Archive for the ‘Whatever’ Category

PÂWL LAL HRAWTNA AIZÂWL???

Sunday, September 30th, 2018

*PÂWL LAL HRAWTNA AIZÂWL???*
ZR. Thahmingliana. Keifang

Hmanlai chuan Zawlbuk tlangval ho kha khawtlang thlamuantu an ni thin a, Vantlâng inrelbawlna pawh Lal leh upa te kut a ni. Kawngpui sial, Meilam sah, Tuikhur hiah, Se dâi thêu, Rethei te chhawmdawl, Hmeithai leh Pahmei te enkawl thleng mai khân vântlâng kutah a awm. Phaw khai ruâl takin khawtlang an nung hova, in elna leh in erna in hmun a chang pha meuh lo.

1954 a lo inher chhuak a, mi ram Lal dîla an tawngtai mup mup laiin, Lal bân duhin kawng kan zawh a, Lalna leh lansarhna chu inchuh theih in kan phalrai a, Lalna te, thuneihna te, thiltihtheihna te inchuh reng rengin kan hmanhlel ta. Lal châkin CYMA, CKTP, MHIP, TKP, SYNOD leh pawl dang dangah tepawh phungthlu lêk lova Campaign pâwl an awm ta a ni lawm ni?

YMA inawpna in Zawlbuk zirtirna a luahlan a, Aizawlah chuan Branch ah inthenin, Section ah kan darh leh a. Kohhran tihdan; hêng Biakin neih that leh Property neih thata inelna rapthlak tak tak entawnin Section lam tepawh in Property neih thatah kan intihsiak ta!!! Khawtlang tana tha sen, khawtlang hmasawn nana hmalakna sawi tur a vang tial tial a, Budget uchuak tak bakah Project insiam belhin sum kan tuaka, Pawl thianghlim hmingin rethei zawkte kan rawk a, thawh lawm kan khawn a, thil te zuarin, pâwl thil tum te puang zarin, tanrual a tul thu nen lei loh zahthlak khawpin kan inbirh a. Deh loh sakei huai angin Pâwl hmingin kan vawk lal lên ta thiak thiak mai a nih hi. Zawlbuk tlangval intel khawm te kha kan thlamuan pui vei thin nen, YMA, KTP, TKP leh Kohhran te chu kan hlauh tlawn a tul ta zawk!!! Aizawl a tih dan hi thingtlang lamin kan la entawn leh dawn a, Aizawl mite kal fimkhur mawlh teh u.

Pâwl ah Pawisa pawimawhna in hmun a luah telh telh a, ropuina chu sum ngah leh Property neih that ah kan teh zo a. Hnatlang kan ko a, thawkchhuak tam aiin thawh chhuah tam lamah kan in el a, awlsam zawka sum dehchhuah dan kan in dap siak a, kut tling lo kan pawisa lova, kan thawh chhuah hmanralna te lah Vantlang tan ni lovin “hei hi ka hunlaia kan neih, hei hi ka ho a kan thawh chuah”, ti a sawi tur thil lei nan leh YMA hming pu a thian ho chaw ei khawm leh Picnic nan te a lo ni zawk ta!!!

Sum kan Pathian miau avangin thahnemngaihna leh tlawmngaihna ina a cho chhuah ni lo, mahni lansarh nan a thathawh natur Activities insiamchawp a pung tual tual a. Inthlan zân ah pawh mitha aiin mi hman deuh tur kan melh ruai ruai a tul ta. Thawh chhuah nei lo, nupuite chawmhlawm ten pâwl an kaihruaia, an va hman kher em. Chutih rual in, mi nawlpui tan a Active reng theih si loh. Active member, thianza ho emaw, mi hman zual tlemte intelkhawm (Groupism) ten pâwl an chhawm nung a; inhmang hman lo te an tlângtla lo tawlh tawlh a, ngaihdan thawh a rem ve tawh lo. Han sawisel nikhua in *”Active member pawh ni si lo”* tiin tehfung an khai a. YMA hminga hnatlang koh kal theih kan nei tlem telh telh a, member tam viau siin YMA chuan a ropuina a hloh mek zel a nih hi.

