Mizoram cancer tam chhan
May 20th, 2008 2:02 am | whatever | H.Vangchhia | 1 views|
|
Mizoram hi ram zim te e tilo chuan cancer vei hi kan tam in kan pung chak em em tih chu tlang hriat a ni awm e. Phai lam Mizoram House (Guwahati ang te) a khawsa thin te ngat phei chuan kan buaipui nasa thin a nih kha. Ram len zawng leh mihring tam lam a teh ngat phei chuan khawvel ah hian Mizoram aia cancer ngah hi an tam lovang an ti hial thin a ni.
Keia tribal ngaihdan ka han tarlang chhin ang a, ngaihdan kan sawitlang aniang chu.
(1) Meizial zuk nasat vang leh a khu lo hiplut ve an tam vang.
(2) Kan thlai chin ah insecticide kan hmante hi quality hniam mihring tana hlauhawm thei an ni!
Tin, vairam atanga kan thlai chawkluh te hi a duan that nan a hlo (insecticide) nasa taka kah an ni ngei ang. Heng te hian nasa takin kan taksa ah nghawng nei thei ngei turah zirna nei lemlo tan pawh a ngaihruat theih tlat a ni. Heng te hi ka han puh ber a te chu an ni e.
May 20th, 2008 at 2:18 am
@Pu Vangchhia..rawn post tha hle mai. Ka vei zawng tak a ani.
I tarlan 2 bakah khian thilrep ei nasat hian nghawng thalo tak a nei tel bawk. Vawksa rep, bawngsa rep, behlawi rep, rawtuai rep…rep lo a lawi pawh kan nei lo..Hmanlai chuan thil dahthatna te an neih loh avangin an rep thin. Tunlaiah chuan kan changkang tawh, khawpuiah phei chuan in tin deuhthaw in fridge te kan nei tawh…rep kher hi a ngai lem lo khawp mai.
Tin, meizial pawh hi survey ka hmuh pakhatah chuan India ramah kan sang filawr khawp mai.
May 20th, 2008 at 3:00 am
Kuhva ei te, Sahdah hmuam te, Mizo zial zuk te, thil rep (ung taka rep kher9 ei nasat lutuk avang hian cancer kan nei hma phah niin alang lo maw?
May 20th, 2008 at 4:13 am
Good point Zorun. Tuibur pawh.
Chuan kan in sak material te ah asbestos a tam a. Asbestos vangin cancer a neih theih ngei mai a. Pu Vangchhia a awmna ram ah chuan an fimkhur viau a, an khap hial in ka hria.
May 20th, 2008 at 4:36 am
@Zorun says: Kuhva ei te, Sahdah hmuam te, Mizo zial zuk te, thil rep (ung taka rep kher ei nasat lutuk avang hian cancer kan nei hma phah niin alang lo maw?
Dik khop mai. Nunna hi a hlu a, kan hriselna vawn that hi kan mawhphurhna theuh a ni
May 20th, 2008 at 5:44 am
Thirkut: Asbestos hi cancer siam thei chak tak leh hlauhawm tak a ni an ti. Ka boss hlui leh ka thianpa Greg Rohrer pawh a hna lo thawh na thin ah asbestos a lo tel thin a ani awm a, tun ah hian chuap thalo a nei ta bawk nen…chu company chu $1.5 million ni ta in ka hria a khing (sue) mek a ni. Mizoram ah chuan banga kan hman “TILE” kan tih hi asbestos hlawm an ti. D.D.T kan tih te hi hman khap tlat a ni. Mihring tan a hlauhawm lutuk tlat a ni.
Ranung hlo (insecticide) kan hmang dawn a nih pawn, eng eng thil nge an pawlh tih te, mihring tan a hlauhawm em tih te hi hriatchian loh chuan, rannung a thah that duh vang ngawt in i hmang lovang u. Mihring pawh min lo that tha/ti hlum duh viau mai tur ania.
U.S.A./Europe ang ah te hi chuan, organic food dawr te hi a awm hrang a, a nih loh pawn dawr dang ah pawh a funna ah organic a nih chuan a inziak thin. Kan ram angah te hi chuan chutiang a awm loh avangin, mipui tin te kan fimkhur theuh angai tak meuh a ni.
