Charm your way to great service
February 6th, 2007 2:11 pm | etc | hmelthatea | 79 ViewsRestaurant a in kal reng rengin, thiam tak leh tha taka an lo dawnsawn loh che u chuan kal nawn leh in chak kher lovang. I nungchang leh awmdan tha tak leh fel taka i awm chuan lal angin an lo treat thei che tih hre reng ang che.
Table kan book lawk atang leh, waiter leh waitress keimahnin kan lo dawnsawn dan azirin thiam taka min lo treat in min lo treat lo theia, an siam tui lo deuh mahse tlawh nawn leh kan chak theuh ngei ang, thiam taka min lo dawnsawn chuan.
Table in book lawk dawn reng reng in nangmah leh nangmah insawi hmasa la, tawngkam hawihhawm tak hmang thin ang che. Nidanga in kal leh dawn a, awlsam taka a lo hriat theih nan che u inawmdan han sawi zauh la, rang takin a hre nghal mai ang che.
Chumi hnuah tlai lampang boruak tur han sawi la, Birthday Party tur nge, Suprise reunion nge, Romantic date tur nge? A bak chu thiamtakin a boruak awm dan tur azirin an lo buatsaih sak mai ang che u.
A hmun in thlen hunin, khik vur vur loh tur, tum hmuk bawk loh tur, nelawm takin awm tum ang che. Tha tak leh felfai taka inchei nia i in hriat chuan nangmahah inrintawkna i nei ang a, tha tak leh nuam takin i awm thei ang. Restaurant nghaktu (Sapho chuan Maitre d’ an ti) chibai han buk zauh la, nangmah leh nangmah insawi pahin phone-a in in biak thu i hrilh anga, chutah nangmah ni tan liau liau a siam, in awmdan tur azira mawihnai tak leh inhmeh thei ang bera an siam ah chuan an hruai tawh mai dawn che u a ni. Hei hi hrereng ang che, a hna thawk tute chuan in awmdan in inbiak dan azirin thatakin an lo dawngsawngin an lo dawngsawng lo thei che tih hre reng ang che.
Chuvangin Polite tak chungin thil i ti thin dawn nia. Thutna in thut hnua, Waiter/Waitress a lo kalin han nuih sak la, a mitah enin, in ei duhzawng leh intur chu Free takin sawi la, a recommendations ngaithla ang che u. Tin, in chhuah dawnin in thil ei tui zia chuah sawi lovin, tha taka an lo dawn sawn vang che u in lawmthu in hrilh bawk dawn nia, chu chu nakina in kal leh dawn hun thleng pawhin awmze thui tak a nei tih in hre reng dawn nia.
Could be related:
- Zei Book - Part 1
- Anthur Um siam dan
- Ka thaw huai
- A sorry state of Indian Infrastructure
- Bialpa te in at-chilh tir dan . Latest tactic
February 6th, 2007 at 9:07 pm
rawn post tha khawp mai. Basic chu rawn tawite in rawn sawi kim thiam khawp mai. Mizo te pawh kan changkang ve deuh tawh a, hengte pawh hi zir hriat a tha ve khawp mai.
February 7th, 2007 at 2:26 am
restaurant ah thok ni mo
February 7th, 2007 at 6:11 pm
@anonymous:Restaurant ah thok nih kher lo pon an ziak thei alom…
Tiang thil ziah vang a restaurant a thok tih na kher a ni hlei nem….