MTP chuan Congress an thlang ta
October 4th, 2008 3:36 pm | News | ZOaTlau | 603 views|
|
Mipui Tangrual Pawl tia hriat tak, YMM te leh MDM te inzawmkhawmin an din chuan MPCC (Congress) nena kum 2008 inthlana thawhho thu an titlu ta. A hmain MPC, ZNP & ZKP te din UDA-ah MTP hi an tel rin a nih laiin thutlukna hi a danglam ta a ni.
YMM lam hian candidate pathum an nei dawn niin sawi a ni a, MDM lam hian candidate pathum bawk nei tur anga sawi a ni. Heng candidate te hi Congress-te nen tangkawpin Congress that vak lohna bialah dah an ni dawn niin sawi a awm.
Mizo Master:
Aizawl, October 3: Nimin khan Mipui Tangrual Pawl chuan committee neiin inthlana an thawhpui tur chungchang an rel a, thawhpuia sawmtu Congress hnenah an seat duh zat an thlen a, Bial ruk hauh an tum.
MTP-te hi UDA leh MPCC ten thawhhopui atan an sawm ve ve a, hun rei tak an inngaihtuah hnuah MPCC te hi thawhpui atan an thlang zawk niin Evening Post chuan thu a dawng.
Evening Post thudawnna chuan, “MTP te hian thawhhopui atan tumah kan sawm lo va, sawm kan ni zawk a. Thil phut pawh kan nei lo,” a ti a. Inthlana din ve an tum chungchangah, “Keimahni-a din chu duh mah ila mipui rilruah min phut dan niin kan hre lo va, thawhhopui nei zawk turin min duh niin kan hria,” a ti a, “Mi tam takin thawhhopui neia danglamna siam a nih theihna turin tel ve se min duh a ni,” tiin a sawi bawk.
“Mipuite hian thawhhopui nei se min ti a, sawmna kan dawng bawk si a, a zahawm a, thawhhopui neih hi a tha zawk dawn niin kan hria,” tiin Evening Post a hrilh bawk.
Evening Post zawhna chhangin, “UDA nen pawh kan inbia a, mahse, kawng min khar hnan deuh a ni. Kawngkhar chung deuhin min sawm a, a tlangpuiin a thu-a bial siam rem tawh deuh vek chungin min sawm a ni,” a ti bawk.
Nimina MTP-in meeting an neihnaah hian UDA chungchang an sawi tawh lo nia sawiin thu lakna chuan, “UDA chungchang kan sawi tawh lo a, MPCC bikah chuan thil la sawi fel loh a awm a, MPCC pawhin thawkho dawn ila din ve ngei in duh em tiin min dawr a. Kan duh thu sawiin, mahse bial tlemteah chauh a khalh ngil thei tur anga ngaih theih tur vel chauh kan phut a ni,” a ti a. “Bial tlemte, bial ruk bawr vel chauh kan phut a. Kan dinna tur anga kan ngaih bial kan sawi fel a. MPCC lam pawh kan hrilh tawh a, anmahni kutah a awm ta a nih chu,” tiin Evening Post a hrilh bawk.
MPCC chuan an policy an pawmpui nia sawiin, “Kan policy-te pawh an pawm tawh a, kan thawkho dawn a nih chuan symbol hrang neih kan duh thu pawh kan sawi a. MPCC-ah kan lut ni loivin kan thawhpui dawn a ni. Kan thawk dun theih a nih chuan MPCC nen rorelna tha tak nei thei turin hmalak kan tum dawn a ni,” a ti bawk.
MTP hruaitu K. Chhawnthuama pawhin, “UDA-te nen chuan kan policy inang viau mahse Val Upa Council-te min pawmpui ve lo va,” tia sawiin, “MPCC-te pawh kan duh dan leh ngaihdante hriattir ila, ni hnih khat vel nghak ila, an duh chuan kan thawk anga tih a ni mai,” tiin Evening Post a hrilh.