May 20th, 2008 at 5:54 am
Insecticide kha ka han sawi deuh mawlh mawlh a…hei hi ka tihna
artificial pesticides, herbicides or fertilizers.
May 20th, 2008 at 7:12 am
DDT te chu hman chhan a awm a lawm, a carcinogenic rual rual in DDT vanga cancer veina chance aiin DDT hmanloh vanga Malaria a thihna chance hi India leh developing countries dang malaria belt a cheng te tan a nasa zawk.
Asbestos erawh hi chu helamah pawh khap bur ani, asbestos an lo hmanna thin in hlui reng reng phei chu thiah leh tihfai man a turu thei lutuk. Mizo ten banga kan hman Tile hi asbestos anih leh nihloh chu ka hre lo, mahse alo nih chuan a zialo viau ang, thingtlangah phei chuan tile hi ata kan nan (tava) angah hian an hmang leh nghal.
May 20th, 2008 at 7:46 am
YMA te hian “Zuk leh Hmuam do Kum” te hi puang ve mai se, Zu vanga thi aiin Cancer vanga thi kan tam zawk mah in ka ring tlat a ni.
May 20th, 2008 at 8:44 am
Vietnam leh USA nen an in do khan, Viet Cong birukna tih chhiat sak tumin, USA in and ramhnuai chung ah thlawhtheihna in, Agent Orange, an phuh chiam a. An phuh na bul a lo cheng ho te leh an thlah te, tunlai cancer an vei nasa a ni awm e. Tunlai Mizoram a cancer a nasat nachhan em em hi, khatiang deuh, buailai khan Indian sawrkar/armed force in an tih awm hria in awm em?
A bak ah kan khaw pui ber bomb chiam an hreh loh chuan thil mak lutuk a ni lem lo.)
(OVER pawh ka over mah na, mahse thil investigate dawn chuan engkim check a tha.
May 20th, 2008 at 9:13 am
Pu H.Vangchhia rawn post tha khawp mai. Keipawh tunlaia ka thil vei tak mai alo ni ve a. Hmanni chu kan thawhpui (Tamil) ka zawt mai2 a, “Cancer hi Tamil ho zingah hian a hluar em?” ka ti a. “A average a lak in kum khatah mi pakhat ang vel vei an sawi ka hria” a tia. Keini aia a let fe a population tam ah hetiang hi a chhanna ania, ngaihdan thui tak min neih tir.
In rawn tarlan, zuk leh hmuam, kan ei leh in (thil rep) ho hi ka puh theih hnai ber chu a ni. Tin, Mizo zingah hian kal (kidney) thalo pawh hi ka tam chak viau a, hei pawh hi kan ei leh in vang bak anih ka ring.
May 20th, 2008 at 9:40 am
Chhan pakhat kan theihnghilh; Genetics.
May 20th, 2008 at 10:53 am
Kan awmna ramah pawh asbestos hi an hlau khawp mai a, Tsunami avanga in chhiaah asbestos atam avangin fimkhur turin chanchinbuah te an chhuah chuai chuai a, ka han en ve chuan kan rama kan TILE hman ang chiah kha ni maiin ka hria. Mi thiam zawk te khan han chhui chiang teh u…
May 20th, 2008 at 1:44 pm
Cancer natna hi hlauhawm viau mahse a then chuan an vanneih pui khawp mai…ka thianpa pawh a cancer tih a inhriat a tangin Pathian ah lawmna a nei a..Cancer natna hi ka veilo ang tih ka hlau a ti.
May 20th, 2008 at 2:49 pm
Mizoramah chuan organic fertilizers lo chu an phal tawh lo em kha? Hmaaaaan ah Agri ministerin Mizoram chu organic state ah kan puang ang, a tih kha.
Nia, mei zuk kan uar em a vang hian a zu lo pawh, (naupang thlengin) passive smokers kan ni vek mai a…buaithlak deuh a ni.
May 20th, 2008 at 2:55 pm
Kum li vel bawr chhung a keimal mimal lo thlirna atang chuan, Mizote zingah chuan gastro-intestinal (ka, chawkawng, pumpui leh ril) cancer hi an tam ber in ka hria. Khawpui lam chu a inpawlh deuh a, mahse thingtlang lam mi cancer vei phei hi chu GI cancer an ni chawk. A risk factor-ah chuan thil rep (smoked foods) leh zuk leh hmuam hi a puh loh theih loh.
