei ila tih hi Zoram mipui zawng zawng hnenah ka chah duh a.He Bible chang hi thil sual tituten hria se ka duh ani “Thiltih sual chungah hremna hlen nghal mai anih thin loh avangin,mihring fate thinlung chu thil sual ti turin alo ngampa tawh thin ani.Mi sual chuan vawi za pawh thil sual tiin dam rei bawk mah sela,Pathian tihtuten,amah ngei an tih avangin a tha tho vang tih ka hria:mahse,mi sualsual tan kha chuan a tha lo vang a,ani tihseite pawh kha hlimthla ang lek ani si a,Pathian tihna a neih loh avangin” Thuhriltu 8:11-13
May be related
- Nakumah Rev.Chanchinmawia ziah zir dawn
- Suicide tension “very much possible”
- Rev. Chanchinmawia thih dan house-ah sawiho
- Rev Chanchinmawia tawnzau an chhar
- Synod in Police ngaihdan pawm thei lo bur
Ka rilru a lo...
December 6th, 2007 at 11:09 pm
ZT:Kawngka inkalh chungchangah chuan Pi Laii chu i zawt nawn leh tawh em?
Pu Hlira: Aw zawt nawn leh tawh e.Pi Laii chuan Kawngka kha a inkalh tiin tumah ka hrilh ngailo.ka va thlen khan ka hawng nghal mai thei tiin ka sawi mai ani tiin min chhang.
a va hawn chuan Pi Laii chuan enge a hmuh le aw..
December 7th, 2007 at 1:43 am
He tual thihnaah hian Police lam hi thu zawha /vuak nek chi an nih zawk hi le. An hnuchhuinaah source tha tak neih an hlau ni berin a lang. Heng ho hian an chhui chhuah loh hmel a ni.
Anmahni zawk hi chhui an ngai ta ber niin a lang. Investigation team dang a tul a nih hi. Hun tihkhaw tlai bak tih an tum hmel loh ve.
December 7th, 2007 at 2:23 am
Ram dang, state danga ring lo mite zinga thi chu ni se, heng ho: Kohhran, YMA, MHIP, Sorkar, MZP, etc. etc., hian nasa takin aw an chhuah ngei awm si a. Aw Zoram i chhungah bumtu an leng ringtu inti dikna tlachhamte nen.
Puithiam nunna meuh laksaka a awm hi, rinna leh sakhuanain a chhan chhuak zo tawh lo che a nih pawhin Thul mawnga tawlhloh puan i dah kha phawrh la inbel ta che. Kan zonun mawi tlawmngaihna, huaisenna ngei mai kha i kulhpui a nih thin kha.
I mite hi ral tihna hmuna leng ang mai an chang zo ta. Aw.. zonun, zonunmawi i thlazar hnuaiah zaleng naufa an muan thin vei nen.
Het salla!! An hla han cheh hrep mai a va chak awm deuh em!!!!!!!!!!
December 7th, 2007 at 4:25 am
phone kha apawimawh viau si a..phone lam chanchin ansawi hian atawp leh tlats thin a…phone atrang khan ngatinge anchhui vat mai loh le..nge achhui tu te hian phone atrang in achhuih theih leh theihloh pawh hi anhre chiang lo zawk nge..anti duh lo hrim hrim…thilmak tak zawng ani e…mahni leh mahni inthah nan chuan pem atam mah mah a ni e..alo nipalh anihpawhin apa awm triaps triaps…hehe
December 7th, 2007 at 4:25 am
phone kha apawimawh viau si a..phone lam chanchin ansawi hian atawp leh tlats thin a…phone atrang khan ngatinge anchhui vat mai loh le..nge achhui tu te hian phone atrang in achhuih theih leh theihloh pawh hi anhre chiang lo zawk nge..anti duh lo hrim hrim…thilmak tak zawng ani e…mahni leh mahni inthah nan chuan pem atam mah mah a ni e..alo nipalh anihpawhin apa awm triaps triaps…hehe…rambo a U ramliana aniringawt dawn alawm le..hahha
December 7th, 2007 at 5:06 am
civil mi ho hian chhui ta ila kan chhui chhuak jok ang a hehe
December 7th, 2007 at 5:06 am
ateuh deuh deuh chu a top hmak jel jong a nih hi mawle
December 7th, 2007 at 11:49 am
Something is fishy here (not the aqua type)
December 8th, 2007 at 9:02 am
A THIH DAN LEH HE THIHNAA THU INTHUPTE A AWM ANIH CHUAN; THIL INTHUPTE PUANG THIN PATHIAN KAN NEI ALAWM…HUN BIK SIAMIN THUDIK HAILANA A AWM THEIH NAN I TAWNGTAI RUAL ANG U HMIANG MAWLE-ZORAM MIPUITE LEH ZORAM PAWNA AWM MIZO KRISTIAN ZAWNG ZAWNG TELIN. DARKAR HUN BI TIAMA INTHURUALA PATHIAN KAN AUH CHUAN A MITE AUTHAWMA CHE THIN KAN PATHIAN HI A CHE NGEI ANG TIH KA RING A NI
December 8th, 2007 at 1:22 pm
HUiham,buaithlak thei ngei mai….Tute nge lo vau hmanhmawh hrim2 bawk le..A vautu te phone no a save te chuan chung atrang te pawh chuan zawn a har vak dawn amaw ni le(te ka lo ti ve mai mai)!!!!!!!!!!!!!
December 12th, 2007 at 8:13 am
kan zoram sorkar hian chhui chhuah hi a harsat hmel ngei in ka hria..kan Zoram ah zawng eiruk thamna ten tlang tin mual tin a hrut eee…khawnge kan zonunmawi kha a awm tak le? Dikna leh Rinawmna ten mual an liam dawn a va ang ta ve?
December 17th, 2007 at 9:38 pm
kan tunlai zoram khawvelah zawng dikna leh rinawmna in mual min liam san ta a ni ta ber mai.Lalna leh thu neihna in chuhin a ruhno no chhuakah tih hian min chim hneh ta hle mai.rinawmna chu sawi loh,Dik nain hmun a chang theita lova,mihring nunna hlut zia te pawh hi kan rinawm lohna hian min hriattir pha tawh lo zawng chu a ni ber e.Pathian leh karam tan tia auhna thin state kha kan ni lawm ni kha?Eng Pathian hi nge kan sawi thin le,kriastiante Pathian nge milem pathian?ngaihtuah tham fe a tling ta ni.kristian state ah meuh puithiamin a tuar ta chua ni a,Jerusalem tluchhe tawh tungding leh tura Pathianin atirhkhoh Nehemia a hman dan kha kan theihnghilh loh a tha viau in ka hria,siamtu Pathian siamthatna kut zawng kan la dawng dawn ngei mai le.
December 17th, 2007 at 9:46 pm
Aw Zoram i muhil rei ta lua e,i Ram,i Hnam leh i Sakhua tan thahnem ngai la,dikna,rinawmna,taimakna,tlawmngaihna leh huaisenna i neih thin khan mual a liamsan tep che hi kohkir lehin kan zoram khawvelah hian par ang vul nawn leh tirin,”RALTIANG RAM I KAIPUI VE ANG U.”