Zonet website in a tarlang danin Aizawl leh Silchar inkar kawngpuiah tunah chuan motor a tlan tan leh ta a, mahse la tlem deuh. Kapliana thianpa Lallianthanga, Gungur damdawiina awm mek chuan that lam a pan . Vawiin khan a chhungte pawh kan turin an kal.
Lallianthanga veng tur hian Silchar SP chuan CRPF mite a dah a ni. Dholai Police chuan suspect 7 an man tawh.
Aizawlah chuan sorkar in oil lak theih chin tiang hian a siam:
Sorkar ruahman dan chuan lirthei ke hnih nei chiten petrol litre 5, motor te-in litre 10, Sumo/Pick Up leh 407 ten liter 20, Motor lianin a tanky khat, City Bus ten litre 30 an la thei ang a, tuialhthei hi Plastic leh barrel-a dawh phal a ni lo bawk a ni.
Mizoram Muslim Welfare Society pawn ti hian thuchhuah a siam:
Mizoram Muslim Welfare Society, Aizawl chuan Dholai bula Mizo tlangval pakhatin misualte kuta tawh sual tawka a nunna hial a chan leh tlangval dang pakhatin hliampui a tuar bawk chu pawi an tih thu thuchhuah an siam. Assam sawrkar chu a rang thei ang bera pawikhawihtute manchhuak tur leh dan anga an phu tawka an chunga rorel ngei tura an phut thu pawh Mizoram Muslim Welfare Society, Aizawl chuan an thuchhuah hian an sawi a, hetiang boruak duhawm lovin mipuite a tlakbuak lai hian hnam rawng kai zawnga buaina chawk chhuak lova boruak muanawm tak vawng him tura tan la theuh turin mitin an ngen bawk a ni.
Bhai te hi an a lem lo.
He MZP thuchhuah:
MZP President, PC. Laltlansanga chuan Mizorama chhunga Vai leh hnam dang awm zawng zawngte, tun thla ni 25 ral hma chuan pawn chhuak lo turin a hrilh a, eizawnna hrang hrang nei, sumdawng leh sawrkar hnathawk pawh ni se hriat hran theihna an nei a nih loh chuan chhuak lo tura tih an nih thu a sawi
hi nimin lamah te pawh kan hre tawh a.
1) He an thuchhuah hian kawngro a su em? A tul em?
2) Pawn chhuak an awm chuan, engpawh thleng se mawh an phur lovang ti em mi kha?
3) Pawn lo chhuak ta se, khawih ‘rawh ru’ an tihna a ni thei em?
4) Hetianga ang “advisory” chhuah a ngai a nih chuan, law and order keng kawhtu sorkar a awm a ni lawm n (law mi -naupang tawng dan)i?
5) Thawm an neih ve duh hrim hrim vang a ni thei em?
source: zonet.in
* Vai kuta thi Mizo tlangval vuiliam (The Aizawl Post via zawlbuk.net)
* Dholai-ah Mizo tlangval a thi Kawtchhuahah police indaih (The Aizawl Post via zawlbuk.net)