Pu Aryan a sawi ang deuh khan Mizoram hi malaria endemic area a ni miau a, thosi control nan DDT aia him leh tha, cost effective bawk si an hmuhchhuah hma loh chu option dang kan nei vak hrih lovin a lang.
Asbestos leh genetics - chiang zawk a research beih a chakawm khawp mai.
May 20th, 2008 at 3:08 pm
Virgine girl thil lak dan khi Hindu ho milem bia pathian hian thilti thei tak taka an gnai ang deuh ni in ka hria. Pathian tih damna beiseia damdawi ei duhlo tlat te, cancer chemotherapy la duhlo tlat te, Pathian in mihringte thiamna a pek hmangtangkai duhlo ho hi an chawh ka ti.
May 20th, 2008 at 3:12 pm
Banga kan hman thin Tile ho hi Asbestos atanga siam ani.
May 20th, 2008 at 3:20 pm
Tile bang hi asbestos alo nih chuan cancer tamnachhan abikin respiratory lampang ah apuh theih ka ring. Developed countries ah chuan asbestos hi khawihpawh an khawih duh tawh lo, in hlui deuh deuh a la hmang tih fai leh thriah dawn pawn an taksa pumpui hian plastic mask in an in thuam vek a, natna hrik rapthlak deuh emaw, nuclear radiation nasa deuh a thawk ho ang hian an in thuam thlap hnu ah an thawk chauh thin.
Mizoramah chuan middle class ti ve mei ang; ho in bang hman hnem ber ani awm asin, a rethei ber ten Di/Rangva leh Dap , a dawtah Rangva leh tile leh thingphel, a neinung deuh hlek in Cement concrete.
May 20th, 2008 at 4:12 pm
rilru a hah duh mange…mitthla an thil eng eng emaw…hmun /in ( tu tu te emaw in) a lo lang bawk nen…
May 20th, 2008 at 7:23 pm
Luliana sawi ho khi a dik thei vio in ka ring, thil rep ’smoked food’ kan ei tam vang ani thei a tih khi.
Chin state, Burma lama doctor lar tak Dr. Ahkui (Falam hospital) khan “kan zofate (Chins in Burma) engvangin nge gastro-intestinal cancer kan neih tam bik tih research a bei a, late 1980s vel khan, thil rep ’smoked foods’ kan ei tam vang ani tih hi a chhan pakhat niin a tlangkawm ani awm e. A research paper erawh chu ka chhiar lova, an sawi ka hriat ani. Thingtlanga ka thil rep ei threnkhatte khi chu ‘rep’ tak ani hlawma, smoke (carcinogen) kan ei tam thei vio in a rinawm.
May 20th, 2008 at 7:34 pm
hmarcha thak deuh ei kan hrat vang te pawh hi ani thei lo maw. Hmarcha hian pumpui leh ril mkawngah a cham chhung hian a kang (burn) char char ania. kawchung nem no lai a thak tawk ina a kan hnu hi chu pan sawrbawk awltak tur chu ani. Kut chang ah pawh hmarcha hi a sa vut vut thei ania.
May 20th, 2008 at 7:47 pm
Mi thenkhat chuan hmarcha hian cancer aveng e zu ti ve tlatain awih em????
May 20th, 2008 at 7:48 pm
in awih em?????
May 20th, 2008 at 7:55 pm
ka awih phal lo. A chhiar peih tan
https://www.thechilliman.biz/Health%20Facts.htm
May 20th, 2008 at 8:27 pm
Hriselna lam aiin kan duhzawng kan dah lal zawk a. Thil rep (meikhu nena ung lutuka rep ro ho) te chu kan thil duh ber ber a ni a. Vawksa kan ei duhdan ber te pawh chu a rep a ni zel a. Kan sangha ei duhdan te pawh a rep a ni ta zel a. Chu a rep chu fai tak pawha sil lovin, a chhumna tui dum khuih nen kan hawp a, kan lem zo vek a. Heng a khu bal thli ngan deuh hman te chu kan chawkawng leh ril bakah pumpuiah te chuan a bet lo thei si lo va. Hei hian khuareiah cancer a siam a ni ngei ang.
