Archive for the ‘The food gallery’ Category

Vuakdup

Sunday, July 1st, 2012

Hman ni chu Vuakdup hi an lo zuar a,ka lo la hmu ngai miah lo a,pum li cheng sawm lawihin ka lei a, misual ho zingah la hmu lo pawh in ve awm mai thei a,bakah lo hmelhriat thang tawhte tan pawh lung ti lengah ka han post leh chawt mai a nih hi.

vd1

Serthlum te lam tiat vel a ni.

vd2

A rawng hi a mawi vei viau nghe nghe a.
(more…)

“Ui zawng zawng chu Mizoram-ah thawn ru!” – Ajit Singh

Friday, June 29th, 2012

[Hat-tip: Kooki Ralte]

Punjab a Congress MLA pakhat Ajit Singh Mofar chuan Chandigarh leh hmun danga ui (stray dogs) an tam lutuk hi mipuite an harsat phah mai bakah an himloh phah a tia, chuvangin heng ui zawng zawngte hi man a, China, Nagaland leh Mizoram-a thawn tur in rawtna an Punjab Assembly ah a thehlut!

Kei uisa ei ngailo tan chuan he news hi tlem chuan hmuh a nuamlo ve deuh, mahse dawt a nih loh avangin han sawisel vak theih ka nei silova. Ka thiante tamtak pawn uisa an ei a, a tui an ti em em tih ka hre bawk a… delicacy pakhat a ni ve miau bawk sia, mi thil ei han sawisel thei hi tumah kan nilova. Han chhiar ve reng reng teh u, enge in ngaihdan ve? :)

TOI: Punjab MLA: Send stray dogs to north east, China

CHANDIGARH: Congress legislator Ajit Singh Mofar moved a resolution in the Punjab assembly on Thursday seeking to tackle stray dogs in the state by sending them to China, Mizoram or Nagaland, for “whatever they do to them”.

(more…)

Balhla chi hrang hrangte

Friday, April 27th, 2012

1. Banria: Hei hi Mizote’n balhla kan tih ber á¹­hin niin a lang. Tun hma lam kha chuan, kamrah mai maia ngaiin an chîng tam vak ngai lem lo va, a chîng chhunte pawhin huan sirah tlem azawng an vau lawi chauh va. Banria hi a kung a tlo va, enkawl lohva ramhnuai hnim zinga awm pawh rei tak tak a dam thei á¹­hin. Amaherawhchu, ramhnuaia enkawl lohva awm mai mai chuan mu a ngah duh deuh a ni. Balhla hi chu a tumbu hi chawhmeh atan a tui vak lo va, a tumbu-ah chuan a zu a awm a, chu chu tumbu ar leh kireuh te tan chaw tui tak a ni a, an hmui sei takin an dâwt á¹­hin.

2. Balhla kual: Mi á¹­henkhat chuan, ‘Banhla kual’ an ti a. Balhla kualah hian chi hnih a awm a; chumia a rah á¹­ha duh zawk chu, a rah, a thlar invuahna hnûn bulah hian a kawm deuh bik a, a tak chu a ngil deuh zát a; zunghrual a nei deuh bawk. Hetiang hi chu a kungah pawh a hriat hran theih a, a hnah tlang hi a sen deuh va, tin, a kawr tlang hriam pawh a sen deuh bik a ni. Hetiang chi hi a rah a lian duh deuh bik bawk. A chi khat leh chu, balhla kual tih takah a pum hi a kual raih a, amah pawh a  zunghrual nei lem lovin a mum tal a ni. A hnah tlangah leh a kawr tlang hriamah pawh a sen riai a awm ve lo. Kung khat rah thlar khatah 12 te a awm deuh ber a, a thlar hi kung khat rahah chuan a tam thei vak lo va, pum 50 te awmna chu balhla á¹­ha tak a ni. Thlawh faia ngun taka enkawl chuan kum 7 te chu á¹­ha takin a chhawr theih á¹­hin.
(more…)

Ka siam vawikhatna!

Thursday, January 19th, 2012

Rangbawl lam hi chu phur thut tih lovah chuan ramriah nikhuaa awlsam thei angbera bawl á¹­hin ka nih vangin hmasawn ngaihna vak a awmlo khawp mai. Eng chaw mai pawh hi tuiti takin ka ei thei zel mai a, ei leh in lamah hi chuan ka awlsam viau reng a ni.

Vawiin, Pawlkut Thla (January) ni 18 zing chu engemaw ka hriat tehreng ni, pizza siam chakna ka nei tlat pek alawm mawle. Dawrah pizza urna tur pizza stone ka va lei a, a hming ka hriat lar ve chhun pepperoni fun khat, Italian sausage, cheese zai dipsa leh dawidim (yeast) tlep 3 ka lei tel bawk a. Chutichuan in lamah phur ve fe chuan ka haw ta a ni.

