Mizo Idol Chief Judge IDOL Remkimi a tla!
October 2nd, 2007 11:27 pm | News | narzhoc | 911 Views|
|
He thu thar, he chanchin, he thutlukna zet hi chuan mi tamtak rilru a va tihnual chiang em. Mi tam takin Mizo Idol atana an lo beisei rauh rauh, Top 50 atanga chanchin ngah chho leh contestant dang zawng ai pawha lar chho Chhinga Veng tleirawl Remkimi Cherput tan Mizo Idol-ah hmun a awm ve ta lo.
Kar kalta nilai zana Top 4 inelna result chu thawhtan zan khan an puang a, C.Lalthlengliana leh Lallawmpuia te awlsam taka an thutna hmun tur Host Zonuni’n a kawhhmuh hnuah Remkimi leh amah Hmingtea, Remkimi ang bawka huhang ngahte chu buk an ni a, he thiandun inngaitakte hi pawhthen an ni ta a, pakhat paihthlain pakhat top 3-ah!
Chief Judge Idol a tla!
Remkimi a tlak chiah hian Chief Judge Rammawia chuan a Idol a tlak tak thu a sawichhuak nghal a, Judge dang Rinliana leh Rebecca Saimawiite thlahna tawngkam khan Remkimi fans rilru nâ a thawidam zovin kan ring em? Judge lam thusawi atang chuan Remkimi hi SMS vanga tla nia ngaih theihin thu an sawi a, Top 4 inelna neih zawha an comment pek dan atang erawh chuan SMS vang nia a ngaih theih loh thu Chhinga Veng pa pakhat chuan a sawi. Hetihlai hian Chief Judge-in a Idol a nih thu Remkimi a hrilh kha a ni a, heti chunga a tla ta tho si hi insawifelna leh kutsilna tawngkam mai a ni em? tia ngai an awm bawk. Engpawh nise SMS vote hmuh zat puanzar a ni lova, Judge-te hi a pawimawh ber chu an ni. An thu vuakthlak dan ang ang kha result chu a ni mai. Remkimi a tling lova, a aia zaithiam pathum (Judge te ngaihah) an awm tihna a ni.
Top 4 Rewind
Top 4 inelna kha kan hriat angin Mizo hla pakhat leh sap hla pakhat hmanga intihsiak a ni a, Remkimi Cherpoot hian Mizo hla a sa tha fahran lo nia ngaih a ni. Khawi maw lai changah a aw chhang tial a rawn lang a, sap hla Give me one reason tih hla a sak erawh a tha thlawt thung. A mah khengthla duh emaw, duh lo hrim hrim tan chuan sawisel tur chu a awm ngei ang a, entirnan, “ i thu lam a fiah lo” tih ang reng te leh thil dang pawh a ni thei ang. Top 3 dangten Mizo hla an sa tha fu vek a, an sap hla sak erawh chuti taka fiah bik leh nalh danglam niin a lang lova, Mizo hla atangin top 3 lut tur an thlang niin a lang bawk si lo!
Whiskey Lullaby maw?
YouTube: https://www.youtube.com/watch?v=fnoDiQrd88Y
He hla lar tak hi top 10 inelnaah Remkimi hian a sa tawh a, amah duh lotu lam chuan an sawisel luai luai! Remkimi hian changkhat leh thunawn chiah sain sawiseltute chuan tihlar tum hrim hrim leh duhsak hlawh bikah an ngai a ni. Mahse buatsaihtu lam chuan request a tam em vanga an sak tir a nih thu sawiin a tlak zanah pawh hian he hla bawk hi host Zonuni chuan a saktir leh a, Mizo country singer Alex chuan a sak tawp dawn lamah puiin a satu Brad Paisley leh Alison Krauss-te pawh an ang khawp mai. Beiseina neih laia tlak thu hriat kha Remkimi tan chuan lem nuam tak a ni hauh lovang tih a chiang a, a lalluby-ah Judge-te hmin zo lo mahse a fans erawh chuan whiskey lalluby iangin he Zoram khawvelah hian an tuihalna chu Remkimi a\angin an la hmu ngei dawn a ni.
Aw Zoram min nghilh…!
YouTube: https://www.youtube.com/watch?v=OyOc64t63gk
Amah Zo rock, Rosangliana hla hit Zoram ngaih hla hemi zan hian an kurpui a, Idol buatsaihtu lam chuan an sawm nghe nghe naa engemaw harsana vangin a rawn tel theih loh thu Telephone kaltlangin Zo Rock hian a sawi. Idol top 4-ten he hla hi thlawhin mipa zaite khan “Aw Zoram min nghilh bik suh ang che, dawn changin suihlunga a leng vawng vawng, hmangaih biahthu inhlan bang law’ng aw” an ti hawh hawh a, an zaithiam tehreng nen che vel khan lunglen a hnawtiau lek lek. He hla hi Mizo zaithiam zinga Remkimi ngaihsan ber Rosangliana hla a ni a, demand channel-ah thlan theiha awmin thlan pawh a hlawh hle reng a ni. Result puan zan hian a tawp khar nan an hmang nghe nghe a, vawi tam an sa chhuak.