MPCC Sr. Vice President R. Lalzirliana chuan, “MTP te duh dan hi kan ngaihtuah ve ang chu. Mahni thu ringawt chuan thutlukna siam theih a nih lo va,” ati a. An seat duhah buaina in nei ang em tia zawhna chu, “Kan tangho dawn a nih chuan a then kan chan vete pawh a ngai ang chu. Tanho pui neih a tha kan ti a, kan inbia chu a ni alawm,” a ti.
MTP thil duh an ngaihtuah hun tur chungchangah, “Kan President hi a la zin a, a lo haw hman a nih chuan Inrinni-ah emaw, Thawhtanni-ah emaw kan rel ang. A rang thei ang bera chinfel kan duh a ni, inthlan hun tur pawh puan a hnai tawh si a,” tiin Evening Post zawhna a chhang.
MTP lampum hi Mipui Tangrual Pawl a ni a, Mizoram hmun hranga thalai ram siamthat tumte intelkhawm - YMM, Y4M etc. leh Mizo pa langsar tak takte intelkhawmna, MDM-te thawhhona a ni a, an thawhho hnuah MTP an inti ta a ni.
October 4th, 2008 at 3:45 pm
YMM leh MTP chuan bei an tidawng hle mai. An zarah Zoram khawvarna lamtluang kan zawh ve mahna tiin rin kan fan awk awk laiin seat an hmuh theihna tur Congress ah bawk an lut leh ta chu a ni a. Pawi ka ti hle mai.
October 4th, 2008 at 5:02 pm
Mi rethei hnathawk peihlo leh Pensoner tihtur hrelo ho!
October 4th, 2008 at 5:04 pm
MTP,YMM leh MDM te hian member 4000 pawh an nei tling dawn ami.
October 4th, 2008 at 5:27 pm
Alo nih tak chu
October 4th, 2008 at 5:54 pm
De dei dei dei, an tih awm tawk lek an ti ni khi. Mizoram siamthat duh tak tak an ni miau lova. Lal erawh an duh a, an chak zek zek a nih hi.
October 4th, 2008 at 6:23 pm
Arpuia lungchhia sanghar lawng lawm!!!!
October 4th, 2008 at 6:27 pm
In mawng zawmte: MPCleh ZNP,Congress lehMTP, MNF leh Hel(ZRA)
October 4th, 2008 at 7:10 pm
tia an in zawmkhawm chuan zoram siam thrat chu an duh viau tihna ani mai lawm ni?. Thlir zel ang u. Hihihi
October 4th, 2008 at 7:15 pm
MTP-in an bial chuh duh an tarlan te chu, Aizawl North-I, Aizawl North-III, Aizawl East-II, Aizawl South-III, Kolasib leh Dampa constituency-te an nih hi.
Kan hriat tel atana tha chu, inthlang ramah chuan miin politics hmanga ram hruai/siamthat/khalh ngil, etc. a tum a nih chuan lalna a chan a ngai a, chumi tur chuan a beih a ngai. Mi lalna chan duh hrim hrim hi han dem chiam theih pawh a ni lo. Amaherawhchu lalna chan an duhna chhan leh chang tura an beih dan a thianghlimin a dik em? tih erawh hi chu thil pawimawh tawp a ni thung. Heti zawng hian eng party pawh hi thlirin teh ta i la, a kalphung tur chu ni awm tak a ni.
October 4th, 2008 at 7:29 pm
MLA nih loh chuan; rorelve tum ngawt kha a theih silova party lian a an awm a ngai reng ani.
October 4th, 2008 at 7:50 pm
@adelfos: Sawi thra khawp mai.
