YMA-ah Beiseina Thar?
October 27th, 2007 3:18 am | more than words | adelfos | 234 views|
|
YMA General Coference a tiak ta a. He inkhawmpui report kan hriatte zinga ngaihnawm berte zinga mi chu fel fai tak leh thianghlim taka hruaitu thlanna neih theih a ni kha a ni awm e. West Phaileng Branch YMA treasurer chuan, “Inthlan ka hriatah chuan a aia mawi a awm bik lo ang. Thlangtute leh nomination-a langte an puitling tlang a, YMA inthlan felfai ber record a tling thei hial awm e. Boruak chhia a awm lo a, thil duhawm lo a awm lo,” a ti a. Aizawl lam atanga palai kalte pawhin tun tum YMA inthlan hi a felfai hle niin an sawi hlawm a ni.
Tun hnaia YMA inthlan boruak kan hriat thinte kha campaign leh hmanraw eng eng emaw hmanga nihna inchuh thawm a ni thin. Hei hian Zofa zawng zawng tena kan intawm YMA hmangaihtu rilru a ti na a, thian chhan thih ngam nia inchhal he hnam thinlung hi a hliam a ni.
A kalphung a dik tawh lo nia hria a mi tam takin YMA hi khenbeh an duh mek tawh laiin kumin YMA hruaitu thlanna hian chanvo thlakhlelhna leh politics tuinu-in a chim mek YMA hlutna chu a kai tho leh a. Mite neih ve loh Tlawmngaihna nei intitu Mizo nih a ti nuam thar leh a, he thinlunga ‘YMA’ hi a rawn chawk harh leh ta ni berin a lang.
Eng pawl pawh niin, eng thil pawh ti i la, nihna leh chan tha chan duhna lutuk hian mi a ti thuanawp a. Hotu nih chakna leh mahni hmasialna hian mihring nun hona boruak a khawih chhe thin. Hetiang nungchang hi a Mizo lo va, a kristian hek lo. YMA inthlanna felfai tak leh thianghlim taka neih a ni ta hian YMA laka Mizo mipuite beiseina chuai tan mek chu ti nung lehin beiseina thar min pe leh ta a ni, kan ti thei ang em le?
October 27th, 2007 at 9:52 am
YMA hi, nia, a kaltluang ve leh tawh turah ngai phawt mai teh ang. Tanpui ngai te tanpui hi a thupui leh a dinchhan a nih kha aw, hruaitu thar te u.
October 27th, 2007 at 10:37 am
CYMA hi chu, policy leh co-ordination lam ah in khur bing ta se la(h) a fel fai deuh zawk angem??
October 27th, 2007 at 11:06 am
He thu ka chhiar phata ka rilru a awm chu, “report ngaihnawm ber” kan tihte hi a va ho-in a va sang lo tak em. A ngaihnawm ber pawh hetiang lek hi a nih chuan a dang chu a va ho awm em em. Mahse mizo te nun hi a va lo bawlhhlawh tawh awm em em ve tih min ngaihtuah tir, thil nihphung pangngai (tlawmngaihna huang chhungah)-a kan ngaih inthlanna tluang taka neih theih mai pawh hahipa sawi tham a tling ta zuk nia. Ropui ka ti lo ve. Lol!!
“report kan hriatte zinga ngaihnawm berte zinga mi chu fel fai tak leh thianghlim taka hruaitu thlanna neih theih a ni.” (Chuhtu awm loh vangte a ni thei ang em??) YMA pawh a thang tlawm ta deuh em a, dan palzam leh tualthah pawisa lo ang hiala a han tlang thangte hi hruaitu nih chak awmna pawh a reh deuhte a ni mahna.
Zonun mawi humhlahna kawngah pawl chakber ni zel turin Hruitu thar te ka duhsak e.
October 27th, 2007 at 3:45 pm
hmmm…let’s wait & see…@burbura sawi ang hian tunlai chhanah YMA hi a hming chhiat lai tak a ni a, hruaitu nih a chakawm vak lo pawh a ni mai thei. Boruak han danglamin hruaitu nih chakawm a nih leh hunah chuan ‘back to square one’ kan ni leh mai ang em? Rilru hi a ’sceptical’ zo tawh a nih hi…
October 27th, 2007 at 8:26 pm
Lawmawm khawp mai tuntum YMA conference chu, boruak pawh a zangkhai, Mi thenkhat thahnem ngaih vang ani.
YMA felfai kan neih theihna tur pakhat chu a hruaitu ten politics khelh zui nan hman tum lo se.
October 30th, 2007 at 4:08 pm
Tu amo artikul ziak vanga mahni hnam hming dah zui ngam talo hian Cenrtal YMA a nihna a neih tak avang hian a hna hming hi dah leh ngam tak ang maw te kalo ti ve mai mai….