Kuhva ei te, mei zuk te,(mizopa meizial ngei mai, filter awmlo chi lehnghal kha) kan pak khu hluah hluah a. tih fai hleitheih loh khawpa ha tisen baltu a tur(poison) chu kan ha ah kam velah chauh a chambang lo va, chu aia tam chu kan taksaah a lut tihna a ni. Heng te hi a awm hle hle lo va, chu ngei mai chuan cancer a siam lo theilo a ni.
Dam chhung tawi te ah hian kan taksa ei chak zawng leh kan mizo chawhmeh te hi kan thlah thlam phal dawn em ni? cancer te chu lo vei ve bawk mah ila, a tui kan ti em alawm? kan ti zel dawn em ni?
Nge, dam chhung tawi te hi natna khirh tak vei nana hman ai chuan hrisel taka hman kan thlang zawk dawn? chu ti a nih chuan kan mizo thil eidan thenkhat te leh zuk leh hmuam thenkhat hi chu kan bansan a hun tak zet a ni.
May 20th, 2008 at 8:37 pm
aizawl ahcancer damdawi an hmuh chhuah thar kha ka hre sual a nih loh chuan thing hnah pakhat atangin a ni awm e ka hre chak khawp mai cancer chauh pawh a ni lo a tinreng damdawi an ti tawp eng tak ni maw.
May 20th, 2008 at 9:08 pm
Hman deuh pawh khan Durtlang pa in tinreng damdawi a hmuhchhuah kha..NE sun ah te pawh an rawn ziak..cancer tan pawh a tha khawp e a tia, mahse vanduaithlak takin cancer a thihpui ta tho..scientific based anih loh hi chuan awih loh hi a finthlak maithei…
Thil reng reng hi nasa ‘over’ a kan tih chuan a risk a sang bik..entir nan meizial pawh nikhata pahnih khat lek zu ai chuan packet khat zu kha risk a sang zawk..Hmarcha pawh pumpui a lawng (ulcer) siam thei khawp a kan ei chuan cancer insiamna chance a sang lehzual..
Canada-ah khuan chaw kawng (esophageal cancer) a common khawp mai. A chhan ni ber a an sawi chu an ram a vawh avangin thil sa an ei/in nasa a, chu chuan cancer insiamna chance a tisang an ti..
May 21st, 2008 at 12:20 pm
Mizoram leads the world in four types of cancer
https://www.hindu.com/thehindu/.....210950.htm
May 21st, 2008 at 1:06 pm
hei pawh
Mizoram’s Aizawl is India’s cancer capital
https://www.rediff.com/news/2008/may/21mizo.htm
May 21st, 2008 at 2:14 pm
Pu H.Vangchhia chu topic rawn thawh tha hle mai….
No.9 Thirkut sawi ang khian India sawrkar hian Mizoram buai lai khan Agent Orange hi a hman ka ring tlat ,anih loh vek pawn Kan chaw/buhfai velah hian damdawi an phul ka ring ve tlat.
Meizial,Kuhva,Sahdah/Khaini,sarep te chu hnamdang te pawhin an ei/ching ve tho a mahse Mizo ang em em in Cancer an vei nasa ve silo hi a mak ani!!!
May 21st, 2008 at 2:17 pm
DDT leh Tile(Asbestos) hi sawrkar hian banned thei sela anih loh vek pawhin hei ai hian fimkhur zawk a hman dan zir ila kan hrisel deuh phah mahna…
May 21st, 2008 at 2:19 pm
Cancer tam bawk! HIV+ tam bawk! Hepatitis tam bawk! Mizo hnam hi kan boral dawn ani lo mo!
May 21st, 2008 at 2:25 pm
honey, tile hi keipawh ka vei khawp mai. Mahse a substitute tur feasible deuh a awm loh chuan banned ngawt a harsa maithei. Concrete a in sa thei lo kan la tam si. DDT chu ni e, thil danga replace na tur remchang a awm ready nghal hrim2 ang.