Sorkar in SYNOD leh CYMA a hlau tih kan hriat avangin Sorkar hnathawk, Aizawl pawna sawn chhuah hlau tak tak ten mahni vengchhung ah Kohhran Upa, YMA President leh OB nih chu veng chhunga awm ngheh na atan zung kaihna hmanraw tha ber a ni tih hria in hunremchang bawh pelh an tum lova, Politics khelh takin an khel a, Kohhran upa ni turin inkhawm tam tluk zetin Pâwla inhman tam a tul a, tlawm ngaihna vang nilovin thangthat lak tumna avangin mitthiin bathlar a thalai ho titi pui tur tala tlaivar a tul ta, Lumen zan ah YMA OB pâwn lâwm deuh deuh an piang ta teuh a nih hi. Hetiang teh nuaih a nih avang hian inchhung uap hman lovin Pâ-ber a awm a tul a, fate riah bo na chin pawh hrelo hruaitu kan va ngah tawh tak em. Hruaitu fasual tak tak nei pawh sawi tur an tam ta mai. Chhungkua enkawl zo lovin vengchhung kan vei a, Pathian in Ro a pek te aia Ram vei zawk an awm ta. Kan Kristianna a ti hmel zo vek a ni. Tunhma a Kohhran leh Pâwl hruaitu kan zah thin vei nen khan, engkhâwkhâ ah mah kan ngai ta lo. Heng ho in pâwl an kaihhruai chuan ‘Tlawmngai pâwl mah ni se’ tunge zah teh lul ang ni? Kan Upa ho lah lamtang an mamawh em avangin, mipui leh NGO member zawng zawng an biak that a ngai a, Veng chhung Ruling Party memberte nen chanvo inpe tawnin hruaitute an in tlawn tawn a, thil tha duh avanga midangte pawh kamkhat ngam tawh lovin an kimki a, an tha duam a, kam thlum tak nen an tawng nem duai ringawt a, Kohhran Upa huaisen kan nei ta mang lo. Hotu pâk pâwl leh member tlawn pâwl te inlâwm tawn nakar ah lamtang siam tum reng reng in kan phi ta ruai a nih hi.

Pisa leh hnathawhna lama hna hnuaihnung zawk chelh entirnan; Peon, MR, Contract a thawk te leh midang dang ten Rotekawla sepa rilru pu in, NGO leh Kohhran a ninna neih chu an zahawm ve natur chherna pûm ah ngai in mahni lal ram din an tum a Pâwl leh Kohhran an bêl a, a kul a tai ah an in hmang âwl lo. *”Pathianin mifing te ai chuan mi inhmang te a duh zawk”* tih changchawiin Pâwl ropuina tura mi inpe, mihman tak tak te an in chawisang tawn a. Eizawnna kawnga hlawhtling viau lo te chu kan khawtlang kaihruaitu leh kan Kohhran inrelbawlna fawng chelh tu te an ni ta!!! An dinhmun chelh chu zahawm mahsela an mahniin zah an phur tawh si lo!!! Tiang a Zoram kan kal reng chuan kum 20 a lo liam leh meuh chuan tunge Kohhran chu ngaisang reng anga? Tu in nge NGO chu hlut reng ta ang? An zingah pawh tunge tel peih tawh ang ni? Nu leh pa ten an fate zuan luh nan CYMA, CKTP, MSU, MZP etc… te hi an la ît reng em? Heng pawl lian te lah hi Political Platform a dinhmun tha chuankai na kailawn ah kan ngai tan ta hial mai a, a van pawi em!!! Heng pâwl te hian an ropuina an hloh mek i ti ve em? Rilru dik lo pu a Pâwl a inhmang ho chuan he thu hi an helh viau in ka ring.

A rapthlak a sin, hmanni a hna zawn na ah khan *”YMA, KTP leh PÂWL A INHMANG LO”* an duh thu an puang ta phiarh phiarh mai. Thalai intodelh tum te tan Pâwl a zuan luh a rem ve ta lo em ni dawn? *”KTP / YMA a inhmang ho chu hnathawk ah an chhawr tlak loh”* tih thâwm te hian kan NGO hruaitute beng thleng phak sela, insiamthat nan hmang sela a van duhawm em. Nge *”Pâwl a inhmang tam lo apiangin an sawisel peih kan ti leh hram dawn?”*

A chunga kan sawi tak te khi a negative side vek a ni. A chhiar a hahthlakin min van titawt teh lul em. Pâwl zawng zawng kal dan a diklo a ni lova, a dik lo a lansarh zawk em avangin kan thang tlâwm fo mai a ni. “Kei ni chu kan OB te tiang an ni lo” ti thei Branch tam tak kan la awm ang, Heng pawl ropui tak tak ah te hian mi rinawm tak tak, tlawmngai leh taima an la inphum ru teuh a ni, heng mite huai taka an tawng chhuah hunah pâwl ropuina tak tak chuan pâr a la chhuang leh zual sauh dawn a ni. Kan ram pâwl kal phung hi mi pakhat siam that chi a ni lova, nang leh kei hian *”Khawnge, puan ven ka’n sawi chhing teh ang”* kan tih a tul ta. Râl chhaih chi a ni lova, zuan luh chilh ngai a ni. Kan la chhe lailet der love. A siam tha turin i zuang lut ang aw. Thalai te pawh hian titi phungleng ah tiang lam hawi hi uar leh zawkin sawi i la, Politics hmanga NGO kaihruai chingte hi i thlauh thla ngam ang u. Chuti lo zawng kan pawl ropui tak tak te kan vui liam mai dawn e.