C.Lalrinmawia kan hmu
Rimawi khawvela khalehchen Zofate lo awi tawhtu C.Lalrinmawia kan hmu a, Idol-a a hla Tlaitla engmawi” sak saktu Marina chuan a zai hunah kochhuakin he hla hi an sa dun. Judge Rebecca chuan Mizo mi zinga aw pa leh zaithiam a tih ber thu puangin Judge dang pahnihte paw’n an fak narawh e.
May be related
- Remkimi bows out of Mizo Idol
- American Idol atangin pakhat kiam leh ta
- Mizo Idol videos
- Mizo Idol nih tu nge duh?
- Remkimi Cherput collection
Recent entries
- Final round khel turin Mizo naupang
- A lerh dan chu high school level
- Christmas putar kha ka lo ngaisang thin hle a
- Manchester Premier Cup 2008 ah Mizoram che tha zel
- Cell phone death!
- Miracle man walks again
- YZTP Sweet December 2007
- Band Aid- Do they know its christmas time
- Beimatualeh - Chennai Version
- Father Norris leh Thianpa
October 3rd, 2007 at 12:06 am
Aw..a tla ni mai a,SMS vangin emaw Judge te comment vangin emaw..A tla ani mai.Chinga Veng pa pakhat chuan chu ti chuan a ti tih vel mai mai ho thin e mai.A khermei tur zawng hian thu hi kan vawr darh tlah thin a.
American Idol ah te poh,rin deuh deuh an tling lova,rin loh deuh deuh an tling leh lawi a.Voting Compettition anih hi theihngilh lo ila.
October 3rd, 2007 at 12:27 am
Hmnn… a dik! A tla a, a tla a ni mai
Tu pawh tla se sawi neuh neuh tur chu a awm zel ang. Indian Idol thlan zawh takah pawh khan ngaihdan chu a rual lo hle a nih kha maw…
Engpawhnise Remkimi te kha chu mi special tak, music talent nei tha tak a nih kha. A uihawm reuh hle mai. Hmabak eng tak a nei a, a la rawn invawrh zel turah ngai ang.
October 3rd, 2007 at 1:40 am
Zoram ngaih hla ngei mai chu… a va nalh tak em… kan thianho hla… hihi
October 3rd, 2007 at 2:13 am
Txt IM hmu hnem hnem a ni ve tho in ka ring a…a duhsak tu ten txt IM (sms) an thawn taima tawklo pawh ani mahna…emaw…enge maw te te te pawh a ni mahna…kan duh zawng hi mi zawng zawng in an duh vek kherlo thei bawk. A tla a te an khawngaih thlak a amaherawh chu experience a ni mai a, a hnu leh ah an ti tha leh zual tawh ngei ang chu maw.
October 3rd, 2007 at 4:18 am
Remkimi a tling ta lo maw, a va han pawi ve awww..kan tran tuar tuar asin mawle, ralkhat tranin ka lo tran ani e. Aw Zoram tih pawh khi a nalh kher mai..Chiang deuh a ngaihthlak ka va chak veeee..nei in awm mial em?
October 3rd, 2007 at 5:52 am
“Idol top 4-ten he hla hi thlawhin mipa zaite khan ‘Aw Zoram min nghilh bik suh ang che, dawn changin suihlunga a leng vawng vawng, hmangaih biahthu inhlan bang law’ng aw’ an ti hawh hawh a, an zaithiam tehreng nen che vel khan lunglen a hnawtiau lek lek”.
I thil ziah danah hian tran bik i nei a nih hi. Remkimi Cherput a tlak avanga mipa lam sawisel na a tam hian ‘Valdawntawia’ pawh i iang e. Tin chief judge hian a sawi tur huang bak a sawi. A insawifelna a nih leh nih loh chu ka hre hran lo. Mahse, a tlak tak avanga khati fahrana a ‘UI’ kher kha a trul lo. Music Instrument khawih thiam thlanna a ni lova, aw chhang thlanna a ni hek lova, ZAITHIAM thlanna a nih miau avangin….. a tla a ni mai, i Remkimi chu…..
October 3rd, 2007 at 5:57 am
American idol in lo en thin chuan tute tan mah a chiang lo va. A hnuhnung berah pawh Simon duhsak deuh mai, Melinda Doolitle, a tlak daih kha.
Thudang alai chuan engvangin nge Remkimi hi “Chief Judge” tiin in sawi le ?