Pawl lian deuh, MNF leh Congress chhung ah in hlawm muk muk te hian ro chu an rel nge tur ah ka ngai a. Diktak chuan, heng party tinte in tlansiak na kawng ah kan duh dan leh hmuh dan in an loh vang rik ngawt hian in dem puat puat tur ah ka ngai lem ve lo. Tun a Pu Thena pawl te pawh a zawm duh chuan zawm maise, han rin viau bik na tur an awm hran bik em ni le? Congress emaw MNF emaw lam tran tu leh duh tu te chuan an dem let ling ve fu lawng maw? Kha tiang vel mai mai kha ani a, pawl a in chhung lut tam leh mipui ten kan duh ber kan thlantlin tur PARTY chak ber te chu kan ramro reltu tur a tan kan duh ber tihna ani mai dawn a. IN thlan hun tur i lo thlir thrup mai ang u. A hla tawh lo bawk a. Hihihi
October 4th, 2008 at 7:50 pm
Nep hlawm!
October 4th, 2008 at 8:37 pm
duli sa an inti siki tihna a ni mai lawng maw? MTP hian Mizoram khaw engzat ah nge unit an neih tawh ang aw? Lapawchini ang deuh chauh an ni lo maw? Congress / MNF / PC / ZNP zawm lo khan anmahnia din an tum emaw ka tia, eng an ang teh ual vak dawn lo tih an hriat hnuah Zoram siam that lam kha chuan back seat a chang leh ta
“Seat kan chang lo, kan hawng mai tang e” tih te sa hlawm ila a tha ang
October 4th, 2008 at 8:39 pm
kan bo deuh vang vang chuan news thar te pawh a lo tam hman a nih hi mawle
Inthlan a hnai tual tual a, inzawmkhawm an pung tial tial, vote lam erawh tu ma hriat ni suh!
October 4th, 2008 at 8:46 pm
YMM , MDM Ka va hre ngai lo ve, Vitamin chhuak thar hming em ni ?
October 4th, 2008 at 8:51 pm
Engpawhnise, ni e, Ar-a lunglawm, Nghara lungchhia.. tih ang deuhin, Zoram kalsiam siam that duhmi tam tak tan chuan thil lungawi thlak tak zawng a ni lo mai thei e. MNF leh Congress ten Kum 20 chhung Zoram an lo hruai tawhnaah khan lungawi loh em emna an lo nei lem lo a ni chek ang a. Corruption Case thubuai nei mek hnung zui an thlang ta chu a nih hmel a. Pu Sapa pawh ka rin a lo ang lem lo.
Mahse, mimal tak chuan tumah ka dem lo va. Amaherawhchu, beiseina erawh a bo a nih ber hi.
October 4th, 2008 at 8:52 pm
Ar-a lungchhia, Nghara lunglawm tih zawk tur ni awm tak a ni.. ku muantea..:)
October 4th, 2008 at 8:59 pm
Politics kha a ni tlat a, Pu Zorunpui, Zoram siam that lam chu a leng hleithei lo a ni e. Kan politics khelh hi “Engtin nge Lal Thuthlengah kan thut theih ang” tihah hian a tawp a, engtin nge ram kan hruai ang, engtin nge Zoram kan siam that ang tih lam a lang hlei thei lo a ni e
Mi puitling tak tak leh rin kai tak tak te, kan kohhran lam hruai tu te pawh hian Sawrkar thara chanvo nei thei tur anga an inngaih chinah chiah hian chu ‘politics’ ah bawk chuan an lut leh thin. An in vawrh chhuahna baseline khan seat hnung a chang leh thin
October 4th, 2008 at 9:04 pm
Zorunpui pawi ti suh. you are to too far away from this MIZORAM
October 4th, 2008 at 9:12 pm
@kanidari, ni e, Politic-ah hi chuan tui pawlh loh nih ngam hi a lo har a ni mahna. Kan huaisenna leh finna hian a la tlin meuh lo pawh a ni mai thei bawk.
@zobawm, nia mahni tanghma chauh ngaihtuah thei ila chu thil pawi tak zawng a ni lem lo. Mahse, khi ram riangteah khian hmasawnna tluantling lo awm ve tawh se, rethei leh hause zai khata luang a, a thlum a hang ei za a, leirual rap a, raltiang kai ve tawh tur hian kan duh em a ni.
