Archive for the ‘Politics’ Category

ZORAM POLITICS- Congress leh MNF insiamthat lehzual nana ka beiseite.

Sunday, August 19th, 2012

Kan sawi fo thin a, Zoram politics hi beidawnthlak leh beiseiawm pawh awm tawh lo khawpa chhia hian kan chhuah fo mai a. State dang khaikhin chuan kan politiciante hi an la tha narawh e. Kan politician-te hi engtiklai pawhin kan la bawhbuaiin kan la chimbuai a, anni lah hian tha takin min lo dawngsawng thei reng te hi a ropui. State danga politiciante chu an party MLA te takngial pawhin bawkkhupin chibai te an buk ania, mipui dinhmun han ngaihtuah mai ila. Kan M.P Pu C.L.RUala leh Pu Lalhmingliana te lah hi mi taima leh zamtha, Mizo society atana theihtawpa inhmang nasa an ni. Kan ram hruaitute hi fak an phu asin.

Amaherawhchu, heng points tlemte ah te hian an failed deuh chuan a lang a, hmasawn tum nan pawh hmang se a tha hle in a rinawm

Congress
1) An pu ber hian thangthar thalai mifing tak tak hovin han belhchian hi a dawl lo deuhin a hriat mah mah tawh.
2) An pu ber hi tawngkam lam duh uluk lehzual se, a leadership chu a la tha tho maithei. Tunlai thangthar an fing tawh a, media lah an chak a, tawngkam tin hi record a thehdarh zel a ni tih hriat a pawimawh.
3) Mipui nitin mamawh, basic needs- eirawngbawlna gas, power supply, adt ah hian tan lak a ngai khawp mai. Minister zam tha, fing tak an mamawh in a hriat.
4) MLA an ngah avanga an confi lutuk hi tlem chuan an tlukchhiatna hmawr a ni ang tih a hlauhawm.
5) Minister naupang, fel tak takte hi mipui nen inzawm department hi chang deuh bik se, sawrkar hian fak a hlawh deuh angem? entirna- sports department ang te hi.
(more…)

Politics Ka hmuh dan

Friday, August 17th, 2012

Tun dinhmunah chuan hei hi ka hmuh dan ni miau hek le.

A luhchilh ve lemlotu tan chuan ral aá¹­anga han hriat mai dan hi chu a lo dik hlel ve thei khawp a sin. Luh chilh a a chhungah ngei han tal luh ve meuh chuan alo mak thei ngei mai!! Ram leh Khawtlang hmangaihna tak takte chu khawiah va awm suh. Hmingchhiat hlauh vang chauh a an thiltihte hian mipui lung a tiawi zo ngutlo a nih vei si hi.

Ṭhut hmun khatah kan han á¹­hu tlang ve bawk á¹­hin takna a, a langah chuan nuisang hian á¹­hianá¹­ha ber emaw tih mai turin kan han in chibai ang lawp lawp a, “I taksa chu hetah, i rilru chu saw tah” tih ang mai kha a ni. Kan thiltih leh kan rilru chu Lawngtlai kal turin Gauhati Sumo a chuan thlak veuh veuh nen a intuha loh dan chu a inang reng hian ka hre á¹­hin.

Ram hmasawnna, Khawtlang hmasawnna tur niawm taka an policy an han zaur ve te hi aw… Ka nuih hi a za miah lo. Mipui bumna mai a ni. An polivy lairil ber chu “Mahni dinhmun chawikan” hei hi a ni tawp mai a nia. Ram tana tha leh tui a thlawna han sen ngai zeuh ah pawh, a thlawn a an thahrui leh hun luanral tir chu teuh lo mai, a lehlamah chumi hen tawk thil dang…. Tenawm hlawm hian.

Khhran mi an tel a a ngaihá¹­hat thlak e in ti em mi? I ngaih ti á¹­ha duh hauh suh, A Kohhran mi mi hi a sum lama hlem hle hlei hlei an ni duh chawk. Hetiang karah hian Ram leh hnam Khawtlang hmasawnna tur a thleng ang maw? Ka awih lo. An ni chuan hma an sawn, Mipui Sawrkar Sum bawmpui aá¹­anga tangka hlawh chhuak ve lo chu kan bet rak rak mai dawn a nih hi.

(more…)

A zak chem chem ang chu!

Monday, August 13th, 2012

Indian American, khawvel kalphung engti kawng zawng pawh a a thu thehchhuah ngaihnawm leh fing thei em em mai, Fareed Zakaria chu a thawhna TIME leh CNN ten an chawlhtir (suspend).