May 21st, 2008 at 5:34 pm
Ka hriat theih chinah chuan asbestos hi chiangkuang taka zirna Mizoramah khian a la awmlo niin ka hria…keini thalai te ho tih tur te pawh a ni ta ve ang…
@bmw…thosi control na chu DDT lo pawh a awm nual, mahse cost factor kha consider loh theih silova buaithlak alom…malaria danna tha ber chu THOSILEN zar hi a ni e…side effect engmah a awm ve lo…
May 21st, 2008 at 7:00 pm
honey says : “Cancer tam bawk! HIV+ tam bawk! Hepatitis tam bawk! Mizo hnam hi kan boral dawn ani lo mo!”
i sawi hmaih….Mizo suak kan pung chak bawk….hnam boral na kawng khat…:D hairehai….
Thosi tih rem nan hian DDT nilo mihring tan a pawilo a awm ka ring tlat nia mawle. Nikum emaw ni ta khan America khawi hmun ah emaw ni khan malaria an hmu a, a awmna area chu karhnih chhungin malaria lakah an ti him tlat. DDT hi U.S.A. ah banned a ni in ka hre si a, thil dang an hmang aniang….hre thuilo ang reng mang e hairehai
May 21st, 2008 at 7:36 pm
@Pu Vangchhia : I ring dik e..Thosi venna chu chemical mai bakah biological methods, him tak tak pawh a tam mai..eg, malachite green, malathion, BHC etc bakah sangha thosi larva ei ral thei chi te pawh a awm..Mahse kam ram riang te, rethei bawk si leh malaria darh zau naah chuan DDT aia hman awlsam leh tlawm a awm tlat hrih lo….
Tin, in khua US-ah chuan malaria case pakhat an hmuh chuan i sawi ang khan health dept lam an phusa chung mai ang..Endemic area in ni tlat lo alom…NE pumpui hi malaria endemic area ania, nitin mi engemaw zatin an la thihpui reng sia, han khaikhin chi vak pawh a ni lo…
Topic atangin kan va pakai thui ta ve…hehe…
May 21st, 2008 at 7:55 pm
Tin, (kan ti leh teh ang, ka tlak hnem tawh viau nang a) cancer hi a tam zawk chu a chhan (cause) pakhat chauh vang a ni lo. Cancer, thisensang etc te hi ‘multifactorial cause’ nei an ni, tih a ni(exceptional case tlem te a awm). Chumi awmzia chu risk factors engemaw zat a damlo-ah khan a awm tihna a ni.
Entirnan, lung cancer 90% hi meizu an ni. Mahse 10% hi meizu miah lo an ni ve tlat. Meizu in cancer a vei ngei2 dawn tihna nilovin, a vei theihna chance a sang tihna a ni.
Genetics lam hi chiangkuang zawk a research awm se ka ti khawp mai. Genes lam a kan lo susceptible bik anih chuan a risk factors hrang2, meizuk, thil rep ei etc ten an han belhbawm khan hnam dang aiin kan vei hma bik dawn tihna a ni. Angreji a tam hle mai a..haha
May 22nd, 2008 at 11:17 am
Kan tui tlan (Connection)-a an thil pawlh, Bleaching an tihah te hian cancer siamtu hi a lo awm ve reng lo maw? Han in pawh hian ka tiphak chual leh rim nam tham khawpin an pawlh nasa a, tuizem leh tin te pawh a ei chhe zung zung mai a ni a. Hetianga chemical chak hi chuan cancer em chu lo thlen lo pawh ni se, thil tha chu a thlen tam ka ring lo.
May 22nd, 2008 at 11:25 am
Engmah chik hmasa lova thil thar, mak leh dangdai kan bawh huam huam avang hian kan la buai dawn chauh. Kei chu, tuna cancer damdawi an tih pawh hi ka pawngpaw ei mai ngam lo tawp… side effect te hi a lo nei ang a, chi-te hi a tihut der ang a, kan khai thlawn mai mai ang tih a hlauhawm ka ti!
May 22nd, 2008 at 11:40 am
thuam chlorine hi maw tangkai teh reng e. chemical dang ang tho in risk chu a awm ngei ang. mahse chlorine in a tih hlum water borne disease nena khaikhin chuan cancer neihna chance chu 1 in a million vel a niang ka ring.
kan swimming pool ah pava 6 kartin kan pawlh thin. chlorine mum 1 lek bawrhsaiabe chi tiat lek hian carpet/thawmhnaw rawng a ti val da vek thei.