(more…)

Pumchhum rual lek lek leh adang te…

Saturday, January 14th, 2012

Pumchhum rual lek lek hi in ngaina ve em? Nung tha vat vat, let deuh bat bat, han man dawn a nal deuh zak, pit chhuak deuh zak zak, man ngheh hleih theih loh hi :-P Inrinni zing bazaarah hi chuan hmuhnawm tiin ka thlirkual ve ziah thin. Plate 1 ni Rs 100/- atanga Rs 200/- an chhiar tlangpui a.

Leilet buh phun a tui, bial chhung a khung rual hian, sangha chi, a la te deuh leh lian deuh te hi bial chhungah khung luh tel anni thin a. Tichuan, kumtawp-ah seng anni ve thin ani. Bial chhung a a lian sa deuh dah annih chuan, kumtluan in man a zawrh chhuah tur in an awm ve thung a. Leilet neitute tan sum hnar tha tak a ni ve a ni.

(more…)

Krismas Ruaitheh (Pic album)

Tuesday, December 27th, 2011

Mizoram a kristian te hunpui, krismas chu a programme hman chhoh mek a ni a. Krismas in a ken tel, ‘mas ruaitheh’ thlalak, kan veng bik ami thenkhat ka han vawm khawm ve mai mai ang e.

Pic 1. Krismas ruaiah hian vawk hi ran talh zingah chuan a lar ber awm e. Kumin hian vawk 4, kan kohhran bikah talh a ni.

(more…)

Chakai

Thursday, November 3rd, 2011

Khawvel hmun tam zawkah chuan chakai hi kan ei thin awm e. Tui lah a tui a siam dan pawh chi hrang hrang a awm ve tho mai.

Maryland state, USA ah hian chakai chikhat, Blue Crab hi state chhinchhiahna (state crustacean) hial a hman a ni. Kum 1989 khan, Maryland a Blue Crab (Callinectes sapidus Rathbun) chu State Crustacean (Chapter 724, Acts of 1989; Code State Government Article, sec. 13-301(b))atan puan a ni a. Scientist pakhat he chakai chanchin ziaktu (described in 1896) Mary Jane Rathbun (1860-1943) hming a chawi ta nghe nghe a ni.

Blue Crab scientific hming hi English tluangtlam a han lehlin chuan, “beautiful swimmer that is savory,” tihna a ni a. Blue crab hi a lar in restaurant ah te leh in lamah pawh ur hmin emaw tel tlem hmanga kan (steamed or sauteed)te pawh a siam niin, an hmingah Maryland Crab Cakes tih te, Crab Imperial an tihah crab soup leh crab dip te pawhin an siam thin.

(more…)

Ruaitheh

Wednesday, October 26th, 2011

Mizo kan nih chhhung chuan ruai hi kan theh reng mai dawn a, chu aia zau pawhin khawvela kan awm chhung hian ruai theh hi a bang dawn lo a ni. Kan nitin khawsak phung a changkang zel ang erawhchuan kan ruaitheh dan hi a changkang ve zel em tih erawhchu ngaihtuah a ngai ta hle in a lang.

Chhiatni/Thatni  apiangah ruaitheh hi a tel zel ta. Tunlai chhanah khawiah pawh kal ila kan thawmhnaw neih pangngai tak nen kan kal thin a. Kawng danga kan in dawnsawn dan a mawihnai the lul nen, kan induhsakna ber ruai kan han theh chiah mai hi chu a buaithlak deuh hlek chu a ni.

Chaw leh sa, ei tur tuihnai tak kan dawh sauh sauh a, a buatsaihtu lamin chaw chiah min pe a, eina hmun tur min ngaihtuah kep tawh silova,kawngbul= ah te, Vawk In sirah te, tuichhuar bulah leh a remchang apiangah kan ei tawp mai zel a.

(more…)

Kawi Rah

Friday, October 21st, 2011

Tih tur awm lo em mai hmuh a khawt tawh bawk a, kawi rah hi kan kawhhmuh mai mai teh ang che u. Lui bul a mi ka hmuhfuh, ka lak fuh..

Ruai thehna hmun atangin…

Monday, October 17th, 2011

Thianpa, Myanmar a a patea thi, a vuina hun hmang tur a chhung leh khat leh thenrual tha te tana ruai siam chu ka han kil pui ve a. Foreign a ruai pui kil chu kawng eng emaw zawng tak chuan a nuam ve phian mai. Bawng leh lawi bakah vawk talh a ni a, ruai kiltu pawh thahnem tak kan ni.

Hetiang ni khuaa naupang an han ri nak nak te hi a hlimawm thin mang e…

(more…)