Fareed Zakaria hi Mumbai, India ram a January ni 24, kum 1964 a piang niin, Sunday Times of India a editor lo ni tawh á¹­hin, Fatima Zakaria fapa a ni. Journalism lam a a thawh á¹­hat em a vangin India sawrkar chuan Padma Bhushan pawh kum 2010 khan a hlan nghe nghe. Yale university a á¹­anga a graduate hnuin, Harvard University a á¹­angin political science ah Ph.D a hmu bawk.

TIME magazine a a thu ziak leh CNN lam a a thusawi leh midang a kawmna te a ngaihnawmin a bengvar thlak á¹­hin tehlul nen chuan,Aug.20 TIME magazine issue a a thu chhuah chu midang lo ziah tawh sa, ama irawm chhuak ang a ziah achu an hmuchhuak ta a ni. He thu ang tho hi CNN ah alo blog post bawk tih an hmu tel ta zel bawk a.

(more…)

Burma leh India (Tunlai Boruak)

Saturday, July 28th, 2012

April, 2011 a Burma sorkar ding thar, President U Thein Sein leh a minister 13-te chu India ram New Delhi ah zin in India Prime Minister Dr. Manmohan Singh leh a cabinet member-te nen ni (4) chhung an inbia a, politics, economics, leh ramri chungchang thu an sawi a. Mahse, an sawihona in a ‘rahchhuah leh thutlukna’ sawi tur leh puanchhuah tlak tak erawh chu a awm meuh lo a ang.

Kumin (2012) May 28 ah chuan India sorkar lu ber Prime Minister Dr. Manmohan Singh chu a hote nen Burma an rawn zin veleh a, heihi kum 25 chhunga India PM lo zin hmasa ber a ni a, Burma sorkar kum 1 a tlin hnua ram lal ber lo zin hmasa ber a ni. India PM hi ni (3) chhung a chama, Burma ram tan Human Resource Development (zirna leh thiamna lam thu), Infrastructure (kawngpui, factory lam) tihchangtlun thu te, Agriculture tihhmasawn tur thu, Sipai (Defense) tih changtlun tur thu ah te hian India in tranpuina a pek theih dan tur an ngaihtuah a ni. Hetia India in Burma hmasawnna a puihbawm a tum chhan chu

(1)   India in a mamawh Gas leh Petroleum oil Burma hnena a beisei avangin,

(2)   Burma ah China in thu a nei lutuk (Influence) sukiang turin,

(3)   India hmar-chhak (North-east) helho tihrem theihna tur — te hi a ni tiin India rama chanchinbu-te chuan an ziak.

(more…)

Ethnic clash in Assam; ngaihtuah a ti thui

Wednesday, July 25th, 2012

A hmun taka cheng ka nih loh avangin ka sawi fiah kilh kelh thei lova. Kar kalta zirtawpni zan atanga intan niin a lang. Bodoland People’s front (BPF) thawk thenkhat thah an nih kha Muslim ho (Assam ah chuan muslim an han tih deuh kher hi chu Bangladesh a tanga lo pem chho ho hi anni deuh berin a lang) tih anih rin avanga Bodo ho leh Muslim ho buaina hi hluar chho ta zel anih hmel. A hrechiang zawk te’n inhrilh hriat belh ta ila.

He thil thleng hi thil inup lianpui lo puakdarh ta ah kei chuan ka ngai deuh mai a. A chhan chu Bodo ho hi kan hriat theuh angin Bodoland state sual char char ve tho anni a, an zirlai pawlte phei chuan Assam hi 50-50 a then hial duh khawpin khawlaiah poster te tar in bang ah te an ziak rang riai ruai thin ani tih chu Bodoland Territorial Council (BTC) huam chhung kal tawh te chuan kan hriat theuh ka ring. Chibinga awm tih takah mizo te leh hmarchhak hnam dang te ang bawkin inkulh hran an duh ve em em ni pawhin a lang.

Tun tuma buaina chhuak a lehlam pawl te hi han thlir ila Muslim ho hi Assam ah hrim hrim hian ngainat an hlawh lemlo hle tih tam tak chuan kan hriat vek ka ring bawk a. Indian muslim pangngai (A hlawm a khua khua a awm lo, lungi veng fer fur ni lem lo) ho hi chu va en hran vak pawh an niin a lang hran lo.