May 22nd, 2008 at 1:38 pm
Thil rep hi chu a tui bawk si a nih hi maw le!!! Gas alh sa a rep hi a hlauhawm tho a ngem le??
May 22nd, 2008 at 1:49 pm
@kanidar. chuchiah, thil rep hi chu a tui ve em a ni. sangha pawh hi han rep deuh thuak ila, anthur tlem nen chhum ila, mizo buh nen han ei ila…tui ve thlawt a ni!!
May 22nd, 2008 at 2:06 pm
bmw, sangha rep chu ka duh rap kei pawn, i rawn zin hunah sangha rep hlir kan hmeh dawn nia, kan khuaah sangha a tlawm lai chuan sangha te deuh, kutphah bawk ang vel hi kg ah Cheng 20 te 30 te a ni thin a, a kawchhung kan tifai a, gas ah kan rep thin, anthur nen….ihlips ihlips. a tak aiin a tuihang a tui zawk!!
Kan ei nasa angreng si a, (BP sang tan a lo pawi lo nen!!), mahse hei thil rep chu ka tih deuh rum ta mai, zia lo hle mai. Gas a ur hi a pawi tak maw. Kan gas hman a a chemical composition chu methane 71%(v/v), ethane 7.9%, propane 7.6%, butane 6%, pentane 3%, Hexane+ 2 %nitrogen, CO2, O2 tlem an awm bawk. Khing hal khian in ting tha lo a awm thei em tih ka van hrechak ve aw… hetiang lama englo then deuh khan min han hrilh teh u a pl.
May 22nd, 2008 at 2:16 pm
engtin nge sangha chu gas ah rep dan?..kanidari
May 22nd, 2008 at 2:21 pm
Rs 20/30 per kg chu a van tlawm ve! nuam awm. khawi hmun ah nge in awm ang aw??? khawilai exclusive private island ah nge niang
tak2 ah, thil rep chu hlau over duh suh. i ei nasat lutuk loh chuan… kar khatah vawi hnih khat chu a pawi ka ring lo. excess ah tih loh chuan a ho ltk. I BP sang chuan baked or grilled fish in uar em? tui duh si, oil tel si lovin….
ka lo zin hunah tan sangha lo rep lawk treuh roh u aw….
May 22nd, 2008 at 2:28 pm
a thlalak ka rawn thawn ang che, pawna kan gas burner (piped gas) chungah khan a rap ang deuh stand nei hian kan siam a, ro tha duh rap.
May 22nd, 2008 at 2:34 pm
“baked or grilled fish ” tui bawn tawp, a sap tawng khan ka sawi inthlahrung deuhva!!! Aug - Decmber lai hian a tam, October hi a tlawm vanglai. Tunah chuan sangha man an khap (an reproduction lai) a nia, a awm rih lo, June thleng.
kar khatah vawi 2??? kar khatah vawi 12 vel ei ang kan ni!!! a tlawm bawk thin sia, mi chhe chawhmeh kan tia, kan ei tlut tlut mai!! mahse tum khatah gram 150 vel chauh mi pakhatin ei ang kan nih ka ring.
May 22nd, 2008 at 8:53 pm
@kanidar..gas a rep hi tih chi viau tak ang a..mahse mei ngei a rep ai chuan a tui loh kan ring deuh ngawta..ka hre biklo le..lo experiment chhin la rawn report leh la…:)
@bmw..i tidik chiah…thil hi a ‘ovier’ a kan tih thin vang mai mai alom…dr.naresh trehan (cardiac sugeon) in a a sawi chu ‘do everything, but in moderation’..ka pawm zawng tak a ni…
May 22nd, 2008 at 10:29 pm
Sangha in sawi a Tlawnglui min ti ngai thar leh tlat mai ka ti….Phaldawng-li vel lungpui chunga han per kai thauh thauh a chakawm leh tawh hle mai ka ti. Tlai ni nem ah suar chhe te te ah len han deng ngei ila, a thlang li tawntirh ah lenkhang (khang sin) kha han zar ngei bawk ila…..lui dung khawk rum rum in zai bawk ila…..cancer a hlauhawm tih ka hre chang tawh lo hrim hrim hairehai