October 3rd, 2007 at 10:35 am
A tlak chuan a tla a ni mai ni… rinhlelh tur pawh ni hlei nem… vanduai vang a ni mai, an zaithiam vek tawh a, tla thei leh pakhat na ni thei vek an ni e. Chhinga veng pa in a ti tih vel mai mai nep set set lutuk. American Idol te pawh.. Chris Daughtry… melinda… latoyla… tamyra te poh kha tlin tur a rin vek an nih kha….Idol tak tak chu an album in a ron hril mai nag… Lungdam takin lo thlir zel teh un
youth Icon Zomuanpuii trang pawh hian a hriat mai theih awm e… Ani pawh kha top 5 ah tla ve toh ni lawm ni kha…
October 3rd, 2007 at 11:02 am
Khawlai ti ti ah tun tum chu, chumi khami chu a tla ang an tih hi chu a la dik zel a. Tla chu tla, tla lo chu tla lo ni mai. Han sawisel tur avang khop mai. An la awm zel e.
October 3rd, 2007 at 11:24 am
“i tan” han tih vak kher. a ngaihdan ni lo, mi dang ngaihdan a ziak pawh a ni ve thei tho va
A tir atang khan Judge te hian a tla apiang an thlah dan kha an in tawng/tlawh khalh a ang ka ti, u Makuri phei hi chuan mi pawi sawi a hlau viau niin ka hria. Inti-Simona hi a tha ber zawk.
Kei zawng ka en ve hman ta meuh lo a ni e. Remkimi hi Chief Judge tiin an sawi lo Chief Judge Idol an ti mai a ni.
Top5 atang kha chuan thiam loh vanga tla an awm lo, an aia thiam an awm vang mai a ni, Tin, kan ti leh teh ang vawi 1 zai thil thu te kha a nia, chuta tangin vawi 2 zai, sap hla te a tel chho ta zel a, vawi 1/2 zai fuh loh a pawi em a ni.
Kei aiin ka fapa kum 3 mi te hian a hre zawk a, Hmingtea tan ber a, kei chuan ’til pawr aw’ ang te ka ti deuh a. a reh hlen daih ang tih te ka hlauhpui mai mai. a la bang 2 zinga mi a tu emaw zawk zawk ni turin ka beisei.
October 3rd, 2007 at 11:38 am
Kei zawng Remkimi tla hi a awm lohna pawh ka hre lo. Remkimi chu a aw a chhang tiak a a unique reuh ltk a tih hi a ni zel a, zaithiam ve pangngai a ni mai bawk a, Mizo Idol ah hian aw dangdai (unique) an zawng tlat lo a, zaithiam an zawng tlat sia!!!! Amah aia zaithiam thiau 3 te final round ah an rawn in compete toh dawn lom, hmuh nawm ngawt ang….
Tin, Remkimi hi top3 a tlin ve tak loh avang hian ka lo ngaihsan ve na poh a hniam phah chuang lo….
October 3rd, 2007 at 11:46 am
Inkhelha kan chak loh hian Refree hi kan mawh puh tlang pui a, chutiang vel chu a ni mai…
October 3rd, 2007 at 11:49 am
A rawn post tu ngei pawh hi Judge ni se a bias tho long maw???hehehehe..
October 3rd, 2007 at 12:56 pm
In va sawi nasa liam liam ve aw!!! Idol chungchang hi sawi ka duh vak lo thin a, mahse ka’n sawi ve te’ng. sms hi thu tlukna siamtu ni lo mah se, judge 1 anga hman a ni a, judge dangte point pek sawi lan a ni lo ang bawkin sawi lan a ni lo. An tlak dawn hi chuan an vote hmuh hi a hniam ngei ngei a, an zai that chuan an kang dawrh thung. Ka’n sawi phawng mai ang e, phone khal neuh neuh peih chin ho-in an star rawn Alex-a kha a hma zawng chuan sms vote-ah top a ni. A tlak dawn khan a hniam ber dawttu a ni leh daih!! hei hian sms vote hi a lo rintlak ve ta f’u mai tih min ngaihtuah tir.
Ka naute hi chu ka ui takzet……
October 3rd, 2007 at 2:12 pm
Top 3 ah chuan chherputii hi a om ka lo beisei ve ngot a. Mahse, hetiang news in ron post a tran lam nei ltk a in ron ziak thin hi chu tha lo mole. A lan da ang ang hian ron ziak mai thin ula, chuan… kan tran lam te, thiam kan tih te, kan soisel duhte chu kan comment toh mai don lom.