October 4th, 2008 at 9:16 pm
Pu Zorunpui, hun a la inher zel a nga, Zoram siam that duh kan chet chhuah hun a la thleng ang, chung hunah chuan CM tur atan lo intat hriam rawh.
October 4th, 2008 at 9:18 pm
@kanidar, ekhai kan pu myself hovin kan la che ang chu tiraw..:) CM hmeltha leh zei tak neih te pawh hi a hun ve tawh a. Tun, CM guitar zut thiam neih ve hrim hrim pawh a chakawm.. Clinton pawh kha a thiam fu an ti..Sexaphone..:)
October 4th, 2008 at 9:28 pm
Sexaphone
haha
CM tingtang zut ‘no’ thiam
haha @myself hian ni e, min hruai bawk sela, chakawm khawp mai, tunah chuan kan kum lam a la pan lua a ni e..
October 4th, 2008 at 9:31 pm
Ekhai, mipui dawr tur an rawn kal ang a, nui saih chungin a han be thin ang a, hlim tak leh lungawi taka an awm dan tur ngaihtuahin pu myself rau hi kan mamawh tlat dawn a ni zoramah.
October 4th, 2008 at 10:02 pm
Tichuan Pu K Sapdanga te ho chuan Congress a zawm ta..tihna a ni mai em?
Misual InTelkawm Pawl (M.I.T.K) din ve mai ang u, pu Zorunpuia kan CM nisela, kanidari Deputy 
October 4th, 2008 at 10:05 pm
*M.I.T.K.P ka tihna
October 4th, 2008 at 10:12 pm
Ka sapawt che pu lulian
Chutia kan tih dawn rau rau chuan, keipawh CM-ah chuan pu Zorunpuia aia awh hi ka nei lo. pu adelfos hi Assembly speaker velah athat ka ring tlat. A thu vuakthlak hia dam thlup maia. Chuan kanidar hian Education lam hi changta se 
Chuan thianpa Aryan hi, opposition leader tha tak, rorel lai party khalh kil thei tak tur anih ka ring bawk
October 4th, 2008 at 10:16 pm
khalh ngil* tihtur.
kan pu ber, Ben RTZ-a hian, Infomation & Tech lam hi chang ta bawk se 
Chuan…chuhpuitu awm miah lovin Dr.luliana hian Health leh Vety lam hi chang bawk ta se
October 4th, 2008 at 10:18 pm
K’u Muantea hi Home a pek chi ka ring…rinawm thlup maiah…
October 4th, 2008 at 10:22 pm
Pu.Hv hi defense lam atan ka duh bawk a
October 4th, 2008 at 10:26 pm
Chutia in tih takah chuan Social welfare lam hi pi bmw hian chang ta bawk se, pi irre-i hi art & culture lamah ka duh viau bawk. Misual ho hi chuan women empowerment lam hi kan ngaisang em em a ni si a.
October 4th, 2008 at 10:27 pm
Nia tiro..hel ho nuai chimit vek turin
Pi Blacki womens commission chairperson 
October 4th, 2008 at 10:37 pm
luliana hian Health lam chang thung se
October 4th, 2008 at 10:40 pm
Sandman hian Information lam chang ta bawk se
October 4th, 2008 at 10:54 pm
Seki : Sandman hi “women” lam kan pe zawk dawn em niang?
October 4th, 2008 at 11:04 pm
Master RTPA hian Health tel lovin Family Welfare chin zawng chang se.Seki hian Finance chang se,ani hian a eiru lo ber ang.Power & Communication lam Pu HV hian chang se,Pu Thena a hnimhnai deuh anga! Amanda hian Public Relation chang se,alej nen an buai deuh pawn relation dang a melh mai anga.
October 4th, 2008 at 11:10 pm
lolzz. Pu Sandman hi chu chhas lam kilkawitu atan thuneihna sang tak pek ni se, tichuan, a hrana MHIP awm kher pawh a tul tawh lo mai thei a sin..