*Zo nun, aw nun mawi*
*Tap tapin ka au ding zo si lo*
*Zonu aw nun mawi*
*Liam lovin la cham rih hram rawh aw.*
?????????

MIZO HNAM SAKHAW DIK PHOCHHUAHNA- IVby. Rorelliana

Thursday, September 20th, 2018

Zoram Kristiante hi Kristian sakhuanaah an sangin an tui em em a. Inkhawmho-ahte, zaipawlahte, Isua thu hrilahte, thawhlawm thil pekahte, biakin sak ropuiahte, missionary tirhchhuah lamahte, thawhlawm khawn taimakahte, Isua faka zai leh lamahte, â–¶awngâ–¶ai nasat-ahte hian khawvel ram dang Kristiante chu an khum vek ngeiin a rinawm. (more…)

MIZO HNAM SAKHAW DIK PHOCHHUAHNA – IIby. Rorelliana

Sunday, April 15th, 2018

Amah, Pathian Khuanu atanga chhuak nunna chauh lo chu ‘chatuan nunn’ dang reng reng a awm lo.

Mizo hnam min dintirh atangin englai pawhin kan hnenah a awm reng a, auh chawp ngaiin min kalsan ve ngai lo. Amah chu kan engkima kan engkim a ni a; Amah chauh lo chu Pathian dang reng reng an awm lo. Khawvel mihring zawng zawngte Pathian, Khuanu chu a ni.

6. THLARAU (Kristian zirtir dan): Mihring hian thlarau kan nei a, kan thlarauah chuan Pathian laka thiamloh chang kan ni. Chu thiamloh channa chu min thlahtu Evi leh Adama bawhchhiatna vang a ni. Isua kan rin loh chuan kan thlarau chu hremhmun (meidil)-ah a tla ang a, Isua kan rin chuan vanramah Amah nen kan kal ang. “Ka thlarauin a zawm ta; Krista grape nung chu. Rei tak ka lo thlahthlam ta; mahse ka nei leh ta” an ti. (more…)

MIZO HNAM SAKHAW DIK PHOCHHUAHNA ~ Iby- Rorelliana

Sunday, April 15th, 2018

“Hriatna dik chu finna leh nunna bul a ni a, hriatna diklo chu khawngbona leh thihna a ni.”

Kristian Sakhua leh Mizo Hnam Sakhua a Danglamna:

1. KRISTIAN SAKHUA: Israel ram leh hnamah Juda mi, Mari fapa Isua-ah bul â–¶anin, Isua rin chauh loh chuan vanram kai theih a ni lo. Isua chauh hi khawvel zawng zawng chhandamna chu a ni. Isua hming lo chuan Pathian pawh biak theih loh, Isua-a awm lo chu tumah Pa hnen an thleng dawn lo, Pathian hnena thil dil dawn pawhin ‘Isua hmingin kan dil e’ ti thei chauh Kristian an ni. (more…)

Mah mah em…?

Friday, August 17th, 2012
  1. Ka ninawm mah mah em…?
  2. Ka kawmawn mah mah em…?
  3. Thu ka paws tam mah mah em…?
  4. Silent reader kan tam mah mah em…?
  5. Mi(sual) unaute hi ka ngai mah mah em…?
  6. Mi lâr leh lâr lo kan inthlau mah mah em…?
  7. Thu khel ho laih laih tûr a vâng mah mah em…?
  8. Mi(sual)-te hian inhnial kan hrât mah mah em…?
  9. Mi pakhatin thu inzâwl kan paws tam mah mah em…?
  10. Naktuk ka B’Day a ni tih ka hrechhuak har mah mah em…?
  11. NE mite buaina thu belhchian dâwl lo a tam mah mah em…?
  12. ‘Mah mah em…?’ tih hi thenkhatin in lo ning leh mah mah em…?

Min tanpui teh u!!!