October 3rd, 2007 at 9:22 pm
Idol Contest-a tlate hian puitling takin an pawm mai, an fakawm. An fans te ho zawk hian an tuar thiam lo fo. Idol Contest Judge ten zai ringawt piah lama an hawiher, chetzia, engkima an chher chhuah dan hi a ropui. Mi tam tak an tla tawh, a tla ten an pawm a, mipui lam pawhin an pawm ve mai. Remkimi a nih vanga tla thei lo bik a ni lo, an tih kha maw….
October 3rd, 2007 at 9:28 pm
correct
October 4th, 2007 at 1:59 am
Mizo Idol Theme Song
October 4th, 2007 at 2:53 pm
Ni e, a dik a ni Pu Samuelapa sawi hi. Judges te ai hian kan lo fing zawk mah thin a, a diklo. Thuneitu tura ruat an ni a, an nin tling leh thiama an ngaih chu lo sawisel chiam chiam thei kan ni lo. Youth Icon pawh kha hetiang tho hi a ni. Pathumna Lalchhanchhuahi a tlak khan, a pa ngei pawhin na takin a sawisel a. Mahse, a hnuah a lo awm ber mai, tih a ni leh tho. Chutiang deuh chuan, Thlenga emaw, Hmingtea emaw te hi lo tla ta se, amah tantu te tan chuan a awmlo tawp ang a, judges te an dem em em tho bawk ang. CHutiang chu kan nih avangin.. Tute pawh an tla zel ang a, pakhat chiah Mizo Idol a ni dawn tih hi kan hriat a ngai a. Judges leh SMS a zir a ni ang. tih hi ringhlel lovin pawm thiam ila, a finthlak ber ang.
October 4th, 2007 at 4:51 pm
Ka ngawi zui ta daih si a, hei, ka ron post ve top a, in duh duha in lo chinlet vel tur leh in ngaihdan a nih loh pawha duhtawka in sawisel tura ka tih a ni e. A ziaktu hian ka tran lam ka pha lo. Ka duh ber zawk chu ka thuziak atanga mipui ngaihdan hriat mai a ni. Ka rilru tak chu ” survival of the fittest a nia. A thiam thiam, a tha tha, a thei thei an tling chho zel tih hi a ni. Tunah chuan Hmingtea of Saiha hi ka focus leh tawh a, ka tran em em poh ka hre lo. mahse a ni hi Idol-ah an thlang mai lawng maw? zaninah a chiang dawn a, tunah hian kei chu en hman loh hlauin Office ka chhuahsan der tawh! mangthra u
October 4th, 2007 at 10:28 pm
Idol ho hi tlak dan an thiam ber ka ti, Youth Icon ho kha ka ten bontop2! An trap vel kha chu ben sawk hi ka chak! Esther phei kha chu a trap nasa a nia, a zahthlak, a pa in a thiam zawk te a la ti fan nia! No. 1 khan awmngaina a hriat loh phah nghe ngeh a ni. Mit ngeiin hmu in an sawi. Mahse mi ang mang lo kan telh fo thin hi chu sim vat nise a tha ang.
October 5th, 2007 at 12:16 am
Engatinge chief judge khan ka idol a tla a tih mai le!A idol nise a power a hmang ngam lo em niang,ani idol meuh han tla ta ruau mai chu?! E..Rinliana vang hi a ni hmuks ang. Kei chuan Rinliana hi ka tlaktir daih toh:) a quality ka hmu theilo,solfa thiam silo,’one love’ luah luah thim,thu hmuks a ni mai:)he he..Lompuia hi a awm ta ber a nih hi.
October 5th, 2007 at 8:47 am
judges may not be all responsible. sms vote a om si a.
hetiang sms a vote theih/public opinion taken into account hi a fuh ber lou in a rinom. kan veng, kan chhungte etc tan an campaign thina . super model a thlan lai poh khan an ron campaign nasa ltk a, kei chu ka vote loh phah zawks.
October 7th, 2007 at 6:40 pm
Mizo Idol hi Music Instrument thiam leh Aw chhang thlanna a ni lo ang bawkin, note ’sharp’ leh ‘flat’ - ‘tempo’ vawng lova zai te, lak hun lova la a zai leh sap hla sa rau rau a a lam hriat hleihtheih lova zai te, aw khur hlek hlek zai apianga ‘wholesale’ a zai chhuak thlanna anih bik ka ring lo!
October 7th, 2007 at 6:54 pm
sms vote hi a pawimawh khop asin. Tunlai reality show reng reng hi SMS vote hian result a siam ber zawk… entirnan Indian Idol, Star TV-a Nach Baliye te te pawh. A chhan chu SMS revenue hi an sum hmuhna ber a nih vang a nia.
Amaa’rohchu Mizoram lamah chuan heng reality show hian mobile operator te tan revenue an generate sak teuh ringawt a, engmah an dawng ve leh chuan silo a. mobile operator te nena negotiate nachang an hriat chuan an tifuh viau ang