mi(sual).com

Beiseina leh chakna nen nitin ka hun ka hmang thin,
Ka hnen a fam i chan hma a I awm reng dawn a vang in;
Chungthangvan a arsi ah te khian I hmel ka lo hmu thin,
Chuvang chuan ka hmel hi hlimna in a khat thin;
Ni sa in a min en chang te hian ka tangbel a ka pawm thin lai che te kha min hriat chhuah tir thin,

Ka tan chuan ka chhunni leh zanni I ni thin;
Ka taksa hian a mamawh ngawih ngawih thin che sin,
Nang vang liau liau hian nun hlimna leh beiseina te ka nei thin;
Nang ang reng reng a ka thinlai luah tu leh ka thuruk hre tu tu mah he khawvel ah hian an awm lo a sin!

Ka hnen a I awm chhung hi chuan ka danglam thei ngai lo,
Thuruk lah zep ka nei hek lo, ka nihna ang ang hian I bul ah chuan ka awm thin;
Ka nunna hi I tan liau liau ka hlan che sin,
Nun sangkhat pawh nei mah I la, I tan ka hlan vek ngei ang;

Ka nun in a mamawh em em lai che in ka lo tawng che a,
Khawngaih inmin kalsan lul suh aw!
I tello chuan engtin nge ka hring nun ka hman ang tih pawh ka chhui thiam si lo,
Ni reilo te kan inthen chhung te kha ka tan chuan tawrh zawh rual a ni lo,

I tello chuan ka tan nun in awmzia a nei lo,
Hun reilo te chhung pawh I tello a ka awm hian ka lungngai thin.
Ka zan mang lam ah te hian zan khat te pawh I hmel hmu lo in ka awm thei lo,
Ka thinlung ah hian thai reh theih tawh rual lo in I sakhmel mawi hi a awm reng thin vang in,
Hei hi ka tiam a che.
Hmangaihna leh hlimna a khat nun ka pe che a nga,
Ti chuan he lei hring nun piah lam ram Hmangaihna a khat ram ah ka awmpui ang che.
Ka hnen a kumkhua a I awm hun tur ka ngaihtuah thin a,
Hmun thianghlim ah Pathiannu biak in ka be thin ang che;
Ka taksa rilru a ka Pathiannu I nih miau si a vang hian.

I thinlung chhungril ber ah min awm tir la min ko thin ta che,
Ti chuan I thinlung in a a beisei leh duh Hmangaihna biah thuril chu I lo hre thin dawn nia.
Ka va han ngai thin tak che em,
I tangnem a ka beilai a a nawmna te kha ka theihnghilh zo ta!
Hmangaihna hruikhat vuan a kan hlim lai ni te kha ka theihnghilh ta,
Neih kir leh ka duh a sin, lo let leh rawh aw.

Tun hma a ka lo zawn thin, a awm ang tih pawh ka lo rin ngai loh nun hlimna min petu ka tawng ta che a vang a ka lawm na hi he lei tawng a sawifiah thiam chi a ni lo.
Ka mamawhna che thukzia pawh hi I hrethiam ti raw,
Ni lo se zawng tun ah hian ka nung tawh lo ang.

I mi hmangaihna ang reng reng hi ka la tawng ngai lo,
Tawng tur pawn ka lo in beisei ngai lo.
Mahse maw I hmui no tak ka han fawh chang te hian e;
Hmangaihna in a thil a lo tih theih zia min hriatchhuah tir thin.

I sakhming te chu chung thangvan ah te khian ka han ziak thin a,
Mahse thli in min lo len bo sak leh si thin.
Tiau vaivut ah han ziak I la tuifawn te chuan an fawn liam bo pui thin,
Mahse ka thinlung a I hming ka ziah erawh hi chu a nawhrehna a awm lo.

Marema

Similar Posts:

• Ka bat a ni
• I vanglai hian i siamtu hre reng rawh
• Ka vei reng thin che asin
• Ka Zirtirtu
• CANCER leh HMANGAIHNA

Recent Posts:

• MIZORAM POLITICS A PARTY TE INCHIRHTHEHNA TAWP THEI LO: KAWNG CHHIA “MNF hovin anmahni mawng an hlim”
• Dawihzep
• CALL GIRL AN TI!
• PI ZIRI A CHING EM NI?
• ENGVANGIN NGE CHAKMA TE HI AN RAM AȚANGA TLANCHHIA IN MIZORAMAH AN RAWN PUN LUAI NA CHHAN HI.

This entry was posted on Thursday, June 7th, 2007 at 2:54 pm and is filed under More than words. You can follow any responses to this entry through the RSS 2.0 feed. You can leave a response, or trackback from your own site.