(more…)

Khap Panchayat illegal, Supreme Court in a ti tlat

Monday, July 16th, 2012

Nichin lawka NDTV a ka en, Khap Panchayat Illegal, Supreme Court Panel Says, an tih kha ka lo phu deuh zawk a. An tih chhan chu Khap Panchayat (UP ami nita in ka hria) khan nula junior deuh te mobile phone neih loh tur, tih an rel tawp mai ani. Tute emaw ang deuhvin Khap Panchayat hian khap an ngah tan riau. Kan danglamna chu kan court neih chhun te te hian kan tualchhung “Khap” hohute hi man tur, tia rel an ngam hmel loh.

‘Khap’ reltute hian sorkar dan piah lama mi chunga ro ran rel thin vangin mi thenkhat chuan kan vei hle a. Taliban, Law of the jungle, ti hiala ko lah bo hek lo. Mahse tantu lah an ngah laileng. NGO hian constitution danah rorel theihna right an nei lo, niawm tak ani a. Chuti anih chuan ro lo rel tum ve phet chi ani dawn em ni?

NLUP-ah pawisa riral a tam leh ang em?

Monday, July 16th, 2012

– Zosangliana (Zotea)
Source – Vanglaini.org

New Land Use Policy (NLUP) hi Pu Lal Thanhawla hruai Congress a sorkar apiang 1984-1986, 1989-1998 kum 13 vel chhung an term hmasa leh tun tern kum 4, 2008-2012 ah te kalpui mek zel a la ni bawk a. An term hmasa kum 13 chhunga NLUP atana an pawisa hman tawh hi Pu Ronald Sapa Tlau, Congress thupuangtu-in lehkhabu a siam ‘Zoram Thar’ p-22-ah khan, ‘NLUP – atana pawisa hman (term hmasa ami) chu Rs 72,49,00,00,000 a ni’ a ti a. Pu Lalthanhawla Chief Minister leh Party President ni bawk chuan, chhungkua/ mi 66,445 hnenah Rs 30,000 theuha pek an ni tiin a sawi bawk a. Congress chanchinbu, ‘Muantu’ July 1-31,2007-ah ziak a ni.

Pu Lalthanhawla leh Pu Ronald Sapa Tlau te thuziak/ sawite hi tumahin a dik lo tiin an sawi miah lova. A dik turah ngai ila. Pu Ronald Sapa thuziak Rs 72,49,00,00,000/- hi Pu Lalthanhawla’n chhungkua/ mi 66,445 hnenah kan pe a ti a. Chuti a nih chuan Rs 10,90,977.5 theuhin an chang thei a ni. Pu Lalthanhawla khan Rs 30000/- theuhin kan pe a ti bawk si a. Hei hi a dawngtute an la dam ngei turah ngai ila, engzat chiah nge an dawn tih hi an la hre ngei ang. Pu Hawla sawi Rs 30000/- hi a dik turah ngai ta ila, mi 66,445 te hnena sem ral chu Rs 199,33,50,000/- a ni dawn a. Pu Sapa’n sen ral a tih atanga chhut chuan Rs 60,49,66,50,000 hi eng atana hman nge ni ta ang le? Heti zozai mipui pawisa hi eng atan nge an hman, tu kutah nge a luh tak? tih hi zawhna pawimawh tak, hriat chhuah lohva tham ral mai mai atan chuan a pamhmaiin, thamral thiang a ni dawn em ni le?

(more…)

Zoram Politics Thlirna Part One

Wednesday, July 11th, 2012

(Zoram Thlirtu ah ka post tawh tho na a, post kar awl hnawhkhah nan aw!)

Zoram politics i thlir ang aw…

Congress (INC): Cheng hnih zawr ang mai paih hleih theih si loh, hman theih tawk tawk an nia. An hotupa in tawngkam a duh tui lo hle. Mizote min hmusit lek lek thin. Worker te Pu Hawla lawmzawng sawi an tum, mipuite lawmzawng an ngaihtuah lo. An liberal phian a, Pathian nung erawh an lam zing hle lawi si. NLUP bak hi flagship programme an nei a nih pawhin party mi leh sa ten sawi tur an hre lo. An rorel laiin essential commodities man a pung nasa hle. Land reforms an ngaihthah viau laiin Land Use Policy erawh an nei lawi a. Financial Administration ah an hlawhchham chiang hle a tih theih awm e.