Saturday, August 11th, 2012

Ka Motherboard a chhiat avangin Intel(R) G41 Express Chipset in ka thlak a, Fifa08 Game khelh dawn hian a tirah chuan tha vek anga lang siin han khelh dawn a, field-a an rawn luh dawn chiah hian a rang buai zel mai a. Game dangah chuan a tha vek bawk si a, engtia han tih chi nge ni ang aw?? Graphic Card vuah belh lova tih dan a awm em le, min puih theih chuan ka va lawm dawn em…

AWMPUI HRINGNUN

Sunday, August 5th, 2012

Chu Bus tukverh teah chuan kan hawi thawveng vel a, hawi thawveng e ti lo chuan ka thinlung erawh chu zing tiau chhum ang mai a pik a ni lawi si!

Ka khawvel dam ni te khan pathum hmunnga a pel ve awrh chauh kha a ni a, kan bana kan ‘rubber’ bunna leh kan in ‘marble’ thapna kut chât te pawh a la reh hman lo tihah khan chawlhni tuka ka nu tawngtai hre pha tawh lo turin mikhual nun zawnga khual ber mai “awmpui nun” chu ka zir tan a ngai ta si.

Pa berin a fate zirna aia ruih a thlan tak fo avangin a harhchhuah meuh chuan mual lehlamah kan khawvel chuan min lo liam san tawh a. Theih tawpa mawngkaw tha nena tan khawh ve hnu pawhin kan um pha zo ta ngang si lo! Mi khawngaihna dilin thiam run sang belh kan rel ve ta a, a hahthlak mang thin teh e.

Zingah maw BAÂL hma pawha thingthi ngai lo naupang fel, lawmman hial lo dawng ve tawh khan thingthi meuhin zan lama ka pu leh a thiante ke phah hlai pui thla chu chibai ka han buk ta thin a. Thlan tla hluama an thawh hmaa darthlalang an phah ta emaw tihial tura kan lo nawh tlet vang hnu khan ka pu dul tiah lawih bal tin chu kawtin tuikhur lam chu kan pa leh ta thin a. Tlang kan lawn ta a nilo maw tih khawp hial tur khawpa chho bira kan kum phu aia rit tui kan han kawt par par a, rilruah chaw chhum a la ngai a ni tih hre reng chunga muang châng ngam silo khan hah kan hre ve reng tho thin si.
(more…)

Zêldin thu mai mai

Saturday, August 4th, 2012

Inngaihtuah mûk awm fahran hian a thu kûn reng a, a ngaihtuahna a kâwm nge a rilru a buai deuh tih pawh tu man an hriatpui lo. Midang lo thu ve te pawh chuan eng emaw tak enghelh an nei a ni tih chu hai rual a ni lo. Tu man tawng zai pawh an rêl hek lo. Chu pindan chu a thim hle a, kil khata zero bulb inkhai va va chauh lo chu êng dang rêng rêng a awm lo. A laiah chuan dawhkan lian fe mai a hi a awm a, lehkha erawh hmuh tûr a awm lo thung. Pindan thim leh vâwt ruihah chuan thu pawimawh tak rêl tur an nei a ni tih hai rual lohvin a laia dawhkan lian fe chu mi eng emaw zât hian an kîl bial taih a. Khawvêl pum lâk zawh vek an châk a ni tih an mitmeng atang rêng pawhin hai rual a ni lo.

Minute sâwm vêl dâwn lai an ngawih thap hnu chuan an hotupa leh an pathian ni pahfâwm âwm tak chu a rawn hawi chhuak a. A mitmeng atang rêng chuan a ngaihzâwnawm a, hmêl tha tak a ni. A nui te chu a mawi hmêl êm êm a, biangsum te pawh a neih hial a rinawm. Nimahsela, a nui ngai hauh lo. “Unau leh ka pathianpuite u” tiin bul a han tan a. Midang zawng chu an lo bu suau a. Eng eng emaw ni hi an chham rual a, an tâwp leh ta duak a. Ka mak ti lutuk chu ka bihthlâkna atang chuan ka tla thelh nghe nghe.

“Setana hmalâk chakzia leh mihring fate luhlulzia hian ka rilru a tina a, tûn ang mai maia kan kal a nih chuan mi zawng zawng deuh thaw hi meidilah an kal dâwn si a. Eng vangin nge hetia ngawih kan chuh reng ang ni. Mahni nihna inhre lo, sual bawiha tâng, mihring mai ni lova pathian ropui tak kan nihzia inhre lote hian chhanchhuah an ngai a, an nihna dik tak hrilh hriat hi kan tihtur hmasa ber a ni. Mawngvawm bâ kan nei a nih chu. Pathian ropuina zawng zawng keimahniah a awm a, keimahni hi pathian kan ni tih thu hi eng tin nge kan hrilhhriat theih tâk ang? I ngaihtuah tlâng teh ang u” tiin lalpa tia chibai an bûk hial thin Rorelliana chuan a hote chu zâwt titih thu pe aw deuh si hian sawi dap dap a. A aw te chu a ngaihnobeiin mi hneh theihna riau a nei lehnghâl.