October 4th, 2008 at 11:23 pm
Bualhranga chuan Pu Hawlan a ngaihdam nan PIL Supreme Court thlenga a thehluh ngaihdam nan MDM leh MTP kaltlangin Congress an support dawn ta tihna nge Congress in an absorp dawn le??
October 4th, 2008 at 11:29 pm
Bualhranga leh Rev.Dr. Zairema an ni lawm ni? Pu Hawla eiruk chungchang khingtu kha?
October 4th, 2008 at 11:45 pm
ZoaTlau hian a rawn sawi tak naa,Youth For Mizoram.(Y4M) te hi MTP in congress a thawhpui dawn takah chuan pol.Party a tel duh loh vangin Y4M chuan an Tea Set an an la ta a ni.
October 4th, 2008 at 11:48 pm
Ka thiannu pakhat YMM a mi chuan hetia YMM ten COngress an thlawp dawn takah chuan MTPa tel tam tak neutral thin ho chu an ban vek ka ring.. a ti..
October 4th, 2008 at 11:59 pm
@pu zorun, an ni ngei e! LPS a an interview te kha mitthla ah a la cham! An zuzi leh na chhan erawh ka hre zui miah lo!
October 5th, 2008 at 12:21 am
Ti daih ila, MTP hruaitu K Chhawnthuama tih khi Durtlang KV School neitupa kha a ni em?
October 5th, 2008 at 12:31 am
Hotupa, aw ni e..
October 5th, 2008 at 12:31 am
@luliana, ni e. Pu(Upa) K. Chhawna, Durtlang a ni e
October 5th, 2008 at 12:42 am
Ok thanx..kan hre chiang chak mai mai ania..
October 5th, 2008 at 12:47 am
Pu.K Chhawnthuama KV Paradise siam vel khi chu tul ka van ti lo tak.
October 5th, 2008 at 2:21 am
MTP in hetianga thuthlukna an siam thei hi ropui ka ti. Party te reuh te te Inthlanpui vawi 1 pawh hma chhawn hlei thei lo tur khawpa tlo lo hi a om treuh ang tih hi ka lo hlau ve em em thin a. Duh thusam leh ah phei chuan UDA a te ho hian MNF emaw Congress emaw zawm ve leh sela. Inthlan hi 2 corner atanga in beihna hi ni mai thin sela, a changkang in mi tha thlan pawh a awl zawk ka lo ring a.
October 5th, 2008 at 2:47 am
Party thar in siam dawn tak tak a nih chuan kei pawh la lo tel ve!! tun tum chu kan tlai tawh deuh.. inthlan leh hun a mi tur in han din tan teh u.. sorkar siam an awm mumal loh phei chuan kum 4 nghah pawh a ngai lo mai thei a sin.. Zorunpuia.. han ti tak tak teh u.. Pu Muantea, Pu HV te ho nen han tangrual vel ula.. mi fel theh thawh han thlang chhuak u la, eiru lo tur in han in tiam tir thlap bawk ula, an eiru a nih chuan ban nghal zel theihna nei bawk ula.. awi a nuam awm.. ka chak lutuk.. a changchuan kei mi mawl te hian zan mu chhing lo hian ka ngaihtuah thin a, Mifel hlir sawmkhawm a, party thar siam hi.. thil awlai chu a ni lo tawp ang le.. mahse mipuite an beidawn tawh avang hian beiseina thar kan pe thei a nih chuan kan pawl an vote mai lo ang maw? In ti dawn tak tak a nih chuan ka theihtawpin ka rawn inrawlh ve nghal dawn..!! minister nih ka beisei vang a ni lo a nia
kei chu curtain hnung lamah ka ding zel ang…. Zoram a that phah na tur a effective a ka in ngai ve a nih tak tak erawh chuan ka theihtawp chhuah erawh ka huam… ka fiamthu lo a nia.
October 5th, 2008 at 10:25 am
tawia sawi ang hian mizoram hi bi-party hian kal thut mai i la, a nuam awm reuh! Kan america viau ang,