:HOME:

September 11 atang kha chuan terrorist hlau leh buaipui reng reng in he khawvel hi kan phili a ni ber a. Osama Bin Laden hi kan atchilh tlang ni ber mai hian kei chuan ka hria a. A bik tak in Airport hnathawk tu te chuan Muslim leh Arab hmel pu ho chu an check ngun deuh ngei ang tih chu hai rual a ni lo a.

International Airport hrang hrang ah an strict hle a , chu tih lai chuan kei pawh ram dang a thlawh chhuah ka tum ve a,a hma ni a ka nu in a Aizawl bazar ngei a lei mizo chaw- hmeh chu tha tak in ka bag ah chuan min pack sak diam sa chu pack that leh pawh tum tawh lem lo in ,Aizawl pelh hnuah, atuktuk leh ah chuan Airport lam chu kan pan pui ve leh ta a.Airport lam pan tawh reng reng hi chuan thin thi zan hian a om theih loh hian keichuan ka hria.

Kan thlawh chhuah dawn ni pawh chuan kan duh ai a hma in kan kal leh pek a,ni dang aiin ka nervous leh zual a, he ni hi ka nun a a special dawn em vang pawh a ni ang, darkar hnih zet in kan hma a, coffee te sikret zu hlat hlat pah in kan in sar sar a , kan bul ah hian sap hmeichhe pahnih hi an thu a India ram Airport an nin zia leh , september 11 hnu a khawi ram Airport pawh a an strict zia te,George bush an a War against terrorism a puan a, Muslim ho in a tih duh dah na an tuar nasat zia te , oil an duh vang lek saddam hussein a dictator an tih bik a an ngaih theih loh bik ,engvang a oil nei ve lo ram Burma te, Tibet ,Congo te pawh theihnghilh a ,burmese ho te leh Dalai Lama pawl tibetan ho te pawh dictatorship hnuai ah tih duh dah na namen lo tuarin an om tho a ni lom ni ,mahse anni chu oil an ram a a om ve loh vang in an ngaihsak hlei nem, oil tam na ram middle east ringawt vei nge an nih tih leh muslim ho an khawngaih thu hi an sawi bawrh bawrh a, ngawi reng in ka lo ngai thla reng a . A ni lah tak a tunlai khawvel ah chuan muslim i nih chuan i symbol ken tel chu Terrorism tih hi a ni tawp mai a , muslim chu ka ni hauh lo mahse ka lo khawngaih ve tawp a ni ber e.

Chuan kan in check-in hun chu a lo thleng ta ngei mai le, thil pawi lam bomb tih ang reng kan keng lo bawk a ti in thlamuang tum tak in kan lut ta a, ka bag chu an han x-ray ta a, chuan a x-ray tu pa chuan ka bag chu a kawk an han x-ray nawn leh a, chuan police lo ding ve te chu an mitmei a, chuan an ni chuan ka ban ah hian nghet tak in min rawn man a, keichu ka khur chhe der tawh a, An x-ray screen chu min han hmuh tir a , “Hei hi engnge
ni” rum em em mai hian an han ti a, ka zuk en ve nak chuan PISTOL thla hi ka bag ah chuan a lo lang kuau mai a , “oh my god its not mine”" kan ti nghal thuai a, an ni chuan “ngati nge i bag ah i ta ni si lo a lo om rikngawt a” an han ti khur khur a,Aw Lalpa min tanpui rawh, Lalpa lah chu a hla ropui mai si a, a ngaihna hi ka hre lo khawp mai a, ka hlau bok si ka rilru chu a kal thui hmanteh asin, Aizawl atang a kan lo chhuk hnu in tumah in ka bag an khawih lo a,tu mah kan kawm bok si lo, mahse misual tu emaw hian ka bag ah hian pistol an lo dah ru emaw ni le tih thleng in khur dawt dawt chung in ka ngaihtuah hman a,Bangkok Hilton film te kha ka hre chhuak uar uar a, bag chu hawng tur in min ti a, mi in min en thup bawk si,
chahbi zawng buai nawk nawk chung in ka bag chu ka hai vel a, chahbi chuan kan hawng ta a le , keima bag chhung ngei ah chuan rin loh lutuk thil hi a ni ber e, ka dam chhung pawh hian ka theihnghilh thei leh tawh lo ang ka thawmhnaw kar ah leh baibing , ratuai rep kar ngei ah chuan a lo in fun tal mai anih chu,Ka SAWH-THING NO , sawh-thing no a kuang nen a la om ka nu in duat tak a, a chhiat loh nan a ti a a sawh-thing lai kha newspaper in a tuam a , chu sawh-thing a tak tuam , akuang lam sei bul tat mai chu,x-ray screen ah chuan pistol ang chiah in a lo lang a nih chu … Halleluiah Amen
police ho nen chuan kan han x-ray nawn leh thin a min rin hlelh talh an lo tum toh si a, an nuih za ve lutuk chu an in sum tang tang hi a ni ber e. Keipawh chu hlau leh nuihza,thlaphang ang reng in pawlh in min kal tir ta a.

Aircraft luh hun a lo ni a, kan handbaggage an lo check nawn leh a chu ta police pa chuan
“have a nice Ginger trip”" zawi te in a rawn ti a nih chu .

Chet chhiatna te hi a hun lai chuan hre-om hle mahse a hnu ah chuan nun ti hlim tu a lo ni deih thei a nia.Tun thleng hian ka ginger story hi chu ka la sawi ning thei lo.

Similar Posts

• Thlahrang Aw nge Thlarau Aw
• Kan ngawibo leh dawn ta em ni?
• Aizawl leh Silchar inkarah motor tlan tan
• Police ruang hmuak dawn
• Christmas ah present tur I lei don em?

Recent entries

• Ka duhthusam….
• Mizo Radio on the internet
• Chhungkaw inenkawlna
• Mizoram a chanchinbu hlawk ber
• The World’s Greatest Business Mind Award
• Krismass bawng ser ru
• Delhi Krismas Vawk (NSFW)
• Lal Solomona rosum laihchhuah a ni
• Minister 9 lakluh
• Krismas Changkang Tak dan zia hi…

This entry was posted on Sunday, September 3rd, 2006 at 7:14 am and is filed under more than words. You can follow any responses to this entry through the RSS 2.0 feed. You can leave a response, or trackback from your own site.