Education lamah hma kan sawn teh chiam lem lo a, technical/ higher education lam ah han sawi tur hmalakna an nei lem lo. Health lamah an pachhe hle bawk. Environment leh Forest conservation lamah minister thlengin hming hliau an awm. Youth & Sports lamah chuan fak an hlawh viau lawi a, centrally sponsored tam takah sawi chhuah an nei tam hle :P

Verdict: Mithiam leh thalai zingah tla na lo hle mah se Babute a sum ringin thingtlang lamah an la tla na hle tho mai thei.

MNF: An ni hi vangvat kai leh kailo atangin an inthliar deuh a. Sum lamah chuan Pu Zorama khan Advisor Pu Hawla ai chuan a nei tha zawk ani mai thei. Party induhsakna a lar hle. BAFFACOS ah an hming chhe hlawm tawp. Nationalism hi an mahni ta bik emaw ti khawpin an au ring a. A tak ramah chuan An nationalists em em lo a niang BJP te an thlawp kual mai mai thei bawk a. (more…)

REMNA THUTHLUNG HMAWRBAWKNA by Rochamliana

Saturday, June 30th, 2012

All Assam Students’ Union (AASU) aiawhin P. K. Mahanta leh B. K. Phukan, Assam sorkar aiawhin Chief Secretary (Pi) P. P. Trivedi leh sorkar laipui aiawhin R. D. Pradhan, Union Home Secretary ten Assam Accord chu August 15, 1985-a an sign hnu kar khatna ah Prime Minister Rajiv Gandhi chuan 7 Race Course Road-a a pisaah Union Home Secretary R. D. Pradhan chu kovin lehkha phek engemawzat, a chhunga paragraph thenkhat fluorescent highlighter serthlum rawng leh rawng eng (yellow) a inthai rang nasa tak chu lo pek pahin, “Heng hi ka remti thei lo hulhual! Laldenga hi a tawh a khirh tulh tulh mai a. Tun atang chuan he inbiakna hi nangman i kengkawh tawh ang a. Serthlum rawnga inthai paragraph te hi engti kawng mahin India sorkarin a remti dawn lo tih chiang takin hriattir la. Rawng eng (yellow) a inthai paragraph te pawh hi siamthat kan duh tih hriattir ang che,” tiin — hemi ni atang hian Mizoram tana Remna kalsiam chuan hnunglam hawikir fo tawh lovin hmalam a pan ta hret hret zel nia ngaih a ni a.

Hemi hma thla 10 kalta a vanduaithlak taka kahhlum Prime Minister Indira Gandhi kha la dam ta zel sela, Remna Thuthlung ziahfel kha ‘nasa fe in a khawtlai ang nge khawtlai chuang lovang’ tih leh ‘Thuthlung tha lehzual zawk kan nei thei angem’ tih erawh thil awmdan enin inhnial theih tak a ni.

Prime Minister thar naupang takin Assam Accord champion puitu Union Home Secretary hnena he mawhphurhna a hlan hma hian Mizorama remna kawng zawn hna hi Ministry of External Affairs hnuaia Policy Planning Advisor to the PM hna chelh mektu, Indira Gandhi kutke pakhat G. Parthasarathy (GP tia kohvin) a zawng a zain kum 4 chhung chu a kengkawh vek a. Amah thlaktu R. D. Pradhan hnena a thu hlanchhawn chu, “Kawng tinrengah Laldenga nen inremna tluantling kan nei tawh, kawng khat erawh kan la bak, chu erawh political issue a ni tawh a, PM chauh lo chu hemi thuah hian thutlukna siam thei an awm lo. Chu chu hei hi a ni — Laldenga hian Mizoram Chief Minister a kan dah a phut a ni,” tiin. He thil hi Laldenga hian a phut thar a ni hran lova. Indira Gandhi sorkar hmasa atangin Janata sorkar hunlai leh a hnua Charan Singh-a sorkar lai atang tawha a lo ngiat reng tawh thil a ni.
(more…)

Dr. HT Sangliana, IPS (Retd.) for President of India

Saturday, June 2nd, 2012

We, the Northeast Indian people and minority, Tribal people all over India need to unite together in order to convince the big political parties to select a Tribal Candidate from a minority community. If we succeed, this will bring enrich the democratic nature of India, and prove that India is a vast Garden where different beautiful flowers bloom.

So, our Great country, India would be more and more proud to be a true democratic country in the world where every community has the highest opportunity. Come on friends, let us shout out loudly for making Dr. H.T. Sangliana as the President of India.

https://www.facebook.com/groups/341362675936092/