(more…)

London 2012 Men’s Football Schedules

Thursday, July 26th, 2012

Men Football hi 26th July ah tan a ni ang a, 11th August ah final khelh ani ang.

Players lar deuh te:

Uruguay: Luis Suarez (Liverpool FC), Sebastian Coates (Liverpool FC)

Senegal: Magaye Gueye (Everton FC)

Brazil: Marcelo (Real Madrid), Rafael (Man Utd), Neymar (Santos FC)

Spain: Jordi Alba (Barcelona FC), Juan Mata (Chelsea FC)

 

Group A Great Britain | UAE | Senegal | Uruguay
July 26 Thursday UAE 9:30 PM

Uruguay

July 26 Thursday Great Britain 12:30 AM

Senegal

July 29 Sunday Senegal 9:30 PM

Uruguay

July 29 Sunday Great Britain 12:15 AM

UAE

August 1 Wednesday Senegal 12:15 AM

UAE

August 1 Wednesday Great Britain 12:15 AM

Uruguay

 Group B Mexico | Korea Republic | Gabon | Switzerland
July 26 Thursday Mexico 7:00 PM

KoreaRepublic

July 26 Thursday Gabon 9:45 PM

Switzerland

July 29 Sunday Mexico 7:00 PM

Gabon

July 29 Sunday KoreaRepublic 9:45 PM

Switzerland

August 1 Wednesday Mexico 9:30 PM

Switzerland

August 1 Wednesday KoreaRepublic 9:30 PM

Gabon

 Group C Brazil | Egypt | Belarus | New Zealand
July 26 Thursday Belarus 12:15 PM

New Zealand

July 26 Thursday Brazil 12:15 PM

Egypt

July 29 Sunday Egypt 4:30 PM

New Zealand

July 29 Sunday Brazil 4:00 PM

Belarus

August 1 Wednesday Brazil 4:00 PM

New  Zealand

August 1 Wednesday Egypt 9:30 PM

Belarus

 Group D Spain | Japan | Hondorus | Morocco
July 26 Thursday Hondorus 4:30 PM

Morocco

July 26 Thursday Spain 07:15 PM

Japan

July 29 Sunday Japan 9:30 PM

Morocco

July 29 Sunday Spain 12:15 AM

Hondorus

August 1 Wednesday Japan 9:30 PM

Hondorus

August 1 Wednesday Spain 9:30 PM

Morocco

 All times are in IST

Enge eng emaw mai mai!

Wednesday, July 18th, 2012

In nghak awm awl pahin khawnge: hairehai ;P

US Army thumal lamtawi:

A=Alfa, B=Bravo, C=Charlie, D=Delta, E=Echo, F=Foxtrot, G=Golf, H=Hotel, I=India, J=Juliet, K=Kilo, L=Lima, M=Mike, N=November, O=Oscar, P=Papa, Q=Quebec, R=Romeo, S=Sierro, T=Tango, U=Uniform, V=Victor, W=Whiskey, X=X-ray, Y=Yankee, Z=Zulu.

Army á¹­awngkau chheh:

Number 10: á¹­halo
Horse cock: lunch meat (sandwich)
Back in the world: US pawn a tirhin, USA is the world!
Bubblehead: Submarine a thawk sawina
Civys: sipai kawr nilo (civilian clothes)
Coffin nails: Marlboro cigarette
in the bush: ral ram a petrol kal.
Lifer: pension hnu a sipai zawm nawn leh.
Brought the farm: Thihna tawk
Chow: chaw ( chow time = chaw ei hun)
Jar head: US marine ho
Kiss: keep it simple stupid
Rock: mi mawl sawina eg: a chhaw veh vawh tihna ang deuh.
Cluster F***: buai zo vek
Roach coach: chaw phur motor
Hump: ke a kal hrep
Scope dope: radar operator
BOB: ni (sun sawina) Big orange ball
AWR: Allah’s waiting room. Muslim helho hi an tawm khawmna in ngaiah kir leh an hrat avangin Alfa Whiskey Romeo tiin, bomb tur a thlawhna koh á¹­hin a ni
Bird colonel: Colonel puitling (full colonel)
Black diamond: 1st sergeant
Black hat: para lampang zirtirtu
Cherry: sipai lut thar
Brass: general.. colonel sawi nan pawh hman a ni tho.
Chief: warrant officer
First daddy: 1st sergeant
Smoke: platoon sergeant